صيف وشتي

موضوع: صيف وشتي الإثنين يناير 14, 2013 2:41 pm

صيف وشتي

قَلَّو الشِتي للصَيف كلْمَا بطِلَّ
وِجَّك بيضَّلو شاحِب و ناشِف
خَليك متلي عالزهْر و الفَْل
ما بحب إترُك شَرشَفي ناشِف
قَلَّو بَعد ما إنت دِغري تفِّل
حتى زُهورَك لَونها ما يحِّل
بهلَك أنا و عَم نَشِّف شْراشِف
----------
معزوفة شتي
-------------
جبين الهوى بجبينها دَقَّ و لَمَع
صَرخِت باعلا صَوت بالجَو إنسمع
ولما هدِت أوجاعها بِديت بكي
وصوت الشتي مزراب يعزف عالسمع
وكلما لمع هالغيم بتشوفو دَمَع
-------------
عيد الامل
------
واصل عا باب العيد متضحي
شفت الفرح بالناس متنحي
مشغول بالي عليك يا لبنان
ويا شام, كيفو وضعك الصحي
سعنا لِ هدنه توصلوا الاخوان
لا تسأليني كتير و تلحي
فرحان من قلب إنجرح فرحان
كل ما أمل عالجرح بتلحي
إنشالله بسماكي يعقد الدخان
أبيض سواد قلوب ب محي
نحنا و انتي بعدنا خلان
خلقنا وحملنا التضحيه عنوان
وقديش بدك بعد منضحي
-------
لمهم تبقي بخير و تصحي
--------------------
يا حب
يا حب يا ناسي مواعيدي
زرعتك عريشه زغيره بايدي
لما كبرت و حليت يا عنقود
بعيون غيري حليت يا سيدي
و موعود فيك و ليك بدي عود
شربتك بكاسة غربتي نبيدي
خنت الامانه و العيون السود
واحلام عتقت بعدها جديده
ضليت فيك مأمل و موعود
وعا ورود خدك ما بدلت خدود
وبنهار عيدي حرمتني عيدي
----------------------
اوقات
اوقات بتغيبي و ما بَعرِف ليَش
يمكن لأنِّي بطبق جفوني
بحبِك انا وتا تعرفي قديش
بحبِك مَ برضى ينعسو عيوني
الشاعر الو كل يوم دينونه
ـــــــ
وبحب حتى الحُب ينصِفني
تعيشي وعيش العُمر عَ حسَابك
وما بحب حتى بْحلم او صَفني
اشعر انا ولا يوم بغيابك
بعطر الصباح و ريحة تيابك
--------------
نهر دمع
----------
الْدَمعَه نَهِر و اْلعَين نبَعِة مَي
و هالشرق وُّج مْضَيع الضحكه
ونار الجَحيم حروب خَيِّ و خيِّ
ببلاد إلاَّ رصاص مَ بتحكي
من هيَك كل ما طفل يخسر بَيِّ
بتبكي السَما مع كَّل طفل شوِّي
بتتْكي عاكتف الارض وبتشكي
-----
وبتصير تعصر دمعها و تبكي
------------------