بحر الزجل ونعمان الترس عا الفيسبوك

جيب السيف والترس يا نعمان

حروفك وجع وبيوتك مجاريح
وضوّك خيالو اسرع من الريح
وكلما القصيدة بتطلع بترتاح
... بيوت المعاني..تا نحس منيح
جنّة ربيعك بندق وتفّاح
وجروح روحك آخها مراجيح
ووردك بيعبق ضو كلما فاح
بيدفش الدهشة الواقفي عا الزيح
جيشك حروفك والقصيدة سلاح
ببحر القوافي يا ترس سبيّح
وبحر الزجل لم سر شمسك باح
قالو خلق عا النت ابن الضو
والكل جايي وحامل مصابيح

مساك ضو
بو شربل

ألشاعر سليمان طراد

عمّد بجرن الشمس إلهامك
بتشوف بحر الضو قدّامك
وتا تصير شاعر نت بلّش غوص
بألوان دهشة وعيش أيامك
نحنا بطرنيب القصيدة أصوص
عمرك تا يطول...قصّر قلامك
بحر الزجل تا يطق جايي خصوص
يقلّك قبل ما يعرفوك الناس
موجو حفر بالضو عا رخامك

اهلا بنعمان حبيب البحر

ألشاعر سليمان طراد رد

هوNaaman Ters
مجبور بلّش خبرك مجبور
تعمل حساب لظرف عم بيدور
لا العجب بينجي من العلقه
و لا بيسترك من موت جايي غرور
و رب القصيده باول الحلقه..
. ماشي ع بحرك يا بحر مبهور
بإصبع تا تهدى رياحك القلقه
هوّي بيأمر .. حضرتك مأمور
هوّي سفينة نار منطلقه
ما فيك تحفر ع مجد محفور
الخلق اللي دهبني انا خلقه
ضوّك مختير بزدلك نور
و تا تشع نتفه بوهبك دلقه
لكن لا تعلا و ترفخ بموجك
و تعود تتكسر ع قلعة صور
....

ألشاعر سليمان طراد

قلاعك مجد تاريخها ..فنّاص
وحجار ترسك لونها باهت
وعا العام حابب قلّك وعا الخاص
شردات لونك بالعتم تاهت
بحري ترس ما بينخرق برصاص
وموجة خيالي عا السما تزاهت
بتعلى بتوطى متل شي رفّاص
تا تعلّمك تسبح ببحر الضو
وما نقشعك عا شطوطنا لاهت

هلا بنعمانEl

Naaman Ters

ما بدّك قلاع و لا خيّالي
بدّك شي لحظه من فضا بالي
تا تضل تحلف ب إسم نعمان
بقوة عمر إيّام و ليالي
و العتم من وج الصبح هربان
هروبك من الضو اللي بخيالي
اسمي ترس .. مظبوط .. وقت الكان
يحميك إسمي .. و قلبت الحالي
تا يصير اسمي رمح بالميدان
و يصير راسك فوق بالعالي
برقص نصر ع جتة الفرسان
اللي بيغلطو بالفوت ع مجالي
بحر الزجل يا لكنت يا سليمان
وصولك ع شطّي ملّحك بالشعر
و راجع البحر الميّت قبالي

ألشاعر سليمان طراد

ناشف يا رمل الموهبة ..ومشلوح
بقوة زمان وخوف بمحلّك
ياما فتحت مواج بحري جروح
منشان إترك جسمك مدلّك
ميّت ...!!تا اسمع ضوّك ومجروح
حلّك تضوّي يا ترس حلّك
يا شع فوق شطوطنا يا روح
بيكفي علينا تضل تتفلّك
ويضل لونك باهت محلّك

بحر الضو
هلا بالشباب الترس مترّس بوج الضو الله يساعدو بس بيعجبك هيدا لازم نعيّنو استاذا بالمدرسة لأنو بالفعل استاذ وشهادتي مجروحة فيه

Naaman Ters

قلبي و جعني و شارده ظنونك
لغيتك بجوله و صرت من دونك
ما عدت يا بحر الزجل موجود
تشّ بمحيط الترس قانونك
من مرقتك حدي قطوف خلود
من مجد حرفي سدّد ديونك
و لا تقرّب بهالنار عالبارود
و تعرّض الكرتون بحصونك
حلمك الضو و عالعتم مسنود
" بركة عتم " و العتم ممنونك
تا قشعت من ضوّي خيوط السود
لوم النظر هالبلّش يخونك
و لا تخاف بوجودي العمى محدود
نطرني بأريحا تحت هاك الدرب
مارق ب إيدي فتّح عيونك
ألشاعر سليمان طراد

شاحد النعمة...!!وجيت تعطي دروس
ولابس ترس ومترّس قبالي
كيف انكنت فضه ودهب متروس
و فوقك خرج ياقوت بيلالي
بتمشي مطعوج ليش ؟.. بالع موس
طقطق سبع طقات قتّاله
وجك كتر ما كلت مني بكوس
صارت حناكك فيه منشاله.
لا تجابه الضرغام يافسفوس
البدك لكعبو تمدّ معقاله
يعني اذا قربت ضفرو تبوس
بيدلق ع ضهرك ألف جبّاله.
هههههه
ومن كتر منّك بالزجل منحوس
زندك صفي للبقّ قتّاله
ههههههههههه
تا نعلّمك عا الضو جيب فلوس
وتا تشع بدي دفّعك غالي
.بيكفي تعرّم ياصدر مكدوس
وتنفخ روايا الكنفشي قبالي
ن شكيت في بالونك الدبوس
بتصير كيس اللوكس لما يكون
بدو دفش تاتفتح الفاله

