عودة حرف كرامة عين ليلى وكوبيلو 2009

مشرف عدد الرسائل : 519 تاريخ التسجيل : 15/03/2008

تعـا ياشعر تمتمني وإسعــــــــى = بشطحـاتي العا قد الكون شسعة
افــــاعي الشر مها الســـم دسـت = وزادت جسمها اللسعة بلسـعـــة

بحليب اللي عطـس منخار نسـت = بعالم هاجمي ع النت خسعــــة
ان شفنـــــــا نارها بالحقد عست = منبقى بخيرنا للشعر مســعى

ومهـــــمــا قلبها مع حرف قسّت = بقلبو ضل للأحــبـاب وســــعة
وبعــام جــديد قبل الحرب حسّت = التسعة ساقطـــة ويـاذل ذلــــو
البل ألفين بيعادي وتسعة
==========

وانا كرمال أخت العـــبــــــــقرية = رجعت ع المنتدى وكرمال خيي
وذنب برهوم إحسب ذنب مريم = المليـــــــــــــاني خطيئة المجدليي

ولأنو ربنا بكلمي ع مـبـــــســـــم = غــــــفـــّــــــار وانا واجب عليي
قلبي اجعلو ايمان مفـــــــــــعــــــم = وســامح بالقـوافي شويعـــــــرية

انا ماحسبت نفسي بّرد مبــــهـــم = مش مخطـي وحجر حملوا يديي
تركتو يعتلي ع خشاب ملـــــهــــم = ومحيتلو رســـــــــــالي جهنمية

طلب مني تامحّــي وحرف أجرم = تايمحيلو قوافـــــــــــي سرمدية
وقلت بعد التمحي الأخ حــــــرّم = يسترجي يجــــــــــي ويدق فيي

وانا مابحب حاور طفل مقـــزم = قبل ماذينتو فـــــــــــرفك شويي
واذا من فركةّ المنخـار يســــــلم = برجع حاورو بروحـــــي الأبيي

ولأنو خاف يتفرفك ويفـــــــرم = وحب يتـــــــوه من درب الأذيي
تركت المنتدى قلو تعـــــــــــــلم = وشفــــــــت تعليق فوق الجاذبية

قلت بتمون ليلى وبعد تكـــــرم = ولأنهــــــــــــــا فلسفية ومنطقية
بقلةّ حق تاهمها الأبكـــــــــــــم = ونسبها محييزي بالشعــــــر ليي

لهاالأسباب حرف الشعر ملزم = يوضحلو القضايـــــــا بهالخطيي
يامرحوم لو كنك معــــــــــــلم = بقلب الجامعة بتــــــآخذ دروسك
وعند الحرف درس الشاعرية
============

وإلو كم يوم عنـــــــا النت رايح = وزهر عطر الحرف ماكان فايح
غصب عني تركتو وخـفت يذبل = تامنو ينشـــق البدو روايـــــــــح

وإذا جينا تانحكـي العــــم بيحبل = ع كثر القهـــر بخسارة وفضايح
البيعادي الحرف بالأشعار اهبل = لأنو انـــــــكـان عنتر ع حصانو
بدو يصير منو الدم سايح
===========

وانا بسكب القوافي بتعرفــــــــــوني = عطـيـــــت الشعر أكثر ماعطوني
الصراحة بقول مش عم شوف حالي = خلــــــق حب التواضع ع جفوني

انا ع النت بطلع لا مــــــبـــــــــــالي = وتنك مابوضع لدرة مصــــــــوني
كبار الشعر بيزموا بسجــــــــــــالي = وأطافيـــــــــــــــلو ياعالم قرفوني

صار بدو يجي الكاتب رســــــــــالي = يعمل شاعـــــــــــر بساحةّ فنوني
وعلينا يطنبز ويعمل مقـــــــــــــــالي = يعلقها عريضــــــــــة ع حصوني

على راسي مرق شاعر خيــــــــالي = بسجالو ماشفت خابـــــوا ضنوني
المتل عمار وسليمان عــــــــــــــالي = بقلبي بحفـــــــــظو وداخل عيوني

