اشتقنا للشاعر بو شوقي

وحياة رب الكون مشتقلك كتير***وينك يا بو شوقي يا شاعرنا الكبير
نحنا ولادك بالزجل والمرجلة***وهيدي العجينة الطيبي منها الخمير

يلا تا نشوف

رد الشاعر بو شوقي عا السريع

ورح اكتبو باسمي لسبب عطل فني مع ابو شوقي ما قدر فات عا المنتدى

بو شوقي
اهلا بقاصد فوق منبر يعتلي = مثلك انا بالشوق عم اغلي غلي
تركت المراجل للفتوّه والشباب = شرف ياشاعر جول اعمل بو علي

رد سليمان
بالختيرة شو باك صاير مستحي***ولا تخاف مش رح شد حبلات الوحي
رح احترم كبرك ب عركات الزجل***ولا تقول بكرى عم بنضحك عا اللحي

رد ابو شوقي

تواضعت حتى طمعت ونويت الدغل = عند الشدايد بس بيفوز البطل
لو هرجوا الصبيان زادوا بالضجيج = تبقى المنابر حكر لشيخ الزجل
*****
الشاعر اللبناني

رد سليمان

شيخ المنابر ما ألو عنّا رغيف***تا يصير عزمو شب بالموقع عنيف
سليمان دم جديد غذّى المنتدى***ومنك شويي من الفزع بدو يضيف

عفوا عم بو شوقي بالشعر طبعا مع محبتي

رد ابو شوقي

شيخ المنابر بحر حامل بارجي = رغيفك يابطرس والشحاذي دارجي
رغيف القداسة سر من يد البخيل = وشعري أصالة من بحوراليازجي
[b]

يا يازجي اللي كنت شاطر بالنثر***ما فيك توصل يوم لمجال النسر
جيب الجديد بيطلع عيون السيمان***وسيارة البتصير هرشة للكسر
king

يامدعي ومغرور بصف الحكي = خالط علوم بجهل كلو فذلكي
مثلي النسر لوشاب يتحدى الصعاب =اكرج يادولاب الهوا بايد الغشيم
واندار دولاب الفكر مثلي ذكي

الشاعر اللبناني
ابو شوقي

بالعلم ما في كبير الا السنكسار***بس بعلوم الفيزيا طلعوا كتار
وملكة جمال الكون بدها شبشبي***وصعبي تبوس شفافها يا اختيار

ااووووووووووووووف اوووووف اوف

مبشر يا انبا وحيف شوحامل بذار= تفاخر ببوسات البغايا وكل عار
لوشاب راس السنبلي وفيها جنى = تشوف التواضع يزدهي بمحمولها
ومثلك فوارغ شامخا بالافتخار
****
الشاعر اللبناني
ابو شوقي

7arf كتب:: يا أبو شــــوقي الحرف باعثلك سلام = حبة زغيري بحقل صارت سنبلي
افرطها حبوب ورشها بأرض السلام = تاكل حبة سنبلة تصفي قـــــــوام
وكل قمحة بتنحني للغربلي
===========
تحياتي : وشوي شوي ع سليمان حرام هههههههههههه
:7arf:

7arf كتب:: يا أبو شــــوقي الحرف باعثلك سلام = حبة زغيري بحقل صارت سنبلي
افرطها حبوب ورشها بأرض السلام = تاكل حبة سنبلة تصفي قـــــــوام
وكل قمحة بتنحني للغربلي
===========
تحياتي : وشوي شوي ع سليمان حرام هههههههههههه
:7arf:

*****

عليك السلام ورحمة الرب الغفور = ياحرف فيك تجمعوا الكلمات نور
مادام موسم زرعنا حبوب السلام = حاضر يانور العين يا بدر البدور
ولادة نوايا الخير يرصدها الكلام = يبقى عبق فواح بحنايا الصدور
ولما عدو يهاجمك ما في ملام = الغربال يرصد وين بتكون الرجال
ااماالصدارة او شهادي بالقبور

***
ابو شوقي

سليمان كتب:: ااووووووووووووووف اوووووف اوف

مبشر يا انبا وحيف شوحامل بذار= تفاخر ببوسات البغايا وكل عار
لوشاب راس السنبلي وفيها جنى = تشوف التواضع يزدهي بمحمولها
ومثلك فوارغ شامخا بالافتخار
****
الشاعر اللبناني
ابو شوقي

سليمان

شو باك قلبك حنّ عا ليالي الغوا***وبلّشت تدمع بس ما عندك قوا
ختيار صاير يا أبو شوقي كتير***وبدّك بلنكة ووينش تا تشمّ الهوى

حرف كتب
تحياتي : وشوي شوي ع سليمان حرام هههههههههههه
رد سليمان
بها العيد باعت كل اشواقي ..طباق***علامة محبة سرمديّة واشتياق
وانتا يا حرف بخاف لو هيفا بست ***من كل بوسة مجمّرة يصيبك فتاق
هههههههههههههههههههههههههههههههههههههههه

مشرف عدد الرسائل : 519 تاريخ التسجيل : 15/03/2008

أبو شوقي كتب
======
عليك السلام ورحمة الرب الغفور = ياحرف فيك تجمعوا الكلمات نور
مادام موسم زرعنا حبوب السلام = حاضر يانور العين يا بدر البدور
ولادة نوايا الخير يرصدها الكلام = يبقى عبق فواح بحنايا الصدور
ولما عدو يهاجمك ما في ملام = الغربال يرصد وين بتكون الرجال
ااماالصدارة او شهادي بالقبور

