بحر الزجل والشحرور الهونيني

شحرور الهونيني‎
تعا يا سليمان حابب تسلّا فيك اليوم :
/-_-/----/-_-//-_-/----/-_-//-_-/----/-_-//-_-/----/-_-/

عيون الأبد ما بترحم الشعر الهزيل ---- ونقد الشعر تاريخ باقي بكل جيل
وهلأ ي ابن طراد من كاس الرحيل ---- رح ادلقك تتصير للعالم متيل
معروف عنّك بالكزب باعك طويل ---- سنفور ساعه تكون ساعه شرشبيل
انكنّك وفا كلمة وفا رح تستقيل ---- ومن معجم التهذيب معناها تشيل
وانكنت غادر ..هيك طبعك بعرفو ---- رح اشطبك حتّى تصفّي مستحيل

ألشاعر سليمان طراد

مين قال عنّك شاعر ..اعطيني دليل
وتا حاورك عا النت هيدا مستحيل
ما فيك شاعر نت تنجح بالزجل
الا ما يمضي شهادتك عابر سبيل

الشحرور الهونيني ليك لا تفتن بيني وبين عابر

سليمان وجهك ليش تا أصفر غدي ---- هلقدّ فيك اليوم أثّر مبردي
يمكن لأنو حاذفك من منجدي ---- وتلميذ ما قبلتك تكون بمعهدي
والزهر ما بيستقبل الريح الردّي---- وعا صفحتو بيقبل تواشيح الندي
وعابر قبلني بصفحتو ومن موردي ---- صارت بأشعاري البلاغة مورّدي
هيدي شهادة فخر من ربّ الزّجل ---- ومن نور عابر عا سبيلي بهتدي

ألشاعر سليمان طراد

بأيّا زمان خلقت ..قلّي تا نشوف
كنّو الزمن بيقول عنك فيلسوف
فاتح معاهد ...؟بس ما عندك صفوف
وعايش زمانك متل اصحاب الكهوف
دفشوك متل الكبش عا شفار السيوف
وخلّوك تنزف خوف قدام الألوف
مش هم تعرض يا هونيني مبردك
المهم تبرد بالمعاني والحروف

الشحرور الهونيني
هالمبرد الجابو إلك شاعر رزين ---- مبرد شعر مش مسألة لحم بعجين
وأهل الكهف يا ريت تعرف يا فطين ---- من العتم ضوّوا شمس عا جبين السنين
ومش خرج حرب سيوف نحنا عارفين ---- ولا بالعقل معروف إنّك أفلوطين
موضوعنا ضوّ وعتم رح بطرحو ---- انضعفت فيك بشعر عابر تستعين هههههه
أفلوطين فيلسوف تاني غير افلاطون

ألشاعر سليمان طراد

فكّرت عندك موهبة ..!! لقيتك فقير
حرفك علك عا القافية وباع الضمير
بأيّا صفا..؟ بتخيّر البحر الكبير
وعارف بلعت الشمس تا ليلك يصير
يا ليل ضب ولادك ..وحاجي شخير
وقلّو ل هونيني بحر بو شربل خطير
ان ما كان ضاوي نجمك بها الملتقى
ما بيقبلك عا بواب مملكتو خفير

الشحرور الهونيني

حاجي تهجّم بالحكي وحاجي فجور ---- منشان تكسب لايك من بعض الحضور
موضوعنا ما بين عتم وبين نور ---- مش بين شخص وشخص يا عالي الشعور
وقدّام برهاني وجوابي يا غيور ---- بدّو يضوّي راسك وعقلك يفور
ما كنت رح تاكل من الصحرا خيار ---- لوما بعتم الأرض مزروعة البذور

ألشاعر سليمان طراد
ما زال جايي وهمك بجهلك تبيع
وظّف معك زينوب تا تنفّق..وزيع
شلش الحيا لو طق فيك وعا السريع
بيتحرك الأحساس والذوق الرفيع
رسمك الوهمي عتم والدافع فظيع
وشوف الفرق بيناتنا وحاجي تضيع
متل الشمس بظهر برسمي عا الملا
وانتي الصورة خفيت تا تغش الجميع

الشحرور الهونيني
إسمي أنا الشحرور واضح للعيان ---- حتّى م تحتجّ بحكي بالبُطْل كان
وشو هالجواب الجايبو يا بو لسان ---- جايب قصب تتشقّ عزم السنديان
زينب بعتم رموشها تكحّل زمان ---- من قبل ما تخلق على طراف المكان
وإسمك إنت محروق من ضوّ الحسد ---- تا تشعّل عيونك لهب ذلّ وهوان

ألشاعر سليمان طراد
طفيّت نار عواطفي بجمر الجسد
ومش بس عا الشحرور بفطر عا الأسد
جسم المرا بركان مش حبلة مسد
ولا خيار او بطيّخ بالعتمة كسد
ضوّ المرا احساس عمرو ما فسد
بيغفا بتحت العاطفة وبينوسد
وتا تموت غيرة انت يا عتم الدج
ضويّت شمعة حب طق من الحسد
..

الشحرور الهونيني
الشحرور يا سليمان عارف شو جرى ---- بدوّار شمسك شكّ عرنوس الذرا
وعتم الحبر من ريشتو سجّل قرى ---- تيصير عندك بالهويّة مفخره
وفضل العتم معروف عا كلّ الورا ---- ارجع ي بو شربل بعمرك لا ورا
لوما يا سوسو كنت بالعتمة جنين ---- ما كان شعرك عالسطر عم ينقرا

ى
ضويّت شمعة حب طق من الحسد

..

ألشاعر سليمان طراد
بالعتم لو عا الشط مرة بقشعك
ببعت الك قنديل بحر بيبلعك
بنجم التحدي احتك حتى يرفعك
وتاتصير متلو نجم..!!ضوّي مطلعك
الحجة القديمة ان عدتها ما بتنفعك
ما زال قلبك عتم ..ما بتفرق معك
ن ضويّت صابيعي عجايب عا الورق
بيضّل عتم الشك يحرق اصبعك

الشحرور الهونيني
يا ليل جبران الْ كتَبْ فيك الحروف ----- الشحرور حول سراج عتمك رح يطوف
ويجيب حلوه بتسحر عيون الألوف ---- ويكتب عليها عالقعود وعالوقوف
لاكن نهارك فاضح وعندو ظروف ----- بتسمح لحتّى يصوّروك بدون صوف
جتّى عضوّ الشمس صاحبنا طراد ----- بمجلّة بلاي بوي بوزاتو نشوف

ألشاعر سليمان طراد
يا بحر للشحرور لازم تحملو
من قبل ما عا خشاب سودا تحمّلو
اللي بمارسو بالضو اشرف يا حلو
من الّلي بغرفة مظلمة عم تعملو
شوف السما منها النجوم تدندلوا
تا يزيّنوها وتسهر بجو الحلو
بحر المعّود يعرض نجوم السما
بمجلة بلاي بوي شغلة ما الو

» اقوى حوارات بتاريخ الزجل بحر الزجل وحسّان البسطاطي
» بخر الزجل ومخايل لطيف رايس عصبة الزجل بسدني
» شعر الزجل !!!
» بحر الزجل
» ملهمة بحر الزجل