أيلول

موضوع: أيلول السبت سبتمبر 19, 2009 2:16 pm

طلَيت يا أيلول
صار الفار
يآكل ضلوعي
ويلعَب بعــِبــــي
بيوقف تحت قوس
النصر أيــَار
من كَرم أهـــلك
سلتو يعبي
يمكن عبكــــــرا
يطالبك أدار
ويغب من خمـــر
النصر غَبـي
وترمي أســامينا
حَطب للنار
وتحت الرمـــاد
الجمر متخبي
وعا مطحني متل
الزمن دَوَّار
حبة ورا حبة
ورا حبة
من كل حبة
منطعمك قنطار
والريح كل ما تهب
شي هبة
متل المسيح بكفك
المسمار
وخَد اليسار ان درت للسمسار
بيضل جــُرحك
ينــــــزف محَــــــــبة

موضوع: رد: أيلول السبت سبتمبر 19, 2009 4:25 pm

رائع من روائع ما كاتب الله يرحمك يا خليل

وحياة الله من العيون بيوت

ناحت حلا وقصايدك ياقوت

قديّش صرلك يا حسن غفيان

وما كتبت متل اليوم يا ع ...ت

خليّتني متل القصب بردان

أرجف متل رجفة وراق التوت

يا شاعر الألهام والوجدان

أمتين بدّنا نشوفك ببيروت

أكبر جريمة تركتك لبنان

تا تعيش بالجنة بقلب تابوت

دشّر خيالك ينحت القصدان

ويرسم بموقع شعرنا لوحات

وتحفات ما بتبلى ولا بتموت

موضوع: رد: أيلول السبت سبتمبر 19, 2009 7:57 pm

متــــل نور الشمــس
ع بيروت
طيفــك إلـــــو وهـــج
وأهل وبيوت
توقــــف ع باب
الذاكرة ممــــــنوع
يـــــا جورج مــــن
باب الأمل بتفــــوت
ومــن قــَبــل
ما ضــَوي العشرة
شـــــــموع
وستي. تقلــــــّْي الشرع
وللا هـــــــوت
بآمــــــــــــن بشرع
العاشق المفجـــوع
بيحـــــــبــّهـا وبدّو
بكرامي يمــــــوت

» طيور أيلول
» رحيل أيلول 2009