بحر القوافي الجديدة الغير مألوفي خخخخخخخخخخ
ومن الشباب اللي ما بيفهم القوافي للإستفسار نعمان بيعرف المعنى
هو كلمات قديمة بنستعملها بالشمال ههههه فالة فسفوس معقالة قتّالة الدبان ههه اللوكس ومترّس ومتروس

Naaman Ters
شاعر كنت يا صاحبي بعِدّك
لكن معي المنازله بدّك
و من أوّل الجولات عم تنشلّ
ناسي الحكي و مغلّط بعَدّك
جبت الخرج لمقامك المنجلّ
ع مرايتي لمّا نفضح قدّك
وفّر بكوسك إيدك بتنشلّ
من صخرة الصوّان شو بدّك
ن ردّيت ضرباتك تا إيدي بلّ
أصلك تراب .. تراب رح رِدّك
و بعدني لليوم يا مختلّ
بلهت عليك .. بلهتّي بصدّك
جديدك قديم و فيك تقل الظلّ
الله يعين العالم الحدّك
و مجبور إدفعلك شعر لا تضلّ
مبهدل الكلمه .. ضايع برَدّك
أو ليك رح قلّك الأفضل علّ
بلغّه قديمه العتم مش ضدّك
تمرّن ع لغّة جدّك ولا تملّ
هونيك رح تتفاهمو بهالقرب
مودّاك حتى تقابلو لجدّك
ألشاعر سليمان
طراد جدي إلك مشتاق يا جِدي
شوق الزهر للعطر المندي
من ريحة الماضي سما شمّيت
مبارح تبّسم والأمل غدّي
با ترس كلما الروح تسكن بيت
بتحس ضو الموهبة مهدي
عا جبال شمس قصايدي ويا ريت
تفهم تراث بلادنا قدي
انتي ترس بالمتحف وصفّيت
يمكن مجنزّر يمكن مصدي
حكّيتك ويا ترس ما ضويّت
وبكل ردي كنت متردي
ضوي العشره بمطلعك باللبيت!!ا
تا قول عنك بالزحل قدي
من هيك جايي البحر عا السكيت
ما زال ترس ممّترس قبالي
ع راء مترس شددو الشده!!

بحر التراث
>
Naaman
Ters يا بحر شو بيريّح سكوتك
ولا في بشاعة حرف بتفوتك
مهدّي ما بدّك فوق هيك دروب
معليش بيكفّيك تابوتك
او صارت الفرصه ضئيله توب
عم بسمع القطشه بي مازوتك
كلما نوينا نرصعك بتدوب
و بالشعر حدّ بليس لاهوتك
مزح و هزل مافي زجل محسوب
ساكب ع حبر المسخره قوتك
زيوان بيدر و القمح منهوب
دبلان زهر التوت بي توتك
لا لقيت فراشه عليك طيوب
و لا ستفتحو فيران حانوتك
بتذكرك كلما إجا الغروب
يا ليل عم بتضجّ عندي ضو
ما لقيت إلاّ العتم ببيوتك
ألشاعر سليمان طراد
سكوتي صلا وقصايدي قداديس
وترسك مدّهب ضوّ يا نعمان
وروحي بريئة عواطفي محابيس
وملكة خيالي حافظة العنوان
رغم الوجع واليأس والتيئيس!
ورغم القساوي بداخلي إنسان
بفصّل ع ذوقي تياب شمس بقيس
لبيّس جسم قصايدي ألحــــان
وبيني وبينك شلت المتاريس
من دون م يدخل كوفي أنَّان
توب الشعر عا جسمك اللبيس
عجقة صوَّر بيضجْ بالألوان
لو؟ شفت روحي خلف الكواليس
أنسان طيِّب عاطفة مليان
يا ألف أهلا فيك للتأسيس
بثورة تجدد قادهـــا سليمان
بدَّك تكون مواظب ودريِّس
وتنسا علي الديك وفهد بلان
هههه
وما تكون عم تشحد وحامل كيس
وتضيع بين الضرب والسدان
سليمان وحدو بهيكلو قسيس
!!تعمّد ع إيدو تناول القربان
إعقل قبل ما يوصل البوليس
ويوصل نبطجي!! بأمر من سلطان
لا واسطة بتفيد من باريس
حاجي تقول الحق ع الطليان
بتروح بين الدعس والتدعيس
وما بينفعك ختشيك باباكيان
هههههههه
من قبل ما قدرك قبالو يخيس
ال بدَّو يناطح ب صخر صوَّان
بينقال عنَّو كان ياما كـــان!.

خبيبي نعمان انت شاعر كبير ولا تزعل من وقاحتي انا انسان أمي ههههههه ما بعرف بالدبلوماسية حبيت هز الورد تا تضوي واسمالله عليك مشعشع
بحر مملكة الضو

Ters
دقن الجبل
________

لا هالشِتي
رجَّعْ تْلوجو
... مَيّ

و لا هالربيع
اللي رَسَمْ
حَقلو

هَيدا الجبلْ
راغي عَ دَقنو
شْوَيّ

و الشمسْ
شَفره
جاتْ تِحلِقلو
ألشاعر سليمان طراد

يا ترس كلما ترسك يضوّي
بنحس قصف قصايدك جوّي
ومش بس سبك قصايدك بيشع
عا قلوبنا بتفوت بالقوّه
ههههههههههه ريتك تضرب يا نعمان شو تقيل

رايح عا شغلي وبس ارجع روق
رح لوّن الكلمات ...جاييلك
ورجّع بعركة سابقة ل حقوق
ومن مطرحك يا ترس ..رح شيلك
ما في حدا بيوقف مقابيلك