وبقي اللي خيبوا زيادي أمـــــــــالي = بجوز الهند طلوا يحـــــــــاربوني
وعصف ريح الصبا وهبّ الشمــالي = الملح ماضل للقرعـــــــون موني

ومـع سكولين عمال الزبــــــــــــالي = بـّحيرة وبحـــــــــر لولا خيروني
ولها الدخان شايــــــــــف بز بـــالي = كـــــثر مامصمصو قحقـح وتاتتن
افتكر شـــــــط البحيرة قد جوني
============

وبقي كلمة إلك ياكـــــــــــــوبيلو = ياريت النــــــــــقد بتلاقي بديلو
ومتل ما الحرف للمرحوم محى = النقد مش موضعي بتقدر تشيلو

حرف من منصبو العالي تنــحى = وخلا مستـــــــوى النعلة مثيلو
لحتى اللي سخن مايقح قحــــــــة = وقلبــــــــــو يفتق بجرحو ميلو

حرف لاتفتكر بالشعر جــــــحا = كثيرو ضيـــــّيـع برقمو وقليلو
وعليك تقول للربحان صحـــة = البدو ينـــــــــازل وعندو رجولي
غير الحرف مابيشفي غليلو
============

افلشي ياجوانح الالهام ديــــي = ع كرسةّ مســتوى الوحي الأبية
علية كرسةّ الحرف ومـــقامـو = متلك بالمقــــــــــــــــامات العلية

الحرف خلقان والشعر بهيامـو = بيتنهد زجــــــــــل عـكس البقية
بيوعى كل ما الشعار نامــــــوا = وبيغـــــــــــفى اذا فاقـوا عشية

وبقلب المنتدى الواضح نظامـو = وقوانيـنــو سوا منعـرف سوية
ع غيرو ماقبل يلــقي ملامــــــو = اقتضـــى التنويه لكـن بالقضية

بيجينا شويعر بلا احترامــــــو = يتنــــمرد ع حرف الـشاعـرية
بدون ردود تايعلق وسامــــــو = وحتى يصير شاعر ع سـواتو
بيطلب حرف يلغي العنترية
==========

يا تشتوش المواقع والقصايد***عا موقع شعرنا المعروف عايد
تا تهجي ملوك بقوافي سخافي***بدل ما تفوت اخواتك تعايد

على ابراهيم ما عندي مخافي***وبوج الظلم ما ببقى محايد
لأنو المنتدى بتحمل كتافي***وما بقبل نقد كوبيّلو تهينو
يا جندة بتحترم بالحرب قايد

*********
كفا يا حرف تهجي معلميّينك***وتحلف زور وتعلي يمينك
قبل ما تدق بملوك المعنّى***بتربة أرضنا مرمخ جبينك

ارتحنا قلت رح بتفل عنّا***ومع ابراهيم دوخّنا أنينك
انت شاعر بقاعي من وطنّا***اذا برهوم جرحك بالقصايد
لأنو ما عرف بالأصل مينك
*************
تعا يا منتدى بسنة الجديدة***بقلب الموقع نحمّي الحديدي
ونفتح نار حمرا جهنمّيي***على الشعّار يا حرف المكيدة

ما بدي توجّه النظرات ليي***قبل ما تبوس بالعركات ايدي
وتا تطلع عا السموات العليي***قصيدك لبّسو بدلة جديدة

انت حرف الما عندك واقعيي***وانا سليمان رب بلا حسيدة
السما حسيّتها ضاقت عليي***وتا تقشع نجم بو شربل والله
النت فتاح ببعتلك بريدي

ههههههههههههههههههههههههههههههههههههه

أهلا وسهلا من جديد بالحرف الذهبي، وهلق المنتدى البرحليون للشعر الفريد والشعار النجوم رجعتلو نكهتو برجعة حرف.
يا مية أهلا وسهلا، وكل سنة وإنت بخير، وينعاد على الجميع.

