الحملة الإنتخابية لسنة 2010هههههههههههههههههههههه

وهلق نفتتح الحملة الإنتخابية لسنة 2010
هههههههه



حميّت ببرحليون واحتّدوا***وعا سباع صار الكل يتغدّوا
وما عدت أعرف مين سبع الغاب***ومين البيوقف بالوغى ضدّو

ومع كل هيدا بالسياسي الباب***ما بينغلق مرسال بيودّوا
بيتفواضوا يمكن بلا أسباب***بركي بيجيبوا صوات ينعدّوا

ونحنا المصيبة ما حسبنا حساب***مين ما ربح رح ينوقف حدو
وأكبر مصيبة يشركوا الغياب***بمشاكل الضيعة والحزوبات
يربح بيربح مين ما بدّو

بحر الزجل

*****

بما انو منتدى برحليون دمقراطي رح بلش بأوّل لائحة شو قال عضو خسران بالأنتخابات السابقة
هههههههههههههههه


عضو اللائحة الأولة ههههههههههههههههههه


بعرف انا في ناس زعلانين
نسيو شو صار بخمس ست سنين
ونسيوا شو عملوا يوم ما ربحوا
دقّوا الطبول وبلّشوا التزين
وبوقتها بعد الربح دبحوا
وعملوا فرح والناس حزنانين
وعن ليل برحليون ل صبحو
ضلو يغنوا ويرقصوا والصار
جايي اليوم حسابهن تخمين
ههههههههههههه

بحر الزجل

عضو اللائحة الثانية والمجلس البلدي الحالي هههههههههههههههههههههههه

نحنا خدمنا كتير ما بنخون
والناس صاروا يعمّروا من دون
رخصة وجبنا الزفت واللي صار
كان الوضع تعبان عنا ديون
والمي ما جبنا لأنو كتار
بيحركشواعا الحق والقانون
وما كان يقبض أجرتو المختار
ويقول هودي ولاد برحليون
وطرقات شقيّنا وما خدنا تار
خدمنا الكل وليش رح نخسر
لازم الربح يكون عا المضمون
ههههههههههه
بحر الزجل

مواطن برحليون يرد عا اللائحتين هههههههههههههههههههههه

تعا يا منتدى من بعد ربي***تا أحكم عا المربى والمربي
ما بدنا نرجع لحرب البشاعة***الحرب غدار وقعّنا بمغبي

إلي إايام بلمح عا الإزاعة***تسابق بالشتيمي وبالمسبي
مرشح قال ربحوعن قناعة***وتحت الطاولة وراقو مخبي

جماعة زاحفي تقدم الطاعة ***وزنود مشمرة مشاكل تلبي
ومرشح قال برضى و بشجاعة***وأكيد من النصر ...؛عرّض القبي

وإذامن الجسم مفقودة المناعة ***المرض بيدب بالأعضاء دبي
ما نحنا ولاد الله يا جماعة***الحقد بيدّمر بيوت الكريمي
المحبة وحدها بتطعم محبة

في كل ضيعة مجلس التشريع = قسمين مشىّ الـــناس بالتتبيع
صاب التوافق والمحــــبة داء = بيقدر الألــــــــفة موتها بيذيع
شعّار نحنا ركزوا بإصــــغاء = لامنشتري ولا صواتنا منبيع
خلوا التسابق بس ع الإنمــاء = والفـــــوز للضيعة بالمشاريع
في وقتها منسلط الأضـــــواء = عاناس قدروا طوروا بأفعال
بتربح الضيعة وماحدا بيضيع

* * * * * * * * * *

شو صار معي ههههههههههه

مبارح بعتلي شب قوّاتي***وقلّي العيلة انقسمت تلاتي
ويا ريت يا بو شربل ولو فيك***تنزل...!! وبدو قال أصواتي

ومع كل كلمة منمّقة ميوزيك***ونزلوا عا كتر الحس دمعاتي
وها الشب كان بضيعتي شو سميك***ومعدود دلمة بين رفقاتي