***
رد حرف

بعرف بو شوقي شاعر بحلمو الرؤوف = حامل حنـــــــــان الأب والقلب العطوف
مابيعتدي وماخاف بالهيجة ألـــــــوف = خصوصي جنب أخصام جرحتها السيوف
أما اذا بيطل ع الموقع يشـــــــــــوف = أطفـــــــــال ضاعوا بالمعاني والحروف
بيطل حرف المنتدى يكتب إلـــــــــــو = بتبقى كبير الموقـــــــــع ونحنا الضيوف
===========================
وتحياتي والله معك عم ابو شوقي شاعرنا الكبير طقو لسليمان مازالو هيك بدو هههه
================================
================================
================================
سليمان كتب

بها العيد باعت كل اشواقي ..طباق***علامة محبة سرمديّة واشتياق
وانتا يا حرف بخاف لو هيفا بست ***من كل بوسة مجمّرة يصيبك فتاق
هههههههههههههههههههههههههههههههههههههههه
===============================

رد حرف

لاتخـاف هيفا بجنب نيلى بستــها = وبفرد عبطة بجنب نانسي حبسـتها
وحتى تشقشل انت بالقرق الكبير = غطيـــــــــتك وأكبر عباية لبستها
===========================
هههههههههههههههههههههههههههه بدك هيك إبشر

يا شايفين ا ل حرف بالعركة انبرق***بين النسورة طير قدّو ما مرق
وبيقول عنّي نزل قرقي بالزجل***وهوّيي مع المرحوم من ردّة انقرق
هههههههههههههههههههههههههههههههههههههههههه

مشرف عدد الرسائل : 519 تاريخ التسجيل : 15/03/2008

المرحوم او برهوم بالعركي اندعك = وجــــــــو النسورة بيتركو تايتبعك
كبرت عقلي كثير لكبار العقــــــــول = وكبرت قرقي وطابقو الفوقي معك
===========================
هههههههههههههههههههههههههههههههههههه

المرحوم عنّك روق بدّي خبّرو***وعا هيك علقة فيك الله يصبّرو
كلما تكبر قرق ب فن الزجل***كلمّا مقصّي بالمعنى كبّرو
ههههههههههههههههههههههههههههههههههههههههه

مشرف عدد الرسائل : 519 تاريخ التسجيل : 15/03/2008

بتخبرو شو همني هـوي اعتدى = عنك وعـــــنو للإدارة شكيلها
بكتير احسن صار ترك المنتدى = وتعمل مطهر والقلاف تشيلها
=========================

التطهير شغلة مقدّسة ومباركة***ولا تظن رح تحرج نبوغي بهالحكي
ومش بس بدّي طهّر بحور الزجل***رح قص شقفة من لسانك يا زكي
ههههههههههههههههههههههه

مشرف عدد الرسائل : 519 تاريخ التسجيل : 15/03/2008

لما لساني هيك صاير تقشـــعـــو = منـــــــــــو عيونك يامغفل دمـّعو
اتوعى مابعد القص ياشاعر كبير = ولاتخاف كـبر لحوَسة جايب معو

===========================
هههههههههههههههههههههه نصحتك لاتغلط مع حرف

كنت افتكرتك شاعر وعندك وعي***تاريك عاشق لحوسي يا مدعي
ومن بعد ما شقفة لسانك قصّها***ما فيك الا تلحس المبرد معي

ما بقا فيك تغلط انت مقصوص لسانك هههههههههههههه

مشرف عدد الرسائل : 519 تاريخ التسجيل : 15/03/2008

اخرس انا لوكنت تفكيري نما = والمبرد شبيهك بحربي إنما
رح اقتلك والشعر منك ريّحو = وارثيك بالاشعار لكن بالوما
=======================
وسلامةّ قلبك بس بالشعر طبعا

وهلق بدي الموضوع خشّوا يا دفوف***اشتاقت خدود الموهبة تاكل كفوف
لوما لسانك بالزجل ما بتنعرف***بتضل يا حرّوف حرف من الحروف

مشرف عدد الرسائل : 519 تاريخ التسجيل : 15/03/2008

بكتب بمحي بدون ما احكي بعجـل = وبالمنتدى كلـــــــــــو كتابة المرتجل
كل يوم ببعث ابجدية من الحروف = وقدموس تاني تعترف حرف الزجل
=============================
وانا اخرس رح بارزك يلا تاشوف

شو باك قلبك حنّ عا ليالي الغوا***وبلّشت تدمع بس ما عندك قوا
ختيار صاير يا أبو شوقي كتير***وبدّك بلنكة ووينش تا تشمّ الهوى
***
سماع الحكيم وروح بلّش بالمشي***دقّات قلبك عا المعاني كامشي
وقلب الما عندو باب يفتح عا الهوى***بيضل يحلم ب نسيم الفرفشي

*****
رد على سليمان

لا بعاتبك لو حكيت شو نفع العتاب =لا دارس و لاعلم عندك بالحساب
ولاسمعت شو قال راشد للصبي = عند المسير ودندنت عوج الرقاب
لما الحواشي تحت حملا تختبي = يحنوا عليها يشيلها اصفر الناب
عامل ياروميو بالمعارك كركبي = اسكت ياطيرالبوم لو حلق عقاب