من اكون ؟

موضوع: من اكون ؟ الأربعاء ديسمبر 24, 2008 6:35 pm

انا بداية نهــــــاية ولانهاية = ونهـــــــاية كل انسان بقــوايي
انا بداية نباتـــك إحزروني = واســـــــم لبنان حاملني بوكاية

انا فــــــنان لازم تعرفوني = مين بكــون شو قصدي ومنايي
لما بتعـــــرفوني جاوبوني = اكتبولــــي الحل تاحقق رجايي

انا آخر زمــــن بيزم دوني = انا آخـــــــر مكان بقصد جايي
انا اول نمـــــير بيشربوني = أنا آخـــــــر حصـان بكل غاية

انا علقت من نارمين قوني = نهاية ايــــــمن بتصــبح بلايي
انا تلقبت سـيف باسم نوني = انا مع ناهدة عشت البدايــــــة

انا أول نمـر كاسر دعوني = انا اول نجيب حفظت ايـــــــة
انا بأول نــــوال بيقشعوني = وناجي واسم نورة واسم نايلى
ومنكم مين بيحل الحكاية

* * * * * * * *

مشرف عدد الرسائل : 519 تاريخ التسجيل : 15/03/2008

لاتآخذ الأسلــــــوب عن حرف بعـجل
ع قصايدك معتـــــــــاد يحكي مرتـجل
غير حرف ماحلل حروفك عم نشــوف
وخلاك حرف النون مش حرف الزجل
===============

موضوع: رد: من اكون ؟ الجمعة ديسمبر 26, 2008 11:50 pm

لم يسكت حرف لعمار ولم يأت رده كافيا، هل "يزكزك"حرف عمار? مع أن بداية عمار كانت قوية جدا، وكما تحتوي تحديا، فهي تحتوي استفزازا للشعار وتحفيزا على عدم لزوم الصمت. جعل عمار حرفا ينطق، فهل جلب الدب إلى كرمه، أم إلى المصيدة? دعونا ننتظر ولا نستعجل الجواب.

موضوع: رد: من اكون ؟ السبت ديسمبر 27, 2008 2:55 pm

ليلى كتبت
لم يسكت حرف لعمار ولم يأت رده كافيا، هل "يزكزك"حرف عمار? مع أن بداية عمار كانت قوية جدا، وكما تحتوي تحديا، فهي تحتوي استفزازا للشعار وتحفيزا على عدم لزوم الصمت. جعل عمار حرفا ينطق، فهل جلب الدب إلى كرمه، أم إلى المصيدة? دعونا ننتظر ولا نستعجل الجواب.
==========================
رد امير على من اكون

انا راسي ابتدا براس البدايه ------وبيت الشعر ما تكوّن بلايي
انا الراوي رغم ما بتشربوني------ونكرتو فضل خيري عـ القنايي

راسي انا عنو ان قَطَعْتوني ------و قَطَعتوني بلا سيف وعصايي
جرحي التهب وتحول سخونه ----- بتحرق من عصا درب الهدايي

واذا ضهري كثر ما حَمّلوني ----- انكسر, وانحل وِسْطي من شقايي
ساعتها بشوف عـ مرمى عيوني ----- اسمي نهايتو حفه منيعه
عليها تكسّر ولاقى النهايه
==========================

رد حرف على ليلى وحل لغز امير مهاجما عمار وابراهيم معا==========================

مازال الرد مش محسوب كافي = انا رح توجو وزيدو عـــوافي
ان قللتو عم يقولــــــــــوا قليلة = واذا كبّرت فزّعت الفيـــــافي

احترت بالشعر بين ولاد جيـلي = بليلى المذوقة برقـّة ولطـــافي
وبرهوم العمل ع الحرف حيـلة = وحكاني وقالها وج النشـــافي

وأمير التوّج الكلمة بمثـيــــــلة = تايروي كل متعطش بيعـــافي
ثاني وثالث حروفـــــــو النبيلة = لغزو بيعرفو حرف الثقـــــافي

وبقي عمار والباري وكيــــــلي = عليي بيشهد بسكـــب القـوافي
الحرف مش دب لكن يازميــلي = اذا بتحب رح جيبو ع كرمــك
رصاصك زكزكو بطول المسافي
============

والله يا آنسة ليلى كأنك قاعدي بقلبي . انا بصراحة حبيت استفز عمار
لأنو حكي معي ع الماسينجر وحسيتو متحييز نوعا ما مع ابراهيم وحبيت طقو
هههههههههههههههههههه بس بتمنى مايزعل مني ويلاقيني ع التحدي
==============================

موضوع: رد: من اكون ؟ الأحد ديسمبر 28, 2008 7:26 pm

رد مناسب وموفق وفلسفي.

موضوع: رد: من اكون ؟ الإثنين ديسمبر 29, 2008 2:29 pm

ياحرف بلأعـــــــــيــاد خلـــيني = كم لتر ســاوي حســـــاب قنــينة
من دون خمرة بالشعر سكــران = زايد ع بـو النــــــــواس دزينــــة

مش متل شغلك مهتري وطفران = غيري انـطرت تاالدخل يعطيـني
بدك تحدي فوت بالمـــــــيــــدان = رصاص ـ الحقودي مـــابيعنيني

جنّد شو عندك بالشعر قصــدان = ونقي شـــــــــــو بدك تاتسليـــني
وع الحــــالتين بتطلع الخســران = بكلمي ورصاصـة إفتح من جديد
وشرّف على الموضوع لاقيني

* * * * * * * * * *

موضوع: رد: من اكون ؟ الإثنين ديسمبر 29, 2008 11:44 pm

حلوي عمار، ولكن أبو النواس كان يحسب الديك حمار، فماذا لو زدت عليه " أمشتاقة تسعى إلى مشتاقِ"?