اعلان جوقة النهصه عدنان سعيد وبحر الزجل

واحد ومثنى
تابعونا عا الخوابي
اعلان جوقة النهضه
اعلان عن تأسيس جوقه النهضه
عدنان ويّنك ..بلشّت فرغ مشاط
وقلّك سبب اسفاف شعّار الغنا
لما ابتدوا الجوقات ..عنا بالعياط
قررت اسس جوقة النهضه انا
Adnan R. Saeed
تكارم عليها و اعتني بِ عَـلفها
تا تكبر و يوسع شويي حِـلفها
و واجب عليي ضل ادعمها انا
لو كنت انت من ال بيردّو خلفها
s
ألشاعر سليمان طراد
ما زال عندّي فيك والموقع ثقه
مفروض ندعم ..!! مش ولاد المنطقه
رح رد خلف ملوك بركي بها زمن
برد الأصاله عا منابرنا بقا
Adnan R. Saeed
وين الملوك و عيب احكي بإتزان
لا تخلط القمح المجوهر بالزوان
فوق الارض في تنين بقيو من الملوك
و كتار تحت الارض صارو من زمان
ألشاعر سليمان طراد
كانوا تنين..؟ منين جايب ها الكلام
كانوا جمع ..بالجمع جاوبني قوام
تلاميذ عيسى تنعش والشكّوا تنين
كفر المثنّى..عا الجمع ..حك القلام
هههههههههه
Adnan R. Saeed
ان جبت الشعر عالدين حتى تستريح
منّي انا رح تاخد القول الصحيح
لوما نكزتك ما قلت عنك فصيح
و صفّيت ديك و كل ساعة عم تصيح
وصوت السما ما تردد و توما اقتنع
لوما يشكك بالقيامي و بالمسيح
ألشاعر سليمان طراد
توما بفهم الدين كان جاهل غشيم
شك لما ابليس زغزغ نيّتو
ويوضاس خانو ومن بعد صلبو اللئيم
طلعت التيني وحبل ليف هديّتو
والشك حق ..ولكن بالله العظيم
اكبر خطيّه ولو مقفى شبيّتو
الغيره..وحب المال بيكعو الحكيم
يعني تنين بيخربونا وربّنا
لا تعبدوا ربيّن هيدي وصيتو
عدنان سعيد
ربّي انا ... هوّي الخلقني و جابني
و خلّا حياتي بالنجاح مكللي
و المال صار بجيبتي و ما عابني
حتى لبست تاج الجمال المخملي
و ما زال سهم مصايبك ما صابني
و صارت قوافي الشعر عندي منزلي
بعمل بمالي رب حتى تهابني
و انت وصغار النفوس تعوّدو
كلما تشوفوني مارق تنخّو الي
ألشاعر سليمان طراد
يا جاحد بكتب اللي نزلّوا من السما
يا انت اعمى يا ضرب فيك العمى
مالك حالك صح ..حقّك أنما
لازم العدل اتطبّقو ..ن قدرك سما
نعمة الثروه للبشر مش للدمى
تا تبنّج الأحساس لا تشرب دما
ساعد فقير الما توفّرلو الرغيف
تا اعملك سلطان باشا بالحما
ألشاعر سليمان طراد
الحج بدر العاملينو عبقري
عارف شو عم احكي الحقيقه وما دري
مسكين ساخن بالضغط والسكري
وقاعد ببيتو مشلقح بها البيجما
ههههههههه
يا جاحد بكتب اللي نزلّوا من السما
يا انت اعمى يا ضرب فيك العمى
مالك حالك صح ..حقّك أنما
لازم العدل اتطبّقو ..ن قدرك سما
نعمة الثروه للبشر مش للدمى
تا تبنّج الأحساس لا تشرب دما
ساعد فقير الما توفّرلو الرغيف
تا اعملك سلطان باشا بالحما
Adnan R. Saeed
مالي إلي مخبّيه لَ وقت اللزوم
تا لدولتي ادفع شوفي عليي رسوم
الله العطاني و رصّع كتافي بنجوم
ما بتنعطا ولا بيمنحوها للعموم
وكل ما شفت اعمى مكبّل بالهموم
لا ترحمو ولا يرجف القلب الرحوم
ربّو اللي جابو انت مش قدو كريم
بالبحر دِبّـو و الف عمرو لا يقوم
ألشاعر سليمان طراد
اياك تنسا الحج حاجزلو انا
عا الطاوله منشان يسمع ميجانا
كل شاعر بالشعر والله اعتنى
فلة شعر عم تلتقي ببنفسجي
يا بو بهاء الشعر بوجودك نجي
وطبقت منهج لهفتك ع منهجي
تاسس خمس جوقات ..يمكن مزعجي
جوقه عياط وكم جوقه بهرجي
جوقة النهضه ..بحلفك يا بو بهاء
الحفله الاولى ..ناطرينك تا تجي
Adnan R. Saeed
ابعتلي الكرت .. حتى الشوفير استأجرو
ما بروح احضر ناس فينا تاجرو
و هالجوقة الفيها الأسامي تسطّرو
منهن في شاعر بس اسمو بذكرو
بدّك شموخي و كبر عقلي تعذرو
و فينا الذكا لولا سمحت تقدّرو
و يللي على المنبر عم يهين البشر
ما بحضرو ما بحضرو ما بحضرو
ألشاعر سليمان طراد
حكيك تجنّي ولو كنت اكتر صريح
ثمّنتهن ..ما حملّت سكين الدبيح
بقلّك انا جوقه بلابل مش فحيح
اصوات حلوه وشعر جيّد عن صحيح
شادي وبشير رفاقنا وياغي فصيح