مشرف عدد الرسائل : 519 تاريخ التسجيل : 15/03/2008

ياعيب الشوم هالـرد التجـــــاري = بشاعر مـاقدر شعري يجاري
بغيرو بينتخي ومنــــــــــي تخبى = ونجـــمو أفول خليت بمداري

بيعرف حرف بالموقــــــــع تنبى = ومتــــوقّع إلو في عام جاري
اذا بيبعث شي شـاعر مش مربى = تاربـي القـمـل بيراسك وراسو
التنك ما بخلّطوا بين الدراري
==========

ورُعاع الشعر ماحبيت عادي = وعليي بالزجل مافي قيـــادي
بعد الله اكيدة صـــــــرت الله = انفتحت النت رمدت الاعـادي

واذا المرحوم ع مجـالي تبلى = ومسحتو انت ضلك ع حيادي
الحرف في نور كلماتــو تجلا = وقادر يمسحك ويقص ايـــدك
وضحك ع الدقن بوسات الايادي
============

ياطرطوع الحرف حاجي تهيــنو = انشفت المجـــــد لازق ع جبينو
بعام جديد كل النـــاس عيـــيـــد = قبل ماســــــــوسك تحط بعجينو

وعلى التعليق بدي بـّـحـــق قييد = خمير الصــــدق مابينزع عجينو
وانا عن كوبـــــيـلو ردت حيـيد = أديب وقــــــــــائد بصفحةّ فنونو
ونحنا بهيك صفحة معلمينو
==========

وانا مـعــروف عن اصلي وفصـلي = ربيع الشعـــر من صيفي وفصلي
بست شهور هالفصلين عاشـــــــــوا = وانا بعيـــــن الدهر شكيت نصلي

الجـــارح حرف مابيمضي معاشــوا = وعلى غيابو بكي من زوم بصلي
ع شبـر المي ياسليمان فاشــــــــــوا = وببحري ماغطــس بالكون شاعر
الا وماقشعلي النصر خصلي
===========

وكل البيقولوا شعر ياسـليـــــــمان = ناديلهن لـــــولا صرت تعـبـــــان
تاتشوف كيف بيرجعــوا من حرف = خلقان بين السـطـــــــر والوجدان

من منتداك انردت ليــــي الصرف = ومن حرف صاير بالحرب فزعان
بدي اياك تقولهـــــــــــا بهالظرف = وخلّي ع ضعـفك يشهدوا الكدعان

وتاخبرك بين النحــــــو والصرف = بهالمنتــــدى اللي بيجـمع الاخوان
من كلمتو لولا بتحــــــذف حرف = دكـــــان بيصفـــــي بدون حروف
وبالحرف ذاتو بيفتخر لبنان
==========

ومين اللي قلك خفت من برهوم = ياتين هرهر ع الكعب مفطـــوم
المرحوم طقيتو قوافي ثـقــــــال = لكن انت لوفتت مش مرحـــوم

مابرحمك كلما خيالي جــــــــال = بإيدي المدقة وانت حص الثوم
منو اذا بطعميك يادجـــــــــــال = ريحتك بالمنتدى بتعـــــــــــوم

خليك عامل عنتر ورجـّــــــــال = ومع غير حرف بعركتك بتقـوم
لكن اذا قربت ع الابطـــــــــال = رقبتـــــــــــــك بتفك قبــل الكل
وبتعود متلو تايه ومهزوم
============
ههههههههههههههههههههههههه

وهلق يا سليمان بعد في شي عندك تقوله.

يا ليلى ليش بتحبّي الحماسي***بنقد مهضوم وشويّة سياسي
ما لازم تاخدي موقف محدد***بحوار الشعر ما في نقد قاسي
نسيتي حرف بالعركة تمدّد***مع ابراهيم حمل الأنتكاسي
وأبو شربل سلخ جلدو وقدّد***وصرامي تطير عا راسو وكراسي
ويا كوبّيلو الصرت موقعنا مجدّد***بنقد بنّاء مبني عن دراسي
انت اكبر حليف الشعر أكد***لأنك ما بتتحيّز بنقدك
وعطيّت الحق بالنقد الأساسي
*********
ويا مستر حرف حاجي تشوف حالك***وانت معروف خايف من خيالك
خسرت عركة مع ابراهيم مرّة***وقصيدو فجّر دماغك اغتالك
يا ريتك رحت أو ضليّت برّا***ولا تنزع منتدانا بأحتلالك
شعر برهوم يا حرّوف درّة***وما خاف بخنصرو حملك وشالك
وانا انسان عن شعرك تحرّى***ما فيك نهار تكبح انفعالك
الخسارة بالشعر يا حرف مرّة***ولأنو خسرت مع برهوم مرّة
وما شايف غير بو شربل قبالك

