عيد بحر الزجل

موضوع: عيد بحر الزجل الخميس أبريل 01, 2010 12:26 pm

قديش قاسي يا عمر وعليك
بدعي تا الله يقصّر سنينك
شو عملت فيي وليش هادر هيك
فزعان نعرف يا عمر مينك

*****
انتي حقيقة ومشنقة أحلام
وسنين عم تكبر وجع وتشيخ
ولوما وجودك نامت الأيام
متل الدهور بفرشة التاريخ

*****

شو باك عم تركض ورانا وقاف
خليّك رايق يا عمر أرجوك
لونّت شعرات الصبا نفناف
وكل الصبايا ليش ما حبّوك

****
من جهتّي بحبك يا عمر كتير
وبعيش حتّى تطول أيامي
وكلما المرايي بشوفها بكير
بشوفك أمل مقطوع قدّامي

***

شو قصتك يا عمر خبرنا
عا الكوع ليشك عمر ناطرنا
ونحنا بنركض خلفك مجانين
تعبنا وراك كتير ختيرنا

***
واليوم عيدي وخايف من الناس
تفكّر كبرت يحس جمهوري
ويطير عمري بنسمة الأحساس
ويفوح عطري وتدبل زهوري

****
تركني يا عمري شب بترجاك
وسكّر بواب العمر وانساني
تركلي ببيتي درفة الشبّاك
وتكون عا الشباك سهراني

****
بحر الزجل

» بخر الزجل ومخايل لطيف رايس عصبة الزجل بسدني
» اقوى حوارات بتاريخ الزجل بحر الزجل وحسّان البسطاطي
» شعر الزجل !!!
» بحر الزجل
» بحر الزجل