صفحة الشاعر عصام يوسف

ويتابع الشاعر المبدع

Issam Youssef وقّعِت
باب البيت
من إيدي
وقت لْ كنت
عم إفتح نبيدي
...طارت
السدّي عن عيوني
و إنكب تنهيدي
عا تنهيدي
و مرقت يا فراس
عا جفوني
متل لْ إجا
من ذاكرا بْعيدي
و قلبك مجرّة
شعر .. مَسكوني
و كل ما أوصل
على كوكب
حِس إنّو في
دني جديدي

ويكتوب الى صديقه فيراس

.Issam Youssef يا ميت هلا بالإستاذ فراس الغالي
و الله إلي 3 شهور مقطوع عن الناس و الكتابه .. أنا مقصّر بحقكن و خصوصي مع عمر
.. سلّملي عليه .. حاولت إبعتلو هالقصيده الصغيره عالفيسبوك ما عم تنبعت من
عندي .. لو سمحت يا فراس الغالي حوّلّو ياها :
... Ver más
يا شاعر الإلهام مجنونك
و بيجن قلب الشعر بعيونك
من يوم ما طلّيت "ريف الشام"
صار يتغنّج على جفونك
قدّيش قلبك مزوق و رسّام
كلما بيقطف " كسرة غصونك"
مرّه بيضيّف "ضمّة " الأحلام
مرّه بيضيّف "فتحة سْكونك"
ضل شم الورد من عصام
شو بيسوى الورد من دونك ؟!!
و ضل نفّخ عا الدني تا تنام
كل الدني بتغفى على الغيمه
اللي طالعه من قلب غليونك

عصام يوسف

"سليمان ..

كيفك

كيف أيّامك

كيفن وراقك ..
كيفن

قلامك

بعدك بأحلامك

عم تصلّي ؟

و بتصلّب

بْصابيع

أحلامك

!لا وين رح توصل بعد ..

قلّي ؟ و وين رح بتشك أعلامك

خايف إذا بْتبقى عم تعلّي

ما يْضل شي ينشاف

قدّامك"

رد بحر الزجلفايق لوحدي..ونايمي

قلامي

عا فرشة .. ... Ver más

الإلهام قدّامي

ومتلي الورق

نعسان يا عصام

وغير الضجر

ما كشّف

حرامي

بتعرف الغربة

مصدر

الأحلام

وصارت كبيري

هون

أحلامي

وها الأزمة

الضربت

بها الأيام

تركت ولاد

قصايدي

أيتام

وشغل وتعب

عم عيش ...

أيامي

بحر الزجل

[
size=24]Issam Yousse

fكان البحر .. عم
تِحْكمو "غَبّي" بلّش
يْقِحْ .. تشردق بْغَبّي
صار صدرو يْطلّع
الأشواق
قدّيش صدرو
من الدني مْعبّي ؟! ..... سْقيتو
ظرف حسّاس
ما بينداق و قرص الشمس
بالظرف متخبّي
و لمّا أخدها البحر
دغري راق
و من وقتها .. كل يوم
قبل النوم
بيشرب مسا
و بيبلع الحَبّي
[/size
]

OcultarIssam Youssef
حزيران
جيبه عا قميص
الصيف
فيها حلم مرسوم
متل الطيف
كل ما بِوَطّي
الصّيف عالساقي
بتفتح الجيبه
زرارها للكيف
بيوقع شو في بخياله..
ا باقي
متل الندي اللّي هَر
عَنّو الزّيف
و لولا عليها عطر
بتلاقي
بيكون هيدا كاس
آخر ضيف
بخبّيلها خيطان
اشواقي
حتّى إذا بينفك
منها زر
ما بعبّرو إلاّ
عَ حد السيف

رائعة جدا، كلمات كأنها قدت من صخور الوحي، حروف :كأنها نسجت من خيوط الكمنجات. نقاط كأنها أُمطرت من سُحب الآهات. زنابق، وأزار ورد وسبحات. تتكلم لو سكت الشاعر، تصرخ مشاعرا، تتنهدت زفرات كأنها آيات. أيات تتلى، تُصَلَى وتسجد في محراب الشعر، تتلو فيه قصائد الصلوات.