الما بيقدر لمراتو بيفش خلقو بحماتو ما شايف غيري حمال اذا فيك ولاحقني لهون

هههههههههههههههههههههههههههههههههههه

سأل سليمان نفسه يا عزيزتي ليلى وقال:" بعد في شي عندي قوله"، هل نفذ معين قاموسي من الكلمات والمعاني? واحتار سليمان بأمره، ورده، ومورده، ووارده، وإرادته... لم يجد في قاموسه كلمات، فقام يخترع الكلمة، ويبدع اللحن، ويستنبط الفكرة، ويخضع الإلهام، فإذا بالحروف تحاول أن تتمرد عليه، وتنسل من تحت ريشة قلمه، فإذا به يخلق الأبداع فيركع الحرف. ما قيمة الحرف يا عزيزة ليلى في قاموس الأبجدية، إذا لم يرّكب له شاعر كسليمان اجنحة الحصان الطائر الاسطوري، ويبدع منه كلمة، ومن الكلمة جملة، جملة مفيدة??!! الحرف بدون ريشة سليمان صامت صمت القبور، جامد جمدة الصخور، أخرس عبر الدهور.
ما قيمة الحرف يا ليلى لولا ابداع سليمان?!!!!!

مشرف عدد الرسائل : 519 تاريخ التسجيل : 15/03/2008

ليلى ونقدها المافي مـثــــيلـو = نصحتك تترك كثيرو وقليـلـو
يا ويل البووم لو ع النسر قرّب= وألف برهوم جنبو وكـوبـيـلو

لاتهدد حــرف إعراب عرّب = غيرو ماوجد فاعل بديلــــــو
والمفعـــــول فيه كثير خرّب = كلما بيطلع بدربو وسبــيلـــو

قبلك بو أســــامة طل جرّب = ونسـر الحرف سكـّـتـلو هديلو
وانت ياقزم متلو اليوم سرّب = يا بتسكت متل ماصار ساكت
يا أما حملك بتقدر تشيلو
==========

ودجاجات الشعر لو يوم ركـّـت = ديوك الفن فيها دمـوع بكــّـــــت
وفقعت ضحك بين دمعة ودمعة = ومن الفرحـة عليـها الناس حكّـت

وانت يامفتخر في هيك سمــعــة = مع عالم فزع بالراس حكـّـــــت
مالو سيفها بالعز لمــــــــــــعـة = وماقدرت لغزهـا مع حرف فكّت

نحنــا ما لِنا بالضعف طمــــعـة = وحروفي سياخ بالمرحــوم شكّت
انتبـه لاتشك فيك بهيك جَمــعــة = لأنو الحرف مابيسكت بحــربــــو
ومشهور بعاداتو الكل سكّت

===========

ياطرطوع الحسبت العيد لـِزّي = وهـزّي يانواعـــــــم قلت هزي
ع خصرك شال لفيتو تاتخــلـع = الظاهر بالرقص عندك معزّي

وقبل ماكاسك بهالعيد تبــــــــلع = وتترنم ع صوتــــو روح عزّي
بأرض شبعت دِما وللمجد مقـلع = مامنشعر بنكهــــــــــةّ عيد عنا
إذا ما أهلنا ارتاحوا بغزّة

وعن المرحوم لا تعمل محـامي = وتتـــــــعب نفـسك وعنّو تحامي
على ابراهـــــيم ما شديّت ايـدي = لأنو النســـــــر مـا بيقتل حمامي

يا بو شربل انا شــاعر عقيـدي = وما في عملاق رح يوقف امامي
تركت برهوم لازق ع الحديدي = لأنـو الفرن يا حبّوب حــــــــامـي

وانت لو جيت تاتنصب مكيدي = وترجــــــــــع بالصرامي للملامي
وبلا ما تبرّ قدّامـــــــي الجريدي = ع راســــــو تكسّر المنبر وطنّب
لأنو سبقتك بضرب الصرامي
===========

