غسان شديد والبحر

بحر
تا يثرثرو عا البحر عالم بن شرو
من بعد ما دواليب حقدن بنشرو
ان ضلّو عا ها المنوال عرضن بنشرو
وما عدت اسأل مين رح يزعل انا
غسان شديد

ألشاعر سليمان طراد
ألشاعر سليمان طراد
الهجا بالشعر يعتبروغذا لي
حتى لو حرق قلبي وغزالي
الفرق بيناتنا سبع وغزاله
و انا سبع المعنى والعتاب
غسان
عا منبر شعرك حروفي بس تحل
بكلمة كل ساحاتك بستحل
ورتني بكل شي بملك بس تحل
عن ضهر المعنّى والعتاب
بحر
لا بدي صبحك يجهجه وضهرك
بدي قياس أكتافهم وضهرك
بدي فوتك نصرك وضهرك
من طواقي المنابر يا غراب

غسان شديد زعلان

ما كان بدّي زعلك..!زعلان؟

ل ستين عمرك روح..لا ترضى

بعمرو ما ساير بالزجل إنسان

بحري..ضميرو ريّح وأرضا

شو كنت ناطر..رد يا غسّان

اقبل بسوقي سوّق الخرضه؟

لا يا حبيبي غلطتت بالعنوان

ولوشفت حتى ناس معترضى

بيضل سيد منبرو سليمان

ما بيغدر المعنى ولا الأوزان

والصح هوّي وكلكن مرضا

منزّل قصيدة..نقد للشعّار

وما بتستحي ..بأيا صفا أرجوك..

وبالوزن عم تحكي بلا معيار

وآخد مداك مشغل الفيسبوك

ما في قصيده كتبت فيها نار

ولو ليكولك ..نصك ودعموك

حسيّت شعرك بس استظهار

وحيطان حرفك كلها شحتار

وبنشم منها ريحة الكوتشوك

يتبع


Ghassan Michel Daoud Chedid
Ghassan Michel Daoud Chedid
انا اسمي عا خد الشمس طابع
عملو منّو لأهل الشعر طابع
فتحت دفاتر جروحي العتيقة
غذو المكتبة وغذو المطابع
عليّ ثرثرو بنيّة سحيقة
لأني رفضت كون من التوابع
ولأني شاعر الكلمة العريقة
وغديري من عيون الشعر نابع
يا سليمان غيير هالطريقة
تا يبقىى للزجل عاشق متابع
انت موهبتك بوادي غميقة
وحليفك غمّق وبالقعر قابع
انتو تنين معشوق وعشيقة
بحضوري لمتلكم بيضلّ رابع
ما بتستاهلو مني دقيقة
ومهما تجرّبو تخبو الحقيقة
بلعّبكم على روس الاصابع

شاعر سليمان طراد
دفتر حياتك ريت ما افتحتو
وسرك يا ابن شديد ما فضحتو
كنت ممكن تستتر وتقول
ضايع مع الايام ما لمحتو
بايا لغه رح تفهم ولا تقول
فاهم عليي ودمعك مسحتو
وحياة الله بعرفك كفشول
المزراب ما بتقوم من تحتو
الشاعر ما عندو غرور عندو ميول
للكبريا ..لو جوهر بنحتو
وانتي بريء وضد ايا اصول
ما في حجر من مطرحو زحتو
والبحر يا غسان عرض وطول
عامل نجوم الجو مسبحتو
وانتي لها الشعار بدي تقول
ما بتوصلو للمجد والشهره
ان ما ببحر الموهبه اسبحتو

الشاعر طوني بو شموني
،،
يا سليمان قلتلك بلايي
ع المكرسح اجا يعرج بلاييي
وانت فليت تاركلي مصيبة
ورايي وما اعتدت طلّع وراايي
على كل حال قلو بكل طيبة
انتبه لا تبج راسك ب المراية
وقبل ما تفل من عنا هريبة
على الشلال لا تعلي القناااية
القعر كلمة على الشاعر غريبة
ومش بعيدة ولها مقصد وغاية
وانا الي معود بكلمة اديبة
انحت للنهاية من البداية
ب قلو عليك ه الزرقة قريبة
وراسمالك الوالد ب الدعاية
وسبع سطوح بدك يا حبيبي
بعد سطح السما تا فيك توصل
مطرح ما لبست اول عباااية

