نكهة العيد

ألك يا عيد نكهة بس عنّا***ما عنّا عيد أحلا من وطنّا

أنا من جهّتي بالشغل باقي***وعشر ساعات قلبي مش مهنّى

انا مشتاق ليكون يا رفاقي***ولولا ما سألتوا نهار عنّا

لأنو العمر سكرة بالتلاقي***وقصيدة طالع من القلب فيها

بيوت من العتابا والمعنّى


يا عيد نحنا بعاد ما بنحس فيك

ولا بنحسب حسابك بدفتر هالدني

انتي وعذاب سنينا عامل شريك

وبنقول كل نهار مرقت ها السنة




بحر الزجل

يــــــــا بو أسامة العيد ها الأيام***شغل وتعب وقلوب ملياني

والناس عم بتعيش بالأحلام***من ها الوضع عن جد تعباني

وتا نسيت عيّد شخصك المقدام***كانت الأم شوي مرضاني

وعندي بصراحة الزاكرة بتنلام***وصارت مع الأيام تلفاني

مشتاق ضم الورد يا رسّام***وأهشل مع بساتين تحناني

بركي بروح على الوطن ها العام***تا ألتقي بكل أخواني

ةفيّق ربيع العمر بركي نام***واخد ولادي عا الوطن تا صير

بين الأحبة شخص لبناني



عمار البراضعي


أبو شربل صديقـــــــي العارفينو
مجـــــــد الشعر عمشق عاجبينو
أجمل عيد في لحظــــــــات لبقة
بساعـــــــةّ مانكــــــون ملاقيينو

تاإحملك عابرحليــــون حبقـــــة
على شباك بيتك من فنـــونــــي
ومع أهل الخير تانكون طبـــقـة
أجمل عيد بين ديني وديــــــنـو

نشالله العيد ياسليمــان يبقـــــى
سوا بيوم القايمة معيـديــــنــــو
البعد بيضل عن لبنان عبقـــــة
حتى عاتراب الأرز يرجــــــع
السبع وشبـال عاشمالو ويميـنو

* * * * * * * * *

بو شربل



يا شاعر قد ما تقسا بقصيدك***ما فيك بكره مرة تعيش عيدك

انا مشتاق للملقى الثنائي***تا أكرع خمر من جرة نبيدك

انا حربي من سلاح البدائي***ونقطة دم عم تجري بوريدك

وبس النت يا عمّار دائي***ومتل بريد خيي بالمحبة

يشهد ربّنا متلو بريدك


بحر الزجل


عمار

سكرني العتـّـق الخمرة بإيـــــدو = كلما نخبـــــــك بمزمز بعيدو

وعرد مارد فنوني بكل نخـــــوة = بعد ماتقطـــــع القلب بوريدو

صرت مثال قدوة بين اخـــــــوة = المدفــــــع لان بقبالك حديدو

وترك فينا الهجر أعصاب رخوة = والرادوا الخير للكــــون كلو

غيرو مارضوا لبعضن يريدو

* * * * * * *

بو شربل




يا عمّار مشتقلك زيادي***وعا ضهر الأحمر محضر جوادي

وتا شوفك حضّر نبيد المعتّق***متل ما تعتّق بشوقك فؤادي

ما بعرف ليش فينا الدهر فرّق***وقطعلي تكت حددلي بعادي

وما خلّى فرحة الأصحاب تخلق***بموطن كان عم يشحد سيادي

شلحني الحظ بالغربة تا أعرق***وشحدت الملح تا طعمي ولادي

وانا بالشغل عم اتعب لهلّق***المكتب فرشتي الكرسي وسادي

وصرت بغربتي عايش معلّق***وضايع بين تلّي وبين وادي

وخيالي ضل بالكلمة محلّق***وقطع وعد وتحدي يا جماعة

أنّو يطير ليكي يا بلادي

عمار

ياتراب برحليــــــــون طمنــــــــي
دعســـــــات خيي عليك مســتــنـي
متل ما عالنت فـــــوق سحــــــاب
مارق وذوقو الشعــــــر بيهــــــني

ومن وحي موقعنا لأغلى تــــــراب
تراب القداسة صـــــــــــار متمـني
ترجع تجي عالموطـــــــن الغيـاب
وبير الحلو نرجـــــع ســــوا نكنـي

حتى العطــــر من شعرنا ينـســاب
اخضــر واحمــر اصفـــر وبـــنـي
وبضهر احمر نفتح الأبــــــــــواب
ونطرب الذينة بكــــــــاس والـرنة

ولما بيتلاقــوا سوا الأصحــــــاب
السبع سألت عنو وســــــأل عـني
بيتجمعوا فــي وقتهـــــا الأقـطاب
وسايد كرم منشــــــوف وج بـوج
ونسهر لــــــــــوج الضو ونغنـي

* * * * * * * * * * *