محاورة مع الشاعر شفيق ديب

بعد نشوب خلاف بمنتدى مشتاوي
سليمان

عندي طلب منك يا أدارة ***حذفييييلي كل كلمة بدون قافي
واللبي سب رح نبعت الفارة ***.لسانو تقص بمقص الثقافي

ويا مصروع رحلك شي زيارة***تعلم كيف بتكون اللطافي
ولا تنزع منتدانا بالقزارة***.لأنو المنتدى متل الخلافي

ال بيتو قزاز ما بيرشق حجارة.***.تركنا من النثر يا بو النشافي
أحترام المرئ واجب والعبارة..***ما بدنا بمنتدى الكلمة الزكييي
يصير النثر موضة من السخافي

بيكفينا نفتح لجروح.***.المشتاوي حرقتوا دينو
بردة قرادي مسموح ***.تسب الشاعر وتهينو
هون رد الشاعر سجيع الملقب بساجي او سازج
وهنا قصيدة الشاعر سجيع
ياســـليمان ياشــــاعر مأصّل **** توب الشعر عاقياسك مفصّل

انت وراجح بذات الفصــيــلي **** مافي شـاعر لدرجتكن توصّل

وفاتح روّض خيول الأصيــلي **** وأنهل كـــرم عنقودو مخصّل

وشفيق الشاعر لروحـو نبيلي **** لأبداعو مـــافي شاعر توصّل

اشاللّه بعد هالغيبي الطويلي ***** عابرحليون قلبي يكون وصّل

النخبة لمتل أفضــــالك قليلي ****** لأنّك شاعر مأدب مهذّب
*****************الوفا منّك بعمرو ماتنصّل ****************
الشاعر شفيق ديب
متل ما بيفيّق العطر الربيع*****ومتل ما الخلّاق مفضل عالجميع
ومتل ما عا قبّة البدر الرفيع****فاتح إلاه الشعر وأصول البديع
حبّي لساجي كبير بيذيع المذيع***وكرمال حبّو بشيل عيني عالسريع
وبحطّ عيني حرف عين بوجه ياء****وبجاوبو تكرم عيونك يا سجيع
سليمان

كان الوقت ما بيسمح بشم الرحيق***.وموجة جليد مجمدي القلب الرقيق
يا منتدى اللي صار عن حق وحقيق***.اللي بيوصل على المجد ما بيقطع طريق
عيف العواطف والمحبة يا صديق***حتى الندي عا الزهر في عندو بريق
ومنشان نقشع كل عشاق الزجل***بحياة الله تروك عينك يا شفيق
شفيق
سليمان ما أنعم ملافظ لهجتك****وهجة علم فوق المواضي وهجتك
لولا نْهجت بين الأصايل نهجتك***الخضرة بتطهج قبل وقعة طهجتك
وما زال عشّاق المعنّى برهجتك***بتشوفهن بعيون مصدر بهجتك
في عين يمّا تنين منها فارقة****البيهم يوصل دربهن عا مهجتك
سليمان
ما فهمت قصدي منيح يا شاعر فصيح***.النيي السليمي دموع عا خدود الضريح
أفهم حديثي بالزجل فتتح منيح.***.ودشر النفس الطاهرة بمهب ريح
ولوون سنينك من شعر صافي وصحيح.***.وفرغ الكلمة رصاص بدماغ المديح
ومن دون هدف لو مت كرمال البشر***.بتكون كافر مع محمد والمسيح
شفيق
صدق النفس في ردّتي الاولى جدف****مركب لعشّاق الزجل صوبي وقدف
ولو كان بدّي عدّ حبّات الصدف****لا بالجهد برسى ولا برسى بالصدف
معليش ما بدّي هدف تا ينردف***عمري وبإيد الريح زهري ينحدف
الله بنا الدنيا وسيلة للحياة****ولليوم مو معروف شو هوّي الهدف
سليمان
يا قلب لوما عقلتك مافي جنون***.ولوما جنون الريح ما تعرو الغصون
لوما الهدف بالمعرفي يا أفلطون.***كان الأمل بيموت وبتعما العيون
وحتى الصلا بتكون عا المؤمن ديون.***منشان يربح مغفرة الله الحنون
ولوما الهدف بالروح نطلع عا السما***كانت مع الأيام بتجوع البطون
شفيق
المعرفة أكبر وسيلة قيسها****ضيّعت يا سليمان بمقاييسها
وحتّى الصلا لُو سْألت حادي عيسها***فيها السما بتوصل على فراديسها
ويا مشبّع بطون الدني ,تخسيسها****مو مشكلة احرمها عنبها وديسها
يا ريت ادم جاع عن تفّاحتو****وما حقّق بجهلو هدف ابليسها
سليمان
تركني متل أدم شريعة بدون غاب***ولا شوف حلمي لابس تياب الضباب
ولوما لهدف شيطان أدمنا استجاب***ما كان حقق رغبتو يابو الشباب
.ولوما الهدف بالحكم ما في أنتخاب***.ولوما الحلم شو جابني لدنيا العذاب
وكل الما عندو بالدني حلم وهدف***متل الحمل بيصير ملطش للدياب
شفيق


