بحر الزجل

انا البحر ال صرت بالشعر حالي
نقلت النت من حالي ل حاله
ولأني مفضل على كل موقع
تركت الشيطني ورهبنت حالي

دعمت موقع زجل تا صار يطلع
ل أعلى مستوا ويضل عالي
وكتر ما كتبت فيه بيوت شعشع
تا صفّى للزجل موقع مثالي

تركت الموقع اللي صار يوقع
بعد ما كان شامخ بالاعالي
وما كان القيّم على الشعر يقنع
بدون البحر ..بتعيش الجهالي

وغبت يا حبايبي وقررت امنع
حبر قصايدي يفيّق خيالي
وصرت... اتصفّح... واقرا..!! واسمع
قصايد خايبي ..متل النخالي

فتحت النت من جمعة وبقشع
ابن فيّاض باعتلي رسالة
وقلّي يا بحر مفروض ترجع
وبلّش.. كلمتو..!! بأسم الزمالي

انا يا بحر عندي وعد بمنع
عليك يلتلتو .ولاد الجهالي
وما بقبل ينحكى عنّك بموقع
لأنك انت خيي.. وابن خالي

ولما صفنت شي ساعة تصرصع
وقال البحر حاقد عا الليالي
واكيدي من الزعل قلبو تشلع
وانا يا مصيبتي خسران مالي

قلت برجع على الموقع ..!!ودمّع
وقلي انت مفضل عا الأهالي
رفعت الشعر تا مجدك ترفّع
تعا يا بحر ننسا.. انت غالي

تركت البحر والموج الملوع
من الخيبه على شطوط العدالي
وقلت يا شعر تا الهام تشبع
نطرني عالسطر مارق خيالي

انا حورية الحبر المدمع
كتبت كتابها وصارت حلالي
وكتر ما قلبها بموجي تولّع
رهج الهامها متل اللآلي

ولأني للشعر والنت مرجع
فلشت وراق موجي عا المجرة
لقيت الجو اضيق من مجالي

يتبع

زجليات بحرية

يا بحر قطّب جرحك وقلي
ان راح الوجع والآخ والعله
ومهما يعّلو صوتن الحساد
بدن ينخو عند ما تعّلي
قول الحقيقة ان عندك استعداد
عا شرط موقع شعر لا تخّلي
يعتب عليك يقول ابن طراد
بلّش هجا عا النت يا دلي
افاق شعرو واسعين بعاد
وقلبو كبير العين بيملّي
ومهما خلق هت تانت من رواد
بيضل بحر الشعر متجلي
شعر الهجا فن والو نقّاد
لا دين عندو تحكمو وملّي
والشاعر بيهجي بلا احقاد
بيكون متل الحج متولّي
بيجمع تحت سقف القصيدة عباد
هيفا ومنى وعواطف ونيلّي
وما زال بالموقع الزجلي زاد
حقد الشباب نويت عا الفلّي
لا تفزعوا عا الشعر عندي عناد
وما طلبت حقّي يوم يوصلّي
حبيّت ودع موقع الأشعار
و قررت يا احباب عا الفلة