وين تايه وهربان !!!!

مشرف عدد الرسائل : 519 تاريخ التسجيل : 15/03/2008

حرف الربيع وكل ازهــــــــارو = وشهقةّ كـــــمـــــــام الورد لزرارو
ودّى سلام النحل ع الأزهـــــار = وغذّى القفير بشهد أقــمــــــــــارو

ومش كل بستان امتلى أثمــــــار = كل البشر بتحب أثمـــــــــــــــارو
ولاكل من صفصف قوافي صار = شاعر بتهوى الناس أشعــــــارو

اما ببرحليون يا شعـــــــــــــــــار = عرفتو الحرف والكل انـصـــارو
بالأرتجـــــــــــالي كاز فوق النار = ومغوار فات بسوق مضــمـــارو

ولما اجاني بآخـــر المشــــــــوار = شويعر وجاهل درب مـشـــوارو
ولمعلمو ياما فركت منخــــــــــار = وهلق اجا بالدور منــــــــخـــارو

قبلي قالولي علقت مع عمـــــــار = الرابط عطوني وشفت لـتـــباروا
شلعات بعثت ذيــبـــــــــها الغدار = يلاقوا ملوك الشعر وكــبــــــارو

وعمار باقي للشعر عمـــــــــــار = سليمان لا بس تاج بفـــــــكارو
للشعر خلقوا نقطةّ البيــــــــــكـار = وإرتكاز النت وســــــــــــــرارو

جمّع شو عندك بالدني شعــــار = الرجّال بيحـــــــــاول أخذ تارو
ودي ورا الرورو اذا بيـغـــــــار = وفلان وفليـــــــتان وين صاروا

بتقشع ساعتها الرد كل نـهــــار = وبســـــــــاحــتي كلن سوا نهاروا
وبضل وحدي قائد الثــــــــــوار = حرف القوافي وحرف أهل الشعر
المافي ولا شاعر من عيارو
=============

شو قال أبن القافية شوفوا***حرف الما عندو ذوق بحروفو
ناسي أله الشعر بو شربّول***وما في ولا جربوع بصفوفو

قلنالك الينبوع دربو نزول***وأزهار حمرة بيعزم ضيوفو
بلّشت تحكي كلام مش مسؤول***وتهجم عا شاعر رعبتك أووفو

سليمان يا حرّوف عرض وطول***جال المواقع خش بدفوفو
وتا تقول لابس تاج بدنا نقول***متل الكأنك دايق كفوفو

ياما عا أنترنيت عملوا فصول***وكل شخص منّا بتحكم ظروفو
ورجعوا هريبي يا أبن الأصول***وما ضل شاعر متلنا عا النت
ولو فات حتّى بي أسم فوفو

وعمار شاعر نت متحرّر***بيشلخ الرووس بسيف مش خنجر
والغدر عندو خط أحمر صار***وعندو رسالة الشعر مش أكتر

وبرهوم شاعر موهبة وجبّار***وأبيات أبن سجيمنا جوهر
وعندك علي عامر قصيدو غار***وجيهاد شاعر شب وبيكبّر

وجورج التركنا بنكهة الأشعار***شعرو طبيعي ومسك مع عنبّر
ومفيد معنا صار أبن الدار***وامطانيوس شاعر غزل دفتر

وحنا العتيق معتّق بفخّار***وحسّان شاعر حلّق وطيّر
وشامخ نسر فوق المجرة طار***ويا بو زكي عركاتنا تزكّر

ألا حرف بيضل ليل نهار ***يكتب قصيد مطحبش مكسّر
لا صار شاعر بعدني محتار***ولا طعّم الأبداع عا البيدر

ونحنا فتحنا النت يا شعّار***تا يطلّ جيل جديد عا المنبر
وبمنتدى سليمان أو عمّار***عنّا صفوف بمدرسة أبداع
واللي بينجح شاعر مسوكر

مشرف عدد الرسائل : 519 تاريخ التسجيل : 15/03/2008

ضيعة جميلة وللزجل عنـــوان = فيهــا زجلنا تجوهـــــــر بنَصو
بميل القلب بشمالنا العـــــــنوان = والأسم برحليـــــــون منخصو

