قصايد

الله

اجتماع بالخوابي مطلوب ابداء الرأي بس شعريا
بعد ما كنت راعي ..صرت راعي
الإداره عيّنتني ع المراعي
وتا إحكم بالخوابي حكم عادل
على عدنان رح كرفت دواعي
ولأنو كبريائي ما ببادل
ولا بدّل شعوري واندفاعي
قبلت رافق بها الموقع عنادل
رغم حرصي ما يهبط ارتفاعي
طلال اللي تعيّن ما بجادل
ضليع ..وبس بيسبب ضياعي
بأوزان الفراهيدي المعادل
بحور مقطّعه بجهدو الجماعي
وفراس عبيد ضريّب المنادل
تشكّل نجم بالخط الدفاعي
وجون العقل بيمرق محادل
على الشعار ما بيعرف يراعي
وطوني بو شموني ستار سادل
على اخصام بالدفع الرباعي
وانا متل الحمامه صرت هادل
وتا اسعى للسلام اليوم بدي
يكون الكل حاضر اجتماعي
اووف اووف
وقبل ما افتتح لحظه اسمعوني
عن اللي الصار من مده هجوني
وبيقولو بدر بيت زغير نزّل
حقد مليان وبعارض جنوني
تدخّل بو بهاء وبالمعدل
طقو بيت من خلده ل جوني
وبدر عنّد ترك بيتو وما عدّل
وهنّي هيك والله خبروني
انحذف بيتو وبالخوابي تبهدل
وشفت دمعات عينيه بعيوني
حيط وحيط راسو ما تبدّل
ولأني بعرفو مفتن مواقع
لازم كنت كبّو تتركوني
ولأنو بدر هوّي اللي هجيني
ونقل حقدو على تاني مدينه
شفتو جمّع العزّال ضدي
وعبّى صفحتو حقد وضغيني
زينب دعمتو ومن قبل مده
غرقت ب بحر شعري وحنيني
وشادي راح يدعم ها المصدي
كأنو الحج شعرو بوشكيني
وحسام الفي الو بقلبي موده
ما بعرف ليش علقلو بدييني
وهوّي لو طبشتو بكف يدي
بخلي حيط نافوخو طحيني
لها الاسباب بدي اليوم بدي
ادعي الكل كل مناصريني
تا نعمل محكمه ضد التعدي
وندعم كل موهوب وهدفنا
على شواطي الادب ترسي السفيني

يا شعر قلّي كيف أعصابك
وكيف المواهب خلعت بوابك
بعرف أنا ما فيك تقفل باب
وتا تفتحو في لاك أسبابك
يا شعر متلك خايف ومرتاب
تخلص بعصر تعولم وسابك
وتروح تلعن ساعة الكتّاب
وتلوم غيم المن فضا جابك
بفن الهجا الشعار صارو دياب
وتجريح مش موجود بكتابك
وحتى الغزل خلى المرا بلا تياب
من هيك صفى خلقنا يطلع
مش هيني تطلع من تيابك

ساعي خير
ارجو دعم جهودي للمصالحه وتقريبا القلوب
طلال عكو بدر حجاوي
بوسو بعضكم.
شبعنا يا بركان البكي حاجي بقا
واحمل بدر من منطقه عا منطقه
كلن من خوابي الزجل خمر انسقو
الا بدر علقم بموقعنا انسقا
قالو الجبال ببعضهن ما بيلتقو
كذبه كبيري في جبل فيي التقى
بدر اللي بيدق كان يلمع بيدقو
بلش حياتو بالكذب والبيدقه
ومن بعد منو كتار متلو بندقو
ونسيو بدمو اللوفكي والبندقه
ما توفقو ضلو بوهم يتعلقو
وهوي الزعيم الما اخد مره ثقه
عدنان عكو عينو تا يعلقو
ببحر الفراهيدي تا يتحمل شقا
تاري بدر بيغار ما بتصدقو
طنب عا عكو وابتدى بالحرتقه
ساعه يقلك بالوزن ما اجلقو
وساعه يقلك فاشل نكبو ارتقى
وعبيد تا يشيلوه يما حرتقو
وتهموه انو شر لحق المنفقه
دار الهجاء وكل شاعر يطرقو
اربع قصايد عا دماغو طرطقه
الدف انبخش كل الاحبا تفرقو
تا بحكمتي قررت حل المشكله
وبتعرفوني ما بحب التفرقه

