بحر الزجل ويامن رضا

ألشاعر سليمان طراد

بتعرف يا يامن كل ما هزّ العصا
بندم بعد ما شوف اشباه الرجال
برجع بقول الشعر بدو حرقصة
تا يصير في شعّار تلعب بالخيال

بحر الزجل

..Yamen Rida
مرة سألني الشعر, قلي شو بني...
ما عدت اكتب عن خيال السوسني...
جاوبت خلي طراد يلعب بالزهور...
و خلي طموحي يلعب ب زهر الدني


..ألشاعر سليمان طراد
ضليّت هز الورد لكن ما عبق
بالرغم ما بالحوض مليان الطبق
نحنا عملنا الشعر واخلقنا النجوم
وهنّي عا امسيات عملوها سبق

بحر الزجل


يامن رضا

ضلك فراشة محرقصة فوق الزهور...
جناحك قصير بيحسد جناح الطيور...
بس اللي بدو يحرقص نجوم السما...
بدو عمر يتعلم ب صف النسور


..ألشاعر سليمان طراد
لا تحسد القنديل عا حرق الجناح
لما حرقها قصّر لسانو وناح
وبحر البيخلّي مرايتو بوج السما
بيشرب نجوم الجو يا يامن قداح

بحر الزجل

..Yamen Rida
با بحر مالح , هالشمس ركايتي...
بالنور عم تكتب عليك حكايتي...
بكانون بدلق فيك كاسات الغيوم...
و ب آب برجع بشربك عا مرايتي...


..ألشاعر سليمان طراد
مالح انا مظبوط ..وبقلبي هموم
طوّر الشعر وعلّم الشاعر يحوم
شحدت الملح تا شوف شاعر بالسما
عكست المرايي واشربت كاس النجوم

Yamen Rida
شفاف الطبيعة طعمتك ما تقبلوا...
مهما عيون الكون فيك تجولو...
عم بحملك مالح على كتاف السما...
و من جيبتي بفضيك يا مالح حلو...
1
·ألشاعر سليمان طراد
فضيّت بال الغيم وسقيت الحما
وصفيّت جوّك صرت صافي انّما
كلما تشوف البحر رايق يا حلو
دندل حبال الضو تا تعبي السما

بحر الزجل
13 ..Yamen Rida
كلما بتبرد يا بحر بالعاصفي...
بصفي المدامع من عيوني المرهفي...
و ببعت وراق الشمس ع غصون الشفق...
تغزل رموشي عليك متل المنشفي...
1

..ألشاعر سليمان طراد
نشّفت دمّي وما كنت تفهم على
شاعر شحد ملحو قصايد للجلا
ومن كتر ما عبّى المواقع فلسفة
بحرو فضي تا موقع الكلمة انتلا

بحر الزجل

Yamen Rida
ردك الجايي بالشحادة تغلفوا...
حتى القصايد يا بحر يتعاطفوا...
نشفت دمك كيف ع وراق القصيد...
و من وين عندك دم حتى نشفوا

.ألشاعر سليمان طراد
نشّفت دمي بعد ما قلبي احترق
وشفت الورق غرقان والحبر انسرق
قررت فضّي قصايدي بجرن الحروف
واسس لها الشعار جنيّة ورق

بحر الزجل

1..Yamen Rida
البحر الفضي , قلبو احترق عا ميتو...
يا ريت الله لي رسم شخصيتو...
زادو حلا , كرمال يامن ما يجي...
يسطي بغمزة و تنسرق جنيتو...



13..ألشاعر سليمان طراد
جنيّتي متل الشمس لا تهينها
انغرمت ببحر كبير الله يعينها
ولو شفتها مع شخص تاني يا رضا
تأكد ما رح اسكت ...!!وبحرق دينها

بحر الزجل
ههههه
13 ..Yamen Rida
جنيتك ما زالها شمس الزمان...
ليش حدك فاقدي شعور الامان...
حتى وقت ل غروب بتسرب عليك...
و بتتركك تا تشرق بتاني مكان...

..ألشاعر سليمان طراد
جنيّتي بتنام عا سرير الرموش
وبتضلها بالحبر تغفا للدغوش
وبتحبني سهران عا شطوط النعس
بتخاف صمت الليل وصريخ الوحوش

بحر الزجل
14
.Yamen Rida
جنيتك جدول عنبعة رايقة...
بعد الطبيعة متلها مش دايقة...
مش هم كيف تكون هيي و نايمي...
البيهم كيف تكون هيي و فايقة...

ألشاعر سليمان طراد
بتعرف يا يامن دايبي بحنيّتي
ومن كتر ما بتحبّ شعري ميّتي
بتنام عم تحلم ببحر الموهبة
وبتفيق تا تغفا عافرشة ميّتي

بحر الزجل


15 Yamen Rida
جنيتك بالعين دمعة سايحة...
نيسان خصّلها جدايل فايحة...
تقبر عضامي وقت عالموقع تجي....
و تقبر عيونك وقت تبقى رايحة...
ههههههههههههههههههههههههه

..ألشاعر سليمان طراد
كلما يا يامن طيّفها قبالي مرق
بجس الحبر بيجن تا يبوس الورق
تقبر عضامي بحبّها صوبي تجي
صرلي سنة عا غيابها بشرب عرق
خخخخخخخخ
بحر
16

.Yamen Rida
جنيتك الله رسم وزالها...
حتى ع تم الشمس تدلق حالها...
و نيسان حتى يلبس طواق الحبق...
بسقف السما, بيتعربش على خيالها....


..ألشاعر سليمان طراد
تركني يا يامن ..عفتها ل جنيّتي
وقررت ادفع من جروحي جنيّتي
وقطّبت جرحي وعملت قلبي حجر
وما لقيت روحي تا فقدت حنيّتي

يلا جيتك

يامن رضا

الجرح ال كنت ع حساب عينك فاتحو...
لما بخيط الروح تقطب مشلحو...
يمكن يروح بعيد بحّار الوجع...
بس الجرح بيضل مينا بمطرحو...


· 2..ألشاعر سليمان طراد
بحّار همّي كل ما قبالي ظهر
سيف الحواري بحس عا قلبي انشهر
وجرحي قريب كتير عا قلبي وانا
كلما فتحتو كل ما قلبي انقهر

بحر الزجل

..Yamen Rida
سيوف الحواري يا بحر صافي عطوف...
ان ما فيك تحملهن على شاطي الظروف...
ما تعيفهن للريح, خليهن الي...
حتى بجرحي يسبحوا شفاف السيوف...

..ألشاعر سليمان طراد
النظرةيا يامن قد ما تحمل هيام
بتحسّ فيها ..معلّمي متل السهام
وورد المدنّق تحت شمس العاطفة
الا عا صدر الشوق ما بيعرف ينام

بحر الزجل