Ghassan Michel Daoud Chedid
الشاعر طوني بو شموني
عبر بعد يا انطون عبر
وصلي ربنا امرك يدبر
بغيابي زيد عا اسمي التجني
الشهرة مجهر وحجمك مكبر
معي اشرفلك توخّى التأني
لأنو الكسر ما فيلو مجبر
عا كتف النسر مشروع التمني
ممكن بعدما جنحك يوبّر
اذا هالموقع بطني ورني
عملك اسم تا قلبك يصبّر
بربك حلّ عن ربّي لأني
ما رح اترك أثر عنك يخبر
لا انت ولا طراد بتوب فنّي
فتحتو خزق تا الخيطان عبّر
واذا مستنظرين الرد منّي
برفض ريشة الإبداع حبّر
لأني يا شموني انجيت غني
انكنت طحّان بتغبّر عا غيري
على الكلّاس ما بتقدر تغبّر

الشاعر طوني بو شموني
إذا الشاعر ما كان بجد ناحت
عيون الموهبة منشوف ناحت
وإذا ما بينجح بخلق القوافي
ما إسمو شاعر وعندو نواحت
فِ شُعرا كتار ما عندن نصافة
عقولن منطق العلم استباحت
عملو من الزجل ملعب إضافة
ت صارو ديوك استكبار صاحت
ويا غسان ما عندك شفافة
انحني رايات رب الشعر لاحت
إنت طيرك ب وكر الجهل غافي
وأنا النسر بْ جوانح ما استراحت
اعترَف قرص الشمس ما كان نافي
عند مَ جوانحي الأخصام طاحت
يا غسان مَنَك بعد وافي
ملوك الموهبة ب السر باحت
ما في عندك زخم ب الراس كافي
ولا العتمة ب شعرك نور زاحت
إنت عارف شو في عندك سخافة
وبعد ما دقك بجولة قوية
رح بتعرف شو يعني عليك راحت


الشاعر طوني بو شموني
،،
ويا جاييني ب قوافي مصطفية
من السيد الكلمة المصطفية
عا نور الشمس ب حروف البلاغة
انت مجبور تلطى تخت فَيي
يا جايي ب اسم بييك انت اغا
ونحن ملوك من طينة غنية
عملنا حالنا ب فن الصياغة
وما عملوها الاهل يا نوس بيي
ويا نحّاس عننا سوق صاغة
ما كننا منقبل بضاعة نحاسك
لو ما البحر شد علا يديييييي


سليمان طراد
يا غسّان تا توعّي نهيدي
عطيني من نفس آخرقصيدي
لأنوكل ما حقدك بيظهر
بنعرف عيشتك منها سعيده
انا بعرف انت بتحب تظهر
بشعرك ..بس بعرف عا الأكيدي
لا في عندك لياقه بأي مظهر
لأنو طلتك طلّه زهيده
ولأنو الشعر ما بيظهر عا مجهر
الشهره ضلّت بعيده بعيده
حاسس فيك والواقع بيقهر
وتا تكبر..صدق.. مش طالع بإيدي
لازم تنحت وتتعب وتسهر
وتقرا منيح ..ما تغيّب جريده
الشعر كلما من الأعماق يضهر
حتى المستمع يسكر ويبهر
بيكون مشبّع بحس القصيده


Ghassan Michel Daoud Chedid
يلّي افتكرتو الشعر تحتكرو
وكلمين زارع عالمو بفكرو
انتو اذا نكرتو شخص خلّاق
بيصير اطيب بالمجد ذكرو
لا شعركم خمرة شعر ينداق
يا ضعاف عا خمر الوهم سكرو
وبالحس فاتحلي الشعر آفاق
ما شافها اللي رابخ بوكرو
رح ضلّ شاعر للبعد مشتاق
ما زال عاطيني الشعر شكرو
ومازالني صورة عن الاخلاق
بيمحي الإسم حامل اسم بكرو
جديدي ما فتَش عا اسامي عتاق
ولا جداد فضل لقبلهم نكرو
لمّا الشعر فيَي عا حالو فاق
فاق المدا الشعري المعاش وفاق
لحكيو وما قدرو جديد يبتكرو

