خيي سليمان خلينا نكففي هون اذا بتحب

برهوم منّو اليوم ما بتخلّصو ......شّدّك تعمرك حد منّو يقلصو

بيقدر بايدو يملص حروف الدني.....مملص عقول العمرهن ما تملصو

رد سليمان هون

ما زال يا روّاد شنيّت الهجوم***وتنينكم عا حرف فضيّتوا الهموم
جايي انا خلّص حروف الموهبة***واكل دجاج المنتدى مع صحن توم
هههههههههههههههههههههههههههههههههههههههههههههههههههههههه

رد حرف هون

جايي تخلّص حرف ؟ يمكن بيفرحـوا = وبيفكّروا صاروا بّحرو يسبحوا
صيصــان بدكم نقد كلكتم ســــــــوا = واللي بشوفو ديـــك منكم بذبحو
===========================

رد سليمان عا حرف

هربان من برهوم عمرك ما تقوم***وتا تطقني بالشعر ما كن لو لزوم
انتي الوحيد اللي هرب من معركة***وان كنت حرف الموهبة صد الهجوم

يا حبيب القلب نحنا جينا ندعمك بس المرجلة رد بصفحة برهوم هههههههههههههه

رد حرف

رديت ع برهوم شو خصك معي = بيكفيك ع الحبلين معـــــــــنا تدعي
حبلة بيقفز جهل شعرك فوقــــها = وحبلة التاني مخصصا لأهل الوعي
===========================

رد رواد

نحنا منسبح ما منخشى من الغرق ......نزلنا ببحرك نار تا البحر احترق
صيصان ما بتقدر تمس جناحنا..... كيفتا ان صرنا ديوك بيكدّك عرق

مش انت يا سليمان فيك تلومنا......يما تفضي بالنا من همومنا
والتوم عنّا حر ودجاجاتنا .....بتفلفل لسان البيذوقو تومنا
رد حرف
حصاني خطم ع سرعتو في جبهتك = وكلما عليه حروف شعري يسافروا
يمكن مرق ذيلو ع مفرق جبهتــــك = يما دعس ع مـــــــأخرك بحوافرو
============================

رد سليمان

روّاد ليش تدق بسباع العرين***وما قدرت مرّة مع علي تنصب كمين
جينا تا ناكل توم بلدي انّما***راسين كانت حصّتي ومفوفشين
ههههههههههههههههههههههههههههه

رد حرف

سليمان لما عليك هالصوص ارتما = المرحوم دفشو المعركي ماقادها
هني ماكانوا مفوفشين وانـــــــــما = يمكن عليهـــم حرف نارو زادها
===========================

رد رواد
ايا سباع تهاب من فلفل الحار......وبيحركشو بالتوم والروس الكبار
من جون ما يخسن بيخلو ريحتك..... توصل على المريخ وتقلك سكار

هههههههههههههههههههههههه

يا حرف حاجة بهورة ولا انتحال...... شخصيّة الخيّال بعد الانحلال

مقطوش ذيل المهر وعرفتك منيح......راكب عا ضهر الكلب مش مهر الخيال

ههههههههههه

رد حرف

مهر الخيال كثير ع المتلك زغير = بعدن ماخــــــطوا يارواد شواربو
يمكن ع ابجر طل مع بييك سمير = وابـنو ع ضهر الكلب بقدر حاربو
============================

رد سليمان

الى رورو

احترنا عا أيّا راس بنشد البكر***وما في ولا شاعر فيك يا ابني شكر
بحر القوافي لو صفي مرّة وعكر***لا تأمن على الموج وتصفّي دكر
سليمان بالتورات يا رورو انزكر***حاكى الطيور وما حدا زكرو نكر
لكن انت ضليّت حصّ ..وأسم وتوم***وما بتنزكر الا بمقاهي للسكر