Issam Youssef يا شاعر اللي ناطر بلادي ...
. و سيفك نهر بقراب هالوادي .....
ناطر متل نطرة "إبن زيدون"....
. عا بواب قصر الشعر "وَلاّدي"....
. كلما صْفنت .. بعمل جروحي عيون ..
. و كلما شْردت .. وجّي المسا الهادي ....
و كل ما نِعس موّال برحليون ...
.. حتى ما يطعج رقبتو عالصوت ....
بعمل إدن هالكون سِنّادي ....

Issam Youssef
Issam Youssef
شِفت القمر مَيْكِب أحلامي ... لْ خبّيتها بالسّر بغيابو ...
فكّرتها شي كمشة قضامي ... لمّا مِشي ... هرّت من جيابو ...
. لِمّيتها .. و وشوشت إلهامي ... "كان القمر نعسان شو جابو"؟! ...
و فجأه وقت طلّعت قدّامي .... شفتو نِسي .. وعم يفتح كتابو ....
تاري القمر متلي انا حْرامي ... عم يسرق قصايد من الأحلام ...
منشان يقراها لأحبابو ...

Issam Youssef
شو قصّتك يا بحر كل نهار .... متل الولد بتغرّق .. تيابك ...
. و بتطرطش... بدعساتك المشوار .... و بيضل رمل و ملح ...عا ترابك ...
. قلّي ... رح بقلّك معي شو صار .... لمّا كنت ماشي على كتابك ....
دق عا بابك بإيد الغار.... شاعر ... و فوّح صبح عا بابك ....
و لمّا ركضت صوبو... بلهفة جار ... من شان تا سلّم عا أحبابك ...
شفت السم ...ا من غيمة الفخّار ... معلّقه ... برموش أهدابك ...
و تغرّقوا تيابي بلون النار ... مدري وقع عا ظلّك غيابو ...
مدري وقع ظلّو على غيابك ...

Issam Youssef
بْصيبك بعيني .. بْوقّعك عالخد .... و بْجَرْوحَك ... بالعنبر و بالند ....
و تا يفوت ...صوتك من إدن صوره ... بعمل إلك بروازها .. عالقد ...
و بزوزقك برموش منتوره .... و فوقك سْقيفه مْن الخيال بْهِدْ ....
و كل ما لقيت حروف "مجروره" .... بحطّلّك عليها عرش .. و بْشِد ...
. بس انتبه في شمس مكسوره .... باللون ...عم تتعلّمَك بال ...عد ...
. لا تصعّب عليها بـِ لِكسوره .... حروف الندي عالضو ... ما بتمد !!

[b]

Issam Youssef
آب صيفك بارك بيوتك .... خوابي سهر من صوت ملكوتك .....
و إبنو على عرس القصيده راح ..... تا ينقّط الكلمات بسكوتك ....
و روح القدس نهر و مدى فوّاح ..... ما بيشبع غير من قوتك ....
. من كتر ما بتشرب سماك قداح .... بتتجسّد الكلمه بناسوتك ...
. قطّف بإيدك سجرة التفّاح .... و خلّي القصيده تضيّف بيوتك ...
. يا مشعرن الأجساد و الأر ...واح ..... لا معجزه بتصير بغيابك ...
. و لا في قيامة شعر بتفوتك

[b]

Kahwash Eiad
‎**

وجّك السّدّ الليل
تاصفّى
يضبضب على جسم الدني
...مطفّى
وعاقدّ ما بالوزن حمّقتو
عجّل ع كوع القافيه
وقفّى
فتحتو غياب
شوي غمّقتو
صفّى بكحل هدابك مقفّى
زعترت راسو
وبس سمّقتو
بقبّوعة جبال الوحي تخفّى
ياإنت ببّو العين
زمّقتو
تاصار عتم البعد بشرودك
يا شعّل بحالو تيتدّفّى

[b]

Issam Youssef
جبتلّك العين و مزاريبو .... اللي غيابك تفنن بتدويبو ...
و عصفور كنت تراشقو بحجار ... و تلحقو و ما تقدر تصيبو ...
و مرجوحة لْ بتمرجح التذكار ... حتّى يدوخ و يحترق ديبو ...
و "لْ بسكليت " اللي بقي بالدار ... عالشوق هلكاني دواليبو ....
و جبتلّك خوابي القبو الختيار .... و قعدات من سلوات " قطريبو ...
و جبتلّك وراق و علب و ق ...مار ... و جروح .. بلكي فيك بيطيبوا .
.. لكن عذرني .. هيك معنا صار ... هاك الصبي يلّي سالت عنّو ..
. تركتو ببالي و ما قدرت جيبو .

