زعلاني مني

موضوع: زعلاني مني الأحد أبريل 04, 2010 12:49 pm

نسماتك عطور الزهر بتفوح
وجنينتك رمّان مزروعة
وكلما عا جسمك نظرتي بتروح
بتغفا عا صدرك عمر مابتوعى
...
***
خمرة شفافك كنت أعشقها
وعتّق شفافي بخابية أجساد
ووراقك الحلوين امشقها
ونيّم سنين العمر عا الأمجاد

**
فلفشت بوراقي لقيت وراق
فيها وجع فرحان وملبّك
وبكل كلمة عيّشت أشواق
بحبك يا بحر المنتدى بحبك
***
قديش بدك تزعلي قولي
تا فل من ها المنتدى وأهشل
بحبك ورود بمرج مخجولي
وتا يقطّفو كي الناس ما بقبل

***
مالو عا كتفك هم شعراتك
والعتم غافي عاصياح الديك
وكلما ببحري تشك نظراتك
خلي يا قلبي العاطفة تداويك

***
بحر الزجل وجنرال الغزل

موضوع: رد: زعلاني مني الأحد أبريل 04, 2010 4:14 pm

Kahwash Eiad ياشاعر ل بحرك كأنّو بيوت
فيه الجزر
للريح أحلى تخوت
من ميل بيحدّو
صدى الأحلام
ومن ميل بيحدّو وجه بيروت
..
بحرك
مواجو رخام فوق رخام
معرّق برق
ومفبرك بياقوت
انرفعو
على جبال الزمان خيام
من بوابها شمس الشعر بتفوت
..
بحرك مسيح اللون
لما قام
خيالو سكب قوس القزح بالجو
نضوه ..
تعبّت من سما للاهوت