عنا بيقولو قد حصّ التوم
ههههههههههههههههههههههههههههههههههههههههههههه

رد رواد

بيي سمير من المنيح ومش منيح......بقطع لسانك سيرتو لو جبت هيك

كتيرة عليك ان جيت عالكلب بنبيح......ولو جيت عا شي حمار بزيادة عليك

سليمان شعرك تحت منّي موقعو......لولا قريه التم ما بيراجعو

وما بعود اقدر بيحياتي اسمعو.....كترة ما فيه عيوب مكتوبة معو

سليمان بن داوود بدي رجّعو .....تايشوف شو عامل باسمو ومرجعو

ولولا عرف شو عملت بياسمو الجليل .....بيغيرو وممنوع ترجع تتبعو

رد حرف

بييك منيح كتير عن فضلـــــــو انسمــع = متل الحرف بيضل عـــالي منزلو
بعربش ع جحش زغير ع ضعفك دمع = شاف الشوك للورد عــم يخلق إلو
==============================

رد سليمان

لا تدق بالتوراة وكتاب السميك***بتشوف نور المعرفة بسرعة عميك
بعدك ولد وبموقع الكلمة ركيك***برهوم فيك تشفّع ومنّي حميك
سليمان حكمة ومعرفة وبالشعر ديك***خلّى الزجل عا النت يا روّاد شيك
اسمي علم معقول مرّة تحذفو***لمّا عا جحشي مدقّرة بتسبق بويييك

مدقّرة يعني زغييري
هههههههههههههههههههههههههههه

هي محاورة صارت ب موقع عمار وهلق بدنا نكفيها بالنتديين وهيدا الرابط

http://7arf.editboard.com/montada-f3/topic-t502.htm#2394

rawad كتب:: سليمان دخلك لا تبلش بالزعيق.....عا جحشتي البتحب عا صوتا تفيق

منّي ولد بالشعر محسوبك عتيق.....مش متل عم بو بويك بالخصر الرشيق

من وين جايب حكم يا أغلا صديق.....من جدك العالنت عم بيبل ريق ؟؟

وراكب بويك مزني والزيق زيق.....بتشفيط وبتفشيط عالشعب الأنيق

مأكد الجحشة بتسبقك مازالها.....ولا يوم قطعتني على جنب الطريق

ها الجحشة الما كنت مالي سطلها***بلّشت بالقضبان انتي بقتلها
وسيارتي ما يوم بيّن عطلها***اجمل صبايا تشوفها وقفتلها
وتا تقطّعك لا تروح تقرب فتلها***لازم من الدرفات بس تفتلها
زمور واحد جفّل الجحشة طلوع***وخايف انا ما تروح تجفل متلها

ههههههههههههه

سيارتك لو بيقطعك بنزينها......عا هالغلا ما في جياب تزينها

وهاك الصبية جحشتي البتدينها.....أحلا الحلا ومعروف عن تكوينها

انمرقت بجنبك زايدة تلوينها .....ومكحلة ومحمرة بتزينها

مهما تزمر ما بلفت عينها .....وبتقول عن البويك ألله يعينها

شو ها الفصاحة فيك يا مستر رواد***اكبر جريمة سفّروك من البلاد
اركب الجحشي وروح تا تكفّي الجهاد***وابرم عليها متل هاك السندباد
وبدّك نصيحة بيعها وجبلك جواد***واعمول عليها قبل ما تفطس مزاد
صارت كبيري وما بقا رح تحملك***ركبلك شي مرة حصان اصلي بها العياد
ههههههههههههههههههههههههههههههههه ينعاد عليك

مش غصب عنّي مسافر بطيبي أنا......من بعد ما بلبنان هالوضع انحنا
وصرنا بدال الشغل نشوي كستنا......ويمكن غلا البنزين عيشنا بعنى
وبكرا بعد كم عام يا سليماننا .....منصير عن الجحاش ما النا غنى
ويمكن يصير الجحش بيساوي شبح.....والمهر يسوا ألف جحش بدارنا

عندك جحش مربوط بالقبو العتيق***خليه للحزات والأيام ضيق
تركلي بوييكي عليك مش ممكن تليق***بدها شوفار منيح بالخبرة عريق
انشفطّتها بتصير تاكل بالطريق***ومع شومخر معقول حطا بالفريق
ان ضلّت الحالي هيك يا مستر رواد***معقول انتا تبيعها بحق العليق

هههههههههههههههههههههههههههههههههههههه

سليمان من البويك خلضنا بقا ......حاحي تشوف الحال فيها مطقطقة
ولولا اشتد المحل عا هالمنطقة .....منبعت الجحشة تروح ترعى مسلقة
يعني الاه الكون من بعد الشقا.....بيقدر يأمن خبز تانعيش بنقى
وما بظن يفتحلك محطة بانزين.....تا شومخر البويك يرضى يسابقا

