بدي عيش ولادي

موضوع: بدي عيش ولادي الجمعة يناير 26, 2024 5:38 pm

قصيده رجعت خلنج
يا حلم خدني يوم عا بلادي
مطرح ما عاشوا كل أجدادي
وكرمال الله يا زمن لا تدور
منشان أرجع طفل وبدادي
يا شعر حاجي تهز فيي شعور
بتقدر تقلّي ب بيت قرّادي
شو باك يا سليمان عم بتجور
حمال الألم عا ع كتافك ونادي
وقول كنت مسافر ودستور
منّك يا طير القافيي الشادي
لبنان شو لبنان يا مغرور
حفلة زجل من دون ردّادي
درزي ومسيحي مسلم وطابور
خامس دخل ما ضل عا حيادي
حرقوا الوطن والدين والدستور
وصار الشعب مقسوم بزيادي
والنصرطفّى مشاعلو ببخّور
لحكّام عملو من الوطن نادي
ويا للأسف ضل الشعب مأجور
بيموت حتى يعيّش القاده
وتا قول مش مشتاق حكي زور
لبنان عندي سكر زياده
مشتاق ..بس مواج خوفي بحور
ورغم الحلا ببلادنا مجبور
ابقا بغربي قاسيي ومعليش
بدي بصراحة عيّش ولادي

» بدي عيش ولادي