بيبلّش المكتوب بالتشكيك***وبيقول ...تا إضغط عا إخواتي
وهوّي عليهن حب يعمل ديك***وناسي انامن بعد سفرة عمر
ما نسيت أصلي ولا انكرت ذاتي

********

بحر الزجل
ههههههههههههه
ههههههههههههه

حلووووو يا ليلى رائـــــــع

عبرة وحكمة للناخبين هههههههههههههههههههه

بستان جدي
لقد أجمعت الفلاسفة عبر العصور على أنّ كلّ

شيء يعود لأصْله 000 وأن الطّبْعَ يغلبَ التطبُّع

لذلك صدق المصريون عندما قالوا بالعاميّة :

" عالأصْلِ دَوَّرْ " فالأمثال خبرة الأجيال , طوبى

لمن اعتَبَرْ !!

قصيدة " بستان جَدّي " تتناول هذا المفهوم !!

= بُسْتانْ جَدِّي =

جَدّي عا أيامو زَرَعْ بُسْتانْ

سْياجو مِنِ البَلُّوطْ وِالْكِينَا

ترابو ذهبْ وِحْجارْتُو مُرْجانْ

ورزقْ الحلالْ الفيهْ كافينا !!


وبُستانْ جَدِّي بِالْحَلا مَلْيانْ

وْنَحْنَا عا خَيْرْ مْواسِمُو رْبِينَا


ومرّ الزّمان وْكِبْرِتْ الأغصانْ

وصارتْ بِفَيّتْها تْخَبّينا


وجدّي على الفطرة وعلى الإيمان

فكّرْ ثَمَرْ غير شِكْلْ يعطينا

طَعَّمْ الكينا مشمشْ ورمّانْ

وقال : التجارب رحْ بتغنينا !!


وصارْ يغوى الطُّعْمْ عالتّحْنانْ

وْشَكْلْ الثّمَرْ واللّون يغرينا

المشمشْ مِنِ بْلاد العجَمْ هربان

ورمان من عفرين جايينا !!


لكنْ بعدْ ما انحطّ بالميزان

وذقنا الطَّعْمْ صِحْنَا يا بارينا

شرشْ الْمَرارْ مْخَرْبِط الدّوزان

ونكهة الكينا عمْ بتكوينا !!

جدّي غِفِي عا مْخَدّتو زعلان

ومن زَعْلْتُو يا ربّ نَجّينا

وسافر بِمَرْكَبْ غفْوتو الحيران

عا ألف بحرْ وعا ألفْ مينا !!


وبالْحُلْمْ أشّرلو النّبي جبران

وقال: المرارة والعسل فينا

ومشيوا سوا بِسْهول وبْوِدْيانْ

تا وصَّلوا قِمّة جَبَلْ سينا

وصوتْ انطلقْ مِنْ جَنّةْ الرّحمنْ

وقال : مهما بْفِكْرْنَا عْلِينَا

هيك الثمر 00 والزرع .. والإنسان

الكينا ما بتقدِّمْ حَلا للناس

وْلا الطُّعْمْ غيَّرْ نَكْهِةْ الكينا !!

--------------

وفاقْ جدّي بْعدْ هالمشوار

مْسَرْسَبْ بأحلاموا السّماويّة


ومشتاقْ للبستان والأشجارْ

للْهوا للْفيّ لِلْمَيّةْ

وقام ومشي وعم يفتكرْ شو صار

وشو هالقَوانينْ الطّبيعيّةْ !!


وصادَفْ عا كِتْفْ الدرْبْ كَوْمْ حْجارْ

إلا وْطِلِعْ مِنُّو فَرْخْ حَيّة ْ

وجدّي اللي قلبو صامِدْ وجَبّارْ

رصُّو بْشُعْبْ عكّازْتو شْوَيّة ْ

ولفُو عا يَدُّو تا وِصِلْ عالدّارْ

وحطّو بْقَفَصْ في قلْبْ عِلِّيّةْ

وصارْ يِسْقِيهْ الحليبْ جْرارْ

ويعاملو بْرِقّة ْ وْنُعومِيّةْ

تا يبرّدْ بْسِنُّو لَهِيبْ النارْ

ويخفّفْ الّلعنةْ الإلهيّةْ !!