بدنا نغني ونبني عروش
وكل الاخوه نجمعها
وما نخلي الكلمه شاكوش
تشكوش ادن السامعها
يلا عا القراده
بتمنى الكل ينقل هون

ها التشكيله يا عدنان
لازمها شوية تغيير
من سوريا ومن لبنان
ما شالو الزير من البير
عبيد العندو طول لسان
وجون العقل العقلو زغير
اتهمو الحج وقالو خان
ها المجموعه حتى تفل
كيف بتقدر تقنعها

عدنان

يا خوابي الرح بتصفّي
بروح الخمره ممزوجي
تيهي بهالكون و لفّي
و بعيون العالم موجي
ما قدرنا العين نغفّي
تا تخلص هالهمروجي
وكلما جينا تا نطفّي
بيطلع مين يولّعها

بحر

عملو جوقة زين شعيب
مبارح تا عرفت ومش عيب
نعزم جوقة موسى زغيب
تا تعمل حفله معها

حبيب القلب خيي Ghassan Michel Daoud Chedid
تا الموقع يبقى منصان
رح ابدر ارضو محبّة
تفرخ قيمة بالإنسان
والحبّة تصفي قبّة
وبمسبة الكلمة بتنهان
ويطلع عا لسانو حبّة
اللي عندو مسبّة عا لسان
يمخمض تمّو ويبلعها
انطووووووووووون
جايي انت تروق مين
ول حاميها حراميها
بتبيعن نار وبنزين
جنهم فيك بتعميها
وهلق بدك يا مسكين
تهديها تا تحميها
وانت وجودك حارق دين
مواقعنا ومراجعها

انا
ما تخلي الكلمه شاكوش
تشكوشنا تا تأذينا
وتعمل من حرف الفافوش
يللي فينا بيكفينا
رح ارجع رد الطربوش
عالمطرحنا بخوابينا
المطرح متلان من عروش
القوه وكل مجامعها

Adnan R. Saeed
Administrador
Colaborador destacado
ألشاعر سليمان طراد
عامللّي أص سباتي
الغافف ياكل بستونو
ما بيخونو رفقاتي
رفقاتك هالبيخونو
كنا بالشعر تلاتي
تلاتي عا بعض يمونو
و صفّينا الغيم الشاتي
شلّه و الله مجمّعها
Responder
Compartir
15 sem
ألشاعر سليمان طراد
Autor
Colaborador destacado
Adnan R. Saeed
رفقاتك او رفقاتي
ما بنفرط بالرفقه
لو كانو حتى تلاتي
الحرديني وريتا َرفقه
لازم تا الجيل الآتي
يتعلم يعمل صفقه
لا تجريح َلا شماتي
ها الرفقه رفقه من زمان
و بس الشعر بيجمعها


Adnan R. Saeed
Administrador
Colaborador destacado
يا خوابي الرح بتصفّي
بروح الخمره ممزوجي
تيهي بهالكون و لفّي
و بعيون العالم موجي
ما قدرنا العين نغفّي
تا تخلص هالهمروجي
وكلما جينا تا نطفّي
بيطلع مين يولّعها


ألشاعر سليمان طراد
Autor
Colaborador destacado
عدنان
حلّق يا تفكيري و طير
و مشّي النعجه حد الديب
و يا شعري خليك كبير
وخلّي الما بيطيب يطيب
و يا شعّار و يا فرافير
خوابي الشعر الما بتغيب
غابت فتره صغيري كتير
و رجعت و رجعتو معها