البير الحلو فيـــــها عدل ميزان = تســـــاوى بحكم العدل ع نصو
فيها الطهارة وأديرة ورهبــــان = بعين الأدب والفــــــقـه بيبصوا

وشعارها خلقوا كبار الشــــــان = سطــــور البلاغة للشعر نصوا
فنانها جوهر تبر رنـــــــــــــان = بســــايد كرمها ومنبرو توصوا

والحرف لما تقدمس بلبــنـــــان = تصور ع صخرة بحفرها رصو
بعدو خلق حرف الزكي الفـنان = لســــان الخصم بالحرب بيقصو

مارح بسمي فلان وفليــــــتـان = بجولات شعــــــري مابينخصوا
بس العجيبة بموقعو سليـــــمان = بكل شي بيشبه أهل برحليـــون
إلاّ بقول الشعر ماخصو
===========

تعوا بو شربل على الدرب دلـــوا = قبل ما إفرطو وســــوِّد سجلـو
استنجــــــد بالجماعة وياجمـــاعة = حدا مع حرف لاتغلط يقــــــلو

غزيت النت وفتحــــــــت الاذاعة = حتى كل فرد حقو وصـــــــلو
وسلخت الذوق بحروف الشجاعة = ومنعت الهاجموا قبالي يطلــوا

انا مابخاف في عندي شجــــــاعة = وشعري بتعرفو جوهر ع حلو
وتا إهجي الكل ماعندي منـــــاعة = البدو يساندو مجبور ذلــــــــو

انا بهالكار في عندي قنـــــــــاعة = كبـير الفن بحترمو بجـــــــلو
ولطفل المنبر منسّي الرضـــــاعة = كلما بشعر إنـكـغـة بــقــلـــو

مرق عمار بحروبي تداعـــــــــى = ومعو سلـــيمان بالشركة بيمِلّو
ضغط شوي تاطلبوا الشفاعــــــة = الكواســــــــر بالجدايا ماتسلوا

وتاإرجـــــــع ليك ياطالب الطاعة = بسحاسيحي العلى خدك تجلوا
الشعــــر مابتفهمو صاير فضاعة = ونحر إبن الحكــــــاية بستحلو

اذا بالمــــــوت في عندك ولاعة = تعا ولاتخاف زرعك محل غلو
القيامة قايمي وبربــــــــع ساعة = راسك بقطــــعو ولو كان حدك
تاريخ وزجل لبنان كلو

====================

ياحرف قناع لاتعاند قـــــراري = لأنو فيك مابلـوّث فــــــــكــاري
انا وبو شربل الكلمة الصريحـة = ملوك النت والمتــلك جـــــواري

غزينا مواقع برأيك مريــــــحـة = دروس نلقن وحـوش الضـواري
حتى نأدب نفوس القبـــــيـــحــة = بمدارو الشعر زنجـرنا ومداري

وانت لو كانت عيونك بديـــحة = العين مابتقدر المخرز تبـــــاري
النبع لا تشبه بنقعة شحيـــــحــة = البحر مابيبلعو ولا نهر جــاري

مع سليمان ع فيض القريـحـــــة = تبين معدنك شـــــاعر عـِـياري
شركة بعدنا ووين الفضــيحـــــة = من عيارو ماكنت ولا عــياري

ولهالأسباب ياحرف السفـيحـــة = مابدنا خاطرك عـــــدنا نـداري
نوينا نقدمك نحــــــنــا ذبيحــــة = وع أيا منتدى ممنــــوع تـقرب
حتى لو كنت مشرف إداري
===========

ومابدي عود لــــيك العقل قـلل = لأنــــو شعرك زيادة ممـلل
حرف علة حقيقة صـار اسمـك = وشعرك متل الفاظك معـلل

ياتسلملي ساعور زغير كسمك = جدي الكشوع عنك مابقلـل
متل املح بذان شبيه رســـــمك = شــعر جبينك الغرة مجـــلل

