غزل

موضوع: رد: غزل الخميس أبريل 09, 2009 2:34 pm

وقت اللي بدك فوت إكتب مطلــــــــعك
وإياك تخدعنا مابدنا نخدعـــــــــــــــك

ومنشان تقنعني بردة واقنـــعــــــــــــــك
جاوب حرف تانشوف شو بيطلع معك

الله خلقني متل توما للزجــــــــــــــــــــل
مش رح بصدق غيرحتى إقشــــــــعك
==============

موضوع: رد: غزل الجمعة أبريل 10, 2009 1:20 am

موضوع: رد: غزل الجمعة أبريل 10, 2009 11:37 am

ياشـــــــديد لاتتـــصرع بـّأخذ القـرار
بتلغي حرف مــــن رب بيصفي دمار
صلي ع كــــــــل الانبيا وإنظم شعـار
ورجاع هاجــــم حرف فاتح خط نار
مش كل مسيحي ع نهج ياسوع سـار
ولا كل درزي متل بو ابراهيم صـار
ولاكل حكمت صار حكمي وإعتــبـار
صادق بنظم الارتجالي أو كــــــــنــار
ولما لقيتك بالغزل ناقل خـــــــــــبــار
توما عملت تاصدّقك عن إخـتــــــبار
بجسمي اذا العشرة بتزرع ع الجروح
لافيك رح آمن ولا بتربح نـهـــــــــار

==============

موضوع: رد: غزل الجمعة أبريل 10, 2009 6:27 pm

موضوع: رد: غزل الجمعة أبريل 10, 2009 7:38 pm

حكمات من حلم الغفا اوعى منيــح
بارماد اصحى من قبل ماهب ريح
جبينك حمل اكليل عار بيستريـــح
بنقطة ع عين العار مابتعمل مسيح
ومنشان تقنع بالقبر رح أوضـــعك
جرب اذا بتدحرج حجار الضريــح
=============
من اللي قللك هيك هالاهـــــات هات
منشان تعمل بالزجـــــــل للذات ذات

يا الف حيــــف عليك زدت اللت لت
والحرف مطرح واجبات الشعر بات

فكرت موقع فايس بووك النت نت
تاري طلع للصفصفي وغزل البنات

وع منبري حكمت بدك تنبري
يقولوا براسو ليش لما حك مات

موضوع: رد: غزل السبت أبريل 11, 2009 1:48 am

يعطيك العافيي أخ حرف.

وهيدي منا مكسورة؟
"
وع منبري حكمت بدك تنبري
"

موضوع: رد: غزل السبت أبريل 11, 2009 3:57 am

مابحب قدم عذر ببعثلك هبـــــة
كتبتا وماششفتا بعد قطع الكهربا
انكذبتني مفروض راسك كسرو
انصدققتني ياميت اهلا ومرحبا
============

موضوع: رد: غزل السبت أبريل 25, 2009 5:19 pm

بحر الزجل بو شربل

اجمل ما الله خالق خدودك زغار***بيتكدّشو متل البرازي والخيار
واللي ما بيحب الخيار بها الدني***بياكل قشر بطيّخ اخرة النهار

