من الشاعر سايد كرم للشاعر سليمان طراد

مبارح كنت عم برجش وفلفش بوراق وطلعت قدّامي رسالة من الصديق العزيز سايد كرم وكاتبلي
ها الشردات اللي من العيون حبيّت انقلهون

سايد كرم

تعّمر مجد لبنان فوق الريح
والدهر عا ديال الأرز نسمة
وها العمر بعد الجرح صار منيح
وها الكون عا تراب الوطن رسمي

لا تروح بين الحلم والسكرة
وتمحي الحقيقة وتحترق بالنار
تناسى الماضي تطلع ل بكرة
ولا تنام تا تقشع الليل نهار

بفيّة الحبقة الشاعر بيرتاح
وتحت التراب بيتعب من الناس
العالم مسكّر عا حلم المناح
الدنيا زغيري برحلة الحسّاس

سايد كرم

يا عيني ع ربّك

رائع جدا

شكرا خيي بو شربل عرّفتنا على هـ المبدع

سايد كرم

الهيئة برحليون فيها شعراء مش كيف ما كان، لكن من العيار التقيل، هنيئاً لهذه البلدة.

بعمر الوجع خلقان وجروحي***خيمة شمس عا سطيحة الأيام
مشتل زهور ومعصرة أحلام***بيادر محبّي لشعب ما بينام
ومن غربتي صليّت عا روحي

****
بقلعة بعلبك ما بتعلى الريح***بشجرة العيد بتلعب النسمة
بين البشر ما بتنفع البسمة***بلاد الشعر منحوت عا أسمي
وغربا القبر ما بشوف يوم منيح

****
شايف جبل صنين لاقي عليك***وقلعة بعلبك باب أحلامك
والعمر باقة زهر قدّامك ***والعطر من فضلات أيامك
والخير فايض عا مدا عينيك

سايد كرم

[center]هذه القصيدة كتبتها عندما توفي عمي المرحوم "شربل ابي نادر"

اهدي هذه الكلمات الصادقة النابعة من اعماقي المجروحة الباكية على فراقك يا عمي العزيز الغالي لطالما اردت ان تجعل مني شاعرة و ها انا اليوم احقق لك ذلك الحلم الذي كان يراودك طالبة من الله يرحمك ويسكنك جنان ملكوته

وفاء لجميل

انتي يا عمي كنت رح تبقى معي
تنظم الي اشعار وتقلي اسمعي
وهلق بعد مارحت وخلصت الكلام
وقفت وقفة عز تالقي الملام
ولوم رب الكون قلو مش حرام
تخرس لسان الكان يتحمل الام
تخرس لسان الكان شعرو يبتدي
اول كلام باسمك واخر كلام

عطول معنا كنت ببيوت العقول
القدوة اوزهرة يانعة بقلب الحقول
وكلما الشمس بتغيب ويطل القمر
اتذكر الاشعار وليالي السهر
وابكي وقول اليوم ضيعان الشباب
ضيعان يللي كان يتحمل عذاب
تخرسن الشاعر ووالكلام تخرسنوا
وتحولوا الاشعار ويلات وبكي
كل حرف صار يقول ضيعان الامير
ضيعان يللي كان بقلبي اسير

[b]

[b]يتبع قصيدة عمي

انت يا عمي وعدت وعم بوفي الوعود
ورح صير اكبر شاعرة بكد و جهود
وانظم الك اشعار وابعت عالسما
تبكي حجار الارض وتبكي الحمى
وقلك يا عمي حبك بقلبي اسير
حبيت فيك الصوت اللي بوعي الضمير
ورح اوعدك وعد قدام كل الناس
اني عا حبك باقية كفي المسيررررر

باسكال ابي نادر

بيوم من الايام قررت اعمل كتاب فصرت فكر شو بدي اكتب بالمقدمة فشوفوا شو طلع معي

وداعا" ايها الدفتر
وداعا" يا رفيق العمر
يا صاحبي الاخضر
يا صدر بكيت عليه اعوام ولم يضجر
يا رفضي ويا سخطي ويا رعدي ويا برقي
يا الم تحول في يدي صبر
تركتك في امان الله يا جرحي الذي اندثر
فان فرقوك من درجي
وفضوا ختمك الاحمر
فلم يجدوا سوى فتاة مبعثرة على دفتر

باول صفحة بالكتاب كان بدي اكتب

حبيبي
حبيبي اين انت؟ غابت الشمس واطل القمر وما ازال بانتظارك غابت الشمس وكنت اتاملها وانا جالسة على شاطىء البحر الااقب غيابها عن الانظار واشبهها بغيابك عني لكن فرقا" بسيطا" بينكما هو ان الشمس تغيب وتعود بينما عودتك اصبحت حلما" في يقظتي وفي المنام فيا ليت الاحلام تتحقق لكنت قضيت عمري احلم بعودتك لنلتقي لقاء" جميلا" بعد غياب طويل

بالحقيقة، لم أجد أرق من كلمات باسكال أبي نادر، كأنها قطرات الندى تنساب على الورق تبلله وقبل أن تغادر تترك عطرا لربما حملته من الورد ساعة حطت رحالها تستريح، قبل أن تمطر بعض قطرات من عبير.
سلمت أناملك يا باسكال، فأنت ملاك رفرف فوق سطور عبقت بالأريج.
تحيتي.

» صدر العدد العاشر من مجلة السايح وحوار مع الشاعر البرحليوني سليمان طراد
» شكر للاستاذ سليمان طراد
» الشاعر يوسف عيسي طراد
» حوار بين سليمان طراد وطوني شلهوب
» الى الشاعر سليمان