مع سليمان لما تنين قسمــــــك = وقصك سيف عندو مايدلل
رجع عمار لزق لحم جسمـــك = حتى بـــعد تتقطيعو يقولـوا
ذبح المقطّع موصل محلل
==========

مشرف عدد الرسائل : 519 تاريخ التسجيل : 15/03/2008

انا بالشعر متلي مـــــــابلاقي = شاعر بكتب حروفي بمـــراقـي
وَحي يالنور من شـعري تدلّى = الزجل ما كان لولا إنبـــــثـاقي

ولما شفت عصر الشـعر ولاّ = وخفت أفول نجمو بجـــو ناقـي
وتجارة شايف الشعـــــار كِلا = طلعت ع النت رافق جيل راقـي

إجاني خصم ع حــــالو تبلّى = وقبل مايدخل بشطحةّ أفاقـــــي
قلت بتنين ع الفـضــوِة تسلى = وبالّلي صار تاخبّر رفـــــــاقـي

بعد مازحط سليـــــــمـان ولى = وإجا عمار بمحــــــــــلو يقـاقي
ع شكلو طل شكشكلو ســمالله = يرد العين رقــوة صرت راقـي

بو شربل قد مابحلمو تعـــــلى = حرف مابقبلو بعهدي وميثـاقي
شموخو بالشــعر للـــــدون إلا = باطي بقب تارفيـــــــقـو يلاقـي

ومتلو بو أسامـــــــة الما تجلى = الغطمطم حرف والباقي سواقي
ومازالو حرف للأصـحاب قـلاّ = البدو يساندو مجـــــــــبور ذلـو
يا أعمى القلب مش قاري وراقي
=============

حاجي يا ليالي الجهل حاجي***منّي تسرقي صفوة مزاجي
أنا عملاق بالموقع والله***بزاتو كان عم يحضر زواجي

يا حرف سماع من شاعر تجلّى***شو كان النت وضعو أعوجاجي
أجى سليمان بالأبداع خلّى***بحور القافية تشحد مواجي

رجع عمّار نكهة...!!!النت حلّى***وعطاكم دور والملهم يناجي
وانا يا حرف ما شديّت ألا***بعد ما لسانك المقطوش هاجي

ولأنك عنتر معنتر اسمالله***وطفل متعوّد على صحن ماجي
ولوما عيش عمري بفنزولا***تا كنت السيخ عا عنقك وضعتو
ودبحتك عا الغدا متل الدجاجي

مشرف عدد الرسائل : 519 تاريخ التسجيل : 15/03/2008

مـــازال ببهورة مجاوب عـليي = انـــــــــــا الله وإله الشـاعرية
الزواجك بالشعر بيضل يحضر = وحملك ع العرس اجـمل هدية

عطيك شعر مني ومسك عنـــبر = وتشتشتك عـلى راحـات ديـي
رجع نقصك هجاني بحقد أحقــر = ياناكر فضـل حرف الأبجـدية

ومــــــــع عمار ياهاجم مبوهر = ع سـاحةّ سبع مابيخشى المنية
فيكم حرف ياما حب ينحـــــــر = افتكـرت ديوك ماطلعتوا وقية

بدون الحرف كان النت أعـثــر = وشعــر معهتوه كتبوا الأغلبية
وبطلةّ حرف صار الشعرجوهر = وحــنينو تلوهج بعين البــقــية

ومازالو واجبك بالشعر قصـــّر = وبأرض الغرب عامل عنجهية
قبل ماتعود ع الشاشات تظهــر = اذا مع حرف رح تغلط بِردك
محمّل ع بلاد الأجنبية
=========

يا ليلى فهّمي حرّوف ...!!1نادي***كفاه يجرّح ويبطر زيادي
أنا والشعر قيمة ومعنوّيي***وقصيدي مخمّر وعندي مبادي

أنا من عهد جدّي لعهد بيي***فطمت الخوف عا سرير الولادي
ويا دلّو اللي علق مرّة بيديّي***حنون....؟ وبس ما بملك فؤادي