وكِلْ يومْ يعزفلو على المِْزمارْ

وِيْعَوّدو عالرقْصْ يوميّةْ

وصارت الناس تقولْ في أسرارْ

بتغيّر الْجَبْلِةْ الأساسيّةْ !!

----------
وهالفرْخْ لَمّا الدهرْ لفّ وْدارْ

صارْ حَيّةْ بَيْتْ سِلْمِيّةْ

وْصِرْنَا نْعامِلْها كْبارْ زْغارْ

بْكُلّ عطفْ وْكُلّ حِنّيّةْ !!


وِبْيَوْمْ كانْ الوَقْتْ عَصْرْ نْهارْ

والطقس نارْ بْفَصْلْ صيفيّةْ

جدّي دَعَسْ عا ذَيْلْهَا وانْدارْ

لَيْنَا 00 وْقال : بْتِفْهمْ عْلَيّي

رَبَّيْتهَا وْدَجَّنْتهَا وِبْغَارْ

عالتربية 000 وعا زَرْعْ إيديِّي !!


ما شِفْتْ إلاّ بْلَمْحِةْ الأبصارْ

لفّت عا رِجْلُو مِثْلْ جِنِّيّةْ

وْزَرْعِتْ بِِكَعْبو نابْهَا مسمارْ

وقدّمتلو سُمّهَا هْدِيّةْ !!


جدّي ابتدا يتألَّمْ وْيِنهارْ

ويصرخ : يا اللهْ شو جرى فِيِّي

وشو هالصَّفارْ الكالِحْ الْمَكّارْ

اللي صَبّ فيّي سْمومْ مِخْفِيّةْ

وقالْ كلمةْ الطّاهر ْ الْخِتْيارْ

قَبْلْ مَوْتُو 00 وْكِلْمِتُو وْصِيّةْ

الأشرارْ حَيّةْ ما لِهَا دَبَّارْ

وْعا قدْ ما تِعْطِفْ عَلَى الأشْرارْ

بِيقابْلوكْ بْلَدْغِةْ الحيّةْ !!
----------
الشاعرعبدالله خبازة

يا ولاد ..عمي حاج تختلفوا***وبعضكن ..مفروض تعترفوا
انتوا بضيعة بيضة القبان***فن السياسي تعلّموااحترفو

لا تشبهوا لبنان بالأديان***كلمن عا دينو بينعلن حلفو
زينوا العدل والحق بالميزان***وتعاونوا المحتال عا بلفو

انتو زهور مزيّنة البستان***عليهاجنا دبابير عم يلفو
والولف مهما يغيب يا إخوان***بيضل قلبو يحن عا ولفو

بتتزكرواكيف انوعدتوا وكان***في ناس عا الأنجيل شو حلفوا
باعوا الوعد تا يعيّشو الوجدان***قبضوا ورق ووراقكم تلفوا

وفي ناس عم تسأل اذا سليمان***ببيع أصلو بس ما عرفوا
حتى البيتمو ما طلعلو سنان***بيعرف أبو شربول شو عرفو

عرفي ما اترك عيلتي من شان***منصب ويمكن بعتقد خرفوا
البيفكروني مهاجر وهربان***من بلاد ظنو مخيّب وقرفو

لبنان يا إخوان عندو مكان***بالقلب قوموا تضبضبوا انصرفوا
وحاجي فتن بين الأهل يا فلان***وافهم اذا الأنسان بدو يعيش
لازم الماضي يزت من خلفو

يا أهل برحليون لا تكوني***متل الحطب مع ناس مجنوني
عيشوا بمحبة وحاج بين الناس***زرع الفتن لا تخيبوا ظنوني

انتوا عواطف ساكني الإحساس***ومعلقيّن بعنقنا أوني
انتو ربيع بلادنا الميّاس***لا تعلقوا بأصوات يا عيوني

