قلبي

موضوع: قلبي الإثنين يناير 14, 2013 3:23 pm

صدري وجعني مبارح وشكَّيت
يوقاف قلبي و تحكمو شَكَّي
وقفْت بْ هَدا عالسكت وتمشَيت
ما رضيت مَرتي تشعر بشكي
رمِيت السلام قفلت باب البيت
ومن دون عصا عال آخ متكي
قصدت الحكيم بسرعة اليا ريت
وبطول ساعة بتمرق التكه
-----
قصدت الحكيم بوقت مش عادي
موجوع يا ربي دخييل اجريك
ارحمني طفالا بعدن ولادي
و طلوب مني و يكرمو عينيك
صارو عيوني يغبشو زياده
وصللي ت أوصل بالسلامه وهيك
فجأة إنفتحلي باب ل عياده
الدكتور قللي تلقح و معليك
-----
بعد الفحص للقلب و التدقيق
قرب سالني ايمتى بتنام
بنام ساعه قلت عشره بفيق
من سنين هيك مقلق الاحلام
ألله كريم بتخلص من الضيق
عالناس كلا ضيقه الايام
شويه تعب لا تخاف بل الريق
و مره وحيده زورني بالعام

» عيني عا قلبي
» فوتي عا قلبي
» الى الشاعر نجيب من اعماق قلبي