حتّى بذات الضو نتفيّا ... و توصل عا مونتريال سوريّا ...
. رح إشتري عا حدود إلهامَك .... " ألاسكا" .. من سوق روسيّا ..
. وصّي شو بدّك ... كل إيّامك ... اللي بْمرمريتا عم بتتهيّا ..
. بعتت معي عالغرب أحلامك ... حمّلتها بالمركبه لْ من نار .
.. و حد مِنّي مار "إيليّا" ....

El [b]

Issam Youssef
ضجران ... و قبالي الفضا مفتوح ... و ظل السما ... فوق الأرض مشلوح ...
انفخت المدى بوجّى ... تا إتسلّى ... تاري متل وجّي المدى ... مبحوح ...
. طبّش على كتفي ... حلم الله ... و قلّي شو بدّك!! ... يا صبي .. لا تروح ...
جوّر الأرض و حولها علّا .... تا تصير بركه .... من مجد و طموح ..
. وطوفن خيالو .. وهالأرض ملّى .... و من يوم ...ها ...هاك الصبي لْ فِيّ ..
. بْيلعب ... على البركه.... بسفينة نوح ...

Issam Youssef
اسمللّه الأرض .. صارت صبيّه !!.. و صار ... عليها فساتين الطبيعه قصار ...
. و شال الخضار اللي مزنّرها ... ما عاد غطّى بكْلة الزنّار ..
. و مطرح مَ شط البحر سَمّرها ... خيالها عم يحترق بالنار ...
و شفافها اللي الشوق قمّرها .... عطشت على شِفّة نبع فوّار ....
بتنام و الإحساس جمّرها ... سْريها نجوم و سَهر و قمار ...
و بالصيف ...كلما الحلم كمّرها ... بيصير شرشف ليلها أقصر ..
. بْغطّي جريها بْشرشف مْن نْهار ...

.[b]

Issam Youssef
رموشي أنا ....صابيع عينيّ..... بتلمّس خيالك بغنيّي....
و لمّا الموسيقا تحس بخيالك.... بتتلبّك النوته الموسيقيّ ..
.بتقطع على سهولك... على جبالك بتوصل عا شتويّي... عا صيفيّي...
بتدعس و زيت العطر... عا شالك... بتبقّع بلمسات عيني...
عليك بزيت العطر... لوحات زيتيّي

[b]

Issam Youssef
عِلّيت "قلعة حِصْن" ... متل الشَمْعدان .....
و قْدَحِت صوتي و شعّلِت صمت المكان ...
بلّش الوقت يْدوب .. بعّدت الدني ..
خِفت إنّو تحترق إيد الزمان !

Issam Youssef
خيالاتكن دلقة شفق عا غياب ... واقعه من الذاكرا عا كتاب ..
. بتوشوش الألوان بالصوره ... شو قالِت الأجفان للأهداب ..
. بتبقّع من خدود منتوره .... عا دقّة الإيد و عا صوت الباب ..
. من كتر ما بتحس بالصوره .. بتصير منها العاطفه تنساب

Issam Youssef
بشوف الفضا بالمستوي مَرقا ... بْتوصِل خيالِك بالسما الزرقا ..
. و أقرب مسافه بين عين و عين ... خط النظر بقلوب محترقه ...
. لا لا .. المسافه لْ بَعّدِت قلبين ... مَ بْقيسها بالبعد و الفِرْقا ..
. إنتي و أنا عـَ طراف ورقا تْنين ... و تا نلتقي بْذات الطرف مِنصير
... نِطعي الفضا و نْطعوج الورقا
Issam Youssef
من قصرك حلم عمّرت كوخي ... و صرت دوزن على خْيالك شموخي
.... و من صوتك سِمِع شعري مَقامَك ... كأنّو مْقام عبد الله التنوخي ..
.. خدني يا فراس بإنسجامك ... غِلي من صوتك اللبّيس جوخي ...
رحت بكّل نجومي عا غمامَك ... كِنت يَ نْجوم فكّيتِك عَ صدرو .
... لكن بفزع عليكي تدوخي
Issam Youssef
عُمرِك ولد .. و الوقت دكّنجي
فايت لَ عِندو يشتري غَنجي
قلّو مَ عندي .. يمكن تلاقي عند الحلا .. جاري الحِلونجي...
.... ....دار ضهرو و قطّع الساقي و وصّل على مطرح حلو برنجي
.. عيني اللي فيها اخضرّت وراقي و جفن غصن و جفن بستنجي.....
......ساعة ما دوّتو من وراقي تشردق و وقّع بحر عا "طنجي"
إي ضلّي اشربي من كاس أشواقي و لا تفزعي ..
. ينكب عا خيالك مَ بتعرفي إنّو السما اسفنجي