ابن الكرم متلو لإبن الياس***وابن الطرادي كحل عا جفوني
وحسان خيي محبتو عا الراس***رح ضل حبو لو جرحتوني

عودوا احضرو يو م الأحد قداس***وحبوا اللي قلها يا دني كوني
ولا تصدقو الفتان والنسناس***وخلو السياسي مركز التفكير
وبحبكون لولا كرهتوني


بحر الزجل


كل الضيع عا الحقد معتادي***وانتي يا ضيعة بطبعك الهادي
لا تهجرينا بنعبدك ما زال***فيكي اندفنوا كل أجدادي

انتي يا برحليونا موّال***نازل لحن عا وتار عوّادي
انتي جميلة والدني مودال***بيتغيّر وما تغيّري العادة

وبإنتخاب اليوم في آمال***تظهر بشر ما تضل عا حيادي
وتزعل بشر لكن عا أيا حال***هو أهلنا وفلذات أكبادي

ويوم النتيجة تزكرو الزجّال***شو قال حتى تفهموا زيادي

حنا انربح ما هم أو مرسال***البيهم تبقوا أهل بالضيعة
وما تورّتولي حقد لولادي

برحليوني

بحر الزجل

صفّوا الأسامي باللوائح درز***ويوم الأحد رح يفتح الصندوق
ويبيّن الربحان بعد الفرز***وينضبّ كل اللي خسر ويدوق
طعم الخسارة غير طعم الكرز***وعند الحقيقة ولا نصر مسروق
ويتزكّروا كيف الجبل والأرز***بيتعايشوا عا المجد يا أحباب
وما في حدا بياخد لتاني حقوق

بحر الزجل

حوار مع منثّق التيار الوطني الحر ببرحليون الصديق مالك أبي نادر
عا الفيسبوك بكل أمانة أنقل الحوار هههههههههههههههههههههههه

وهيدا الرابط

https://www.facebook.com/topic.php?uid=2229476199&topic=16407&post=126843#!/profile.php?id=708496637&v=wall&story_fbid=120401464664513&ref=mf


بحر الزجل


.ألشاعر سليمان طراد


صفّوا الأسامي باللوائح درز***ويوم الأحد رح يفتح الصندوق
ويبيّن الربحان بعد الفرز***وينضبّ كل اللي خسر ويدوق
طعم الخسارة غير طعم الكرز***وعند الحقيقة ولا نصر مسروق
وتفرجّوا كيف الجبل والأرز***بيتعايشوا عا المجد يا أحباب
وما في حدا بياخد لتاني حقوقHace
El jueves a las 18:06 · .Melek Abineder

في ناس خسراني من قبل عالمعركة ما تفوت
وهيدي الخسارة طعمها مش متل طعم التوت
يا ضيعان الرجولة من اللي ناطر علوايح القوات يفوت
بكرا الاحد هني قبلنا رح يزمرولو تووووت
Ayer a las 1:36.ألشاعر سليمان طراد ههههههههههه حلوووو

شاعر يا مالك والحقيقة عرفت
وعنا الوفا بقلوبنا مشهود
الزمّور ما بيضر متل الزفت ... Ver más
وأكبر خطر عا وجودنا موجود

بحر الز


Ayer a las 6:34 · .Melek Abineder

هيدي خبار يا سليمان صدقني
مركبة ومفبركة ومشغولي
ليش الزفت ما بين لهاليومين
وست سنين هالاخبار مهمولي ؟؟؟

Ayer a las 16:52.ألشاعر سليمان طراد

يا مالك الموضوع مش مشروع
وإنماء ضيعتنا ما نترك حي
والإختلاف كويّس ومشروع
بركي السنة بيصير عنا مي
... Ver más
بحر الزجل

Ayer a las 17:23 · .Melek Abineder

حقنا بالمي دايم ومشروع
مش اليوم وقديم قبل الامس
البشراني ما بيطلع منو شي
يا طالب الدبس من طيز النمس
يرحم اهلنا العلمونا هيك ... Ver más
طالمانن نوابنا راكبنا النحس

