رسالة ام

موضوع: رسالة ام السبت مارس 28, 2009 2:44 pm

لسنين مرقت و الليالي كتار...و شتقت ايدك تلمس جبيني
تلعب بشعري و تكرج الاخبار.....تقلي بحضنك هون خليني
جبتك يا ابني كنت من لصغار.....حميتك و دورك صار تحميني
خسارة يا ابني صرت من لكبار...و بالشهر مرّة صرت تحكيني
بيك بقلي ملبك و محتار.....راح الصبي و عم تخلص سنيني
خايف ليرجع عالوطن ختيار....يبرم عا قبري يروح يبكيني
سافرت تكتب للوطن اشعار.....يا ريت يبني نسيت هالمشوار
وبدلو بقلبي غرزت سكيني

موضوع: رد: رسالة ام الأحد أغسطس 16, 2009 1:57 pm

وينك يا امي تحضنيني كتير
اغفا بحضنك لا تتركيني
راح الوقت بالعمر مني صغير
هموم الدني شايل على جبيني
مشتاق ضمك و بحنانك طير
متل العريشة معمشقة بتيني

من مرت عمي ما شفت تقصير
و عمي بعيون الخوف حاميني
م ستي عا تختي مكلفي نواطير
ممنوع طير الجو يحكيني

يا مي برضاكي كتري تراتيل
صوم و صلا و فصيلين من انجيل
و وصي الاهك يسطفل فيني

موضوع: رد: رسالة ام الأحد أغسطس 16, 2009 2:44 pm

حلو يا شامخ، متل ما عودتنا. عجبتني صورة العريشي المعمشقة بتيني، واقعية وموفقة ومعبرة خير تعبير.

موضوع: رد: رسالة ام الجمعة أبريل 09, 2010 12:33 pm

راجع يا امي بحضن دافي غلّ
و حمّل همومي عاكتف ختير
شايف عيونك عالزعل بتدلّ
ووما عرفت ليشو قلبك محصّر
******************
مبسوط؟ نتفي بس مش زعلان
مشتاق بس تشوفك عيوني
مش مقتنع؟ يمكن ولا ندمان
راجع تا فلّت كبحة جنوني
*********************
راجع يا بيي من الغرب تا كون
ايد اليمين وأعرض زنودي
رح ضل حدك و العهد رح صون
ووما تضل كلمة بعد موجودي

» رسالة الى حرف طوني حكمت سليمان
» رسالة لبابا ناويل غادة
» رسالة وأمانة لا تكون مرسال !!! هههههههه