[b]

Issam Youssef
ليش ديّات البحر خِشني***ومتل السّمع صوتو بيخدشني
***و كل ما بْسلـِّم عـَ موجاتو***بْضافير موجاتو بخرمشني
يمكن لأني من الصخر ذاتو***لْ واقف عـَ شطو..و عم يطرطشني
بيروح و بيرجع بآهاتو***بيضبّني..و بيعود يفلشني
بتحفـّني بالملح ديّاتو***بطلع حلو.. بيصير يدهِشني...
شو قولكن؟؟.. بيحس جواتو!!***مليح لـّي ما بيحس فيّي..كان..
كل العمر..تمثال عـَيَّشني

Kahwash Eiad
عين مطبّقه ع خيال

------------

العين صفّيره
...الصوره ريح
بتنفخ
ت تقرا العين شعر الصوت
والروح نفخه
وبس تقوى منيح
بتصير صوره بنص عين الموت

.Issam Youssef
يا طالعه بْبال الشِّعر.. هيكي!!***بالعتم.. و اللـَّيلـَك حواليكي
مرّه القمر يعرق و مرّه سْهيل***و مرّه السّهر ينعس عـَ إيدَيكي
و فجأه الشمس مرقت عـَ ضهر الخيل***فكـّرتها طلعت بعينيكي
يمكن مشيتي حافيه عـَ الليل***و بيجوز إنتِ و مارقه.. كـَبْسِت
"زر" الصبح.. صابيع إجريكي!!!

.
Issam Youssef
علـّمت الشّتي من زغر سنّو***على قوس القدح فن الرمايي
و جبرت الريح لمـّا جَن جنو***يمشي عـَ الحبل حامل عصايي

Issam Youssef
بيتك"زهر" فوق الورق محدوف**و كل سطر عا ذوقو حرف بيشوف
ومن شان تتسلـّي بالقرايي**نقــّط إلك بالعطر ست حروف
أول حرف.. نقطه من الحكايي**اللي قالها لـْزحله "ابن معلوف
وتاني حرف.. طرطش عـَ بردايي**نقطتين من الحلا لْ بيطوف
وتالت حرف.. علـّق عـَ تكايي**من تلت نقط خلخالك المعزوف
ورابع حرف.. أربع نقط.. جايي**تا يدوقهن من ...ليلك المقطوف
وخامس حرف.. صابيع لِمرايي**بتحز عا خصرك كأنو سْيوف
وسادس حرف.. شاطر بـِ لِسْقايي**وزّع خمر وجك عـَ ست ضيوف

Hayoufa An
رد الشاعرة هيفا لعصام

البيكون شعرو عطر عا حلّو
وسقف السما عم يحتمي بظلّو
بتوقف على شفاف الحكي الكلمات
وبنت الوحي بتحتار شو تقلّو

ألشاعر سليمان طراد
متلك انا من بلادنا جايي
محروق قلبي منكّس الرايي
وتارك من الأحلام جرّة عمر
وجايب معي عا الغرب كبّايي
منشان ادلق عا جروحي الجمر
واعمول بروحي الرايحة نكايي
صارت عيوني من التمنّي حمر
وحتّى حياتي بالدني حكايي
وما زال عايش صرت فعل الأمر
بأمر ولادي يرجعوا وما بخاف
الّا يا شاعر وج المرايي