رساله مفتوحه موجهه الى بدر حجاوي
يا بدر الطقس عا عمرك تغير
صرت بحقدك وهمك مزير
فش الخلق يا حج بقصيده
اذا ما كنت يا رفيقي مسير
انا وعدنان في عنا عقيده
الجفا من قلوبنا تنضف وطير
وعلى الإنجيل بقدر حط ايدي
ما عنا حقد لا تبقا محير
وبلا ما نزعل وننشر جريده
حلك تفهم وانت المخير
ومعك نفتح بقا صفحه جديده
تعا ننسا العداوي وحاج تحرد
محلك بالخوابي ما تغير
وصديقك بو علي الله يعينو
حمل حملك ودعمك من حنبنو
ولانك جوز للخالي هجانا
وحمل سيف التحدي في يمينو
بصواريخ روسيه اجانا
وضربني ويمكن توفى حنبنو
كانو نجم ماضي مع روتانا
احترمني واحترم هيبة سنينو
ومنا اعتذر فرقه كفانا
انا وعدنان قبلك دافنينو
بعتو يهاجم وفالق سمانا
وجوزه لخالتك محروق دينو
كفاك تشعل الفتنه بحمانا
نصيحة خي يا بدر المشاكس
واذا جرحك حدا وفقعك بواكس
تشكى للاداره وقول مينو
ههههه
توبة الخمسين
ي رب صبّرني ع أوجاعي
تغيّر زماني متل أوضاعي
عفت الغزل ما عاد فيي حب
حب حوّا ما ألو داعي
حوا جمر بعواطفي بتهب
منشان تحرق حقل إبداعي
ياما احترقت وكنت قادر..شب
واليوم عم اغفا على كواعي
عم نام عا وجي يا عالم طب
الإنسان لما يقطع الخمسين
بيصير قلبو للطهر ساعي
اخ
يا عمر بدّي ياك تفهمني
ما بعد ما الرحمن انعمني
بلّشت طلّق جهلة العشرين
ووحدو ضمير الذوق ألهمني
عندي مرا وولاد ومحبين
وما بحب طيش الحب يحرمني
من لهفة العيله وصرت مجبور
خفف الملح وخفف السمني

