ظلم وعدل طوني بو شموني وبحر الزجل

طوني
يا بحر قب مواجك علا طموحنا
واجمد عند ما تشوف جايي نوحنا
بموقف كرامة ما منعبد روحنا
ومنموت تا نسقي المعاني جروحنا
بواب السما ب فتوحها وكل الجحيم
مش قد تطلب ب المعنى فتوحنا
الزودة
يا بحر الله ن وصلك ع سفوحنا
ب ايد الشعر رح نطعمك سحسوحناااا
سليمان
طلبتك تا شوفك بعد ما مر الزمان
كيف صار شعرك قبل ما اعطي الأمان
ليك.. اختبرتك من قبل مده وكان
شعرك مفشكل بين شوك وبيلسان
هلق.. بأول بيت... ما في امتحان..؟
ولا في علامه بتنعطى ولا في رهان
كمّل بتاني بيت اكتب تا نشوف
ان قادر تعبّي كنوز من بحري الملان
الزودة
لا تزيد معنا صفصفه يا بهلوان
تأنى قبل ما يفوت عالجوله الامان
طوني
با بحر حاجي مواج فكرك عابسة
كنوز ل معك غبيتها من اليابسة
وكل شي في ع مواجك خطايا كابسة
ما بريد عينك شوف دمعة حابسة
ما بين ظلم وعدل نقي يا حلو
التوب اللي بدها تكون نفسك لابسة
سليمان
ما زال جايي بطرح مخذي بلا حياء
رح جاوبك عا شرط لا ترد بغباء
لو في عدل بالكون ما نشرو الوباء
وصرنا انا وانتي ضحايا وابرياء
وين العدل ببلادنا بلا كبرياء
والكل عم يعمل بشعبو ما يشاء
ما بحب الا كون ظالم بالدني
تا يضل فينا نحترم حكم القضاء
الزودة
لو في عدل كانو ما بيبيعو الدواء
تا ما يموتو الناس من كتر الغلاء
طوني
سليمان لو بتكون ظلم الموهبة
رح علّمك تركع ركوع الراااهبة
بعد النظر لو كان عندك ب الخبي
كنت عرفت فرق الغبا من المكتبة
لما البشر صارو ب اوطا مرتبة
سرقة وجنس وامور اكتر مرعبة
جاب ( الكورونا ) الرب عدل من السما
وظلم الله تقول ظالم يا صبي
سليمان
بالعدل ما بيتقيّد الظلم انتحي
الظلم حكمو صارم وما بينمحي
شوف الشعر ظالم على خشاب الوحي
بيصلب الشاعر بالحوار المسرحي
بيي ظلمني وهزني كلما صحي
وعا الشغل وداني وطلقلي جوانحي
ظلم الأبوي شدّني صوب النجاح
وباسم بيي بكبر وما بستحي
طوني
سليمان عدل التربية ب البيت زيح
يا نخ تحت الزيح يا من هون زيح
عدل السما عطيك حلا الكون الفسيح
وظلم البشر كفّر سمانا ب الدبيح
قاسي العدل قاسي الحكم عدلي صريح
وقاسي قرار المحكمة تا تستريح
لما الظلم ب القاتل بيخطف رواح
ع المشنقة بيطلّعو عدلي الصحيح
سليمان
ظلم العداله ما بيحكم عا البري
بيحكم بحبل المشنقه عا المفتري
القاضي بيظلم بالحكم لوما دري
عا المتهم حتى العداله تنبري
وحتى المفاعل بالنظام المخبري
العآلم بيظلم باختبارو البربري
لوما اختبارو الظالم على الابريا
حبة دوا ما كان فينا نشتري
طوني
اااااخ اااااااخ
( ظلم العدالة) ل فارضو علينا الزعيم
منو متل ( ميزان عدلي ) ب الصميم
إظلم ولادك واختبر نار الجحيم
وقلو ل ربك منطق الأعوج سليم
ب حبة دوا لا تنتخي!! بتشفي السقيم
بتشفي الجسد يمكن من الآخ الأليم
وجرح الكرامة ما بيشفى ب الوطن
حتى العدالة تسود يا مستر فهيم
الزودة
لاقي اليتيم وحق خالقنا العليم
بيقسم رغيفو يطعمك عدل اليتيييم
سليمان
المظلوم والظالم في عندن حب ذات
حب التحدي والصراع على الحياة
الظالم بيشعر كل مابظلمو استمات
انو العداله بدها عزم وثبات
المظلوم متلو بيحلم بمركب نجاة
وظلمو عا روحو عند ما حب الممات
يعني العداله ظلمها بتوجيهها
وعدل الدول عا الظلم قايم بالحياة
الزودة
بتعرف يا حنا الشعر كلما قلب فات
بينكش احاسيسك بحقل الزكريات
طوني
يا أربح من الذنب عذرك نقّحو
ب حُب التحدي ظلم خييك ما اوقحو
الظالم بيشعر قلت ؟ ه القول امسحو
مين العدل والحق فيه يزحزحو
والظلم لولا زحزحو ما بيبطحو
ما صح الا الصح !! للحيط انطحو
ب علمي انت للظلم قابض مربحو
