زينب والبحر

موضوع: زينب والبحر الأربعاء أغسطس 14, 2013 9:15 am

[center]
هجوم.. مضاد..!!
بيتقلّدوني..بتزعل حروفي
بيتحسّروا ... وما بيقدروا عليي
بتركع مواج الضو عا كفوفي
بتسأل ..ببحري ان عايشي فيي

جنيّة وراقي ...بتعرف صرت
العن الساعة..الشفت جنيّة

يتبع...

ta · 1

Zainab Hmadi
عا قد ما بيقلدو حروفك
ما بيقدرو يهزو ال مرا فيي
ون كنت بعيوني ما عم شوفك
قلبي زرعتو بدال عينيي
متل الوحي رح عيش ع كفوفك
خللي الشعر يتشهون عليي ..
... بالبحر بدي ضل حورية
...
وبالبحر ما بتعيش جنية

ألشاعر سليمان طراد .

عم يتهموني ..خاين وغدّار ...؟
ونسيوا البحر ما بترحم مواجو
وبيضل بحر الشعر مهما صار
يرقّص حواري الضو عا بلاجو

ومهما الورق يرخص مع الايام
الشاعر بيغلا كتير انتاجو

...يتبع

Zainab Hmadi
ما يهمك !! الموج ال فقش ع الشط
حامل معو حكايات ما بتنعاز
قلبي ورق وعيون حبرك خط
وتنينا بدنيا الشعر إنجاز

.... وقلبي وقلبك متل لوح قزاز

ألشاعر سليمان طراد

قلبك حمامة ضو...عقلك نور
وبرواز قلبي مفّصل عليكي
بحس الكواكب حولنا بتدور
وبيوقعوا قدّام ..عينيكي

وحدّك بحر..حامل سحر من الضو
ومارد زمن...بيقول ..!! لبيّكي

Zainab Hmadi
ون غمرتني عم حس حضنك جو
وعطرك قصيدة ساكنة بالي
وشو بخاف تكتبلي قصايد ضو
وعالأرض مني يفلت خيالي
.....
.... وإلحق الغمرة وضيع من حالي

ألشاعر سليمان طراد
ضلّي معي..ما بيتركك نيسان
والموت يمكن قصتك ينسا
ان شدّك حنين الضو ل سليمان
ما بتطلعي بقدّوم ..وببنسا

لكن اذا خسرتي البحر بيصير
فيكي...اللي صار بقصة الخنسا

Zainab Hmadi
ن ما كنت حلمي بالدني لا تخاف
بنفض عمر علقان عا ديي
بالموت بس بيخلق الإنصاف
والموت بس بيقتلك فيي .
.....

... ما الموت بعد الظلم حريي

ألشاعر سليمان طراد
لا تنفضّي الأيام ..حفيّها
كمخة زمن ...ما بيخلص عذابو
وعيشي الدني..وتنعّمي فيها
بحري ملك ما بتنضب عبابو[/center]
وقبري ما عندو بواب وشبابيك
وقبرك بيفتح عا السما بابو

Zainab Hmadi
غلبت عقلت وقلت رح إتقل
وعنك خلص ما عاد رح إسأل
وصار القلب ت يشيطن التفكير
يودي عيونك يعملو مشاوير
وكيف عقلي كبير رح بيصير
ليش ال بيحب عيونك بيعقل؟؟؟

ألشاعر سليمان طراد
قبلك مرق عا قصايدي ..!!همّي
ضب الوجع..وارتحت من همّو
بيقول ..عني بايع الذمّي
وحولو الحروف الباهتي التموا
عيفي البحر ..غدّار..يا عمّو

ما في حدا بيحمل تقل دمو؟؟؟

Zainab Hmede

مش هم هني ..يزعلو كلن..
.ولا هم عندي مين يقشعني
..المهم إقدر بالشعر قلن .
..عنك ما فيها ظروف تمنعني
....وضلك تعا من البال واسمعني

ألشاعر سليمان طراد
جايي مع النسمات..شق الضو
قلبي سبقني..ودق عا غيابك
نزّل وحي الشيطان هد الجو
تا يشوف حالو غل بتيابك

بوج البحر...!!لا تسكّري بابك

Zainab Hmede

يللي القصيدة مسافرة بعينيك
وما كان إلها وجود من قبلك
ن خرسنت صابيع الحبر ما عليك
بدقات قلبي شعر بكتبلك

ألشاعر سليمان طراد

لا تعطّشيني ..ل حبرك المسروق
من كحل عين الضو ..ل مصفّى
هم العشق..لا تشتري من السوق
بالبحر همّي ...بتعرفي...!!صفّى؟

وماشي نزيفي ...!! وبعدني مكفّى

ألشاعر سليمان طراد
31 de enero a las 11:26
زينب حماده ..البلطجيه

يا زينب الشعّار .صارت ترتجي
منّي تا قلّك تستقيلي..ومحرجي
والبلطجي تا نغيّرو عنا أمل
إنّو يجي تيّار يلغي البلطجي

استقيلي

Zainab Hmadi
عندك أمل ؟ تا بالشعر قدّي تصير ؟
وتيار شعرك بالعمر .عمرو قصير
محرور عم بتطهوج وعندي دوا
ليمون صاير مستوي خرج العصير

ألشاعر سليمان طراد
ما زال ع التيّارما بتتكيّفوا
ضروري الأسم عا الساليلير تسيّفوا
الليمون رح يتضيّف بفوزو أكيد
الفلّاح والأستاذ رح يتضيّفو

Zainab Hmadi
بلطتي بدي بصدرك شكها
وساعۃ كبر راسك بأيدي بتِكّها
وهالرقبۃ ال في فوقها طاسۃ فراغ
ن عليتها صوب ال أمل منفكّها

ألشاعر سليمان طراد
راح الأمل..تيّارنا عم يجرفو
وعهد المضى ولّى ولازم تعرفوا
يا بترجعوا للعقل..والواقع دليل
يا ها الكلام بغير مطرح اصرفوا

» زينب والبحر مناوشات
» زينب والبحر سياسي
» زينب والبحر فضيحه
» قتله تاريخييه زينب والبحر زعيم وشعب
» زينب والزجبل