بكره الخفة ...وبعشق تقيلك
يلا بنشوفكن بعد الضهر

Naaman Ters

سليمان كنّك ما شبعت شباع
من خير طاولتي ما رح دينك
طيني أنا من بقوة الإبداع
و ضغري بيفرط بالهوا طينك
روح ع شغلك .. عشيه رجاع
رح شغّلك بي حكة جبينك
و تا تحمل الأهوال و الأوجاع
جيب ضيعه كامله تعينك
ألشاعر سليمان طراد
حكيّت راسي وقلت شو صابو
ها الترس وجّو كرنش بإيدي
وحسيّت في مزراب عا تيابو
وسمعت آخ ونهدتو بعيدة
شادي الفطس ...!! من وهم سرسابو
جعّد بصورة غامضة جديدة..!
وقال البحر يا خطيتو هابو
لسانو بري ويقول يا سيدي
مسكين راكع قبقبو ركابو
وبيقول شعرو شعر تجريدي
والبدر جبلو ترس عا حسابو
كرتون غشّو بالرخص جابو

عا الوصلة

Naaman Ters

الكرنش ما إسمو ترس يا سليمان
الترس عمرو ما نغمش غمشي
هيدا الوهم بي كفك التعبان
يا مشعّلك رمشي بغفا رِمشي
و متعبك و مدشرّك تعبان
و مرتاح لو يرمش ألف رَمشي
لولا سمعت بهدرة البركان
و شفت السما ع الشرق منكمشي
قدّم دموعك للصلى قربان
و بخر من سجودك ألف كمشي
و قول : عالصفحه وصل نعمان
عشت و شفت بركان عم يمشي
1ألشاعر سليمان طراد

يا بدر حاجي تقول نواّصة
تا تغور فيي جيب غوّاصة
وفرّق ما بين الضو والديجور
وهز الشعور ..!!وخصر رقّاصة
شادي مترّس والترس مكسور
بالسيف مش آكل ولا رصاصة
والبحر لونو بالمواقع نور
ومواج فنّو شمس رقّاصة
عم صوم مدة والسباع فطور
وجايي تفطّرني على نجاصة..؟
الله يبسامحك هههههههه
ما الترس صدّى والرمح مبتور
والمهر عم يبرم على حياصة
بركان عم يمشي وما عندو شعور
بيبكي قبالي متل طفل زغير
يا خطيتو معلّق بمصّاصة

اهلا فيك عا الوصلة خخخخخخخخخخخخخخخ

ألشاعر سليمان طراد

يا شاعر الحب الزجل ألوان
والطق بدو روح ورياحة
والشعر مركب حامل الأوزان
والكيف سيف وترس بالساحة
بحر الزجل يا صاحبي سليمان
الخلّى طيور الفن صدّاحة
بالارتجالي بيسبق البركان
ولو كان عندو من الوقت وراحة
بيغزي سوريا الأردن ولبنان
بالشعر حتى يزرع محبة
وتكون كل الناس مرتاحة

تسلم يا شاعر الحب هي باقة ورد

Naaman Ters

لولا تضل بعيد ما لمتك
جيت لرداك رفاع محرمتك
بدر شافك و المعارك هوج
و قصايدي الحروف حرّمتك
قستك من الطربوش للبابوج
و تا إعرضك مهزوم خرّمتك
راح الغنج يا طراد يا غنّوج
نشّف البحر نويت ع صمتك
لا العمق واضح لا السطح بيموج
بيّن الرمل المالح هزمتك
لا تضل بحروف الوزن محروج
لو قابل التعليم علمتك
لا الرمح حاني و لا الترس مطعوج
المطعوج بين مبارح و هلّق
يشهد عليي الشعر .. جمجمتك
.ألشاعر سليمان طراد ‎.
مالح يا موج قصايدي ومسم
وعا شطوط ترس الموهبة هاجم
ما سألت عن نوع الصخر والكم
نجمي بيضلّو بالسما ناجم
يا ترس حاجي تضل تعتل هم
وتبرم بكتب مغبّرة معاجم
تا تجيب لمعة ضو تعطي دم
لشعرك...؟ بإيدي جمحتك لاجم
تزكّر بعركة حامية من كم
جمعة مضت صنديحتك فاجم
قبلك بديت الطق فيكن جم
وما رضيت ضهرك بالهرب راجم
لا تسقّع من الخوف لا تنحم
ما اعتدت طق جماجم بتدوي
بطق البيضوّوه بقلب الجماجم

هلا بترس خخخخخخخخخخخ انا بطق قبل ما اوصل خخخخخخخخخخخ

Naaman Ters

يا طراد حكيولي قبل عنك
متسرع و بالمحمصه بنّك
عني ما حكيولك .. تا فيك تعيش
لا تحرّك لسانك خلف سنّك
مطنّش عليك و بلّش التطنيش
ينفد و قربو يسمعو عنّك
لا فهمت ضغري و لا فهمت تلطيش
و لا بكف متل نحاس بيرنّك
و لا فهمت يا منتوف بالتحليش
و لا فهمت بالخيبات من ظنّك
تا صرت مهري منضّف من الريش
و بعدك مفكّر حالك محنّك
عالبالجماجم كمّل التفتيش
من بعد ما برمت العمر كلو
نشالله تلاقي اللي نفقد منّك

Bou-Shadi Omar A-Samad لك حلوووووووووو... هيدا سليمان اللي منعرفو... حلوووو كتير... ونعمان كمان سوبر رائع...........
-----------------
يا أْسُود شعر الضو
انتو ملوك
ما شفت بي أشعاركن
كبوة
بتتقاتلو عالنت
عالفاسبوك
وكل مين متمترس
على ربوة
---------
تا يسبق التاني
على اللبوة

