منافسة مع الفراهيدي

اعتزّ الموفع بعلومك***اووزن الشعر بمفهومك
ورح فصّلك يا وفاء***وأهلا وسهلا بقدومك
********************
هيك القرادة بينقال***وسبعة 7 تقطيعو معروف
وعا النغمة بكل الأحوال***فيكي تهزّي بعض حروف
**************
وبيت موشّح بالردة***بيعمل تغيّر
وسبعة الأول تا يهدّي***والتاني زغير ....... 4 تقطيعو تاني شطر
*************
وبيت المعنّى تنعش 12 يا بنت الحلال***وينرد لازم عا اليمين وعا الشمال
وهلق بقلك كيف بيطقّو القصيد***وكرمال عينك رح بفصّل ...!!!في شكال
************
أول شكل مكتوب للأبداع***وزنو قصير بينشقف أرباع
ولو زدت كلمة زغيّرة بيزيد***وبيصير بيت من المعنّى ضاع
*********
وتقطيعو 10 عشرة وزن قصيد عا القصير
أي بيت معنى ناقص كلمة

وشوفي كيف بتردي القصيدة عا القصير لبيت معنّى

أول شكل مكتوب للأبداع...؟كيف***وزنو قصير بينشقف أرباع...؟عيف
ولو زدت كلمة زغيّرة بيزيد..؟لون***وبيصير بيت من المعنّى ضاع...؟ضيف
******************
وتعي بتاني شكل يا عبقريي***تا قلّك كيف نظم الشاعريي
11 احدعش تقطيع ها الوزن الكتبتو***واذا في شكّ قولي يا زكيّة
***********
وهلق بلون الحلو...منّي اسمعي المظبوط***بيت الشروقي غلط...!!!ما انقطّعو شروقي
وهيهاااات يمّ الزلف...!!!وزنو بحر وشطوط***واللي بيكتّر حكي...!!!بيفوّر عروقي

************
وتقطيعو 14 اربع تعش بس انا برأيي الشروقي لازم يتقطّع مرتّين 7 و 7 سبعة سبعة تا حسّو موزون
وفي كتير بيكتبو شروقي ومشهوريين بس مش مظبوطة اذا ما في فرام بنص البيت من هيك فصلتلك ياهم رأيي الشخصي

موضوع: شكرا يا ملك السبت ديسمبر 06, 2008 1:44 pm

منكم دايما نستفيد
يسلمو ايديك وتمك انشالله إني فهمت الدرس،
رح أعرض عليك ابيات، يا رب تكون مظبوطة
إذا مش غلطاني بعتقد من 8 حركات على البحر المتفاوت - ندب.

مثلا
انْسَكْبِتْ دْمُوعِي الطَلِيقة *** تِنْزُفْ تْوَلّـع حَرِيقة
وأنَا بَعْدَك مِشْ طَلِيَقة *** مْكَبَّلِي بْذِكْرَى وصُورة

أَخَـدَك الموْتِ مِنِّي *** بَدَّلَـك بِ غصـي وعنّي
بعينييّ دَمْعَــا وأنّــي *** وبْصَوْتِي بَكْوِي َمْقُهورة

وشكرا كتير كتير كتير إلك خيي سليمان. عم عذبك.
الله يبعد عنكن الأذى وعذرا للبداية الحزيني.

تحياتي
وفاء