Firas Obeed
Autor
Moderador
ألشاعر سليمان طراد
......
أنا يا طراد فضلك ما نكرتو
(على غيري) وقبل منك ذكرتو
ولكنّك معي بتحني بخشوعك
مع ال لفّك بخيطو ع بكرتو
أنا حبّرت المعنّى بدموعك
وع موج الشعر بحرك ما عكرتو
وبسوريا وبلبنان وربوعك
دَلفت عيون شعري وما احتكرتو
وعلى الزيرو لا تحلفلي بيسوعك
أنا ياسوع من قلبي شكرتو
ولكن شو جرى بايخ رجوعك
إنت ومعلّمك مهما مكرتوا
تعى وذيع الخبر بيّن سطوعك
خشب بالزاوية قبلك حكرتو
ولشو تحتد واهتزّوا ضلوعك
ولشو يا صاحبي منّا انجكرتوا
الخوابي عامرة ولا ترد جوعك
سبيل الموهبة لولا افتكرتوا
ومع العملاق لا تخفي طلوعك
إنت ويّاه ما انزعتوا سكرتو
بيكفّي من الندم تنهش بكوعك
وتحرق كرتك كرامة معلم
قبل منّك هرب محروق كرتو
Responder
Compartir
1 sem
ألشاعر سليمان طراد
Colaborador destacado
يا ساكن بغربه انا وياك
ما بحب اجرح خاطرك جرحه
بحلم بعد ها العاصفه بملقاك
بركي بتكمل وقتها الفرحه
بعرف طريق الموهبه اشَواك
جوع المسافه مسبب القرحه
لا باب عم يفتح ولا شباك
وايام صعبه كتير مش شرحه
علقنا..بخانه متل بيت الياك
وما كنت بكتب جرحتي لولاك
لوما شفت نفسيتك مرحه
Responder
Compartir
1 sem
Editado
ألشاعر سليمان طراد
Colaborador destacado
يا عبيد روحي متل بحر دموع
ما ضل عندي للشعر زورق
تعبان من هم الدني وموجوع
وشالح هموم العمر بالازرق
زعلان مني ربنا يسوع
ومن الخجل والاخ عم اعرق
كلما بحياتي بينفتح موضوع
بركض انا وبسكرو من الخوف
تتبدد الاحلام او تغرق
Responder
Compartir
1 sem
ألشاعر سليمان طراد
Colaborador destacado
بتعرف بها الايام ايامي
اشواق عم بتموت قدامي
وجروح عم تنزف حنين وشوق
لريحة وطن عم تنخر عضامي
ما اكبر البيكون عايش فوق
وبيوقع وبيضل متسامي
ومن هيك معنا لا تقلل ذوق
وتهجي بقصيدك شاعر وانسان
خلى الادب بالشعر الزامي
Responder
Compartir
1 sem
ألشاعر سليمان طراد
Colaborador destacado
وعن بدر مهما تشفر القصدان
ما تظلمو ..ولا تغلط بحقو
علم بعض شعار عا الأوزان
وكبرو بنظم الشعر وترقو
وبالرغم كرهي .ل بدر مش عتبان
عليه وما بدي بالشعر طقو
مافي شخص كامل ولا انسان
ما بيغلط والمشحر بدر
تعرض بها الموقع برايي ل غدر
كلن بنعشو زيرو مسامير
ويا للأسف بالمطرقه اندقو
Responder
Compartir
1 sem
ألشاعر سليمان طراد
Colaborador destacado
رايح قبل ما نام ت صلي
واطلب من الرحمن والخلاق
يلاقي ل بدر الموهبه حلي
وعدنان هوي البترك الخلاق
مبارح ضميري البايعو..قلي
مشتاق للموقع بدر مشتاق
وحتى بمحبه نجمع الشله
مفروض نتعرف ع غير رفاق
وزعلان او مقهور ما نخلي
ما الشعر بسمه بتسعد العشاق
والنسر حتى يقدر يعلي
لازم جناحو يضبها تا يطير
ونحنا هدفنا بالحياة كبير
نضل نحنا متل ما نحنا
ع صحابنا نفلش جوانحنا
وما نخاصم غير بالاخلاق


