طوني شلهوب واياد قحوش

د. إياد قحوش
:

شمّط ياطوني الشوك
من بين السطور

تالأبجديي تكون مليانه عطور

عيوني طيور
فطورها نجوم السما

غربل سماك وجيب لطيوري فطور

طوني شلهوب
:

رموشي الغيوم ... الشـّمس عيني

ورمشـتـي
بموسم حياتك إسـمـها فصل الشـّـتــي

لـَـمـْـلـِـم سنـيـنـك

وقت ما كمشت الزمان
وقـعـت سنينك عالأرض من كـمــشـــتـــي

Toni Chalhoub
د. إياد قحوش
:

الغيمه متل إيد
البحر بيمــدّها

صوب الشمس .. تـ يلحمس عْلى خدّها

ولمّا الطقس
بيطقّش بصابيعها

بتنزل شتي
لْحضن البحر بيردّها

طوني شلهوب
:

البحر
عْـلى شعر الشـّمس هالـ فوقو ارتمـى

مدّ إيدو
حطّ بكـلـــــــــة
وعـَـتـّــما

دار
سـشـــوار الهوى
وعالشـَّـعر
دار

وقعت البكلة
صارت تشـتـّي السـّـــــمـا

Toni Chalhoub
د. إياد قحوش
:

بليله
كأنّو الآخره عم تنخلق

فيها
بواب مفتّحه .. مَ بتنغلق

عاقدّ ماخضّ البحر
قنّينتو

طارت السّدّه شمس
والبحر اندلق

طوني شلهوب
:

ياسوع
بعدو موجـّــــعو جرح الصـّـليب

وهالشـّـمس دمعة نازلـة
ترم المغيب

دمعة
ورا دمعة

على كتر الـبـــــكــي

صار الـدّمع إسمو
بحر دمع النـّـحيب

د. إياد قحوش
:

ازرعني سجر .. بالريح
بيشتْي زبيب

من نار فيها ضو .. ما فيها لهيب

كل ما منزرع
بالأرض شجرة حياة

عم يقطعوها ويعملو منها صليب

طوني شلهوب
:

عمري
بكفّ الربّ مسمار ازرعو

غير القيامة
من الجرح ما بتقبعو

إلاّ ما قبلــو دوق شو طعم الوجع

ما بريد
كفـّو عا صلـيـبـو يـٌـوجـَـعــو

. إياد قحوش
:

بابل دني
مساميرها المتساويي

بأحرف
:عن التاريخ كلمه راويي

الإنسان مسمار
ازرعو بخشبة تراب

بيطلع بتاني كون
شمعه ضاويي

طوني شلهوب
:

بـأرض الخشـب
ما أغربو نوع التـّراب

بساتين
مدري واقع .. ومدري ســراب

شجرة
شلوحا لعند الله بيوصلو

وشجرة
حطبها بتاكـلـو نار الحسـاب

. إياد قحوش
:

السجره
وإذا ماكان في إلها شفاف
تحكي

بتحكي وصوتها الشفّاف شاف

الأرض صخره معلّقه بشلوشها

وغصونها فوق الدني
انمدّت لحاف

طوني شلهوب
:

لحاف الشـّجر
شــــــو لحــــــاف
عكس القاعدة

بيصقـّـعك
كلما على جسمك هدي

تحتـو
الشـّـمـس هالـ شغلـهـا تغزل لهيب

بتحسـّـها عن شغلها متقاعدة

إياد قحوش
:

الشمس جمره
بموقد الكون الكبير

والمجد ركوه مطفْحه
وفارت كتير

والناس
جايي وحامله فناجينها

وياخطيّتو الـ بيكون فنجانو زغير

طوني شلهوب
:

المجد الحقيقي
عتمتو
نــورا سـَـنــي

مرّة عـمـلـت قهـــوة
بماضي الأزمـنـة

طرطشت حبـّة بنّ عا تياب الفضا

صار إسما شمس
بحساب الدّني

د. إياد قحوش
:

فتحت السهر باب

وبلحظه شارده
علّـيـت
تاصارت دموعي بارده

وكان القمر
بالباب عينو الساحره

منها بشوف الشارده والوارده

طوني شلهوب
:

مــرّة
عـ ناضور القمر رمــشي تـِـكـي

شـفــــت ســـــرّ الكــون

وبـوجـّو حـَـكــــي

شو خفت منـّو عا مـجـــد
ربّ السـّما

انشـقـّـيت بابي
وفات من بابي

وحـِـكـي

إياد قحوش
:

مابفزع من بواب
منها لـْـــــــــــحــــــــــالــــهــــا

عم تنفـتــح .. حتى نـحاكي الآلهه

بفزع من الباب اللي بدّو يــنـفـــتـــــح

تانفوت فوته
بْدون طلعه قبالهــا

طوني شلهوب
:

باب الأزل
فات الأبد من مــدخـــلـــو

وعن طلـعـتــو
لا بــيــِــســـــــأل

ولا بــــِــــســْــــــــــألـــــو

وهـيــك الــ بـيـخـلـد

عالـدّنـي لمـّـا يـفـوت
بـيـــفـــــوت مــن بـــاب الـ ما في طــلــعــة إلــــو

إياد قحوش
:

الدهر ريشة نار
وبمطرح بـعـيــــــــــــــد
انغطّــت

ونحنا حروف
ع سطور الجليـد

والموت عم يمرق ورق نشّاف

كل
ما عم ينشّف جيل
عم يخلق جديد

طوني شلهوب
:

مارد أنا
بـ إيد الزّمن ما بـنـكـمـش

شو الدّهـر؟
رمشــة عين .. لو رمـشـي رمـَـش

ليالي السـّهر بالصـّيف
ما بينـجـّموا

لوما عا جسمـــي يـــفــــوع
بالليل النـّـمـش

د. إياد قحوش
:

الشمس سيكاره
بإيدين الفـضـــا

صارت
كتر ما مجّ فيهــا معضعضه

دخّانها
متل المذنّب عم يـلـفّ

وقرص القمر
متل الكـأنـّـــو مـنـْـفَـــضــــــــــــــَه

طوني شلهوب
:

فنجان قهوة هالقـمــر
ما أروعو

بــحـِـبـّــو حـلــو
شي ملعقة سـكـّـــــــر مــعـــــــو

وباللـّيل ما في نجـوم

لومــــا الملعـقـة
وهالكمّ حبـّة الـ عن طرافا بـيـوقـعــو

مشرف عدد الرسائل : 519 تاريخ التسجيل : 15/03/2008

د. حرف :

حلووووووو للشباب

د. إياد قحوش
:

الليـل
مرّه كان عا راس السـّـــنــــه

سهــــران
عم يلعب قمار .. مـلــوّنـــه

صارو الكواكب بالفضا
يتدحرجو

طـــابـــات لــوتــو .. سجّلت عمر الدني

طوني شلهوب
:

كنت قلـّو ولدنـة

ـ

خــْـطـَـبـتـا زغــيــر

حـلــوة
متل شي صــار
ما بـيـرجـع يـصــيــــر

زعـَّـلـِـتـنــي

شـلـحـت خاتـم خـطـبـتــي

كـسـرتـــو

ـ

بـيـقولـو الـيـوم
بيـغ بانـغ الشـّـــهــــيــــــــــــر