صباح

موضوع: صباح السبت يوليو 26, 2014 1:01 am

ب عيد اﻻسطوره صباح ولكل ال ما عاصرو هالفنانه لكبيره.ومزعوجين من طولة عمرها
جيل الخربشه الموسيقيه والفن الهابط المزعج .رجاء اتركوها بسﻻم.
ا-------------------
الشحروره

ياشلح ارزي وغصن زعروره
كنتي بسما لبنان شحروره
اوفك اذا ب جبيل قلتيها
بسمع صداها كنت ب شتوره
وندى ال بقلعة صور شفتيها
ورده شذاها فاح بالكوره
بيروت عم تبكي عا ماضيها
عاشت معك ايام مسروره
بعلبك طرب شبعت لياليها
عا حجارها اﻵهات محفوره
ولوﻻ رجع عاﻻرض بانيها
وشافك بعصر الصوت والصوره
بينقش عا صخر الصم تنبيها
مرت بعصري هون اسطوره
شموع الفرح بالعيد ضويها
وﻻ تزعلي من ناس موتوره
بالكاد عم نعرف اساميها
ما غبرت عا الشمس طبشوره
واعمارنا ب ايدين باريها
ليش البشر هالقد حشوره
الصوره اللي بدك كنت امضيها
وديتها عا جناح عصفوره
كبرتي واخذتي صورتك فيها
ولميييين بمضي بعد عالصوره.

» إن قلنا صباح الخير يااهل لبريه