هههههههههههههههههه

شو يا حكمة ما معي حق
Elimin

موضوع: رد: غزل السبت أبريل 25, 2009 5:22 pm

الى هاني ناصيف

خوّفتني من سيخك التلفان***ومن يومها عم نام متهنّي

بكيّر متل الطفل والفنّان***العم يسبق العصفور تا يغنّي

بتعرف يا هاني عيشة الأنسان***فيها عذاب الروح والعنّي

وبترافقك يا شب وين ما كان***وحتّى اذا بتكون بالجنّة

أضحك يا شاعر حاجتك زعلان***وأحرق بقلب المنتدى بنّي

وشروب قهوة مدوّخة الفنجان***وتعلّم الطبخ وما بدي تروح

تقدم صواني بمطعم الفنّي

موضوع: رد: غزل السبت أبريل 25, 2009 8:48 pm

موضوع: رد: غزل الأحد أبريل 26, 2009 7:40 am

الله يا حكمت --- من الشعر الحلو منستوحي شعر حلو مش هيك يا إبن الحلو

عم بحسدك يا عقدها الفتان
مدهدك إذا بتكون أو نعسان
عا عنق مرجاني ارتمي مرة
تا يسكر اللولو من المرجان
ويا شعرها للعطر لمدرى
قلو يحن على زهر نيسان
ان ما فكت جداديل مشقرة
بيضل مرجو للعطر جوعان
ولما النبيد العتق الجرة
عم ينسكب في كاسها الشعلان
عا تمها بيصير من برا
سكران عم بيبوّس السكران
وكلما العمر يصقل نفس حرة
ويزرع نضج فيي وكبر إيمان
شياطين عينيكي المخضرة
بتردني لعمر الصبا شيطان
شاعر أنا شمعة للمسرة
وإنتب لهيبي بليلنا السهران
ومش هم خيط العمر يتعرى
ما زالني عا شمعدان الحب
عم دوب فيكي ووالع ودفيان

موضوع: رد: غزل الأحد أبريل 26, 2009 8:52 am

بو شربل
الى حكمة
قطّاف الورود

قطّفت كل الورد ما خليّت

وردة زغيري لونها أحمر

وبعبّها كل الورد شكيّت

وعا شفافها طبيّت تا تسهر

قلّي يا حكمة لو كنت بالبيت

وباب العشق مفتاحها تسكّر
من وين بدّك تقطف ان حبيّت

وردة بشفّي مخمّرة وتسكر

موضوع: رد: غزل الإثنين أبريل 27, 2009 12:36 am

حلوي يا بو شربل

موضوع: رد: غزل الثلاثاء أبريل 28, 2009 3:03 pm

هنيالك يا خيي سليمان.....كل هالنقاد ما عجبهٌن إلا قصيدتك....هاهاهاهاها. مساكين أنا و فادي قصائدنا ما ألن عازي...هيهيهيهيهي. شفت يا فادي...تق وموت. ما في إلا قصيدة سليمان بتستاهل تنذكر بي هل إنتقاد الموضوعي. بس يا سليمان لي ستعملت كلمة تسكر مرتين؟؟؟ بس النقاد ول مشرفين بيحبوك يا خيي . سبحان الله......أنا بدي سميك نمرود الكلمة مش بس " عميد الكلمة " متل ما هالنقاد عن يسموك..........هاهاهاهاها

موضوع: رد: غزل الثلاثاء أبريل 28, 2009 11:34 pm

" بعد الحلو عم ينظم الأشعار"، تعبير لطيف وجميل.
يا حكمت بهنيك على الورد بآخر شهر آذار، يعني عز دينو، وكل طبق ورد هه.
" الخلو عيوني تذرف عياني: ما هذه الجناس الجميل (عيوني، عياني)،والتعبير القوي عن البكاء الجميل، لأن بكاء الحب جميل وقاس في الوقت عينه، وإذا لم تصدق اسأل العشاق.
بس حلوي هالخاتمي، برأت الحبيبة وحطيت الذنب على القدر.
ولا أخفي هنا أن زهر آذار عند حكمت لا يضاهييه إلا زهر نيسان عند فادي، ثم انظروا إلى قلب المعاني التي اتي مبدعا، في الخمر الذي عتق الجرة، وأطن أن خمر الحب تعتع(سكر شديد) العشاق. أما شيطان عينين الحبيبة يرد الحبيب الولهان شيطان صبا، ( بس بدون شيطني، شاعرنا فادي)
تهنئة كبيرة لإختيارك شمعدان الحب بتضوي وتذوب ولهاً
آه على الوله.

موضوع: رد: غزل الأربعاء مايو 13, 2009 8:27 am

تسلم سيد كابيلو....بعتز برأيك. تحليلك أحلى من القصيدة ذاتها.

موضوع: رد: غزل الأربعاء مايو 13, 2009 10:30 am

hikmat chedid helou كتب:: هنيالك يا خيي سليمان.....كل هالنقاد ما عجبهٌن إلا قصيدتك....هاهاهاهاها. مساكين أنا و فادي قصائدنا ما ألن عازي...هيهيهيهيهي. شفت يا فادي...تق وموت. ما في إلا قصيدة سليمان بتستاهل تنذكر بي هل إنتقاد الموضوعي. بس يا سليمان لي ستعملت كلمة تسكر مرتين؟؟؟ بس النقاد ول مشرفين بيحبوك يا خيي . سبحان الله......أنا بدي سميك نمرود الكلمة مش بس " عميد الكلمة " متل ما هالنقاد عن يسموك..........هاهاهاهاها