سليمان طراد

شو سألت عنّي...؟مين خبّرني
المركب..الزرقا..العاصفة والشط.؟
الشعّار...!! يلّي قبرتها بقرنة
حكيلي الحقيقة ..جعت..!! ريقي شط
هههههه
... بعدو محمّى للشوي فرني
دجاج وحمام وماتجبلي البط
لا تخاف خبرّني يا تقبرني
ولو قال عني شي شخص منحط
بحطّو متل لحمة بقلب جرني
وبعزم شباب النت عا الكبة
وبربع ساعة طاولة بتنحط

هههههههههه
يا ويلو اللي حكي عني بالعاطل هههههههههههه
ألشاعر سليمان طراد

قديّش متحمّل يا بو شادي
من ولاد عم بيفلّتو لسانات
وصدّق عليهن ما إلي جلادة
حتّى ما فيهن يدخلو جنّات
ولا عا البيوت بيدخلو كنّات

شفلي ها الثلاثية هههههههههه بالقوافي

Naaman Ters

سألت عنّك من سمك دمّك
و تقل الحكي المكعزل بتمّك
لقيتك بدوامة عجب محبوس
عم توقع .. و كان القصد لمّك
سكّر المطعم نوّس الفانوس
... زمّ .. حاجي .. و اختفي بكمّك
لا بدعستي ما برجعّك مدعوس
و لا بغبرتي في عجز عن طمّك
لا رق ذهنك فات فيه دروس
و لا طل نحل القافيه شمّك
و عندي ما رح توعى من الكابوس
و عنّك ما رح يوقع حمل همّك
و آخر الجوله ضوّك المنحوس
بدّك تصير بسرعتو هربان
و بدّو يطير بسرعتو دمّك

ألشاعر سليمان طراد

سمكي كتاب مسكّرو بباب الحروف
تا يطل يا نعمان شاعر فيلسوف
وما زال حلمي بعيد رح هز الدفوف
وقدّم طبق شهد المعاني للضيوف
فتحت المعنى فــــوت...!! بركي رح نشوف
... شمعة قوافي وبدر ...!مايل عا الخسوف
كفوفي كريمي ومتل ما بطق الزجل
بقدر بضوّي خدودك بطق الكفوف

صباحك جرن كبة رايح عا الشغل بس ارجع بشوف شو مخربش
نسيت قلك ريتك تضرب انت وبدر

Naaman Ters

مقطّبلك الكفين مزروده القطب
و مفروض بعد شفاف شعرك تنقطب
معنى و قصيد و كل صولاتك عطب
بوجود دفّك منبر الشعر نعطب
و نهايتك صعبه تأجلها الخطب
... يا غصن يابس عجبتو العتمه خطب
و اسمك عن الصفحات قرّب ينشطب
و يخبّرو نعمان نار و شاعله
و طراد صار رماد و يهنّو الحطب

ألشاعر سليمان طراد

يا ترس لما البحر بيهمدر جماد...!!
وخليّك لابس ترسك وسيفك غماد
بحر الزجل عا النت كلما ببيت ماد
بيحرّك الإحساس بيهز الجماد
ونارك بعد ما تهب من تحت الرماد
... بترجع ببنك الضو تفتح اعتماد
لكن حريق قصايدي شعلة صلا
تأمل بدون رمادها تنين الرماد

بحر الزجل

تنين الرماد للي ما بيعرفو بيجيب الخوري رماد وبيرسم الصليب عا جبين
المؤمنين وبيقول انك يا انسان من التراب والى التراب تعود

Naaman Ters

يا طراد كلما البحر بجنونو نصدم
إيدي بعلّي و بئمرو يرجع عدم
برماد لا تبني يا قطّاف الندم
في كواخ متلك قبل كانت تنهدم
كلما منمرق حدّها برجّة قدم
... لا تظن بيني و بينك الحرب حتدم
الترس قاضي و انت ع السجن وصلت
و حقّك من القاضي حكم .. تا تنعدم
ألشاعر سليمان طراد

حكمك حكم حكّام حكموا عا الفقير
باعوا الوطن للأجنبي وباعوا الضمير
والبحر حامل هم لبنان الكبير
ناقل حضارة أبجدية يا زغير
وما زال جايي تهد وتعيّط كتير
... وتدعس عاشط قصايدالبحر الخطير
تزكّر بإنو البحر قصّاف العمار
ايدو طويلة بمدّها وجزرو قصير

صباحك فليفلة بس ارجع من الشغل برد

Naaman Ters

حكمي ع فقرك يا فقير المحبرا
مش بحر .. واحة وهم إنت .. مصحّرا
لبنان فيك تغرّب و صفى ورا
و لبنان فيي لا نباع و لا نشرا
يا قاصف عمار الزجل .. شو اللي جرا
... و كلما ع هالصفحات رده بتنشرا
بيفرك عيونو الشعر بيقلي تعبت
و ما لقيت عندو نص كلمه بتنقرا
صباحك خلّ معقّد تلات وجاه .. رجاع ناطرك
ألشاعر سليمان طراد

هاجرت وتهجّرت ..!! حكيك مش صحيح
بايع ضميرك للزقيف وللمديح
ان ضليّت تهجي البحر كل ما تهب ريح
بفرفك بقرن فليفلة لسانك منيح
هههه
... بحري قصايد خالدة ووضعي مريح
وفي مرتيّن تنين حانن يا فصيح
شقيّت صدري بس تا موسى قطع
وجمّدت قلبي ضو تا يمشي المسيح

