اهلا بالشاعر حكمة شديد

يا ابن شديد يا شاعر معنّى***يا نسمة صادقة وتفكير جنّى

يا أهلا فيك نوّرت التحدي***يا شاعر فيس بوك وزند بنّا

انا ناطر دخولك قبل مدّة****وصراحة حاورك قلبي تمنّى

لأنك شاعر الموقع الجدّي***وفيك بيكبر الشعر بوطنّا

بعض شعّار مش ممكن تهدّي***وعلى القصّار ما بسن الأسنّا

لأنّو اللي بيوقع تحت شدّي***خصع تشتوش عنّا وغير عنّا

وسلامي بقدّمو بعد المودّة***وحقيقة بدخلتك قلبي تهنّا

وورود المنتدى مع كل ردّة***بتنشر عطرها كرامة قصيدك

عا انترنيت لو اخصام كنّا

يا إبن شديد أزمتنا شَديدي .. إسمع غَصتي وآخي ونهيدي
كرامة عَين لُبنان المُــــعنى .. شرّف إيــدكْ شبكها بأيـــدي

ع برحليون ع كرم المعَنى .. استوى الكرم وإجا ترم الحَصيدي
تعا بمنجل قوافي بكر جنا .. إجمع غلّة الفُكرة الـــســديدي
إبن الكوثراني ما تَجّنى .. وإبن طراد عا ذات العَــقيدي
حتى ترفعو راية وطنا .. من روحي خدو حروف المعاني
وبدمّي لونو حروف القصيدي

بشكر الشعراء سليمان طراد وحسن الكوثراني. قصايدكن بيشهدو لحالن. تسلمو

للتوضيح: إسمي حكمت شديد الحلو. العيلة: الحلو (المختار زاد شديد)

الشِّعر بيَعرِف سليمان مينو
شاعر دَوّب الصَّخر بحنينو

جرار عطور من شِعرو منجمع
خِدُو عطر الحَبق مش عايزينو

ضل دهور الله الشِّعر يبدَع
وعَجنو بجَرحة النّاي وأنينو

وصبّو بروحَك وخلاّك منبع
وَحي ... لكومِةْ قصايد عاجبينو

حَسَنْ خلقان للإبداع مرجع
ياما مرَكّع السّبع بعرينو

بحرب الشِّعر ما بتعود تقشع
السّما...من غَبرِة حوافر هَجينو

وبَدر آذار نورو ما بيسطَع
لوما يرفَع البدر بيَمينو

عامنبركن إذا الشّاعر بيطلَع
كتر ما عاليي كرسة الَمنبَر
بقرص الشّمس بِيْدَقْدِق جبينو

رح ضم صوتي ان كان ما رح يزعلو

يا حكمت المبدع بجنّات الزجل

الحكمه بشعرك ثابته وعطر الحلو

بقصايدك بيكللو زرار الأمل

ا

يا شديد زندك بالزجل ما بنجهلو***كيف ما عربتو بمنتدانا بنقبلو
حكمة وبسالي متوّجتلك أولو***ومتل العسل والشهد يا شديد الحلو
الشعّار عنّا فيك عم يتأهلوا***وصرلن شي شهر ونص عنّك يسألوا
يقولوا الحكمة والبطش من عادتك***يا مية أهلا فيك شرّف عا الحلو

شــــديدْ وحِــلو اللبيهّمنا شِعرك حِـــلو
كلما بــتـــصّرخ أوف منقِلكْ حـــــــِلـــو
ما همّني القرحة وداء الــــــــســــــكري
كرمال عينك يا حِلو بحب الحِــــــلو

وين الحلو يما شعر ابن الحلو
هيكي شعر منك انا ما بقبلو
رح ضل زيد عليك ملحي يا شديد
تا تصير شاعر مر و تبطل حلو

يا كوثراني الحلم بقلامك وعي
وشِعرك دوا لقلبي وعيوني ومَسمعي
بفنّك وذوقَك صرت بالنّسبي إلي
أغلى من المَجروح داخِل أضلُعي

عامر عرفتو كَوْنْ شعر بكاملو
كِلمةْ حقيقة مش القصد نجاملو
بالغرب لا تِبْنو مراكِب للفضى
تا تقطفو النّجمات عكتافو اعتِلو

عالبحر لا تزيد الملح ما بينفعك
بياقوت من بحري الوسيع برصّعك
هاني... غباوة تترك الكنز الحلو
وتجيب ملحي تا تعبّي مدمعك