احسنلك تعمل متل عمار وتسكت بتزمط بريشك بربي ههههههههههه

ضربت برهوم يا حرف الأناني***ما عندك ذوق ..!!حتّى بالغناني
أناني..؟ بعرفك ولسان فالت***ويـــــــــاما بمنتدى الكلمة هجاني

ودفّة منبرك ما زال مالت***ما بدنا تسبّ وتكتّر أهاني
لأنك مدعّي وجربوع سالت***الحقيقة سماع مرّة عن لساني

دموعك شفت مع برهوم سالت***وصرامي كلتها سبعة تماني
وليلى عنّك بموضوع قالت***يا هيك الزلم تضرب عا الرجولي
جبان ولابس تياب الجباني

سالت تعني هزيل ضعيف طالع من ثيابو يقال له سالت من ثيابه

مشرف عدد الرسائل : 519 تاريخ التسجيل : 15/03/2008

انا ماسلتت مرة من تيــــــــــــابي = الا عند ما افقد عصـــــــــــــابـــــي
بطلع من تيابي لو بعصـــــــــــب = ويمكن مابقى بقشع صحــــــابـــــي

وانت شو دعوتك جايي محصب = وعم يرعاك جسمك بالاهــــــابي
محامي مين قايلك تنـــــــصــــب = ومنو مهم بقبل ع حســــــــــــــابي

انا ارض الزجل حرفي مخصب = وشعري متل ذرة في حـــــــــرابي
ع حرفي جيت تالحّم وقصـّــــب = وشقلب روس بين الكعب ضاعت
الدعس بتحب يمكن من كعابي
============
ولك ياحبيبي قناع بقا لاتجبرني اقسى عليك اكثر هههههههههههههه

كنت قد حضرت ردا مطولا على الاستاذ كوبيلو، غير أن رد حرف جاء كافي المعاني والحروف وبالفصيح والمشبرح، وهلق بعد في شي عندك تقولو يا كوبيلو

مشرف عدد الرسائل : 519 تاريخ التسجيل : 15/03/2008

شو بيسوى الأدب ياكوبيـــــــــلو = اذا المتلك من الصفـحة بشـيلو
وبلا ليلى حروف العدل جـاعـوا = لقاضي بالحكـــــم مــافي مثيلو

وكيف النوط للفن وإيقـــــــــــاعو = عطى الإبداع بالمــعـهد وكيلو
بدون الحرف كانوا الكل ضاعوا = ومنـّا ماحـــــدا بيوجد دلـيــلو

الحرف ع الحرف لوما مد بـاعو = الزجل ماكان عم يشفي غليلو
ونور الشعر ماتلاقى بشعـــــاعو = ومافي بالدني طالب وشــاعر
بدون حروف بيكمّل سبيلو
==========

رد موفق وجميل لحرف.
إذا كان يا عزيزتي ليلى قد نضب معين الأحرف لدي فبسببين:
الأول: رقة أكشفها بين سطورك.
ثانيا: كلام حرف الجميل، وهنا أريد أن أنوه بالعزيز حرف أنه يبدو رائعا عندما يثقف كلامه.
لكنني أرى أن شعر سليمان يزيد جماليات على شعر حرف، إنظر إليه تجدينه يلعب على الكلمات والحروف
" ضربت برهوم يا حرف الأناني***ما عندك ذوق ..!!حتّى بالغناني
أناني..؟ بعرفك ولسان فالت***ويـــــــــاما بمنتدى الكلمة هجاني"

هنا نراه يدافع عن برهوم العزيز(الذي أرى فيه شاعرا مبدعا)، وبالتالي نرى الشاعر سليمان يخفف بطريقة غير مباشرة، وباسلوب جميل الحمل عن عاتق حرف، بقوله:
"ويـــــــــاما بمنتدى الكلمة هجاني"
فهل بقي لديك شيء تدافعي به عن حرف?

زه زه يا استاذ كوبيلو. رأيت، لكنك مررت مستعجلا على معانٍ للأُستاذ حرف و أجمل، بل وتبز معان للأستاذ سليمان.

