وهلّق العركه مع مين

مسا الخير وآسف على التأخير اخ هولو كنت مشغول
وهي القصيده ع الماشي
ويعطيك العافيه

ي هولو الجن بالحظ المثالي = وعلّه مدجّنه بسمك المقاله

الغباوه راكبيتك من المطلع = سمك مخّك معبّى بالنخاله

دخيلك يا رماد اليوم إركع = وصلّي ل ربّك فروض الليالي

لأنّك حر بالختمه تلعلع = ي عقرب غدر سمك شراك صالي

ي سمك الزفت يا جايي مقنّع = بعفريت الخيانه والعماله

طوشت الكون بالقمل ل بيطلع = من أخلاقك ووحل النداله

شو صابك هامل الموضوع أفظع = من الهملو الأراضي والأصاله

وحكي ع شكالتك بتضل تشقع = سمك ي مخنّث بوكر الحثاله

الأفاعي سمها منّك بيفزع = وقلب ابليس عن همّك شكالي

وقدر بجهنّمك م تكد تجمع = حطب ت النار تحرق مجد غالي

ي عيني احذر ومن قبل اقنع = رح بيدعس شذوذك انفعالي

واذا فجعان بدّي اليوم اصرع = غشيم ومدّعي متلك ع بالي

ل بسمك الوهم بالشعر المزعزع = دماغي بالألم طيشو عبالي

وبرقّة ورقة البصله بنعنع = عيونك يا مشحّر بالبساله

ت دمع سميك من جفنيك تنبع = وتتبلبل بخيباتك ي غالي

أنا رقّة سياط ل عم بتلسع = عجلدك يا قزم جاهل كمالي

كتر م الكفر جوّاتك مشبّع = سمك ايمان عمري صار بالي

انا خيط الحرير ل عم بيلمع = رقيق وبدبح بهيبة جمالي

وانت يا خام متعفّن مصرصع = فقير بسمكك من الذوق خالي

انا ليزر نبوغ بكل موقع = رقيق وخارق بسمك الجهاله

وانت عتم المخربش يا مدلّع = قلت معليش برضاك اتّكالي

انا لهبة الرقّه اللي بتلدع = حنين وحب خير وقدر عالي

وانت دخنه سميكه بهيك موضع = ضغينه معمّده بجرن التعالي

ي فيل الفن يا هولو المجعجع = بشعرك سمك قبح من الوكاله

لا تزعل من عطاء الرب اجرع = خمر شعري ت تنسى بهيك حاله

بدل م تضل ع قبالي ملوّع = بإبداع الحلا برقّة غزاله

سمك صاروخ انت الموت فزّع = بحرب ممرمره قلوب الأهالي

ورقّة غصن زيتون المشلّع = انا للسلم وجروح العداله

وبعد م الشعر بالرقّه استمتع = أملنا ما يسمّك مخ أعور

ويرجع يرتمي ع الإرتجالي

تحيّاتي وشكرا