ولو صار وضعي سيئ وفي انكماش***مأكد ما بأني الجحش ببيتي ب بلاش
وعن شومخر معروف ما بيقبض معاش***سيّارتو بتعطيه ..؟؟؟كل ما يفوز كاش
معقول ..!!!عوز الجحش تا زقّ القشاش***وبموسم الزيتون يمكن بالحواش
ومن قلّة رجال الأصيلة بالوطن***صارت بها الأيام عم تغلا الجحاش
هههههههههههههههههههههههههههههههههه
اللذي يسقط من الصنوبر وهو يابس يسمى قشاش ويستعمل للتشعّيل بأيام الشتوّيي وللخبز عا الحطب بيشعل متل البانزين وكانو يزقّوا بالقديم
من الحقلة بالشوّال

من بعد ما غلّو الخبز والخير مات.......قل الأصل برجالنا وراح الثبات
و من بعد ما قل الوفا والتضحيات.......صرنا نجيب جحاش تانعيش الحياة
انشالله تكون عرفت قيمة هالنباة ......البيعيشك مندون ما تذوق الوفاة
ولولا بقيت بصف هال فورميلا ون......من قول انك صرت من صف الرفاة

لو مت ..!!!مع أحلام سائق بالسبق***بيكون قلبي للسما حلمي سبق
شوف العطر تا يعيش بالوردة عبق***وكل شي بيصير بها الدني عليه انطبق
والورد يا روّاد تا يفتّح طبق***وموّت براعم دابلة بقلب الطبق
لا فيك تقتل روح طلعت عا السما***ولا فيك تقتل ورد تا يعيش الحبق

محاورة ممتازة وموضوع مميز جدا. سليمان هو هو قوي العبارة متين السبك، يلعب بالحروف الثمانية والعشرين (تركنا حرف كرمال حرف) لعب السبحة بين أنامله فيمطرنا بطرائف لا نقدر معها إلا وأن نضحك.
أما الشاعر رواد فيظهر أنه مبارز محترف، وخاصة أن الدفاع عن وسائل النقل القديمة أمام الوسائل الحديثة أمر فيه صعوبة، لكنه برز فيه محاورا قويا. لذا جعلنا الشاعر الكبيران نستمتع مع قصائدهما الرائعة.

[سليمان لو بتموت أو بتروح روح......يمكن جهنم ناطرة بتروح روح
ما رج بيبكي عليك أو بينوح نوح.......وعا نوح اللي غاب لو بتنوح نوح
نوح القديم بيرجع يعلي صروح.....ويحمل غصن زيتون تا يشفي الجروح
لما يبشّر شعب بيحب السلام ......بيرد روح الزهر وبيرجع يفوح

بها الفلسفة ضيّعت رب السامعين***وما عدت اعرف وين رايح يا حزين
عطر الزهر بيفوح غير الياسمين***بيفوح متل الروح وبيرجع ثمين
ماء الورد بيعيش بقناني ومين***بيضل متلو قد ما تمرق سنين
البيروح ما بيرجع اذا بن حللو***بلّش بها الموضوع ان كنّك فطين

بلشنا ننزل عا قعر البحر غمّق خيي رواد اذا بتعرف تسبح

هل خاف سليمان من الضياع بفلسفة أبو الرور وهو يدعوه في الوقت ذاته للغوص عميقا?!!
وحلو هالعطر الفواح يا سليمان متل كلمات شعرك.
لا تستخف برواد فهو شاعر متين وعميق، ويلعب بالحروف ( لم نقصد حرف هنا).