النحل مهما كان عزهوري لجوج****بيزعل إذا ما لفّ أزهار المروج
ومهما بهدف مستعبدك بدّك تضوج****الثورة وسيلة حلم أبيض للزنوج
وهتلر وضع حلمو عقائمة الخروج*****وطبل الثقة ضوّع طرق صوت الصنوج
لكن وسيلة روسيا خلّت هدف******هتلر بقايا رماد من فوق التلوج
سليمان
ضليت أعما عمر ما فهمت الحكي***كيف الوسيلي حق صارت يا زكي
تياب العمالي بخيط ذل محيكي.***.ولوما الخياني ما بتخرب مملكي
وشوف الهدف من جود جعفر برمكي***عللم كفوف الضحك عا خدود البكي
ولوما الهدف بالمعركي رفع الرؤوس ***.ما في ولا قائد كان فات بمعركي
شفيق
أهلا يا ماسوني الخفايا وبُعدها****بكفّ الهدف والحلم مشّط جعدها
شو اللي سلب كركوك مصدر سعدها****إلّا هدف شركة نفط في وعدها
لكن أنا مقاوم كفوفي بعدها****بتطلق مجد خيبر وزأرة رعدها
ولولا الوسيلة ما بيكمل انتصار****من قبل تحصيل النتيجة وبعدها
سليمان
يا مالكي اللي قبلت من بوش الدعم***.أشرف وسيلي للتحرر ....؟والنعمّ......!!!!
ويا مقاوتنا بالجنوب اللي نعم***!!!!!ب طعمة لزيزي من نصر أطيب طعم
حطّوا هدف يا شعوب تا الثورة تعمّ***.بدنا فعل ببلادنا شبعنا زعم
وياما من الحكاام باعت شعبها***وكانت وسيلي لهيمنة ...متل الطعم
شفيق
لولا المسونيّة الغزو ما هدّ دار****اللي بيدّعو أوّل فئة زادو العمار
والمالكي يمكن وسيلة اليوم صار****لكن رهن تحقيق أهداف الكبار
واقشع جنوب العزّ بعد الانتصار****بأشرف وسيلة فكّ زنّار الحصار
ورغم الخيانة من رموز كبار عار*****السيّد حقن دمّ الشعب بالاختصار
وبعدو لهن فاتح مساحات الحوار****يطفي ببحر النور أصغر خطّ نار
ولوما الوسيلة تكون مفتاح الحلول****كان العوض بسلامتك لبنان طار
سليمان
مين اللي دفشك عاالسياسي يا شفيق***بتضل تاكل قتل جمعة تاتفيق
شعري هدف أسطول عم يقطع مضيق***وشعرك زوارق من ورق خرج الحريق
قلت الوسيلة حل حكيك مش دقيق***عندك وسيلة للعمالي يا رفيق
شو هالوسيلة للضغط قطع الحدود.***وأسوء هدف ما بيجبرك تقطع طريق
شفيق

اعذرني أخ سليمان الغالي ...تأخّرت عن الرد بسبب السفر لعدّة أيام وعم فوت ردلك من أول مرّة بشوف الردّة


