ذاكرتي...

موضوع: ذاكرتي... الأحد سبتمبر 13, 2009 6:41 pm

كنت دايما إعزمها عاذاكرتي...بعدين لقيت إنو إختلاط الذكريات السعيدة بالذكريات الأليمة بيشوّه الذاكرة و بيجعل منها مكان ما بيليق بالحبيبة..سحبت الدعوة..و كتبت القصيدة

مرة قبل ما كبرت و كبرتي
و طبعو حرف إسمي عا تذكرتي
دْخلتي على قلبي و قفلتو منيح
و انطرتك.. تفوتي عاذاكرتي

..وانطرتِك تفوتي بأول صيف
تفوتي مع طيور الصبا و الكيف
و تايضل عم يرهج مقام الضيف
حقِّك معك لولا ما بكّرتي

و صارو بلاكي يمرقو الأعوام
و مدري ما عرفو ينطرو الإيام
مدري بعد ما تنطرِك و تنام
تكوني وصلتي و هلّق انطرتي

و لما على النطرة بري خدّي
رحت و فتجت الذاكرة بيدّي
بدّي عليها إسأل و بدي
إسأل معا..ليش تا تأخّرتي؟!

و قرّبت شفت الذاكرة صنفين
ذكرة سعيدة بتشرح العينين
و ذكرة أليمة ردها يومين
بتصير منها تغار آخرتي

و متل البعبّي المي بالسلّة
لماعاذوقي رحت عم فلّي
لا قدرت إني شطّب و خلّي
ولا متل ذاكرتي..مفكّرتي

مش متلها بالآخ مسكوني
ولا بتشبهِك يا ساكنة عيوني
و حقِّك معِك هونيك ما تكوني
هيدا مش مقامِك يا جوهرتي

حقِك تعيشي بذاكرة بعيدة
تخلق إلك و تضلها جديدة
وجّا سحاب ..بساطها جليدي
تْحسّك مْرقتي و بعد ما مْرقتي

من هيك ضلِّك متل عصفورة
لا شفتِك ولا بعد مأسورة
و مش بس خبّي اللوح و الصورة
تخبي عن عيوني إذا قْدرتي

شو بخاف عالنظرة البعينيّي
بالسر لما تربطِك فيي
تشدّك و هيي راجعة ليّي
و توصّلِك بكرا عاذاكرتي

عممك امطانيوس

اعدرني ما قدرت اترك هيك تحفة بلا تعليق

خلييك بين

الريح

والاعصار

متل البرق

تلمع

بلا رعدة

انتي مرض

ابداع

للشعار

وبطلب تكون

مأثر

ومعدي

عممك امطانيوس

موضوع: رد: ذاكرتي... الأربعاء سبتمبر 16, 2009 1:11 pm

ابراهيم
شاعر
بالوحي مجبول
كلامو درر
و مرصعة
بلولو
مش بس
زحلي
بمعدنك
بتقول
شاعر
و
كل
الناس
بيقولوا

حلو يا برهوم

موضوع: رد: ذاكرتي... الجمعة سبتمبر 18, 2009 6:11 pm

شكرا كتير كلكن ذوق يا جماعة ...شامخ اشتقنا لإبداعك