اللي بيفهمو من السامعين باجتماع......لشاعر بيحب الفلسلفة وقلك سماع
ومين اللي قلّك روحنا بعد الوداع......ما بترجع وبتعيش من بعد النزاع
واللي كسرلي بجيل يا سليمان باع......برجع بتاني جيل فكّلو النياع
ولو قتلتني بتقمص بروح الشجاع.....وبرجع بقلك بعد هالمرة ركاع
بتفقس معي ساعة ما بدي بروّحك......وساعة ما عوزك يمكن بقلّك رجاع

شو ها الحكي الما فيك عنّا تصرفو***يوضاس مات وبالخيانة بنعرفو
وجندي الوطن حتى البيارق رفرفوا***بيموت زلمي وبالشهادة بننصفو
عندك بشر ما بيظهرو ا تا يختفوا*** وأجدادنا ما بيرجعوا تا يخلّفو
الخلّف ما مات ان هيك بيقول المتل***وأرواحنا قدّام الله بيوقفوا

يا مقتنع بالراح وافي وعودنا......من الأصل هالمبدأ غلط بعهودنا
يمكن صحيح الدمع فوق خدودنا.....ما رجّع الميت وفك قيودنا
لكن ببسمة عا شفاف ورودنا......بأطفالنا منرجع نشوف جدودنا
راجع المهدي تا الخير يسودنا.....التاريخ راجع عالمحبة يقودنا
ولا تكذب الانجيل برجوع المسيح......بتنقل عا نار جهنم من برودنا

رجوع المسيح منيّن..!!! قلّي ووين راح***ما زال زتّ الموت عا كتافو وشاح
نقّي ضميرك والقلب مرّة فتاح***بتشوف ضوّ المعرفة من بعيد لاح
البيروح يا روّاد ما بيرجع ارتاح***والورد بدو يموت كلما العطر فاح
لا العطر قادر يرجع ل قلب الورود***وحتى صياح الديك ما رد الصباح

موضوع شيق، أكملوا حتى نتبين الخيط الأبيض من الخيط الأسود.

ما زال نور المعرفة راجع هني......آمن برجعة ابن مريم عالدني
بتزرع الموسم قمح حتى تغتني......بوقت الحصيد بترجع تشوفو جني
ولولا الخمر تععتق بمية سنة.....بترجع بعد مية سنة تشوفو غني
ارجع لأصلك حد روح المؤمنة..... وآمن برجعة روح عالنور السني
والروح ما بتعيش لحظة بلا جسد .....بتروح وبترجع لعمر الولدني

شوف الحطب بيروح وبيرجع رماد***خايف انا ما تعود متلو بها العياد
ومنشان ترجع طفل بدّك شهرزاد***تخلق حكايا جوبيتير وسندباد
بس الحقيقة تنينّا صرنا بعاد***ولو يوم رحنا يا رواد على البلاد
كل قرش بدو ينصرف بعد التعب***بيروح ما بيرجع عا جيبي يا رواد
هههههههههههههههه

حرقني رماد بموقدة رب العليم......المهم انّي قدرت دفّيت اليتيم
وبرجع طفل تا اسلك الدرب القويم.....مع شهرزاد وسندباد وبو سليم
وما روح عا جيلك المنّو مستقيم.....الما بينعرف فيه الرجال من الحريم
ولما تسافر يا سليمان الوسيم.....ماتروّح البطلعو بشم النسيم
رجّع الفلس وقول هاي نعمة كريم.....ولما على لبنان ترجع يا فهيم
منقول انّك راجع وجيبك ملان.....وما نقول رحت مفلس وراجع سقيم

يا روّاد الي هاجر من بلادو***تعا تا نفهمّك قصة جهادو
الترك لبنان من مدّة بعيدة***تا يرجع عا الوطن عذّب ولادو

انا ما كانت السفرة بايدي***الظروف القاهرة منّي استفادو
رحت...!!! وسفرتي طلعت فريدة***ونجاحي عا الصخر كسّر عنادو

اللي راح وما رجع عندو عقيدة***الأمل مفقود هيدا اعتقادو
وجنا عمرو ما رح يخسر أكيدي***لأنو لو رجع منّو استفادوا

وانت يا صاحبي بكلمة مفيدة***لا ترجع متل ما الأجداد عادوا
قبل ما تجمع الغلة الوحيدة***وتقشع كل سنة الليرات زادو

وتحية صادقة بسنة الجديدة***ألك ولبيّيك الطيّب فؤادو
وترجع تغمر العيلة السعيدة***والأعياد تمرق بالمحبة
عا موقع شعرنا النحنا عمادو

بأسم الأدارة نتمنى عيد سعيد وسنة جديدة بالخير والصحة
[color=brown]

معركة حلوي يا شباب وردود موفقة وقوية.. وسنة مباركة على الجميع.