نسونجي فادي فياض وبحر الزجل

فادي فياض

نداء إلى رئيس نقابة ضحايا الغرام : بحر الزجل سليمان طراد وأعضاء النقابة المحترمين

يا سليمان شطّب عالعداوي
وتعا اسهر معي بليل الهناوي
انت مغروم ... مش وحدك يا خيي

طلع كم قلب بالحب لاوي
الموقع ضج حب وطيب نيي
الليوني قصّرت عمر القساوي
السيف تحول لوردة نديي
الرصاصة تحولت قطعة حلاوي
مبارح كان عنا مسرحيي
بطلها المسرحي حنا الشاوي
كتب قصدان شعرو للصبيي
صداها تردد بكل القهاوي
وهلق حج بدر المعنويي
مأضرب عالأكل أصدر فتاوي
كتبلو شي قصيدي ملحميي
وقلي اليوم تا يكسر صيامو
عليك الشعر وعليه المشاوي

يا فادي ليش بتفتّق جراحي
وعليي هاجم وضابب سلاحي؟
ما تهجي البحر بتشرقط مواجو
بتعرف خبرتو بكل النواحي
انا مغروم ...!!بعلن احتجاجو
عا موقف نت خفف من نجاحي
وبحري نام اعزب عا مواجو
وترك شعر التغزّل والإباحي
ما بعرف ليش عكّرتو مزاجو
وسرقتولي خيالي وانشراحي
وكلما بسجن القلب بزواجو
بيصير الحس عم يطلق سراحي
انعملّي بلوك وتشوّك سياجو
تا صار الشوك لون الورد ماحي
لأنو الديب ما بيرحم نعاجو
وثعلب همّنا ناطر وصاحي
المجد بيضل وبتعلى براجو
وانا للمجد واصلو بكفاحي
وحبيبي الكان يطلع عا دراجو
زحط يا صاحبي وقررت انسا
وبصدر المعتدي ازرع رماحي

لا تلعبوا مع البحر معتكف هههههه

سليمان يا مغروم قدرك لا يخيس --- دبوس .. وعيون الصبايا مغنطيس هههههه
ان ما فقت من وهمك رح تصفي تعيس --- ولا تضلك مبنج بدمع الخندريس
بتتعرف بيوم التلاتا عا لميس --- وبتقول إلها بحبك .. نهار الخميس هههه
وبالسر بتغازل سميرة وفاطمة --- وبتشبرق شبوبيتك متل العريس
بحر الزجل

غازلت زينب واعشقت مروة ووفاء***عاشت غرامي من الألف حتى الياء
بحب المرا أوصلها بعد العناء***ومعروف عني بستحي وعندي حياء
كل علّة بها الدني ألها دواء****الا غرام القلب ما منّو شفاء
بعشق خديجة وفاطمة وليلى وهدى***وبضل كل الليل بحكي مع صفاء

ههههههههههههه
كان النبي سليمان مالك من نساء***تسعين مع تسعة وعشرة بالسماء
لازم لبحر الحب تعلن انتماء***ولا تضل تنعم بالملزة وبالرخاء
خخخخخخخخ
غازلت

ي فياض مش بس نسونجي مع رفاق النقا --- بقلك شو قالولي أهالي المنطقة
مرة ببرحليون عملو ملتقى --- بالمدرسة للأهل والجمع التقى
ومعلمات مرتبي ومأنقة --- ولما إنت بلشت فيهن حرتقة
قالوا لشربل جيب إم شربل معك --- إياك بيّك تعزموا لعنا بقا
ههههههههههههههههههههه
ما فيك من كل حوض تقطف زنبقة --- وعا كل غصن ما فيك تسمع زقزقة
ان ما وعيت عا حالك يا كبش المحرقة --- بدك بالمهدي عا راسك دقدقة
مش بس نسونجي مع رفاق النقا

ألشاعر سليمان طراد ابني عطاني ظرف ممضي بخط بيك***مجلس أدارة المدرسة الليلة دعيك
رحت وسألت معلمة شربل..الشيك***قالت ألي شربول بالعلمي ركيك
سألتو.؟يا شربل ليش ها المخ السميك***قلّي يا بابا ما بحب المات متيك
ومعلمة جبنا تا يدرس ها الصبي***وقاوم يا فادي..!! ها ا
لجمال ان كان فيك
ههههههههههههههههههههههههههه
عزمتا عا جوني وخدتها بالتالفريك***منشان ترضى تعلّمو اعطيتا تشييك
هههههههههه
تشيك لالزغرتاوي هي هههههههههههههه شمالية القافية
ههههه
بقا ظلمتني يا فادي شوف كيف بدك تطلع من القصة

فادي فياض

مسكين يا شربل يا زر البيلسان --- بيك عدو العلم طالع من زمان
المس اللي جايي تعلمك مات وبيان --- راحت معو وبالتلفريك الدرس كان هههه
من هيك يا سليمان يا قلب الحنان --- لا تلوم شربول ان خسر كل الرهان
يما ابتعتلو معلمي تقعد معو --- يا روح عنو انت قدم إمتحان

