شرده

موضوع: شرده الثلاثاء يناير 15, 2013 3:34 pm

وفا
--
قديش في عندو وفا
هالشمع
بِ دوب حتى يشعشع
الظلمه
متلي أنا بفلش طريقي
دمع
تا تدلك الدمعات
عا كلمه
---
فيها ابتدينا حلمك و حلمي
------------
بتتمايلي
--
بتتمايلي و عا قد منك
شاطره
بتتحايلي و بتمرقي
بالخاطره
يا شاطره ما دام
عم تتحايلي
تخاييلي انك ع بالي خاطره
-------
مفتوح بابي والمحبه ناطره

[center]------------------

بحب القصيده متل
خبز الصاج
تتقمر و تتحمر
علا مهل
وم بحب أوصل لو
طريقي سهل
كل ما بتصعب
و الوحي يحتاج
و بعرف باني للتحدي أهل
بطلع جبل ت يصير سهل السهل
---------------
قالت إذا بتحب
تهديني
بكرا بـِ عيدي جوهره
جديدي
طفيي بشعرك نار
تنهيدي
لا جوهر ولا ماس
تعطيني
ولا تطال نجمي تحطها
بأيدي
كتبني قصيده بحبر تجريدي
---------

بحب الصبيه ال تمها دافي
ومن بيتها عا بيتها بتفوت
و بحبها بالبيت مضيافه
من قوتها للضيف تطعم قوت
و تكون حلوه قلبها صافي
اصفا من المرجان و الياقوت
تبقا مع الشفاف شفافه
و مع ضيف طبعو الغدر بالاصحاب
يغفا الحكي عا تمها و يموت
وتبدل الضحكه الصادقه ب سكوت
------------
سعيد
صبيت كاسك تاه مني الكاس
،شربتك خمر بالشعر عا مهلي
،صبيت تاني كاس والاحساس
،مع كل مزه بيت يندهلي
خمرك سكرني،،وقعت بالسهله
،إسكر أنا بالشعر مش سهله
---------------
الشاعر.
الشاعر إذا مرّه جرح راسو
بينزف بدال الدم شعر وطيب
والشعر،سادس حس ب حواسو
،متل الطبيب بيتقن التقطيب
وان شاف دمع الناس،إحساسو
بيشرب دموعن كاس، وب كاسو
بيلمس جروح الدّاميه ب تطيب
----------
شو بخاف انك تمرقي عالبال
ت دقي ع بابو يكون مش فاضي
مسكر ع قصة حبك الماضي
والباب ختير والصدي عالغال
مفتاح ضل ب جيبة القاضي
راضي أنا ،وهالقلب مش راضي