عركه جديده

نحنا عرب والمرجلي بأشعارنا....وحد الأسودي بتندفس يا فارنا
نحنا البلاغة معتّقة بجرارنا....ومتل الخمر بالراس خدنا تارنا
محمد صديقي تنينّا بمشوارنا....زرنا المجد والمجد زاتو زارنا
وقبرك يا عوعو ضل مسخرة البشر....تعلّم يا طش ...!!!الموهبة من فكارنا

موضوع: رد: عركه جديده الخميس أكتوبر 02, 2008 3:57 pm

ي محمّد كتيره عليك بهـ المجال = تكون الوسخ ورماد أزغر منفضه

يا غشمنه بقاموس أفكار المحال = إركع ي زيح الشعر ع جرين الفضا

أكبر جريمه حضرتك تكسب دلال = وتبقى سرار البطش عندي غامضه

وحتّى تحاسبني إلك عندي سؤال = عمرك سنينو كيف هاوي تنقضى

* * *

ويا شامخ المولع بصفصفة الحكي = يا قزم فكرو تعمّد بكل لوفكه

خمر الوحي من فلتنة شعرك شكي = وتار القوافي عا فقر دمّك بكي

يا ضايع بجولة نبوغ وتكتكه = انت الخدم والمجد تاجي بمملكه

ومن قوم كفّار المعنّى والقصيد = غدرو نبيّ الموهبه والفذلكه

ويا اخ شامخ بكلمة عرب انا قصدت التعريب

ومش العروبه ومنضل اخوان مهما قسينا بعض بالزجل

وتحيّاتي من القلب للجميع

موضوع: رد: عركه جديده الجمعة أكتوبر 03, 2008 5:46 pm

تمعّن بشعري وشوف شو قصدي وعود....اشرح شرودك ليش ما قدرت الصمود
تاج الملك بيضل محمي من جنود.....صانو حدود المملكة وحفظوا الوجود
مش متل شخصك ضل مؤمن بالوعود...ولسان فالت متل فلتات القرود
وجايي انا وميمو تا جلدك نسلخو....ونحرّمك ما تبيع أرضك لليهود

يا أخ علي نحنا كلنا اخوي وعم بنعالج موضوع شعري مش عم نحكي سياسي
وفيك تواجه الفكرة بالفكرة وانا ما قصدت العرب كمان قصدت التعريب هههههههههههه والراء مكسور ب عرب
شو يا محمد مو هيك هههههههه

موضوع: رد: عركه جديده السبت أكتوبر 04, 2008 10:10 am

شعرك ع لهبة عفّة صمودي برود = ي مشرّد بهـ الكار لا تهجي الشرود

انتو جنود بإمرتي وفوق الحدود = بسيد البلاغه الحر لا تنكر جهود

شخصي وضميري تعذبو بسجن الوجود = وسجن القضيّه لـ مرمر دموع اليهود

وميمو وشوشو من الأرض زودة عذاب = زياده بأجري من عمالة هـ القرود

والسجن حقيقه يا اخوان مش كذبة شعر

وكان بسبب عدّة مواقف

موضوع: رد: عركه جديده السبت أكتوبر 04, 2008 10:28 am

وين العمالة بشعب قاوم ها العصر....وعاف الملاهي ...وشوف شو صار ب مصر
كان الملك فرعون يسكر بالقصر....عا كاس خمرة معتّقة...وهزة خصر
وانتي غريب بواقعك مش للحصر....ودموع أهلك بعتها...هيدا قصر
وشامخ وميمو استأسدو برد الوطن....ومش رح بنرضى غير بقواص النصر