والياس انتي بتعرفو .يمكن منيح
جوقة النهضه عاملي نهضه زجل
ادعم الجوقه تا ضميرك يستريح
هههههههه
ألشاعر سليمان طراد
خلّي طليع لهيك حفله يرافقك
لا تحكّم العقل .اعتمد عا خافقك
طيّب اقنعني بجوقتين بوافقك
جوقة عماد الزين أو جوقة سميح
ههههه
حكيك تجنّي ولو كنت اكتر صريح
ثمّنتهن ..ما حملّت سكين الدبيح
بقلّك انا جوقه بلابل مش فحيح
اصوات حلوه وشعر جيّد عن صحيح
شادي وبشير رفاقنا وياغي فصيح
والياس انتي بتعرفو .يمكن منيح
جوقة النهضه عاملي نهضه زجل
ادعم الجوقه تا ضميرك يستريح
عدنان سعيد
اتركلي طليع المن ضعف غيرو استوى
ما ضل راس كبير تا بنارو انشوى
بعد الكبر خليه يكتب للهوى
و يتمرجح بغصن الهوى لولا هوى
يا غبن شادي تنزلو لهالمستوى
عا نهضة اللي ضعفها مالو دوى
قلبي من الجوقات يا رفيقي انكوى
مافي ولا جوقة قادرة ترفع لوى
وما في ولا جوقة رح بتنجح بالزجل
الا انا وياك لو كنا سوى\
ما زال راعي جوقة النهضه انا
تأكد بيرجع مجد روكز بالغنا
الشاعر اذا ما بحبكة الكلمه اعتنى
اشرف ألو يعلن عن المنبر عزوف
سليمان طراد
جوقة النهضه حصرم ..بعينك وشوف
بكرى بتجي الأيام وبتحكي الظروف
شادي إبن موسى أديب وفيلسوف
وفرحات جوهرجي المعاني والحروف
وياغي حوارو لا عياط ولا كفوف
والباش باشا بنغمتو دوّخ ألوف
وما زال راعي جوقه النهضه انا
رح تنهض بمجد المنابر والدفوف
Adnan R. Saeed
شادي ابن موسى ما بيخاف الوجل
يمكن معك تخمين واقع بالخجل
طلبت منو يشارك و قلك اجل
تخمين ناسي كان رب المرتجل
سليمان راعي انت حفلات الدجل
عيبي على الغربان تتقلّد حجل
تعهدت جوقة صارت بترم الأجل
من قبل ماخلّفتها بسرعة و عجل
انشالله العوَض بسلامة اللي حاضرين
ما زال صار ابليس يتعهّد زجل
ألشاعر سليمان طراد
لا تلومني حبيت قوم ببادره
من قلب طيّب يا صديقي صادره
يا بنصقل المنبر جواهر نادره
يا بتبتدي دفوف المنابر بالصدي
بدي رجائي عليك ..تفهم مقصدي
وبدي رجائي اعزمو وجيبو بيدي
مفروض فينا نشجّع الجيل البدي
ونمنع حدا عليهن بكلمه يعتدي
دشّر طليع اللّون الزهر بندي
وموسى البعمرو منبر الكلمه فدي
وبلّش معي نجدد بجوقات الزجل
ونفرض على المنبر تا ينجح قاعده
Adnan R. Saeed
حتى المجد نبقى بعشرة نضربو
معنا اذا بيغلط حدا رح نضربو
و الآدمي صوب السما منقرّبو
من بعد ما بموقع زجلنا نجرّبو
مزبوط بدنا قاعدة تا نشبشبو
للشعر و دماغ الخليقة نطربو
يعني بشرط و اللي الشرط بيناسبو
يدخل عا جوقة تا النجاح يصاحبو
و القاعدة يغنو على المنبر منيح
الشعر الأنا ويّاك بدنا نكتبو
ألشاعر سليمان طراد
طالع عا بالي فل من حالي وروح
ابرم عا حالي والبس من الهم روح
لو كنت شاعر منبري وعندي طموح
تا كنت هز الأرض عا الأربع جهات
المنبر خطير وكلمتو ..فيها حياة
لما بتطلع من وحي ونكران زات
ولما المنابر صارت تطلّع بنات
فقدنا الرجوله والمحن عا الشعر فات
الشعار كانو يطرحو الفكره بثبات
وما يسايرو بالشعر لينا وجورجات
واليوم صاير كل مهووس وغبي
يشبّع الكلمه من ينابيع الخوات
Adnan R. Saeed
هودي طفالا و قول بعد ولاد تووووووت
لا بالفريز بيفهمو ولا كبوش توت
ان غنّو على التخت الموسيقي هالتخوت
النا ضروري تجيب تا نغفى تخوت
يا ريت يا سليمان هودي ناس خوت
ما الخوت هنّي بيكتبو اجمل بيوت
لا خوت ، لا عقّال هنّي ولا تفوت
بهيكي متاهة بتشتمك كل البيوت
بإيامهم بالزاويي المنبر صفي
و منشوفهم فوق المنابر عنكبوت
بحر الزجل
العملاق كيف بينحبس بقمقمو
بكرى بتجي الأيام بدهن يندموا
لما القوافي تعربسو وتنمنموا
مرضو المعاني والحروف تسممو
المنبر رجائي صار لازم ترحمو
تا يفتّق مواهب فتيّه ببرعمو
الشعّار يمكن بعد ما كبروا انعمو
عا جيل صاعد بالزجل ما انعموا
من هيك يا عدنان لازم يحتموا
الشعّار فينا والأوادم يفهموا
علينا التعهّد هون بخوابي الزجل
كل صاحب حق لازم