حلووو يا حكمة بس وين مكرر ههههههههههههههههه قلي بربك
ما انتبهتلك الا لليوم
هههههههههههههههههه

موضوع: رد: غزل الأربعاء مايو 13, 2009 12:38 pm

مابيعرف ياسليمان انا بقلك وين
بس تركو جايي من الفيس بووك مسكرة معو يمكن ههههههههههههههه

وأكيد قصدو هون
===========

وباب العشق مفتاحها تسكّر
من وين بدّك تقطف ان حبيّت

وردة بشفّي مخمّرة وتسكر

===============
انا برأيي مابسمح لمين مكان يتهجم على المشرفين والادارة بغير حق
فبقى شو رأيك ياابو شربل تكتبلو
وباب العشق مفتاحها تقـفـّل = بدل ( تسكّر)
بتعمل معروف بتخفف تهجّم على المشرفين

موضوع: رد: غزل الأربعاء مايو 13, 2009 1:08 pm

يا شباب اسمحولي، مش كل موضوع لازم ناخدو بمزح وبمهزقة. حرف إنتا أكيد بتعرف إنـّو تســكــّر و تســكر منهن ذات الكلمة. سـليمان بعد ملاحظة حكمت عدّل الردة و غيـّر الكلمة المنعادة وحطّ محلها كلمة تسهر. وهيدي القصيدة متل ما كانت بعدا موجودة عال فايسبوك:

بو شربل
الى حكمة
قطّاف الورود

قطّفت كل الورد ما خليّت

وردة زغيري لونها أحمر

وبعبّها كل الورد شكيّت

وعا شفافها طبيّت تا تسكر

قلّي يا حكمة لو كنت بالبيت

وباب العشق مفتاحها تسكّر
من وين بدّك تقطف ان حبيّت

وردة بشفّي مخمّرة وتسكر

Eliminar

بتمنـّى يضلّ جو الأدب طاغي بالمنتدى بعيد عن المسخرة والضحك عالعالم تا يضل إلنا محلّ بيناتكن

موضوع: رد: غزل الأربعاء مايو 13, 2009 2:13 pm

للسيّد يللي ملقب حالو حرف. الشاعر الكبير طوني شلهوب جاوبك بالنسبي لملاحظتي عالقصيدة. ومنّي ناطرك أو ناطر غيرَك يسمحلي أو ما يسمحلي إنتقد المشرفين أو الإدارة. بنتقد وقت بشوف في داعي للنقد. وإذا النقد مش مسموح هون. هيدي آخر قصيدي بنزّلها بهالموقع.

ما فهمت كلمتك " تقفل" شو قصدك فيها. عا كل حال...أنا بحترم وبعز سليمان. من هيك كتبت بموقعو. ومن هيك بنَزّل أشعار بالفايسبوك وبرجع بنزّلها بموقع سليمان لا يللي بيحب يقراها.

كتبتلي: " بتعمل معروف بتخفف تهجّم على المشرفين "
جوابي: لأ ما بعمل معروف. والموقع يللي بتكتب فيه إنت ...أنا ما بكتب فيه. وبالحقيقة أنا ما بحب أتحاور مع إيا كان ما بعرف اسمو الحقيقي. وما إلي جلادة هاالسخافات.

موضوع: رد: غزل الأربعاء مايو 13, 2009 2:27 pm

[color=red]خيي سليمان ...أنا محيت كل الأشعار يللي فيي إمحيها.. بس في البعض متل محاوراتي مع هاني أو غيرها...ما كان موجود خيار المحي تقنياً. إذا جاك وقت محيلي ياها من فضلك.

مع إحترامي الك... أنا ما زالو حرف مشرف..أنا بفضل ما كون بهالموقع. خلينا عا إتصال.

شكراً[/color]

موضوع: رد: غزل الأربعاء مايو 13, 2009 5:50 pm

له له له له يا شباب ولك حرف عم يمزح بس مزحاتو تقال يا حكمة مش لها الدرجة بدك تعصّب

ويا زلمي شو باك الشاعر لازم يكون صدرو رحب ولو وشو ها الحكي لا حدا بيرضى تتركنا لا حرف ولا عمار ولا طوني وهاني كمان \
وانتي يا طوني بتعرف حرف غليظ بس قلبو طيب هيك بتحط بانزين

خش الدف ولوه وعيب تمحي شعر منحوت بالمنتدى نطرني ولنّو