بحر الزجلl

Issam Yousse

f
سليمان ..وج مرايتك صوره .. طالعه ببيت الشعر صوره .
. مَلـِّـتْ خمر من نبع "مار سركيس" ... و ساعت ما شِربت .. سِكرت "الكوره"..
. من طلّتك شو بتلبس و بتقيس... شي زنبقه .. تياب منتوره ..
. يعني كتر ما صوتها لبّيس ... مكسّره كسرات تنّوره...
لا تخاف مش رح تعملك قدّيس ... و توفي شمع و تشعّل ندوره ...
تركها بذاكرتك صبيّه تميس .. .... بيلبقلها تتطلّع بشاعر ...
قصايدو .. بساتين و قصوره

Issam Youssef
الليل عم بيبدّل تيابو ... عازم ضيوفو بعالم الشهره ..
. رش ضو الشمس عا ترابو ... و علّق عـَ صدرو كوكب الزهره ..
. و شال تفّاحه من جيابو ... شعّل الغيمه و دخّن الوهره ..
. و وقت اللي بلشوا يوصلوا صحابوا ... كل ضيف منهن ضيّفو زهره ..
. ضل ناطر عز أحبابو ... "الصبح" لْ عيونو فيه منبهرا...
وصّل الصبح و دق عا بابو ... بس المصيبه ... .. وصّل مأخّر .
.. و لمّا فتحلو.. خلصت السهره !!...

.
Issam Youssef
غْيابــِك طِلِع من بيت أهلو شَبْ... حامل معو شَنطه...فَتحها..و صَب...
ولما انتلت بالآه..و السّرساب ...تا تـُوسَع جْروحو..فرطها حَبْ
...بلـّش يْسكـّرها بـكاس غْياب... صار عطرو من القـْراني يْكِب...
و طقـِّت المَسكة بْبَرمة السِّحّاب.... مِدري لأنو ضيّقه خلاقو.
.. مدري لأنو الجرح مَ بْيِنضَب

Issam Youssef
لبنان .. قال الصوت بيودّي !!.. قولك بتعرف وين بيهدّي ؟؟..
. ما زال مع زهر السمع خلقان ... منعرف محلّو ..وقت بتندّي !..
لبنان يا موسيقة القربان ... اللي مكسّره حروفو على "الشدّه"
.. بيتقدّم بكاس الندي .. مليان ... و مهما نقص للكل بيقدّي ...
إنت و أنا بأرض الشعر جيران ... غنّت لنا شمس الدني الحدّي
.. لو نبع جفني طاف بالجولان .. بيمرق جنوبك نهر عا خدّي

Issam Youssef
شال العتم .. خيطان .. كِرّرتو... و صوتي عـَ إدن الصبح كرّرتو ..
. و اسحبت زيت الشمس برموشي ... و وقت اللي صفّى عطر كرّرتو ..
. و عـَ السّحب علقت بالسما شلوشي ... خْزقت الفضا .. و الشِّعر .. حرّرتو..
خبّى زُحل بالليل طربوشي .. و لو ما أكل وجّي اللّي صار هلال
.. مـَ قدرت "عالطربوش" قِرّرتو

Issam Youssef
بس.. إمرق عالورق.. مرقا .. و شوف تحتو الشمس محترقا ..
. رح شيل صينيةالبحر .. سخني ... و ضيّفك لون السما الزرقا

Opciones

Eliminar

ألشاعر سليمان طراد

صفحة الشاعر عصام يوسف - صفحة 6 59009_150914031606823_100000646800705_302992_31379_s

~~ friends ~~
De:Suzy Trad

Hace 2 horas · Comentar ·Me gustaYa no me gusta · =632959571&p[]=147828735255624&action_link=share]Compartir

A Issam Youssef y Hany Nassif les gusta esto.
- Kahwash Eiad ‎**
  مجلّد منيح
  بنايلون المي
  بتفكّرو غيمه بسما زرقا
  ..
  ...بيحطّ الله
  إصبعو بالفي
  تايقلب من الدفتر الورقه
  
  .. بيشوف وجّو
  :بس قللو البيّ
  وحياة الله طبع مش سرقه
  
  ..
  وقدّيش كانت محرزه المرقهVer más
  H

» محاورة مع الشاعر عصام يوسف
» مقومات الشعر ومعايير جمالية جديدة الشاعر عصام يوسف
» توقيع كتاب عصام يوسف
» صفحة الشاعر نجيب كرم
» شَعرِك يالون الرّيح عصام يوسف