ميجانا

موضوع: ميجانا الخميس ديسمبر 10, 2015 10:28 pm

عليي ما بينفع ان تقلتي
و ع ضفة غير ضفة انتقلتي
انا ما قلت فللي انتي قلتي
و تا ارجعلك ما عندي وﻻ سبب
....................
رجعت للشعر هندسلو بيوتو
متل مهندس يهندس بيوتو
يا اسمر حاج تضلمني بي يو تو
وانت ال كنت ل جروحي سبب
...................

انا عمري على همومي وقفتو
جبل واقف ما ب غير وقفتو
صبر ايوب عا همومو و قفتو
وانا صابر عا قفي من العذاب
....................

ب رغم البعد عينيكي ما حنت
علي ولون ايامي ما حنت
مرق وجك على الشاشه محى النت
بوجي وصارت الدنيا ضباب
......................

ازا ما قدرت جبلك عاج روحي
غطسي بالروح شيلي عاج روحي
انا ال بديت جرحك عا جروحي
حرام تبدلي عليي حباب
.........................

انا بالشعر في عندي حصانه
حصيت الدهر ﻻكن ما حصاني
انا خيال لو بسرج حصاني
الفوارس دوم بتولي الهرب
..........................

انا عالحب اهلي منهجوني
وببسمة بصد هجمة من هجوني
فتحت بواب الله و منها جوني
المحبه والتواضع واﻻدب
...........
نطرت كتير لا تفكر ماطلتك
برمت عليك بالعالي ما طلتك
عليي طل يا ولفي م طلتك
بتشفي هموم قلبي والمصاب
...............
هجرني و وعد مني عاد راجي
السماح و ما بيدعس عادراجي
قالولي عادراجي عاد راجي
نسي دقات قلبو عالبواب
................
عالشوق يا محبوب بعدك هدني
صارت جحيم ونار بعدك هالدني
حظي بخيل وانت بعدك هالدني
تكرم علينا بمرحبا يا حبابنا[/b]

......................
[size=13]ازا للهجر في عندك مساعي
انا للبعد يا ولفي ما ساعي
ﻻ تتعب تبعت رسايل م ساعي
البريد ال بيننا ختير و شاب
ا..........
يا راعي ان شفت محبوبي يا راعي
قللو يعود وضروفي يراعي
كتر ما كتبت ما تحمل يراعي
انكسر متلي وب آخر سطر ذاب
ا..........
يا روحي من المهانة ما تعني
ال جبرني موت عنو مات عني
كلما ب آخ صوتي خنقت عنه
بتخلق الف عنه بﻻ حساب
ا.........
لنا من سنين نحنا ما اجتمعنا
انضلمنا وكان قاسي مجتمعنا
يا بحر ال عالشواطي مجت معنا
دخيلك روق عم يلفو لحباب
ا............
يا ولفي ال كنت تبعتلي مكاتيب
الك سنتين يا اسمر ما كاتب
ازا للهجر عم تفتح مكاتب
انا عم سكر بعمري كتاب
...................
رمشي الذاب يا ولفي ب رمشي
اسالو ان كان عا غيرك برم شي
بعيني نام وتغطى برمشي
انا عيوني مضافه للحباب
..................
نصبتلك بقلب القلب خيمه
تعي وتا تسكني بالروح خيمي
سراب بشوف بصرخ خي مي
وكل ما تقربي بشوفك سراب
.........
ازا شاعر نخي متلك نخي لو
عا لون القمح ما غبر نخيلو
نخل ل حجاز عم يحني نخيلو
عند ما تمر بديار العرب

» ميجانا
» ميجانا
» ميجانا.....
» ميجانا
» ميجانا ثم عتابا