بحر

ما كان بدي انتخي وزيد الوعيد
لوما التطاول عا مجد شاعر عنيد
يا أفقر من الأخ عا جرار النهيد
يا اضعف من الموت قدام الشهيد
تا تصيرطعمة كلمتك متل النبيد
تكنّى بحالك حاج كذباتك تعيد
لوما ابوك يكون شاعر منبري
ما في حدا بيسمع بأسمك يا شديد

شديد
Ghassan Michel Daoud Chedid
سليمان لا تفكر جنح شعرك قسي
وريش المعاني جناح ما بتعلا كسي
غسّان فاتح مدرسة ومأسسة
وبدك عمر ما بتنجح بهالدرسة
وما زال عا شاطيك بابورك رسىي
مدّي يا اجري وروس والبحر دعسي
مش بس رح تنسى الوزن والقافية
ما تععجبو سليمان لو اسمو نسي

بحر

سليمان طراد
مديّت إجرك ..!عيب تحكيها اختشي
وتنسا الأدب والزوق حاجي تلوشي
بحر الزجل موجات شعرو مدهشي
منها فضا الإلهام شعر بينتشي
بحري عصي عا الفاتحين وما غشي
وما انشق موجي للعدا وللداعشي
شقيت صدري بس تا موسى مرق
وجمّدت موجي ضو تا عيسى مشي


Ghassan Michel Daoud Chedid
سليمان كلما ضعفك عليي التجا
بأمنلك ببحر الشعر خشبة نجا
الفادي اجا عالأرض بيعز الدجى
ومحّى الهجا والنقص بحروف الهجا
والشعر رح ابقى خلاصو والرجى
وانت رح بتضل مصدر للهجا
ويسوع لو عارف انا بدي اجي
وفّر عا حالو الصلب كان وما اجا

بحر

شاعر سليمان طراد
ردّك صدمني وعا السطر حرفي انقلب
والشعر قلّي خصمك بردة انغلب
دجّال جايي .!ومجيتك غب الطلب
للداعشي ..تا خربت ادلب مع حلب
وعا ليبيا طليّت تا الحكم انقلب
وكمّلت ع بغداد تا العز انسلب
وحتى بكورونا عم تبشّرنا اختشي
انشالله على عامود تخنك تنصلب

Ghassan Michel Daoud Chedid

مهما الغشيم تعلمو بيبقى غشيم
ومهما اللئيم تروًضو بيبقى لئيم
ومهما السقيم تشبعو بيبقى سقيم
ومهما العديم تطورو بيبقى عديم
عطيتك شعر من مستوا الشعر القديم
ضليت متل الخلد تزحف عالأديم
ومهما العظيم تنقصو بيبقى عظيم
وما بيفهم الجيعان شو بيعني الكريم
بوجك ما بدي افتح بواب الجحيم
كوني رحيم خلقت رح ابقى رحيم
ومش انت اول شخص يا لص الشمال
شاف النعيم وما فهم معنى النعيم

بحر

ألشاعر سليمان طراد
ما كان قصدي زعلّك بس الجواب
بينرد متل القنبله اندقّو البواب
رح ساير وأمر الإداره مستجاب
وانحت بيوتي من الوحي مش من كتاب
بلّش معي بموضوع تا يرضي الشباب
والمستوا خليه اعلى من السحاب
ونقّي عا زوقك واترك الباقي إلي
معوّد انا لا تخاف عا فك الرقاب


Ghassan Michel Daoud Chedid
سكوتي عا ردك من اهابة مطرحي
يا شمس طلّي ويا حقيقة جرّحي
ونسبة غلط ناقص من الشعر طرحي
بيطلع صفر وقت اللي طرحي تطرحي
ويا كلمتي تا تستمري وتنجحي
ما تقبلي بالنقص حتى ينمحي
ومش بس توبي فوق توبي مشلحي
عا كتاف اخصامي دفى الشعر شلحي
مطرح ما لازم ترتقي كنت ارتقي
ومطرح ما لازم تستحي عيب استحي

بحر


من مين لازم استحي..بحرب الضروس
ما تنينا العرسان والمنبر عروس
ما انت قلت بأجرك بتدعس الروس
وجايي بسلاحك قلت عندو سلاح روس
ما زالنا ببيوتنا المتل الحبوس
تبسّم ما بدي تضل حردان وعبوس
ورح بوعدك قدّام شعّار الزجل
رح بستحي من بعد ما ايدي تبوس