عزيمة ملك !!!

موضوع: عزيمة ملك !!! الثلاثاء سبتمبر 16, 2008 3:01 pm

مرة ملك قالت الي إمــــــــــــــي = معزوم عاسفرةّ غدا مـهــمـــــي
عالعزيمة بثوب عــــــادي راح = مابيعرفوا اسـمو ولابـّسمـّــــــــي

الغاية رجع يلبس التاج بنـــــاح = والناس تحنيلو بهالمـــهــــــــــمة
تفضل عاراس الطاولة ورتــاح = وكل شخص قـلّـــو بتنفدى بدمـي

وبجاط سلطة قال كمي سبــــاح = وشباع عني اكــل ياكـــــــــــمـي
للثوب كنو الاحـــــــترام شــلاح = بروح وفكر هبطــوا من القـــمـة

وبصوت عالي عالسفرة صــاح = كول ياكمي قــبل تـــــــــــــمـــي
وبعض الشبيبة بمنتدى الصلاح = عم يعزمونــــا ع الغدا تانروح
والاحترام بيعرفو مذمة
=========

مش هيك صار سماع يا عمّار***رح خبّرك عن ها الملك ....!!!شو صار
فلاح عندو ديك صار سميك***ومعزوم عا الضيعة الملك مشوار

ولو تعرفوا جايي الملك ببويك***شو طوول يمكن ست سبع متار
وحولو زلم زعران وزماميك***سألوا خدونا لعند بو خطّار

وأبنو لأبو خطّار عمرو الديك***بينام حدو بظن ليل نهار
وهوني الملك بيحب بطنو وفيك***تقّلي بربك كيف ما بيحتار

بيقدر يأمنلو العشا يا شريك***ألا ما يدبح ديك أبنو وكيف
بيحضّر لوقعة ل ملك جبّار

مرة قصد إنسان حــــــاتم طي = تايشوف جودو بنفس مشــتاقـة
بيقوم يفقشلو بصل بالـــــــــمي = من كثر ما الاوضاع منضـاقة

وفل هالضيف وطـــبــر بالحي = عرفتوا ذبحلي حاتــــــم الناقة
حتى التقى بحــــــاتم مغَيَر زي = ولاصم ناقلو خــــــبـار براقة

كيف قلت ذابحلك يا ابني خطي = قلو شو بــــــــدو قـول بعياقة
مش رح تصــــدقني لا إم وبي = ومن وقتها صيّت حكو ورتاح
صفى مثل مع ناس سباقة
==========

مشرف عدد الرسائل : 519 تاريخ التسجيل : 15/03/2008

منشان إحكي الصار بالمـــــــلقى = هدّي عصابك بس تاتلــــقــــــــى
بخليك تفقع ضحك ع اللّي صار = سمط الغمم للذقن مش حلــــــقـــــة

أصل العزيمة بحارةّ الثـــــــــوار = وكل الرعية عندهـــــــــــا جلــقـة
بتسمع ملكها بينده الانصــــــــار = ذقتوا الطعمة والحكــــــــــــــم فلقة

المطلوب بنا ننتخب مخـــــــتار = الاصوات صبوا رصـاص بالطلقة
ولما نجح إنـسان ثاني صــــــار = عملوا العزيمـــــــة ووسعوا الحلقة

الغاية ذبحلو دجاجتين زغـــــار = وكل شخص صـار يشـد بي شـلقة
ونييّة الطبخة وبعدها ع النـــــار = والرز رشّــــــــــــــوا عيونهم بلقى

العم يبلعوا بالريق كانوا كثـــــار = بس الصبي بعينين مـشـــــتـــلـقــة
قال الحقيقة بنهدتين كــــــبـــــار = يلعن الساعة الهيك فيــــــهــا راح

يتفرّج عـّلى الجوع بالخلقة
==========
وهيك صارت القصة ياشباب

قصةّ هالملك من عهد مــاضي = بدو من الرعية شخـــــص قــــــاضي
نقـّى فرد لكن من خوانـــــــــو = مش قاضي حكم ع الحـــــكم قــاضي

الغاية تلاسنوا بعهدو وزمانـــو = قسم مسلحين بسيف مــــــــــــــاضي
وقتلوا الطفل حتى الأهل هانوا = وعلى مأداه خلوا البي مـــــــــــاضي

وبعد ماوقـّع تزعزع كيــــــانو = وركض تايشــوف قاضي الفيه راضي
مش داري في قبلو تنين كانـوا = برشوتهم القاضي كان حـــــــــــاضي

الأول حط من ليرةّ حصــــانو = وبي بطيخة دحــــــــــــشها بالتراضي
الثاني ديك قدملو ورهـــــــانو = يحكملو براءة بالتغـــــــــــــــــــاضي

ولما للملك نادى بلســـــــــانو = ونطـــــق وتسّود الحكــم البـيـــــاضي
بدنا شاهد بقلبو إيمانــــــــــــو = مابدنا شهود ع الحيـــــــــــــطان تقفز
وإيمان قلوبها من اللب فاضي
===========
لاء القصة هيك صارت

معقول هيك يا جماعة، حيرتونا، يمكن القصة صارت لمن واحد أهدى حبيتو ببغاء وسألها تاني يوم، كيف شفتي الببغا? قالت لو: عادي، بس طعمتها متل طعمة الدجاج. أو شو يا سليمان

ايدمون شب بيعشق مراتو***وبيحبّها من داخلو وزاتو
طلبت هديّة يجبلها عا العيد***وهوّي بيهدي وهيك عاداتو
****************
عا السوق راح وببغا بيشوف***وبيقول هيدي هديتي ها العام
وحطّا بقفص المعتر وملهوف***يسرق الضحكة من قلب سيهام
******************
فات وتركها مفاجأة بالبيت***وراح ورجع يسأل عا الهديّة
وما شم ألا بس ريحة زيت***وقالت حبيبي طيّبي...!!! عا الفحم
لكن عملّتا اليوم مقلّيي
هههههههههههههههههههههههههههههههههههههههههههههههههههه

وهيك صارت القصة يا ليلى