ما رأيك بهذه الجمالات الأدبية، بل وقل الرومانسية الشعرية?

"وكيف النوط للفن وإيقـــــــــــاعو = عطى الإبداع بالمــعـهد وكيلو"

" الحرف ع الحرف... ونور الشعر ماتلاقى بشعـــــاعو"

ما بقبل غيب عنّك ربع ساعة***أنت يا موقعي المتل الأزاعة
لأنو بتنقل العركة الجميلة***مباشرحرّ ما بتنطر أشاعة

يا ليلى ليش ما بتحكي زميلي***يهذّب كلمتو الفيها بشاعة
ولا يلجأ بالهجا ل كلمة تقيلي***تا يفرض بالزجل والشعر طاعة

ويا كوبيّلو انا عملاق جيلي***اختبرت الخوف من قبل الشجاعة
الهدف بالشعر ما برر وسيلة***وبغير الذوق ما عندو مناعة

وانت يا حرف أرجع للفضيلة***السما وجهنم بنفس الوساعة
اذا بتضل بدروب الرزيلة***عا نار جهنم الحمرا بكبّك
لأنو بالسما ما في مراعا

اكيد السما بقصد المنتدى ههههههههه

يومين صــــارلي بشوف بصارة = فتش ع حلة بدون دبــــّــــــارة
وكان الشعر ع النت يمكن ضاع = ويمكن تركنا الحرف ياخسارة

ياحرف قلو قناع مني قــــــــناع = تصلّب برأيو متل منشــــــــارة
وكسّر قبالي بمنزلو المذيــــــاع = ناسي بي بيتو ضايفو زيـــــارة

ع كل حال رجعت صوب سباع = بهالمنـتـــــدى والنفس محتارة
ولقيت زعلان الشعر بضيــــــاع = ع غياب بو شربل من الحارة

ولما قرينا قصتو بأشبـــــــــــاع = بحصة معو بكلوات ومــــرارة
ع سلامتك وبقول بس سمـــاع = بيعطيك الله روح جـبـــــــــارة

منشان نتقاسم سوا الأوجــــــاع = وترجع صبية كل خـــتـــيـارة
بقلك على لبنان قوم رجــــــــاع = تايقسموها موزعــــــة ع الكل
ونفتح بقول الشعر كسّارة
* * * * * * * * *

حلو يا عمار، وما تنسى تعمروا قلعة الشعر سوى وأنتم لها.

القلعة اللي صارلا دهور مـبـنــية = اسمــي اللي عمـرهــا قبل ديــي
وقلعةّ شعرنا حصونا منيـــــــعـة = فيــنا بتـعـمر انكنّا ســويـــــــــة

قلوب رجالها كبيــــرة وسيـــعة = مليانة محبة وعاطـفـــــــــــــيـة
وبعض عركات بتخوف مريعـة = فتت فيها مع سليــمان خــيــــي

وفيها البعض بيحبوا القطيـــــعة = وترك المنتدى الصبح وعـشـية
ول مابيحملوا الصدمة الوجيـعة = الصدور الضيـقة مش شاعــرية

ويالــيلى المشرفة بـّطلة سريعـــة = ع هالقلــعة متـل شمـس الغنية
حروفك ساطعة سطــورك بديعة = السكب بيفــوق فــيها الجاذبية

لكن حرف منقــــــــلــّو قــطـــيعة = ع هالشغلة العملها كـيف هيي
افتكر حالو حمورابي بشريـــــعة = وتاخلدها ترك اكبر صــحابو
ونسبها للقــــــــوافي منـتـمـية

* * * * * * * * *
شوشتنا ياسلمون خير نشالله ؟

لقد كفيت ووفيت عزيزي عمار، وننتظر رد حرف.. سأضطر للعودة بعد اسبوع بداعي السفر، حبذا لو أتيحت لي الفرصة خلال هذه السفرة لتصفح هذا المنتدى العظيم، أتمنى للأستاذ سليمان الشفاء العاجل

» كرامة عين حرف
» عودة حرف !
» عودة بو زيكي
» وين ليلى ؟
» طلّي ربع ساعة ...!يا ليلى