أعوذ بالله يا علي عامر

يا علي عاممر ما شِفت فوق الأديــم *** شاعر ع شــَكلك لا جديد ولا قديم
صَوتك يا عامر أوبرالي وشو رخيم *** لا ماجدة الرومي ولا عبد الحــَليــم
ويـُوسف الحسن بيحسدك قد ما وسيم *** من طلتك يا حارق قلوب الحَريـــــم
تأملت بالصورة استغفرت الــــعــَليم *** قلت باسم الله رحمان الرحيـــــــــم
من كل مخلوقات ألله ال بالدنـــــــي *** وَحدك بتشبه وجْهْ شيطان الرجيم

للحلم شاعر عبقري وما في خجل = وصوتي هبه من ربّنا بقلّك أجل - الحمدلله

امّا الجمال بروح فيها من الأجل = تنجّيك وتنسّيك ايمان الدجل

يا بو خليل لزام حدّك عا عجل = ولا تهاجم الشاهين يا فرخ الحجل

يمكن لانّي ناقم بشرع الزجل = وثاير م بعرف غير من الله الوجل

اسم الله عليك قشعتني بوجه الرجيم = لكن انا شيطان سرّ المرتجل

دُنيا الزجل من بابها لــــمحرابها *** الشيطان عُمرو ما وَرَدْ بحـــــسابها
والعاهرة بتتسترْ بجــــلبــــابها *** وبعدُنْ على حــَبل الخطية تيـــــــابهـا
شياطين أمريكا وأهـَل إرهـابها *** بالشرق يا عامر كتار كـــــــــلا بها
بالأمس ع بغدادنا عــَرَّابــــها *** بخيبة انرجم لما وقف ع بابـــــــــها
وأنتي إزا تشيطنت بها المُنتدى *** مأكد رح يصيبك متل ما صابهـــــــا

الشيطان عمرو ما ورد بحسابنا = ولمّا انت هلهلت خلّع بابنا

يا داشر تمرّى قبل ايعابنا = نحنا اللي طهّرنا العهر بنيابنا

وقبلان اتشيطن وكلّ الصابنا = من سل طيبه طوّرت ارهابنا

المتلك بمملكة المجد نصّابنا = ورغم الفجور مطالب باتعابنا

وبخلق حضاره بالحجر لو رجمتني = وبالجمر بخّور القداسه ثيابنا

الثياب بمعنى الاجساد

خيي بو شربل شو القضيّه ما بدّو يظبط التنسيق

مش معقول هيك الخط زغير

داشر إذا بتقول عنّي يا صَبـــي *** بتهين أصحاب العمايم . والعــِبي
بتخلق حضارة من حجار مقصبي *** برهَنت إنك جاهل وأنكْ غَبـــــي
براهيم حلل رجمك بشرعو الأبي *** ومن نور إسماعيل يا بليس اختبي
مبارح على شرع الرسول اليعربي *** رجموك مليونين وبهــــا التجربــي
يا داشــر وتافه وأعمى العينتيـــن *** شوف الفرق ما بين شيطان ونبي

معقول اعمى بعينتيني اليوم كون = بسّ العمى بقلبك ظهر اوسخ ظنون

وشو وصّل شكالك ي محل الزيزفون = لـ طهر العمايم والعبي بجوّ السكون

عنّي غبي بتقول وبسحر الجنون = قلاع الحضاره حجار خلقت بالفنون

ويا فوضوي لا تدّعي انّك مصون = ما في نبي مليان متلك بالديون

يمّا بتوفي ديونك بشرع الادب = يمّا بتخرس قبل م تسبّ المجون

ان ما كان بيت الشعر آية من الحَلا *** يا علي عامر رَدِّدو ببيت الخَلا.....
ولَمّا المدجنْ يلتقي بسبع الــــــفـــلا *** تشَهَدْ عا روحك قول لا حولا ولا
آدم بجنات العُلىَ فيك إبتـــــَلــــــــى *** رفضت السجود خِسرت جَنَّات العُلىَ
قلت النبي مديون يا وج البـــــــلا *** بينك وبين الرَّب مقطوعة الصِــــــــلة
دين البشر ع بليس لعنة دايــــمي *** ودَين النبي عا خالقو فرض الصلا

أعتذر عن هذا التأخير وأُهنئ الشاعر الكبير علي عامر على هذه الروح الشاعرية كما أتمنى للشاعر سليمان طراد الشفاء العاجل
على أمل المتابعة بشكل يومي ودمتم في هذا المنتدى الراقي

حلو يا شباب والله مبيضينها بغيابي.. بس ما تخافو كم يوم وجاييلكو...

ولعاني عا الآخر يالله يا شباب شوقتونا للحوار

يا علي شو عاملين فيك بغيابي

شكرا للشباب على المرور الجميل خيي محمّد وخيي حسن

وشكرا كثير خيي بو خليل بسّ اعذرني بالوقت الحالي ما بقدر تابع بالموضوع

وهذا لعدّة اسباب

المعذره مرة اخرى

محبّتي وتقديري

بيت الشعر خمره بصومعة الشرود = عندي ربي وتعتّق بايد الخلود

ومسبوع يا هـ السبع بعدك ع الحدود = وعا نكستك كلّ الدّني بجيبا شهود

آدم وانت بشرع افكاري قرود = لا تنطرو بشي يوم آمن بالسجود

ي محرّف الافكار يا نيّة يهود = بتشيطن عليك وع ربّك بالصمود

تراب البشر لابس شتي اللعنات حق = ما في عدل رح ضل كافر بالوجود