بحر الزجل

.Naaman Ters

يابحر شعرك كان ناقص مستوى
فرحو ب عهدي و عهدك كتاب نطوى
ما فهمت تا يسوع بصياحو دوى
و موسى عصاتو كانت لجلدك دوا
و اليوم لما ما بقي منك نوى
... و رزّك ع ناري من ربع غلوي ستوى
جايي الترس تا يغيرك يا هالبحر
يريّح الناس و يردمك كلّك سوى
ألشاعر سليمان طراد

شعرك خفيف الضو وبيوتك عدم
رح بقّطك صابيع جهلنتك ندم
كيف لاك عين تقول بمواجي اصطدم
موسى ..!! وتا يقطع بالعصا مجدي هدم
جايي تتردم بحر..!! عاميّة قدم
... وناسي بحر بيروت جنة من القدم
التجّار متلك شاطئ ضبيّة الحلو
أكلوا حقوق الناس تا البحر انردم

مساك صطيلة قريشية ريتك تضرب شو قاسي

Naaman Ters

يا صاير ملوث شو بدّك دحرجي
عن شط بيروت اللي مجدا منرتجي
لا بيمدحك شيطان بشرورو عجي
و ازغر ملاك محلل عليك الهجي
يا كياس سود و يا روايح محرجي
... تاصارت السمكات فيك مبنّجي
و صرتلك الروشه الع باب العاصمه
تا ضل موجك شقّفو كلما تجي
ألشاعر سليمان طراد

يا بحر كلما قلام مجدك دوّنوا
عا الشط بتشوف الحروف تلّونو
ما في قلاع قبال بحري بينبنوا
ولولا انبنوا ما في مجال يبيّنوا
زنودي مواج صخور عجزك طيّنوا
... والبحر جسمي وبالكمال بزيّنو
والشط نادي والصخور كياس ضو
تفرّج زنود البحر عم يتمرّنو

بحر التجديد
هي شباب صورة جديدة انو البحر عم يتمرن بالروشة ههههههههههههههههه

Naaman Ters

يا بحر قلّي قصايدك شو صابها
شربت وهم .. عالقتل ضاع صوابها
يا مسودن بصفحات لون كتابها
ولا فيك توفي بعرضها و جوابها
و صخور شعري الطعمتك عنّابها
... الدهشه معلّقها جرس ع بوابها
و لو داب كل القطب حتّى يرفّعك
بتضل أوطى من شموخ كعابها
ألشاعر سليمان طراد

وطيّت ضوّي شفت جايي من بعيد
مزهرق عا خط القافية وكوع القصيد
زحّطت عن موضوعنا وما في جليد
وبلّط فرامك بعد ما سبقتك أكيد
ههههه
... شموخك صخر مغرور ومواجي الجريد
بيقبع دباشي العنجهية بفرد إيد
وتا تضل صخرة مدمشقة بوج السما
بوصيّك اوعى تلعب بمخل الحديد

ههههههههههه
وهي صورة جديدة يا شباب الموج متل الجريد والمخل بيقبع من تحت الصخر
مساك ملفوف محشي توم

Naaman Ters

يا طراد يا أعتم بحر ببحورنا
وحامك ع ضوّك حلم بدّو نورنا
جديدك قديم و منطوي بعصورنا
ما منكسف الفقرا اللي متلك .. زورنا
داب الحديد و سال عند عبورنا
... و نسور شعر مصفرنه ع سورنا
أما الجريده ن راد يطعجها حدا
ما في دوا يا طراد إلا صخورنا

https://www.facebook.com/groups/2229476199/10150808976191200/?comment_id=10150827776066200¬if_t=group_comment_reply#!/groups/2229476199/permalink/10150808976191200/?comment_id=10150827750841200¬if_t=like

صخورك منابر يابسة..وموجي على
دبشة غرورك ضو شرقط بالفلا
وكلما تشوف الموج يا ترس اعتلى
بيكون الله عم يسبّح بالعلا
حفيّت ضهرك وفركت وجّهك حلا
... تا تصير تضوي خلقتك بين الملا
تاري غسيل البحر جلدك فسّخو
وخلّاك دبشة جهل لا حولا ولا

بحر الزجل يستعيد قواه

طراد يللي كفوفنا بتعلّمك
ذهنك سميك و كيف بدّي علّمك
فلحتك جزر و مواج جايي تلّمك
و ردّك ع وعكه تانيه بتألّمك
راجع تا تعلق .. قبل الله سلّمك
... يا خيال زلمه الوهم كيف مزلّمك !!
يا موجة الخوتا الع صخري هاجمه
بترجع زبد راكع ع إجر معلّمك

نعمان الترس

انا انسان ما بحمل ضغيني***وحملي تقيل تعباني سنيني
واذا شاعر بحقي يوم غلّط***عليي سامحو..بيقول ديني

يا ترس فرامك بها الشوط بلّط***لا تتدهور على دروب السكيني
وكتر ما شعرك الأشقر تشلّط***بيّن راسك الصخرة المهيني
...
يا ترس الصخر من موجي تزلّط***شقف عا الشط وبواب المديني
كأنو صار عا الصدر المظلط****جواهر ضو حلوة خرج زيني

واذا بتقول بحري فيول ظلّط***تا نقّي الجو عم لوّث حنيني
صخرك طفل عا مواجي تسلّط***كأنو قال يا امي سقيني

انا لليوم بحري ما تبلّط***حنون وبالكرم فاتح يميني
ولأنو الترس عا الجمهور جلّط***وقال البحر راكعلو وهجيني

اذا بفستق عبيد حجار خلّط***جنا كسّارة الكلمة الرزيني
واذا ما الموج عا المركب تسلّط***على بيروت ما بتوصل سفيني

ان قالو ..لوط.. قاع البحر قلـَّط *** من التكوين ت تقوم القيامي
ب قلب البحر رح تبقى رهيني

للأستفسار عن القوافي البكر ترك رسالة خطيّة بالموقع
حبيي ترس اهلا وسهلا فيك بجهنم الحمرا الشعرية الكل ناوي عليك حبيّت
تدخل عا البحر قبل ما تتعرف عا الشباب كل لقاء وانت بخير انشالله تاني لقاء يكون بلبنان باصنون

Ver másHace 6 horas · Me gustaYa no me gusta · 6.Yamen Rida

عنجد قافيي بكر....ابو شربل هيدي القافيي جديدي ب صدر القصيدي.و زكرتني ب اسلوب السيد محمد المصطفى.

