قصيدة غزلية للشاعر داغر داغر

داغر زكريا داغر

ما صدقتني عشقتها شتقتلها***الا بعد ما قسمت و حلفتلها
و لما التقينا الناس حبو يسالوا ***يا جهلة الخمسين شو قلتلها
*********************************
قلتلها باب القلب دقي***تا اعشق الحلوين من حقي
مهما يقولوا عن هوانا جنون***اجمل كلام الحب تتلقي
صوب الغزل ما بيوصل القانون***حاجي عليي بالهوى تنقي
ابتسمت و قالت حقك و بتمون***فتح عيونك عالحلا و نقي
*********************************
بين الصبايا جلت بعيوني***تا شوف مين الانسب و اكمل
و عندا شفافي و لطف و ليوني***و معها ليالي حبنا بتكمل
حبيت نقي للقلب موني***كلن صبايا ملاح بالمجمل
و منهم صبية زادت جنوني***تنقل قبالي بغنج تتدلل
قلتلها لحدي تعي و كوني***انت الحبيبة لبينهم اجمل
***************************
و منشان اوفي للحلا و عودي***صوتك انا للحب انشودي
شمس الحلا بتشع فوق جبين***عا عنقك نجوم السما عقودي
عا كتافك العقبان بكوانين***عا جبينك النسمات معقودي
و تحت العنق دخلك يا خالق عين***واحات فيها معقل اسودي
********************************
و عيونك اللبتزت صوبي سهام***عادت تبلسم قلبنا الدامي
خدودك جنينة من حبق و خزام***عا كل ميلة منطبع شامي
و مهما يزيدو بسنك الاعوام***بتبقي صبية شامخة القامي
انت اللحن عا نوتة الانغام***انت حنيني و نبع الهامي
ضلك معي بجنينة الاحلام***و لا تفزعي لولا سبقنا الليل
جوا بقلبي هون بتنامي

****************************************
انا من الحلم وعاني زماني******عاشو زعلان يا فلان الفلاني
و ليش مطلق البسمة الهنية******تبقى بكل هيصا اولاني
جاوبتو بكل صدق و حسن نية******ما عندي حب ذات ولا اناني
و لا بدي مال احمل عا يديي******و بلا السكان شو نفع المباني
قلي حاج تحكي بالهقضية******لانو في لها قصول و معاني
ما فيك تجابه مواج العتية******ولا فيك توقف جنون العياني
هوني شعلت بجسمي الحمية******و عطيتو هالحقيقة عن لساني
انا انسان في عندي هوية******ما ببدل هالهوية يا وطنا
و لا بقبل موت عندي راس حاني

هذة الغزلية القيت بمناسبة احتفالات عيد ما نهرا برحليون