كيف عملت مظلوم ب الطقس الصحو
لاكن عا سيف العدل هيك الظالمين
بيغييرو لا بيخجلو ولا بيستحوووووو
الزودة
سليمان كبّش في خيالي ومشلحو
ن كنك نبي لوح الوصايا بشلّحو
جهنم وجودي عدل صافي مربحو
كلما على الظالم بوابو بيفتحوووووووو
سليمان
مظلوم هيك فهمت؟عقلاتك فتاح
الظالم قلت بيعلّم الشعب الكفاح
شارون لما جنوبنا بحربواستباح
ظلمو جبرنا ننتفض من كل ناح
وحتى اللي عنا قاومو وحملو سلاح
ظلموا الأمومه والأرامل بالنواح
وانتي الكنت تكدح بشغلك للصباح
وجمّعت مصريات بالمصرف مناح
لوما الغربه ظالمه عليي وعليك
من وين كنّا تنينا احصدنا النجاح
طوني
با عدل طمن بالك ب ساح الامير
الظالم رح نردو عجينة بلا خمير
شارون بدك نشكرو ؟ برايك كتير
وعدل السما حطو ب جهنم ع السرير
ظالم بلادي ما ترك النا نفير
ورحنا نفتش ع العدل وين الضمير
لقينا العدل ! ! عالم عملنا من الحصير
وولاد عنا تنفسو وشمو العبير
الظلم ل ما خلالك وطن عملك زغير
ولو صار عندك ب الغرب مال وحرير
بكرا يقولو في عدل ببلادنا
بترجع تبوس الارض وبترجع كبير
الزودة
سليمان مهما ظلمك علينا تدير
عننا عدل يعطيك حقك تا تطير
شيل العدل من بيتك وشوف المصير
بتضل وحدك انت عايش تحت شير


سليمان
ما في عدل ما في عداله ولا شحار
لو في عدل ما كنت ضدي بها الحوار
هههه
عدنان وينك اسدل علينا الستار
الشوط انتهى والظلم حاكم بالديار
قلنا..! الل نظلمو هون بالغربه كتار
والظلم ساهم بالنجاح وبالخيار
بترجع تقلي لو رجع عدل السما
يعني اعترفت بايدنا اليوم القرار
الزودة
يا جون جبلي خل وشوية خيار
تا حط طوني وخللو بنتفة بهار
هههههه
طوتي قصيد الختنا
اوووف اوووووووووف اووووووف
انتحر يا ظلم ع جبيني وعلااامو
يا هارب من وجه عدلي وعلااااامو
إذا وجودك خلق تا يمتحني
ما يعني العدل تعلا عا مقاااامو
ع ( منديلا ) ربحت عركة تجنّي
العدل ردو وسقط هامك عا هامو
ومع الرومان طنة ب ضهر رنة
انتهو واعلن شموخك انهزامو
لك
انت خلقان تخسر حد مني
لانو منطق الكون ونظامو
مؤقت ربحك وربحي المُجني
عليك ب حق فارض التزااااامو
انت يمكن وسيلة ب الف إنة
اللي رجحها على نفسو ملامو
اللي متلي بعدل الله بدون عنة
بيدعسها ت يوصل عا سلااااامو
العدل والظلم رح يبقو ب تقني
( ظلم ) خاسر .. (عدل )الله ب كلامو
وبعد يوم القيامة بدون منة
بنار جهنم الظلم وحَرامو
ومع رب الزجل جايي تغني
اللي شانق الف ظالم في كمامو
القيامة قمتها بموضوع فني
وقبل ما تموت طوني بعد الله
الليلة هد ظلمك عا ظلاااااااامو
بحر الزجل احترامي الك كتير انبسطت معك ب ه الحوار
سليمان قصيد الختام
على الظلام حني يا ليالي
وجني ع العداله ولا تبالي
وكلما بتقشعي بتختي صبيي
اتركيني انظلم منّي ل حالي
انابصلب حبيبي عا يديي
ويصرخ.. يا حبيبي بصوت عالي
اظلمني يا بحر ما عاد فيي
انا هربان من عدلي المثالي
العداله وين منها وين هيي
بوطن عدلو ما بيّن بالعداله
وحكم بالتبرأه وزج الضحيه
تا صار العدل عنوان العماله
العداله وينها وبيّك وبيي
الظلمهن صار بالمركز معالي
العدل بالكون ما بيحمل قضيه
الظلم حامل قضيه ولا مبالي
وتا نرجع للوطن منّي عليي
تركتو بأقتناع براس عالي
ولولا تنينا بقينا سويه
عيالك جوع ماتت مع عيالي
انا للظلم رح قدّم تحيه
لأنو بغربتي مع شغل بالي
نجحت بفضل الله وكان فيي
على حساب الدول اقعد وغالي
وانت يا بو شموني متل خيي
عدلتك توقف تغني قبالي
واذا بدك عداله منبريه
العداله كون مع شاعر مقدّر
وعند ما قبلت فيك ظلمت حالي
بالفعل طوني غزير وصدقا ها القصايد لا يتعدون تلات دقايق