طلوع من سجنك وشوف النور يا أخ علي والشمس ما بتتخبابأصبع

موضوع: رد: عركه جديده الأحد أكتوبر 05, 2008 2:57 pm

بمصر القداسه الشعب عار على التراب = وفسق الخمر ورّث فقر قلبك عذاب

وما كان وحدو الملك يا أغبى الشباب = يسكر ت لفّى من الشعب حسنه ورباب

بجروح أهلي الدّمع يا ممروض طاب = وما بعتها نثرتها بردّة عتاب

حيث اللي متلك مر ع المشهد يسوح = غير اللي متلي النصر شالو ع الرقاب

* * *

ببطشي ونضالي الجن كنّ ارتاب تاب = وفكّ السبع من زأرتي بسرساب ساب

اخ شامخ ما هي قضيّه اذا زدنا بيت ع الخفيف

بعد ما الفقر خيّم والكابي....على الفلسطين ...رح حدد جوابي
أجى المحتل يدفع مال أصفر...تا ياخد أرضنا وهوني الغرابي
ويا بن خربان تاريخك تزكّر....قبلت السجن ...ما عندك صلابي
وانا وميمو دفعنا دم أحمر....وشرودي كان صورة عن عذابي
اانا هاجرت خلف البحر أسهر....عا جرح معزّر بفترة غيابي
وعصرت الوقت حتى صار يكبر....حلم موعود مستنظر أجابي
انا انسان بتعذّب ...مسمّر...عا صورة أم عم تبكي ...بمخابي
ب بيت محاصر وملجأ مدمّر...وبيّ بيشحد اللقمة عا داابي
انت خربان فكرك يا مشحتر...قبلت الذل يا مير الشهّابي
ورركعت وبست رنجر كل عسكر...تا تاخد قرش متعوّد ورابي
انا الفكر الأذا سافر تحرر....لغير الشرق برفض أنتسابي
انتي يا علي شاعر معتّر....ما عندك ذوق في عندك عصابي
جيهاد الحاورك معلوم...!! أشعر...ترك المحاورة وحكي السبابي
ومحمد دشّرك ..بلّشت تبطر...ومتل شي بووم تنعق بالخرابي
اناا شرقي وقصيدي مسك عنبر...بعنبر شعرنا خليّك غابي
اوهلق يا علي عاالذوق تشكر....خسر شامخ بجولة انت فيها
وربح بالمنتدى فن الكتابي

شكرا أخ علي عا ها المحاورة حبيت انهيها لسبب السفر غايب شي شهر عن المنتدى

اسف على التأخير

الكومبيوتر ملان مشاكل

بعد م وهبت هـ الشوشو دلالي = وعطيتو للفدا أكبر دلاله

ع ردّ الشعر داخ وصار يدمع = ت يشحد جنى أشعاري وغلالي

ي حربايه الدواعي ما بتنفع = لانّو القلب ايمانو مثالي

وانت هرطوق قمح الكفر وزّع = على الزعران من غشم وجهاله

شرود ودم بكفي تضل تشقع = دجل مرفوض بمجال العداله

وميمو بالشعر ما كان يدفع = ت يدفع مرجله من عزم بالي

ي تارك ساحة الأفكار إرجع = بلا ما تركع لـ رقص الحثاله

وخلف البحر تتجاهل المرجع = لفنّ الشعر وفروض الأصاله

وصحيح انسجن جرحي بكل موقع = وم في شاعر قدر قاوم مجالي

الخيانه قشعتها فيك وترعرع = فجور الشر فيك وكاس حالي

وجهادك بلّش السب المجعجع = وزجلنا بهدلو في هيك حاله

الشرق م بيقبلك يا هـ المقنّع = ضلّ بغربتك غنّي ليالي

وانا من عب سجني بكل مطلع = جبرت الناس تمحق كل نداله

بشعر مقاومه للدّهر روّع = حكم ملعون من أوبة عماله

ي خاسر حل عنّي الجو سقّع = برادة دمّك بتتعب ضميري

وم فيها الجمر تسرق من نضالي

وان شاء الله ترجع بالسلامه اخي شامخ

» عركه شعيبيه
» الوسوف يسلم جديده في أبريل
» جون اللقيس وفادي فياض وبحر الزجل عركه ارتجاليه