قديش مشتقلك يا بستاني

ألشاعر سليمان طراد قديش مشتقلك يا بستاني
يا كرم شعر وشجرة غناني

من بعد ما سافرت يا مارون
صار الزجل بغيابك يعاني

والمستوى بطق القوافي دون
ويمكن جريئ بيجرح لساني

وان كنت ما بتصدّق المضمون
بتقدر يا مارو تسألو ل هاني

فادي وطوني عيّنوني كون
مخرج زجل ...غيّرت قصداني

وفتحت صفحة شعر مش موزون
وكان الهدف والبعد أنساني

وحتّى الصبايا تشارك وما تكون
بالمنتدى يا رفيق حرداني

وسنيّت لغروب الزجل قانون
ممنوع نكتوب نثر بالموقع
تا يصير جو المنتدى هاني

بحر الزجل

مارون

Maroun Boustany يا سليمان غيَرت العقيدة
وعا ردَ موشَحي عامل قصيدي
فيها قلت لخيَك الأصغر
انت مشتاق.....متشكر يا سيدي

انا شوقي الك يا طراد اكبر
مثل شوق المناجل للحصيدي
ومثل شوق النمورة والغضنفر
بقلب الغاب تا يلاقوا طريدي

بلا ما تقول بأنك مغيَر
عليي ما بتمرق هالمكيدي
بعدو الطبخ للإلهام مصدر
بشعرك يا ابو الصيت الحميدي

واذا مخرج زجل حالك مفكَر
يلَي عيَنك غشَك اكيدي
انت انجق ممثل يا معتَر
خرج تمثل الدور الكوميدي

على كل حال بالآخر تذكر
لولا قسوتي كانت شديدي
ما بقبل شوف اللي مثلك مختير
وبردت همَتو وصفَى جليدي
بدي ياك عنتر فوق منبر
بدي ياك اقسى من الحديدي
ولما تعود يا سليمان عنتر
ببقى بطلبك فوق المنابر
لحتى دينتك افرك بإيدي


كيف هالزكزكي يا بو شربول؟ اشتقتلا ما هيك؟
هههههههههه

ألشاعر سليمان طراد كرمال الله روق يا عيوني
ولا تضل ترقص هيك عا غصوني
ههههههههههههههههههههه
عملناك زلمي بالزجل صفيّت
تتمرجل على سيوف مسنوني

تعيّنت مخرج بالزجل ولقيت
كل البشر بتمثل بدوني
وما كنت عارف صار عا الوبسيت
التمثيل عندو معهد فنوني

وما زال جايي انت عا السكيت
تهاجم وناسي الأرض صابوني
توقّى ما تظحط عا بلاط البيت
ويصير لونك لون زيتوني
ههههههههههههههه
يا مفتكرني صرت عامل ديت
سماع الجواب وما تلوموني
ان عصّبت بدي أحرقك بالزيت
ورشرش شوية ملح عا جرحك
وراسك بقشّر متل ليموني

ههههههههههه
يا هلا بربك مشتاق للفواكي هههههههههههه

بحر الزجل

ألشاعر سليمان طراد
ما زال منشف مارون رح زيدها
ههههههههههههههههههههههههههههه
......................................


يا شعر كلما قصايدك غنيت***بعلّق بعنقي الموهبة قونة
وبحس انّو بجانحي دفيّت***طفل الزجل من هيك حبّوني

مخرج عملت بدون ما تمنيت***وبمحل ما بنشاف حطوني
بدّك تلاقي عكس ما تمنيت ** من بعد غيبة عمر يا مارون
شو ..مرقك ع حجار طاحوني
بحر الزجل
هههههه
Maroun Boustany يا بو شربل انا نبع ما بينشف بس انا بكتب القصيدة و بفل شو بيعرَفني انك بتضل نايم عالنت؟ههههههههه




يا سليمان ما تحمق يا خيي
اذا ليمون راسي مش خطيَة
فيه الفيتامين اللي بينفع
قوَي جسمك بدمعة عينيي

ولو ما فيتاميني فيك يشفع
كنت صفَيت بديار البليَة
لأنو شباط بطقسو المصقَع
بياخد غصب كل الختيارية

ويا سيف الإنت عا المنبر مصدَع
شو بدَك كان تا تحتك فيي
انا سيَاف كل ما انصر بصنع
برفض آخد المثلك هدية

وعلى التزحيط يا عمَو ما بفزع
انا زحطاط شعري فلسفيَة
قلم بزحط على دفتر مصنَع
لحتى يفور حبري شاعرية
وعلى جفون الصبايا يشكل اروع
بزحط كحل تا حلَي الصبية

على كل حال بدي ياك تقنع
مهما درست لفواكي الشهية
وعنها معلوماتك صرت تجمع
رح بتبقى بكرمات المنابر
حبة توت بيضا مهترية



شاقق البحور
ههههههههه

ألشاعر سليمان طراد يلا جيت عا السريع عجبتني قافية توتي هههههههههههههه عا سيرة التوت




يا شعر خلّي الروح ببيوتي
وفيّق وجع مارونا النوتي
من نوتا الموسيقى ههههههههههه اكيد

وقلّو لحكمة حاجتك تمسيح
وانتي يا هيفا بعركتي فوتي
بالمنتدى صار الشعر تشبيح
وشعرك ي يا مارو متل بسكوتي
بيوتك عليها الذوق شاحط زيح
وبيوت بو شربول منحوتي
قديش بدك تنصب مراجيح
وتبيع للولاد الهوى تخوتي
تا تصير شاعر بالتحدي منيح
بدك تسافر متلنا عا الغيم
وتاكل قضيب انشال من توتي
ههههههههههههههه
بحر الزجل