ألشاعر سليمان طراد

تركلي الصبي يتشيطن وغيّر مسار***وقلّي اذا بتحب ندخل بالحوار
حبيّت عيش الشيطني متل الجرار***بيتشيطنوا عا الخمر تا يزيد العيار
والريح متلي تشيطن وعامل حصار***عرى الشجر تا شلحو توب الخضار
وصارو كأنن حور عين تزلطو *** والريح عم تلعب مع تياب القصار

بحر الزجل

ابني البكر ما علّمو اخد قرار
رح زوّجو بكيّر تا يجبلي زغار
ههههه

ة

فادي فياض
عصفت الريح وتقّلت دماتها
وعن كل شجرة طيرت ورقاتها
وكل الخوابي الخمّرت دمعاتنا
مش متل شفة بينحلف وحياتها
لا تكون ريح وخابية وسكراتها
كون متل الشمس في سفراتها
نور الشمس رجال والأرض المرا
ليش ما بيتطلّع بخياتها

بحفلة تخرج إبنك وجلساتها
عينيك صارت تسبقك غمزاتها
ضحكت الإم وقهقهت جاراتها
لما انت لطّشت عا بنياتها

سليمان

نور الشمس رجّال؟اشو ها الفيلسوف
ما الشمس انثى.وليش ما بدك تشوف
حتى القصيدة مفرعّة بحضن الحروف
بتلعب على الكلمات ما بتحمل سيوف
اتركني بحر اتشيطن وعندي ظروف
ومتل النبي سليمان احصل عا الألوف
تا تعرف. سليمان أوَّل بالغـــَرام!!!!
أزعر. وفادي مهذَّبْ. وطـُشْ الصفوف

ههههههه
معوّد انت يا ادمي!!!تاكل كفوف
وتحمل صحن بطيخ تا تطعمي الضيوف
لكن انا شيطان وبفرفك أنوف
بخطب فريدة اليوم وبطلّق زروف

بحر الزجل

فادي فياض

النسوان يابني مش صور متحركي --- تا نظرتك عا كل صورة تتكي
النسوان إخت وإم حرة مباركي --- وزوجة أصيلي البيت الها مملكي
التهذيب مش تهمة وإهاني بمسلكي --- ويا لابس " التايباس " تا تبين زكي
من صورتك عالنت يا بحر الغرام --- عرفناك أزعر قبل ما تبلش حكي

سيارة سليمان فولز مأنتكي --- وجايب لمادونا بويك مأمركة هههه
المضروب عم يطعم ولادو مفرّكة --- تا تدوق صاحبتو دجاج الكنتاكي ههههههههههه ولك صحتين عا قلبا

ألشاعر سليمان طراد

بحب الصبيّة تكون وردة مفتّحة
وتا تصير بالسبعين... تحمل مسبحة!!
تأمل معي بالشوب ...!!شوق المروحة
بتبّوس النسمة ...بشفة مفرفحة
وتا انصحك تعشق ما عندي مصلحة
لكن ضروري فهّمك بالسحسحة
تشيطن عا قلبك بس اوعى تجرحو
ما جاب من مرتو ولاد اللي استجى

هههه

كنا انا وفادي بمطعم واسألوا
فيّاض..بيجاوب بها الصوت الحلو
سليمان ازعر كبّش بصدر الجلو
وفادي مهذّب قام جاب المملحة

بحر الزجل

فادي فياض

البنت الرخيصة عليك بدي دلها --- والراقية لا تقترب من فلها
ليك العلًم مع أرزتو البيجلها --- ما حط شجرة تانيي بمحلها
بحب المرا تبقى وفية لخلها --- وكلما تغيب تقلها اشتقتلها
وتكون قربانة صلا عا حلها --- إلا عفيف النفس ما بيوصلها
ولا تكون أركيلي ومع " التفاحتين " --- تمرق على شفاف الشبيبي كلها

انضليت حوّا بالخياني تذلها --- بدها بقفا راسك يديها تبلها
عقدة النقص الفيك يما حلها --- يما بحروفي مفاصلك رح حلها

ألشاعر سليمان طراد أووف أووف

مين قال رخص الزهر لو شمو الجميع
وغافي عا صدر مفرع بليلة صقيع
تركني عطر اتشيطن وعا الحسم ضيع
ازحط عا تم مشوهن واوقع صريع
وحليّك انت مهذب وبونبون بيع
ضيف بعرس الموهبة وضلك وديع
لكن انا تركني طبيعة مفرعة
ما بتلبس الفستان الا بالربيع

اووف اووف
مهذّب ابن فيّاض شاطر فهلوي
ما بيطلع من البيت في عندو كوي
التشتوش متل حكايتك يا انثوي
معقد وغاشي والزند عندو رفيع
مين قال رخص الزهر ....

فادي فياض
تمرة اللوز مهذبي بترفع جبين
بحبات بيض تنين قلبين الحنين
وانت يا بطيخ نسونجي سمين
حبوبك السود قلوب متلك عاشقين
شوف الشتي جهلة مراهق بالسنين
بيشرد بيلقف عالأرز والياسمين
ولما كبر صفا نهر ناضج قوي
ماشي بطريقو لا شمال ولا يمين

ريشة الرسم مهذبي يا بوشكين
في خط ماشي خلفها ومعروف مين
والمكنسي بألفين قشة مجمعين
بتمشي الغبرة خلف منها بكل حين
تمرة اللوز مهذبي .....

هات صور جديدي يا بحر