Hace 8 horas.ألشاعر سليمان طراد



ديغول لمّا حرر فرنسا
ما ضيّع الإصلاح بالتفتيش
مفروض فينا حقدنا ننسا
وما نعيش بالماضي تا فينا نعيش
... Ver más
بحر الزجل
Hace 8 horas · .ألشاعر سليمان طراد

يا منسّق التيار لا تنغر
وتترك الفقرا تا تحصّل جاه
الإنسان يا مالك بيخلق حر
وعيب السياسي تصير بالإكراه
... Ver más

بحر الزجل

الحابب الخدمة لازم يكفّي***ولو رغم عنّو كان مترشّح
ولا يضل قاعد يشرب الشّفي***ويعمول مريض يقلنا مرشّح
لعبوا بطريقة وشطبّوابخفّي***اسامي وقالو هيك مابتنجح
و لفّوا علينا شي ألف لفّي***وصرخت الضيعة هيك مابنسمح
احترموا بقا ترجيحة الكفّي***وبعد النتيجة جهزّو المشلح
وضلّوا أهل وتكلموا بشفّي ***انتوا أهالي وعيب تختلفوا
هيكي الضيعة كلها بتربح


بحر الزجل

Hassan Akkary
بدون البصل قالوا ما فيك تكون***لكن مافيك تعيش دون التوم
وما تظن انّو هالبصل ملعون***عمرك تحتى تعيش بالمحروم
تصور بصل عا دجاج اكل جنون***ونسوان حولك كيف بدها تحوم
تصور شي جلسة نار ب كانون***والتوم ابيض يشبه الحلوم
وبعد الاكل بنقول رح بتهون ***الهيئة الاعادي ليوم شنّو هجوم
كل البيفوت التم مرحب فيه***بس الحكي عالناس مالو لزوم ...

قبل ما ترد يا سليماناذا كنت عاددها حرب بين البصل والتوم دور وتعا عالضيعة تا نزرع كل واحد 10 تلام وبعد الموسم بنحكي

Hace 2 horas · Me gustaYa no me gusta.
ألشاعر سليمان طراد

في ناس يا حسّان بالمرّة
ما بتفهم بفن السياسي كتير
وبتقول انّو عايشي حرّة
وبتبلّش الديني لشيطان تدير
وبتهين عيلة بتكسر الجرّة ...
وبتقول انّو الحرب بدها تصير
يا صاحبي ممنوع نتعرّا
ونلبوس تياب مخزّقة وتعتير
وبصلات برحليون مخضرة
وفيها جلال التوم والجرجير
واللي ما آكل بصلة الحرة
ما فيه يعرف كيف طعم التوم
ولو صار بالضيعة زعيم كبير

بحر الزجل

Hassan Akkary
طيّب يا كبير
توم وبصل راحوا عا شرب الكاس**حطو التزكى وولفو العدّي
ب جو رايق والوضع حساس**دار الشغل والملتقا جدّي
وميشان حتى نقبع الوسواس**وتنمى الضيعة مواج مرتدّي
بحي الشهامي فيك يا بن الياس**كرمال روحو لجدك وجدي ...
بدنا النوايا تكون اقوى قياس**ويعمر ويحلى البدك وبدّي
حبل الصدق ما خاف من افلاس**وحبل الكذب مهما تخبى ونس
ان يوم عشّى ما بقى يغدّي

.ألشاعر سليمان طراد

حبل الكذب بيطول ست سنين
وحبل الحقيقة بتقطعو بتكّة
ومين البينطر هيك يا مسكين
وبيفكّ عقدة بضيعتو فكّة
نحنا ببرحليون معتادين ...
نحكي عا بعض كلام بتبكي
ومن دون ما نضحض الفتنة ومين
منّا لشخص ربحان بيحكي
من هيك لازم يا صديقي نهين
كل شخص جايي يفتن ومعليش
نحمل سوا بارودة الدكة

بحر الزجل