واخيرا وصلت للقاهرني !!!!!

مشرف عدد الرسائل : 519 تاريخ التسجيل : 15/03/2008

في بنت مرقت لابسة منديل
وعندا جسم عاجي على حلّو
بشرد بجسما ومن بعد تحليل
بلاقي الطريقة تا إستحلو

قديش عمرك ؟ قال نفس الجيل
واللي محرم ليك رح حِلو
ع شرط تانلغي الحكي والقيل
بخاتم الخطبة اللغز منحلو

لا تفكريني قلت شي زنكيل
معبي جيابي وللغنا بملو
ولو كنت حتى ماندفع برطيل
تاذوق عطر اللي أنا بجلو

قالت لأيا دين عم بتميل
وع أي شرع فكارك يصلوا
قلتلها هيذا سؤال ثقيل
شرعي انا عكس البشر كلو

وضّح قلتلي وحاجتك تدجيل
بعرف الحارق قلبك محلو
قنعتا بكلمة حاجتك تهويل
وقبلت معي وهان الأمر كلو

ونمنا ع نور الشمع والقنديل
وجسما بلا دستور ماقلو
بلشت قطعة خلف قطعة شيل
ولاتسألوا ماعدت عارف غير
إلا اللي قاهرني وصلتلو

***************
cheers

يا ألف حمدالله على وصولك
سليمان ناطر منك وملهوف
وخايف انا ما توقع بطولك
وما يضل عندك حيل يا حرّوف

ان ضليّت تهزي بالهوى مسكين
خليّك قاسي عا الحلا وبتشوف
نحل الغرام بيقطف الحلوين
وشهد المحبة الصادقة مقطوف

لا تروح تبكي دموعك بلا حق
خلّي الحبيبة تدوق طعم الروح
وقلب الما عندو حب ما بينشق
وبشرع الله محلل ومسموح
تبكي عا حالك بالهوى وتنوح

سر الحياة تعيشها وما تكون
معقد من النسوان وملبّك
وأياك تنطر قلبك المجنون
يقلّك حقيقة مين بيحبك

المغروم والمجنون هودي توم
طلعو سوا بالعمر مظلومين
داقو الغفا معقول قبل النوم
واللي غفي عا الجرح شو مسكين
بيضل ينزف ألف علّة ولوم
وما بيوصل على العاطفة تخمين
تا يشوف دمو منشّف وكل يوم
جرحو بيلوّن شفّة السكين
وان كنت هاوي بعمرك التلوّين
الريشي ألم والموهبة حلوين

مشرف عدد الرسائل : 519 تاريخ التسجيل : 15/03/2008

شو خصك بحرف الروى غلو
وبحروف شعرو المن زمن غلوا
المتلك حروفو رخصوا الأسعار
وحروف حرف الشعر بيغلوا

ياأبو شربل اول المشوار
منشان خلّي نجومك يهلوا
ع الحرف لاتقرب يا وصمةّ عار
تدنس الشعر اللي انا بجلو

بتعرف حرف من منتدى عمار
أللّي صبيعو عليه بيدلوا
مش بس ياذلو حكوا الشعار
بالإرتجالي الحرف بيذلو

وتانقول مبسوط بقدومي الصار
شعرك مخلي تبر ع حلو
واللي وصلتلو انا بنهار
انقضيت عمرك بالشعر مافيك
توصل محل اللّي وصلتلو

cheers

*************

عيبي عليك تصير حربايي***تمحي الحقيقة متل محايي
ما كنت عارف مدعي وثرثار***وكل يوم عم بتألف حكايي
بتقول عني صرت وصمة عار***ما العار منك رايح وجايي
زعلان ما خدناك ها المشوار***تحاور ملوك وترفع الرايي
نحنا ما بدنا ولاد شعر زغار***وعا المنتدى رح جيب لهّايي
ورح نطردك من منتدى عمّار***ونحطّك بموقع مع الأطفال
تا تضل تبكي وتلعب كفايي

شعر جميل وكلمات قوية

مشرف عدد الرسائل : 519 تاريخ التسجيل : 15/03/2008

يابو لسان الصار خرج القص = هلق لسلنك جيت تاقصو
حاجي بلهاية طفالى تمص = المنو منغض هون بتمصو

ومشيت قدامك ع درب الجص = سهسلك الطريق تارصو
لقيتك رحت صوب الوحل ع النص = ودموعك بجرن العين غصوا

وع سيرة المشوار يامنرص = ملوك الشعر في ساحتي انرصوا
وبكل موقع للشعر مختص = حرف القوافي بكلمتو اختصوا

وبمنتدى عمار بدك رص = انكنو معك عمار رح رصو
ورح ضل مابينك وبينو الأص = وانتو بنات بهالورق تانقول
شو قيمتو انصفى بلا أصو

***********

يا عيب الشوم يا حرف النشافي***عليي تصير سبع البل فيافي
انا عملاق منبر يا حبيبي***ما همو مين فايق مين غافي

عا أصك روح كبو يا عجيبي***من الطرنيب حكشي صار وافي
انا وعمّار ملكوت الكتيبي***وانتي شعرك معبّا سخافي

انا رسّام لوحاتي رهيبي***رسمت الزهر عا شفاف الحفافي
وتركت الريح ببلاد الغريبي***يسأل وين سلّو صار قافي

دفعت العمر بالغربي ضريبي***تا ارجع عا الوطن عرّض كتافي
ولأنو رجعتي صارت قريبي***جلدك سن يا مغرور حتى
بقضيب التوت تتعلّم قوافي