انا ما بحب شوف زنود نيّي***الشجاعة اساس ديني واعتقادي
وعا انترنيت خليّت المنيي***تدوق الموت بشفاف الأبادي

يا حرف الجر لا تهجم عليي***وعا وجك شايفيين الخوف بادي
تعا بوّس يديي يا بنيي***انا بعتبرك بموقع ولادي

السفر لا تظن يا حوحو خطيّي***الظرف اللي جبر اترك بلادي
وتا قلّك يا حرف وبطيب نيّي***وحقيقة منتدى سليمان صفّى
أمل بيجّمع طيور الشوادي

مشرف عدد الرسائل : 519 تاريخ التسجيل : 15/03/2008

ياشادد ظهرك بحبةّ بطـــــــــاطا = وبي بنت الموهبة تفتح بطاطا
راسك قدر مابيكون قـــــاسي = بدي إكســــرو بساحةّ شماطة

معك عمار قلقاسة بنجــــــــاسي = راسـو وراسك بسكبو تــباطى
وبعدو الحرف عنوان القـــداسي = قوافي الشعر عم يدرز خياطة

ليلى مشرفة وحكما ع راســـي = وشعرك شايفي صارت جلاطة
ع درب الدين لاتمشي حـماسي = انا دين القوافي مش عباطــــة

واذا من عقال جدي العا قياسي = حملتو بخرط جنابك خراطـــة
حتى الناس كلا تدق كــــــاسي = وبقلب المنتدى قبرك تاخــلـي
غلط مع حرف كاتب ع البلاطة
============

يا حرف بنعرفك عا الشر نـاوي = وتركــنا حكايتك من دون راوي
النسر مابيجرحو عصفور متعب = السـبع مابيجرحو بالغـــاب واوي

الصقر عامل فضا الإلهام ملعب = الأرنب في إلو جحر الوطـــاوي
الأسد باقي عرينــــو الما تشعّب = على البيفوت غابو ومـوت هاوي

وتاإرجع ليك يا حرف المكـعب = يالابــس جلـد حرباية بطــــراوي
ان طبيت الطقية عليك أصــعب = بـنـيــــــةّ قلـبك بشوف العـراوي

انتبه مابحب بالاعصاب إلـعـب = أنا للشـعـر دكتورو المــــــداوي
وبخلك في إلو الجاحظ وأشعب = و جــودي بالشعر حاتـم الطــائي
القالوا بالكرم جودو سماوي

* * * * * * * * *
وانا مابحب حرف زغير جـلـّق = ولد بالشعــــر وعيــــونـو مبلق
استغل غياب فلسفتي البديــــعة = رجعت حتى لتمو الـباب غــلــق

لأنو حروبنا بتعرف وجـــيـعـة = حب الموهبــة بجهلو يطــــــلـق
نصحتك ياحرف قبل الوقيـعــة = مع نسور الزجل تبقى محــلـــق

قطيعة تقطع حروفك قطيــعـة = افتكرنا نجمك الشعري مــألــِّــق
لقيتو آفل ونجم الطلــــيـــعــة = قصد من جو برحلــــــيون حتى
بقلب المنتدى لحمك يعلق

* * * * * * * * *

وياراس الكاز بشريطــة نخشتك = لاتزعــل كـل مافيــها خمشتك
زقت زق يمـــكن غصب عـني = مَـنــّــو مـهـم بالآخـــر عفشتك

شو ناطر مـع أسـد دمك يحنــي = غزال زغـــير بالغــابة نهشتك
انكنت بسين لسبـــاعي مـــغني = فهد بتشـوفني بظــفـري هبشتك

انكنت بالآخرة عصفور جنــــة = النبي سليمان بيحـاكــي حبشتك
بس بمنتدى البـــــيـحب فـــني = كلما تطل بي جهلك ع بــــــابو
ع نار جهنم الحمرا دفشتك

* * * * * * * * * *

يا حرف الما ألك بالشعر مرجع***كفاك تهين شاعر ما تعاطى
مع اللي متل فضلك يا مطرطع***لأنك مدعّي وعندك بلاطا..يعني بلط هههه