Firas Obeed
Autor
Moderador
يا طراد لا تفيّق مواجعنا
وإقرا ما بين سطورنا جعنا
جعنا لموطن بالشرق تابوت
صفّى بعد ما ترابنا بعنا
يا طراد عيش الشام من بيروت
وعرّج على مصنع مدامعنا
بتشوف طاروا ورقتين التوت
بين الحدود وبين مصنعنا
الغربة قبر لكن حلو ومنحوت
ومزركش وما عاد يوسعنا
ضاقت سماه بجوّنا المكبوت
وبالقلب سيخ الشرق قطّعنا
إنت وأنا ادفعنا الضريبة بيوت
وشوق وحنين وقلب لوّعنا
اللي ضل ببلادي ١٢ حوت
شربوا مآقينا ومرابعنا
مش محرزة نرجع الشام نفوت
يمّا على بيروت حتى نموت
يمكن مارح نلقى أهل وبيوت
ويمكن يخيّم ع الشرق ل سكوت
وما يضل في مطرح قبر ناسوت
شقفة جسد لو الموت رجّعنا
Responder
Compartir
1 sem
ألشاعر سليمان طراد
Colaborador destacado
طالع ع بالي عاتب الايام
وأسأل شو باقي من الماضي وضل
وخبر ولادي كيف كنا ننام
عا الأرض بالملجأ ..رفضنا الذل
وقلن كمان يخزقو الاحلام
لا يحلمو برجعه الوطن اوهام
يردو ورايي هون بدنا نضل
حكامنا بالشرق سراقين
مش بس حاكم..يا ولاد..الكل
Responder
Compartir
1 sem
Firas Obeed
Autor
Moderador
انت يا طراد لوما تكون هالة
ماكان البدر مر بشكل هالي
ولا كان الشر بعيونو تأبّط
ولا دشّر موقعو ولا صار بالي
إذا بدمّو شفت إنو تخبّط
أنا بصفح بهالحالة لحالي
واذا بتشوف إنو صار محبط
يجي يبيّن نواياه بمجالي
أنا للشعر والشعار مربط
وضعت على الحرف عسكر ووالي
وسما عيوني لإله الشعر مهبط
أخدت الوحي منّو بالوكاله
مافي غيري ع هالمنبر استنبط
ونحت سقف الأدب بالإرتجالي
واذا قياسي على قياسو مبهبط
يجي يغني لشو تيضل ساكت
خوابينا لأآلي عم تلالي
Responder
Compartir
1 sem
Editado
ألشاعر سليمان طراد
Colaborador destacado
وطالع ع بالي قاتل بحالي
ليش كنت بها الوطن مجنون
وليش عم كذب على عيالي
وقلن يحبو تراب برحليون
ما زال كان ترابها غالي
ليش دشرت الوطن من دون
ما حملت منو ولا غصن زيتَون
يا ها الوطن قديش متعالي
وبعيد عنا ...فل من بالي
الله يخرب بيتك فيقتلي جروحي حل عني بقا
Responder
Compartir
1 sem
Firas Obeed
Autor
Moderador
ومنّي سلام كبير تا اتودّع
من قلب هاوي شعر ما أبدع
هيك الزجل بعيش بالتحريض
منبر زجلنا بعد ما اتصدّع
قولوا لكل اللي ادّعوا الترويض
الشاعر نسر بالجو ما بيفزع
الشاعر طبيب الحرف والتمريض
الشاعر من جفون المدى بيلمع
الشاعر متى ما بلش التنفيض
بيغربل الشعار ع الغربال
البيكون مش شاعر ما رح ينشال
والشاعر البيكون ما بيوقع