شوف النحت يا مارون وتعلم يا حكمة ههههههههههههه



وهلق بعد ما جيت أفكاري
طلعت تا تشرب قهوة النجمة
وعزمت أرز العالجبل جاري
وكانت الغيمي كتير منسجمي
هههههههههههههههه
بلّشت يا هيفاء أخباري
وشفت النجوم منوّرة ...ورجمي
ضوّت علينا وهجها الناري
وصار الفضا ييبصرّلنا بفنجان
وما لقيت كوكب بالسما بحجمي
هههههههههههههههههههه
بحر الزجل

.ألشاعر سليمان طراد بعتب على شعّار موقعنا
عم يكتبوا بصفحة زجل معنا

موضوع إنشا عيب يا أنطون
شي كم شردة منك طمعنا

وانتي يا فادي بها العزر ملعون
عم تهرب وما فيك تقنعنا

يمكن انا ومارون عا المضمون
بنطق والألهام جامعنا

لكن ما ممكن غير بالموزون
نكتوب شي جملة وما لها معنى

مجبور هوني نفّز القانون
وأمنع نثر حتى البشجّعنا

البدو عليي يرد أو مارون
مجبور يكتب شعر بالموقع
نحنا بواب النثر شمّعنا


بحر الزجل

شعار موقع الغروب رجاء لا تكتبوا نثر والا بحر الزجل بيبعت رسالة للادارة تحذف
سوزان انتي مسمحلك

هههههههههههههههههههههههههههه


.Toni Chalhoub مش هم إنك توزن القصدان
البيهم تكتب شعر ينصفنا

غير الحكي المغموس بالوجدان
لا منعرف ولا بعمرنا عرفنا

خلي الشعر من شهقة الألحان
نغمة عا صوت الآخ تعزفنا

منكتب مجلة نثر يا سليمان
وبالشهر يمكن نص ردة شعر
ولا تقول عنا الناس صفصفنا


Hassan Kawtharani شو باك ليش منرفز ومفأوس
وما عدت صـَوبي تطل يا محروس
ولا عدت عم تطبخلنا الغـــمي
وصرلي شـَهر ما دقت لحمة روس
وبأسم مار مارون بتســـََمـــــي
وهاجم على مــارون يا ديــــــوس
عا الطبخ ما عدلك بقـــــا همــــة
الحــَكيم لو واصـــــفلــك فواكـــة
قلــــــِّي أنا بعصرلــك البون جوس


Hikmat Chedid Helou :
برومانيا بكرا منتلاقا

منطفي سوا أشواق حرّاقا

بحفلة زجل نحنا ورومانيات

سامع عنن ستّات ذوّاقا

هاهاهاهاها

سليمان بيحضّرلنا الخسّات

وطوني بيجيب منالورد باقة

وفادي عليه يجهّز العرقات

وخلو عليي الشّعر والأبيات

مع كل ردّة بتبتدي الستّات

تغدق عليكن كل أشواقا




Hassan Kawtharani من القلب يا حكمات رح وصيك
اوعى تخلي طراد يلعب فيــك
برومانيا لا تغلط الــــــــــغلــطة
انسرجت مهر غرورك بيــــرميك
الزلوع لو منو عملت خــــــلطــــة
إســـأل مجرب مش رح يقويـــــك
أهون عليي ضربة البـــــــــلطة
من رومانية عندها تكـــــتيـــــك
وحـــق السما بتجبلـك الجلــــطة
وبوقتها مين اللــــــي بيــــداويك



.ألشاعر سليمان طراد يا طوني ليش بتحب التباهي
ما فيك نهار تلفت انتباهي

ان نحت بيوت شعرك ما بتظهر
بموقع شعرنا بتضل ساهي

انا بحر القصيدة الما تغيّر
ولوني بالمواقع ضل زاهي

وانت بتضل يا مسير محيّر
فقير الموهبة بينى الدواهي

قبل ما تغرق ببحري المجمر
اعتذرلي وقول عفوك يا الاهي

غيري بالحداثة لو تستر
انا بأشعار غيري ما بباهي

انا مخرج وانت بالكاد تحضر
المسارح شغلتي والفن جاهي

مدينة منورة ووجي منوّر
وطوني مدينتو مدينة ملاهي

وقبل ما تشك بمواجي تزكّر
البحر الحاكم الآمر الناهي

انت شعر الخفيف الما تطوّر
بمطبخ شعرنا تعيّنت طاهي

ولأنو اليوم زرع الشعر أصفر
اتجاهك بالحداثة عا جهنم
وانا عا قبة الزرقا اتجاهي

ههههههههههههههههههههه
بحر الزجل
ممنوع كتابة نثر واعزر من انزر
ههههههههههههههههههههههه



.Fadi Fayad شو شباب شايف عجبتكن فكرة الحفلة برومانيا
صديقي حسن انت بتلاقينا لانك قريب عالمنطقة
سوزي وهيفا انا طرحت الفكرة بحيث طوني عم يشتغل هونيك مش أكتر ههههههههه

برومانيا حفلة زجل لبنان
بتمرق بعينينا على غفلي
بيغفى قمرها البالفضا سهران
ومنكون نحنا بأول الحفلي
حكمت بيتغزل بهالغزلان
وشقرا تقلوا البلسم وصفلي
ومع بو علي بيميل غصن البان
لما يقلوا الخصر زقفلي
وخياط بدو يعمل سليمان
قماشو يقلو بعد خففلي
وبصرف من سنيني وقت هربان
شرط الحلا أوقات يصرفلي
وانطون رح بيراقب الأوزان
من دون شعر ومطلع وقفلي
منقعدلنا هونيك شهر زمان
وشي كم حفلي الحظ يقطفلي
حتى تصير الأم بالبلقان
تسمع معنى عا شفاف الطفل
والميجنا عا شفة الطفلي