بزعل إذا خيي شتمني عالرّبى*****اللي كنت عنّو ردّ ضربات الشبا
قال المتل لو بيبلغ السيل الذبا****اقطاع الحدود وقيم دعم الكهربا
واليوم روح وزتّ أموال الربا*****وشوف فيروز على نجمات الصبا
رفضت هدف فعل العمالة اللي كبا****وما ردّت على شخص عم يلبس عبا
بأشرف وسيلة فنّ فتحت هالحدود*****تا تسلّم على تراب سوريا الإبا
سليمان
اعذرني أخ سليمان الغالي ...تأخّرت عن الرد بسبب السفر لعدّة أيام وعم فوت ردلك من أول مرّة بشوف الردّة

عملت الوسيلي عزر يا خصمي اللدود***.وفاتح وراجح بقبل يكونوا شهود

أياك تزعل قلبنا منّو حقود.***..وأسمى هدف بالحب مش جمع الورود!!!!!
مبـــــارح بغزة شــــوف شو عملوا اليهود***حطوا الوسيلة ضغط تا قطعوا الحدود
لوما الهدف من شعب مؤمن بالصمود.***كان الفنا لبس الوسيلي تياب سود
وما كانت على الشام راحت شمسنا***لوما الهدف بالفن توصل للخلود
شفيق
سليمان هيدا من شعوري المشرقي******لاقي إلك مهرب وارقيلك رقي

وتا نفترض عندك هدف فعلو شقي*****فيك بوسيلة تظهرو بمظهر نقي
يعني الحلا إلنا وجمالو المنطقي******وفيك التخفّي فعايلو السودا لقي
لكن إذا كان الهدف طاهر بقي******ما فيك من سوء الوسيلة تستقي
يعني الوسيلة قيمتك تا قيمتك*****كل ما ارتقا نوع الوسيلة ,ترتقي
سليملن
يا مشرقي تا ترتقي الألهام جيب.***ولا تروح تركب ها الوسيلة تا تغيب

]ومنشان تقشع حب وتحس بلهيب***ما في وسيلة غير دمعات الحبيب
يعني الهدف بيضل أسمى بالنصيب***وشو ها الوسيلة تضل يا مستر خطيب
عندك هدف بيكون راقي بلا رقيب***.وعندك وسيلة ساقطة يا أبن ديب
عندي هدف عا الأرتجالي علّمك***.وما في وسيلة لقيتها غير القضيب
شفيق

بركب على أبجر طحن تحتو الحجر*****وانت اركب عا كديش بينأجر

وحتّى الخطوبة عقدها بالمختصر****هيدي وسيلة شرعنت نسل البشر
لكن إذا عندك الغاية بتنحصر*****تتبرر سقوط الوسيلة المنتظر
حمول القضيب وفيه لولح بالسفر*****وتعكّز وعالأرض ما تخلّي أثر
وخلّي الوسيلة الساقطة تعبّي الجياب*****هيدا هدف مسموح في شرع النور
سليمان
أركب عا أبجر شعر تا تصفي عييوق....لوما الهدف توصال مش ممكن تسوق

حتى النوّر يا مثقف تعلّم وذوق.***متل العبيد اليوم في عندن حقوق
اللزقة وسيلة استعملوها للحروق.***بس الهدف بالمختبر فحص العروق
وحتى الزواج بلا هدف بيصير بوق***وشمس الخطوبة بتحلم بفجر الشروق
قواس الضبع مطلوب تا يتم الزواج.***.وما في وسيلة غيرها ان بدك تدوق
شفيق
شعب النور خلّا عليه الالتباس****وعاف الهويّة السجّلوها غير ناس

وعقد الزواج محلّل وعندو أساس*****وهوّي وسيلة تمنع عليك المساس
لكن إذا تم القران بهالتماس*****بيصبح هدف مطعون لولا العقد خاس
وما زال عقواس الضبع كبّرت راس****داعيك صيّاد المواهب والحواس
رح جهّز قواس الضبع حتّى تجي*****ون ما وقعت بالضبع توقع بالقواس
سليمان


شعب النّور معزور لو عاش بضياع.****.وعاف الهويّة السجّلوها وما انباع

وعقد الزواج على الورق كلو خداع***ولوما الهدف بالحب ما بيحصل جماع
ما في وسيلة بلا هدف مني قناع***حاجي ورا العميان ماشي بالقناع
القمحة العاراس الجفت يا سبع السباع***.انحطت تا تاخد عا الهدف بالأندفاع
نسور الوحي ما بتعلق بدبق الزجل***.ولا في أسد بتخوّفو بصوت الضباع