ألشاعر سليمان طراد
Colaborador destacado
ياريت بقدر عد للعشره
من قبل ما اكفر بها الغربه
الأنسان لما بيوقع بحشره
بتصير روحو روح مضطربي
ان شفنا جيوش النمل منتشره
عا بيادر الحصّاد بدو يضل
بيت النمل مسقوف بالتربه
Responder
Compartir
1 sem
Editado
ألشاعر سليمان طراد
Colaborador destacado
الله يرضى عليك عنّي حل
ما عاد فيي نزّل دموعي
وكلما تجاهلت الشعر ..بيدلّ
روحي كئيبه ونايسه شموعي
عدنان فيي بيشعر وبيضل
يقلي بلا ما سرّع رجوعي
لبنان بيّ الجهل بي الذل
ومين ما حكم مش هون موضوعي
ولا تفتكر لبنان بي الكل
خليك يا سليمان موضوعي
في جوع ..عنا في فقر في آخ
ونهدات عم تحروق ضلوعي
Responder
Compartir
1 sem
ألشاعر سليمان طراد
Colaborador destacado
عدنان وينك طل بدي تقول
كيف الوطن تا الكل يفهمني
كيف الكذب خلقان بالمسؤول
وكيف الزيوت مقاتله السمنه
الخيّات والأخوات عرض وطول
ما عاد ع الأخلاق مأتمني
وكل طايفه بلبنان عندا غول
وجهاز حتى يحكمو أمني
من هيك يا فيرو العمر مجهول
وعن قصة الأوطان والبلدان
بنار السياسه عيب تقحمني
Responder
Compartir
1 sem
ألشاعر سليمان طراد
Colaborador destacado
ما بحب هين النخل والأرزات
ولا كان بدّي سمّع النهدات
كان بدّي تفهم ولا تزنّ
عليي تا إرجع صدّق الكذبات
مظبوط قلبي للوطن بيحنّ
ل ضيعه بعيده رفيقة النجمات
لكن حنيني صار متل الجن
ما بيلتقي بالإنس لولا مات
المهباج كلما بيلتقي بالبن
بيزهزه الفنجان بالسهرات
والشعر كلما بقافيه بيرن
بيفيق شيطان الوحي بشردات
لكن اذا بالشرق بدنا نسن
قوانين تخدم شعب ..حريّات
بينقال عنّا للأسف بنجنّ
ومش بس عنا وعندكن يا جار
كل اللي حكمو شرقنا اخوات
Responder
Compartir
1 sem
Editado
ألشاعر سليمان طراد
Colaborador destacado
فيّقت فيي آخ ما بتروح
من قلب بعدو من الوطن مجروح
ما عاد بدي حن ل بلادي
تركني بحالي عايش بلا روح
عم موت حتى عيّش ولادي
ونفسي حزينه كتير فيها جروح
عا رمال همّي بنيت امجادي
وعلقّت برجي ع جسر مقدوح
وضليّت ابكي غربتي ونادي
يا رب جرحي ما ختم لليوم
ولليوم بعدو ها الجرح مفتوح
Responder
Compartir
1 sem
ألشاعر سليمان طراد
Colaborador destacado
يا عبيد بعتبرك صديق وخي
ما تزعل ان بلشّت فيك الكي
تعلّم توجّع بالشعر تا يصير
حرف القصيده متل إم وبي
لا ترمّز بشعرك تا فيك تطير
ابرم مع الكلمات حي وحي
وتا يضل في عندك بلاغه كتير
موّت حنينك تا تضلّك حي
وعنّي اذا بتسأل خطير كتير
عندي القريحه جاهزه عا طول
والشعر عندي متل شربة مي
Responder
Compartir
1 sem
ألشاعر سليمان طراد
Colaborador destacado
بعرف انا بتحب اتحكيني
وبتحبني ولا يوم آذيني
وعارف كمان الشعر نقطة ضعف
عندي ..لها الأسباب هاجيني
انشالله الدني بتعطيك قدي..وضعف
وتقطّع سنينك على سنيني
متل المسيح نقابلك بالسعف
ع شرط معنا ما تبيّن ضعف
وتكب تاريخك على الهيني
Responder
Compartir
1 sem
ألشاعر سليمان طراد
Colaborador destacado
عدنان خابزني وعاجنّي
مرافق عذابي اللي مجنني
لكن ما بدو يعترف ويقول
بطلّت اكتب شعر أو غني
بيضل خلفي يبعت الأسطول
تا يستفز بخاطري جنّي
وتا ضل اكتب شعر مش معقول
عدنان ع جهنم اذا بيروح
بيجرّني خلفو من بالجنه
Responder
Compartir
1 sem
Editado
ألشاعر سليمان طراد
Colaborador destacado
تعبان من هم الشعر ما عاد
بدّي القصيده طقّها ...بدّي
ارفض بنظم الشعر استعباد
جن الوحي أو نيّمو حدي
وقلو تركني صار عندي ولاد
وسكّر بقا الدينين بمخده
يا شعر دشّرني ..وعلى استعداد
محّي القصايد كلها بيدّي
ع شرط دشّرني بغير بلاد
ما عاد فيي موت عا الكلمه
تركني بقا يا شعر بيقدّي
Responder
Compartir
1 sem
Editado
ألشاعر سليمان طراد
Colaborador destacado
ومعقول منّي زعلت يا عكّو؟
وصرتو بغيابي ما بتتحكّو!!
ما كل عمرو البحر عم بيغيب
وبقدرتي معقول بتشكّوا؟
بحر الزجل اعصار حامل طيب
ومروج أنفاس الشعر زكّو
الإبداع مش اسفاف أو تتطييب
الإبداع ما بيوج تا تحكو
واليوم في مضاريب ومجاديب
ع ها البلاغه عيب..بيبكّوا
وقد ما اعضاء فيك تجيب
والبحر لو بيشوفهن لكّو
لا الصوت رح يشفع ولا التتطريب
منّي انتبه أو نبّه الأعضاء
قشاط الزجل رح يرجع يفكّو
Responder
Compartir
1 sem
Editado
ألشاعر سليمان طراد
Colaborador destacado
طوّلت بالي عليك خمس قلوب
وقلنا يا قلبي بتعقل وبتّوب
لا كان فيك تجن يا قلبي
ولا كنت تعقل جاهل المطلوب
فيي الدهر قالب ألف قلبه
تا صار راسي بالأرض مقلوب
متل اللي قاعد يحلم بعلبه
ومن الوجع والخوف عم بيدوب
ما قدرت انسا الشعر من غلبي
وبالكاد ع ولاد الشعر محسوب
كل يوم عم صلي مع الطلبه
تا يفل عنّي ها الوحي ولليوم
ساحوب بيفل بيجي ساحوب
Responder
Compartir
1 sem
ألشاعر سليمان طراد
Colaborador destacado
جنّ القصيده عايش بروحي
وشيطان كلما فيق عم يوحي
ما كنت اعرف كيف رح خلي
طيور القصيده تترك سطوحي
زعلان من حالي ومن خلّي
وفوق المجره مفرّعه شلوحي
والشعر همي وكيف يا دلّي
كلما بفكّر بالوطن عم صير
بدالي القصيده قلها روحي