Hace 6 horas · Ya no me gustaMe gusta · 3.Naaman Ters

يا سليمان الملقبينك بحر أنا بستقبلك و بساعك بلا ما يلقبوني محيط .. أصنون بيتك .. و كل جهنم و إنت بخير:Hace 4 horas · Ya no me gustaMe gusta ·

1.Naaman Ters

ستحي يا طراد خيّبت الجداره
و صرت للعار نوعيّه و غزاره
و لا بق تحتار ما ضلّت طريقه
إلا تسرّب محمّل خساره
إنت يا هدر ما بتتقن موسيقه
... و تا تقشع .. مقلعي شلّك مناره
و أنا ع سحبة صخوري الرشيقه
راعي الجرد عم يعزف قيثاره
أنا حروفي ع هالوادي حديقه
تلج لبنان كحّلني طهاره
و إنت بالشعر عاشق و العشيقه
كلمة عتم ناقصها إناره
ضعت بالغرب ضيّعت الحقيقه
و بدّو حرفك مترجم سفاره
و عندي صارت ظروفك دَقيقه
و منّك شربت السمكه مراره
أنا عالشمس عم بعكس حريقه
و لا فيها تشيل ميلي من الحجاره
و إنت لو شطت بهالبحر ريقه
عم بتحوّلك غيم .. الحراره
راسي دنية الشعر الطليقه
شَعري سنابل و فكري شراره
و من الفينيق في أرزه عتيقه
منّي سحبتها عملتا سفينه
تا إدعس موجك و وزّع حضارة

ألشاعر سليمان طراد
بتتزكر العركات والدم الخفيف
وطق الزجل شو كان بالموقع ظريف
من زمان يا نعمان كنا نسايرك
لما افتكرنا بالشعر انك ضعيف
تاري رهيب وبالشعر اكتر مخيف
هههه

Naaman Ters
بذكر بعد ما جبتك وجبت الأجل
ع حسابك بعركه حسمها المرتجل
بارزتك وفوّتت إسمك ع الحلم
وحروف شهدت عالحقيقه بلا خجل
كنا أنا وإنت وزجل بدّو زلم
بقينا أنا وذكرى رحيلك والزجل

ألشاعر سليمان طراد
جمّع كتابك..لملم حروفو وشوف
كيف الحبر بيصير يلمع عا الحروف
وتزكّر الدر اللي شلتو بعركتي
ولا تزكر من البحر شو آكل كفوف

Naaman Ters
يا طراد يا جمله ما باعوها بسعر
يا حروف تقل الدمع طاعجها البكي
مين اللي خلاّ جنينة طموحك وعر
إلا الترس .. يا طراد لا تكتّر حكي
كفوفك حفظها .. يومة الجاع الشعر
من البحر كلت البحر كلّو يا ذكي

ألشاعر سليمان طراد
صدّقت حالك صرت تسبح عا الغميق
وناسي البحر ما بيصعب عليه المضيق
عبيّت منّو جعبتك قبل السفر
واليوم راجع..؟ او مضيع بالطريق

Naaman Ters
هههههه (ليلتك سودا)
ربّع تا إرجع سدّس وقلاّ تقوم
قيامة الشعر وملح كذبك بيّعك
كلّك مضيق ببحر يا عيبك يا شوم
ن شلناك فينا ببير آفي نسيّعك
مضيّع طريقي كتر ما عليها غيوم
وبكشتبان زغير فكري مضيّعك

ألشاعر سليمان طراد
ضايع مع الشعّار..كلن ضاييعين
يا وقّفو ...يما انقطعو بانزين
ضيّعتتني مظبوط ..أو غشيّتني
تا غشيت ..كلما قريت هاالشعر الحزين

Naaman Ters
يا طراد بين اللي جمع واللي طرح
حسابك صفر ..أمّنت آخر مرتبِه
شعري الحزين بفك لغزو بينشرح
تا يفهمو الشعّار حزني يا صبي
كيف بدّي اكتب الشعر بفرح
انت وعم تنازع بِ قبر الموهبِه

ألشاعر سليمان طراد
بنازع انا..؟ مظبوط تا أرجع ألاه
ودبش المعاني زيح ..!!غيّر انتجاه
يعني اذا بتشوف ضو الموهبة
بتشوف بيني وبين الله اشتباه
بالشعر...يا نعمان قنديلك بلاه

Naaman Ters
بفحص الالوهيه اذا الشاعر بني
ع غرور فكرو الكفر للعله دوى
ما في اله بربع جوله بينحني
شيطان فكرك طبختو النار .. استوى
نازع ما رح تتغيّر عليك الدني
الجوله معي وجهنم الحمرا سوى

ألشاعر سليمان طراد
جهنم معك ...؟من وحشها الناري فقع
عودك طري..وتطاير بجوّه ووقع
وحرفك ما فيك تدهّب بتبر الحكي
لو دهر يا نعمان بالضو انتقع
مش عيب عم بتقول بعد المعركة
ربحان عا سليمان وبوجك بقع