بعرف قلت عن سلمون ضيّع***واكيدي حكيت رح يمرض تعاطى
الحشيشي والجنس يا شب أسمع***طريقي الموهبة...!!! وحاجي عباطة

ما جيت لهون تا اكل واشبع***بوطنّا بشبع بصحن السلاطة
جايي لهون تا أبني وأجمع***وأزرع وعد ما أزرع بطاطا

الصبيي الفايتي بصدر المفرّع***بجمال القد...!!! وبأجمل خياطة
هون..!!1 بتدخل...؟ بتدفع...؟ بتطلع***عليي بس ردلها الفراطة

وانا لمّا قصدت القرش أجمع***عا ايدي شد كبّرت البلاطة
وجبت عا النت سيفي وصرت أزرع***روس الموهبة وخيّط خياطة

اللي متلك ضل بالموقع مصرصع***وبجيبو يحزّك ويعمل وساطة
وكتر ما حزّك ومزّك...!!! بموقع***شفت دخّان أسود خلف منّك
موتارك صار لازملو خراطة

هههههههههههههههه راح موتارك كمان ههههههههههه

مشرف عدد الرسائل : 519 تاريخ التسجيل : 15/03/2008

انا حرف الزجـل والابجـــــــــدية = وِعـي قدمــــوس عيطلي يابيي
مرجع ما إلو حرف الزكــــــاوي = مافي ع النت غيرو مرجـعـيــة

الزجل ع النت مش لعبةّ حـلاوي = ومصاري تزت ع صدر الصبية
الزجل بدو محبة بفكر غــــــاوي = حروفو يرصّـــع الصبح وعشية

وانت ع الخير لما تصير نـــاوي = لحقـنـي بقـبّــسـك ع العنـتـــرية
ساعتها شاعر بعين الهــــــداوي = بقدر خرجـّك من تحت ديـــــي

وصديقك عيب عني قـال واوي = انا مابقـول عم بــــارز واويـــة
بلعب اعصاب مابفتح شكـاوي = ان ردتوا البهــــدلي اقسوا عليي

وياسارق كلمةّ بلاطة وهــاوي = مني تلطـش القـــــــافي الزكـــية
خذها وخوذ شو عندي غلاوي = ع شرط الشعر تحكي بعبــــقرية

واذا شعرك على الدخان حاوي = تعـــا تافهمك كيف القضــــــية
الزجل بالدين لو بدك تســاوي = ع رومـا روح بين البـــابــاويـة

بترجع حرف تترجى تخــاوي = وتندهلـــو ياحرف الأفضــلـــية
شعرك مرجع وانت المـداوي = وأبيض كل دخـانــك بيـطـلـــع
اتفقنا عليك بابا الشاعرية
===========

أ "لا حرف بيضل ليل نهار ***يكتب قصيد مطحبش مكسّر
لا صار شاعر بعدني محتار***ولا طعّم الأبداع عا البيدر"
أين العدالة يا ناس من هذا الظلم والتطرف الشعري غير المنطقي. وحرف هوي زينة الشعار

انزلي ياملهمي بشعر التجلي = التـاريخ سطــور والموقع مجلي
غطي ريشـــتك من دم قلبي = حروف الجــهل مابرضى تخلي

انا مايوم شعر الذوق قل بي = وبلا ماتــــــــقول لرفيـقي يقلي
انت جبرتني إحـكيك سلــبي = كثر مـــابضعفك وجهــلك تبلي

وتاترضى بشي ألف قلبة وغلبة = ومعـك بالشعر اتسلى تسلي
لأنو ماحدا بيقدر ع غلبي = وشو بعمل في تحت باطك مسلي

وبالنسبة إلي الدخـــــــان علبة = وسيكارة انكنت داخلها مملي
ع موقنا فتت كثــــرت غلبة = نسيت الفرفرة ان كانت كثيرة
بتكسر جانحك في كل طلي

* * * * * * *