جريس نخول وبحر الزجل

ألشاعر سليمان طراد
يا جريس نوادي البطاله جاهزي
تفضل عليها بلا كلام ولا هزي
اللي بيسمعك بيقول في عندك حساب
لولا انسحب بيهز بنك المركزي

Jeryes Nakhoul

مش هيك لازم تقبل بوضع الخراب
وتعيش عمرك مسكنه ووهم وسراب
كمشة تراب ملكتها وراضي انا
وخايف عليها قبل ما ارجع تراب

ألشاعر سليمان طراد
ما زال راضي ليش نقك يا رفيق
وعارف وضع لبنانا خطر ودقيق
ان كنت راضي الصبر مفتاح الفرج
وان كنت مش قبلان انزل عا الطريق

Jeryes Nakhoul

من حرقتي عالوضع عم رندح بيوت
وخايف وضايع بين احكي والسكوت
ولاد البيوت ولو نزلنا عالطريق
خايف ما نعرف نرجع ولاد البيوت
5
ألشاعر سليمان طراد
نحنا اللي وصلنا لهون سكوتنا
ومن بعد ما صار الخطر عا قوتنا
طلعنا على الطرقات وتركنا البيوت
من بعد ما بها الوضع خربو بيوتنا

Jeryes Nakhoul
وينك تعا كافيك تنصح بالنزول
وانت عايش خلف غيمات الحلول
ولاد الأصول بلادهن ما بيتركو
وبينمروا من بعيد ع ولاد الأصول

ألشاعر سليمان طراد
لوما تدهور وضعنا وأمورنا
ما شفتنا لحقناالأمل ببحورنا
انتو يا جريس حمل.. عا ضهرالوطن
نحنا حملنا بلادنا عا ضهورنا

Jeryes Nakhoul
اي وطن ع ضهركن عاش وقطن
اي وطن عم تحملو وتحكو بفطن
هربتو ع ضهر الموج ع تاني دني
وعار الهريبه مترجمه بحملة وطن

ألشاعر سليمان طراد
حكينا كتــير مضاهرات.. وأحتجاج
اهل السياسة دياب تسطي ع النعاج
ال ركبو علينا..! وركّبو ديون الوطن
لا... يحسدونا لو ركبنا ع المواج