اتوستوب

يا غيم وينك رايح تطفي الحريق
شفتك محمل..بعد ما فكري صفن
ع ضيعتي خدني على البيت العتيق
صار الزمن.مضروب والدنيا عفن
خدني ولا تسأل عيلتي بلش يفيق
فيي الوجع والشوق والجرح الغميق
ل مطرح ما امي ماتت وبيي اندفن

اتوستوب

يا غيم وينك رايح تطفي الحريق
شفتك محمل..بعد ما فكري صفن
ع ضيعتي خدني على البيت العتيق
صار الزمن.مضروب والدنيا عفن
خدني ولا تسأل عيلتي بلش يفيق
فيي الوجع والشوق والجرح الغميق
ل مطرح ما امي ماتت وبيي اندفن

آخ آخ
زجليات
احترمني يا عمر واطلق جناحي
ولا تطعن خاطري بخنجر كفاحي
وما تسرق ضحكتي بغضب لأنو
البسمه بغربتي بقيت سلاحي
انا بلبنان.. لما بعدت عنّو
حبست الشوق تا اطلق سراحي
وتركت طيور احلامي يغنّوا
على ألحان شبعت من جراحي
ولأنّو موطني ميؤوس منّو
وطن منكوب من كل النواحي
ورغم ما عواطفي للأرز حنّوا
قبلت بغربتي اسعد صباحي
ولأنو والدي ما خاب ظنّو
ونصحني وقال يا بني ضل صاحي
شكرت الرب عا النعمه لأنو
بيي كان مترضّى عليي
وإمي بغربتي شافت نجاحي

جراس الكنيسه اليوم عم تندق
والأرض صاير جوها ضاوي
البابا بروما تا يحق الحق
البطرك عايدو صار طوباوي

سكر نباتي طعمتو تعصيب
واوجاع قلبي سكر زيادي
وكلما الوعي بيجن عنو بغيب
وما بحس حالي غير ببلادي
وتا تعرفو قديشني تعّيب
معروف من تم السبع عم جيب
اللقمة تا اقدر اطعم ولادي