انا والزجل

موضوع: انا والزجل الأربعاء يناير 28, 2009 1:50 pm

الزجل بسمع شهقلي من الحناجر
ياعمار مابرضى تهاجر
ع غيابك بظهري بيطعنوني
نبلات وسكاكين وخناجر

قلت لاتخاف صاروا بيعرفوني
النصحتن بالزجل عيبة نتاجر
ومتل مابيكرهوك بيكرهوني
والكذاب مش معتاد شاجر

سألني ليش تجرة بيحسبوني
وغصت دمعتو بين المحاجر
فهم ع مطلبو مارد فنوني
قمز من داخلي بعيون فاجر

قلو يازجلنا وياعيوني
فيهم عن كتافك جيت آجر
لأنهم بالحقيقة حيروني
كثار التاجروا بالشاعرية
الأكثر بيضّوا كعاب الطناجر

* * * * * * * * *

شو

هاالحلا والســــــــحرْيا عــمــار

صار العطر يدلق مـــــن كمــــــا مك

وقت الغضب بتســــل ســــيف النار

بيســجد ملاك الحرف قـــــدامــــك

بتســــرج البرقْ بتلجم الأعصـــار

خمدت الريح ومــــا ألــتوى حسامك

شعرك صلا ع الشفة البــــــــتغار

شو ترنمت ببيوت ألـــــــهامك

هامك متل أرزة وجبل جبار

بعشق الأرزة وعشقت هــــا مكْ

هلا بحسون شعرك غل فيي
وزقزقلي بنغمة عاطفية
هداني بدلةّ ملوك الاناقة
كأنها مبهبطة زيادة عليي

كتبت بيوتك الحلوة بلياقة
يامارد حروف الابجدية
فيها مدحتني بحسن الصداقة
بعلاقة بينك وبيني قوية

يافاتح ع سما الالهام طاقة
بمجد عشقان أرزة سرمدية
انا وكروم أرزتنا برشاقة
عصرنا دمعةّ الدالي لحتى
نشرب كاس نخب الشاعرية

* * * * * * * * *

عــمّــار سساحرني كٌبر عـــقلــو
ما بشـــوف ألا أرز بــــحــقــــلو
كلما النســـيم يــــمرْ ع غــــصـونو
بيتشردق وبـــيـــصيــر يشهقــــــلو
ونهر الحلا نـــازل مـــن عيونـــو
يســقي مَــرج عطــشان مشتقــلو
ومن صــومعة بتقدّر فــنــونـــو
بتّحن والــشــمـعـات تحــــرقلو
وكلما الليل يــخـيــيـم سكونـــو
بيغزل عــبايي من سما الألهام
شو ما لِبس شــا عـر بيــلــبقلو

موضوع: رد: انا والزجل الخميس يناير 29, 2009 4:44 pm

ممنون ياحسون ع الكلمـــــــــات = مرور الندي بتـــمر ع الوردات
لحنك موسيقى ياوتر بالعــــــــود = نغمةّ كلامــك نغنشة وهمـسـات

بقشع ع إيدك مسبحة للجـــــــود = طقّت صـلا وإخلاص بالأبـيات
منها وفيها شفت جوز شهـــــــود = مش مـــارق عليها وفا ديّـات

حباتها للسـلــم خلقـــوا جــنـــــود = أجمل قـوافي مطعّم الحـبـــّـات
وبصومعــةّ ناســك بـدون حـدود = بشخروب ثاني جسّـدك بالذات

وكلما سمعت حن القشر ع العود = وحسون حـَـنّ يعـــود للأرزات
عهد السمؤال فيك عم بيــعـــــود = وشــاعر الشفـت الثـوب لابقلو
بفنك مفصلّو الوفا بدلات

* * * * * * * *