Naaman Ters
مظبوط في بقعه لأني ما زحت
إيدي الع وجّي وع الهدا عم ولّعك
واطفيك.. حرفي علّم الحبر النحت
لليوم مش عم عاركك عم دلعك
مدّيت ايدي كتير تا طالك تحت
وخسارتي اني نزلت تا طلّعك

ألشاعر سليمان طراد
اللي بيسمعك ..بيقول نازل من جبال
فيها الشمس عا التلج عم تنصب حبال
نزول الوهم ..بيضل اهون من نزول
ترس الملبّع عا كفوفك بالقتال
كيف لاك عين ...ربحت للعالم تقول
ونسيت لمّا شلتني عزمك انشال
وحدي البحر..بالشعر تا تسلم قبال

Naaman Ters
سيفي ما خشّنتو انا دحرتك دحر
بالترس.. والكاس المرير مرشّفك
في سحر بسطوري وقَعِت تحت السحر
متل الفضيحه ع العيون مكشّفك
قبلان إنك بحر لكن يا بحر
قبال إنّو الترس عم بينشّفك

ألشاعر سليمان طراد
ترسك بخشتو بسهم الهامي .ونبق
من ميل تاني ..تا عطر دمك عبق
ما قدرت وجك شوف ..سكّرت الكتاب
وغلّفت روحي بورد تا يغار الحبق
لقيتك لعندي جيت من بعد الغياب
وقلبك طبق من لهفتو وقلبي طبق
بكيّر يا نعمان...ما ربحت السبق

Naaman Ters
سكّر بقا ملحمتك عليك نكَمَش
قلبي وأحلامك يا حالم صَقّعو
ضلّك حلام تشوف وجّي ولو رَمَش
رمشي جبال القافيه بيتشقّعو
وجّي صفى كلمات ما فيهن نَمَش
كتابك جريمة شعر أوعى توقّعو
وصلّي الندامه فعل لو ترسي نغَمَش
بعضام جمجمتك القرعه برقّعو

ألشاعر سليمان طراد
ببغداد لما القزم هولاكو مرق
كب الكتب بالنهر لكن ما سرق
لو يسرق من الحبر صفنة فيلسوف
كان الشرق لليوم عم يشرب عرق
ومتلو عملت يا ترس انت بها الظروف
نشّفت غيم الضو تا تعبي الورق
حتى الصبح عا صبح ديكك ما شرق
نشّفت دمي عليك والقلب احترق
نهر الشعر من حد منك ما مرق

Naaman Ters بالفعل رد بليغ يا سليمان

Naaman Ters
كتبلك تاريخ جديد يلمع بالبها
خلصت يا بحر حكاية عيون المهى
قلّي القلم نتفه لمسني وحوربي
قام ولَحالو فيك ع الورقه التهى
حدّي ما شفتو. . الشعر بضلوعي ربي
وعنّي بيخبّر كلّ ما يقصد جها
بشِّر الشرق الترس وحدو مكتبه
سكبلو تا يسكر حبر بو سايد عرق
عهدك يا بحر وعهد هولاكو انتهى

ألشاعر سليمان طراد
حدّك مرق..؟ معقول ما في مرحبا.؟
بيناتكن..شو ها الوحي وشو ها الخيال؟!!
علقّت وجّك..ليش؟ قطعو الكهربا
الشاعر بيعلق بس بحبال الجمال
وبالليل .ما بيتعلّق لعندو إبا
الا اذا بيكون عم يلحق خيال
وتا فيك تكمش لون وتفضّي سما
غربل معي الأشعار وتعلّم نزال
در الوحي موجود ..عندي بها الحما
غمّق ببحر قصايدي ونيّخ جمال

Naaman Ters
يا بحر هالاوزان حاج تدنّسا
ما عاد فينا للولاد ندرّسا
وبمكنسة بلان لازم نلحقك
حتى حروفك عن الصفحه نكنّسا
يا بحر شعر الكبريا البي منطقك
كلما طرفنا عين عنّو بينتسى
يا زهر مزّ .. النحل.. لا ما بيعشقك
يا تياب ترقيع الغشم ما بيلبسا
ع القافيه هالقد مين ملزّقك
مين اللي قلك هالبضاعه تكدّسا
وعلقان عندي .. النحس عندي علّقك
لكن عليك شفقت ونسيت الاسى
شفتك بترجف خوف ناوي روّقك
لا تخاف من عتمات جبتن عالشعر
علّقت وجي شمس تا يشع المسا

ألشاعر سليمان طراد
جبت القوافي بكيس تا تعبّي الوحي
صار الشعر منّك يا ترس بيستحي
بتتفلسفوا وبتبلعو حروف الضمير
ومش حافظين بشعركن الا المحي
مني اشتري الأبداع...لا تبيع الضمير
نام المجد عا سرير مجدي وما صحي
ربي اللحي وضحّك العالم ياجحي
نحنا يا ترس بنعرف ..بنتف اللحي

..

Naaman Ters
عندك ولاد اليوم بدي حلّفك
ترحل لأنو جولتك بتكلّفك
كتار اللي شرحو وبعدهن عم يشرحو
لا الشعر بدّو تألّفو ولا يألّفك
لا شمّك المجد ولا قادر تلمحو
ع رفوف منسيّه التاريخ مستّفك
تركتك ع الكتيبه تا ضعفك اشرحو
عارف بإني بالنهايه بكتّفك
وذكرك عن الصفحات غبره بمسحو
وللكبّ لما تصير مهري بقطّفك
شعّلت تحتك صرف شعّلت النحو
وع النتف شلتك سلقتك كملت معي
لا لقيت شِعر ولا شَعر تا إنتفك

ألشاعر سليمان طراد
نتّف بشعرك شد..تا شعرك يصير
نتفة!! وحي من عَين! يا وادي الدموع
يا ريحة الليمون!! ع جناح الأثير
جيبي إلي نتفة!! ال عايش بالضلوع
وتا فيك تمسح زكر ها البحر الكبير
بدّك تضوّي حروف كلماتك شموع
وخلّي القصايد تنغزل متل الحرير
شعري أبد ومسافتو بوسع السما
وشعرك طريق محفّرة بخمسين كوع

Naaman Ters
يا بو الأبد كنّو ضروري تنعبد
منشوف فكر الشعر ع كفرو لَبَدْ
ما عاد فيك الناس عم يتأمّلو
ولا بين الأْسامي اسم شعرك ورد
وحتى الوحي عمرو الطويل يكمّلو
لازم يا إبن طراد تسكت للأبد
شعرك.. أبد من علم.. ما بيجمّلو
لا فيك عدّه ولا معاني ولا عدد
نزّلت عنّك بحر كنت محمّلو
عفيتك من الالقاب كلاّ وشو بقي
منّك ع إيدي غير فقّوعة زَبَد

ألشاعر سليمان طراد
فقّعت قلبي عليك ضوّك ما لمع
وحلمك بجهلك لابس تياب الطمع
سكّتتني ...؟ ما سكتت لوما مصيبتك
خسران بالك بعد ما فقدت السمع
والكل شاف الفركشة بكتيبتك
والفكر يا نعمان تا يضوّي انقمع
وتا تصير قد البحر عرّم سيبتك
وفهام بحر الشعر لقبو من السما
بركان ضو كتاب مجدو ما انجمع

Naaman Ters
غرورك عميك وبعد بدّك تلعبا
لعبة وجع نعمان فيك مجرّبا
وقصايدي كرمال اكتر علّمك
ع جلدك المحمرّ ناوي اكتبا
يوضاص يا ناكر جميل معلمك
رحمة سما بتلقّبك منّي طلبا
يا غصن شجره نويت نتفه قلّمك
تعلّم الصمت المعرفه منّي شربا
يا خيال زلمة شعر .. هالبيزلّمك
وجودك معي.. وبيلبّسك فكري عبا
يا حالم بهالمجد مين الحلّمك
لاهت ع كرسي؟ تفضل لعندي تعا
وصلّتلّك الكرسي انا بالكهربا

ألشاعر سليمان طراد
يا ها الصبي ..الجهلان ترتيب الحكي
جرحك نزف ..من موج بحري وما حكي
مصحّر خيالك..لا نجوم ولا سجر
ومطفي بوج الضو ..وبتعمل زكي
بيني وبين المجد في ضربة حجر
رح ضل اضرب فيك ..تا تشبع بكي
يا بو الضمير الحي بعتوا؟ أو هجر؟
حرف الضمير الآكلو ...باللوفكي
قدموس بدو عا ..الفصاحة يشتكي

Naaman Ters
بعملاق بيشوفو صبي شو حشّرو
طراد اللي متل الكستنا عم قشّرو
معلّق ع ذات الضوّ فقدان الوعي
ع دوختو الشعّار صارو يأشّرو
غسّلت بدنو زوام فكري ألمعي
ردّو.. وإلي ع الشعر مدّه بنشّرو
شو فيك تعمل بالعديم المدّعي؟!
يللي بوجّو الكلّ عم بيكشّرو
ما زال عزراييل ما استفتح معي
لما عرِف آخر دوا عندي الكيّ
قلّي شو بدّي بهيك مطفي؟ دشّرو

ألشاعر سليمان طراد
شربت الشمس تا صرت مطفي من الوجود
وعا كون تاني طلعت والعالم شهود
وما زال توما الشعر عامل عا الأكيد
لا تشك فيّي..الشك ما عندو حدود
سقيتك بلاغة ضو بدموع القصيد
لقيتك فصيح؟ وبس شفنا بالزنود
لون القصاحة...بزندك الصاير شديد
وفكرك بيهجر ....!!بس ما بيعرف يعود
بيضيع بين العاطفة وبين النهيد
مسقّع من الدهشة الملاني بالورود

وبنسألك يا ترس...؟ بتجاوب برود..!!

Naaman Ters
يا ترجمان الشعر ترجملو .. نسي
وردّو وهيّئلو عصا بالمدرسه
ويا فرمشاني جيب من أقوى دوا
طراد عم يهذي. . شي حبّة هلوسه
ما عاد مستوعب عصر شعرو نطوى
وللموقده بيوتو وراق مكدّسه
هاللي نكسر ع قلعتي ونكّس لوا
وصارت جيابو من الحجّه مفلّسه
هاللي تملّح من رصيدي ونشوى
غبرة عضامو عن بلاطي مكنّسه
هالظن حالو رب مليان القوى
حتى لقى عليقتي العم تنهرو
تحفى يا جاهل هون أرض مقدّسه

ألشاعر سليمان طراد
كنّس وراق الضيف..واستعجل وفوت
جايي الشتي..وشباط ما بيوفّرك
ونقّط ضجيج الشاعرية بالسكوت
ان ما سكتت صوب الروح ما بنسفّرك
وعا معبدك ما بفوت الا بالبيوت
وتا تصير تكتب شعر لازم كفّرك
وتا نفك لغز قصايدك لازم تموت
وتخلق معي من حديد ..ببيوت القصيد

لمّامة الزيتون ما بتعفّرك

» انقلاب بغروب الزجل ههههههههههههههههههههههههههه عا الفيسبوك
» نعمان الترس
» اقوى حوارات بتاريخ الزجل بحر الزجل وحسّان البسطاطي
» بخر الزجل ومخايل لطيف رايس عصبة الزجل بسدني
» قصايد ارتجالي عا الفيسبوك