افتنااحيات بحر الزجل

اعادة نشر قصايد من الارشيف
انا انسان ما بحب الملامي
ولا بمسح جوخ وببخر زعامي
زعيمي صاحب الكلمه الجميله
الما فيها غش وبترشح كرامي
تهمني البعض بين ولاد جيلي
بانو عملت عن موسى محامي
وانا وحياة الله بلا جميلي
ما بعرف بالشكل موسى.العصامي
انا بسمع بقلبي وهي فضيله
البحر ما اعتاد يمسح جوخ شاعر
وبعمرو ما بتعنيه الاسامي
كفرت
انا حريتي ملكي لأني
بعرف مين من قلبو بيغني
اذا الشاعر ما هز الروح بزعل
وما بزعل لو غني الكلمه وطعنّي
بحوار الأمس في شاعر تبهدل
مسحتو بس ما بيّنت سني
لأني بسايرو تا يصير افضل
لكن يا شحاري هود..هنّي
ركض للوهم والطفل المدلل
وقلن ياخدولو التار مني
ونسيني بحر بالموقع الأول
وما بقبل يقطع الكسلان عني
ما بسمع شعر من شاعر تمرجل
ومن شعّار منبرنا المسني
لأنو الشعر عا الجوجل تجوجل
وانا قررت شطّب عا الرتابي
وروحو خبروا التاريخ عني
انا ما بحب شاعر بالشروقي
وفي شاعر ما بحبو بالمعنى
واذا الشاعر ما بيوصل حقوقي
بلا جميله ومّني يحل عنّا
انا بكره الشعر يكون سوقي
ومراجل صفصفي وحرب واسنّا
ولو بيكون قاضي او حقوقي
ما بقبل قدّس الشاعر عا اسمو
بقدس بس شعرو اللي تغنّى
كفرت
ذا الجمهور ما حدد ميولو
الشعر بيكون بلّش بأفولو
حبرو عا الورق نشفّ وصفّى
وعنو الكل صارو عم يقولو
واذا شويعر شي بيت ركيك قفّى
قدر ما الجاهلين يهيّصولو
بيضل ضعيف عا المنبر ملفّى
وما خصو بالشعر لو شك لولو
يا عيب الشوم عا الجمهور صفّى
كلما ابن شاعر قال رده
ضعيفه او قويي يزقفلولو
اذا روكز بزاتو ان ما قنعني
بشعرو بكرهو والقول بعني
وما في مخلوق يجبرني تا حبّو
حتى ان كان فخر الدين معني
انا قديّس خاف يهين ربو
وشرب جرح الفدا من بعد طعنه
رفعت الشعر عا مداميك قبّوا
تا وصلو محل ما الله رفعني
ومتلي الشعر يا شياطين حبوا
وبلا ما تسألوا الدافع لحبي
حبي للشعر هوي الدفعني
كفرت
انا سهران عا حلمي الاساسي
لأني خلقت شاعر من أساسي
ما بقبل ينفرض عا الشعر خوّه
اسامي بتعمل بجوي حساسي
انا بحافظ بشعري عا الأخوة
وما بفتن بين اهلي وبين ناسي
واذا ما بحب شاعر مين هوّي
اللي بدو يسخر الحب بحواسي
ولأنو الحب مش سلطه وقوّه
وحزب بيفرض شروط الرئاسي
انا بلشت اقصف أرض جوّي
نصيحه لكل شعار المعنى
هربوا وما تقربو نقطه تماسي
كفرت
لحبر والحرف مش سطلي وروبه
الشعر لدهشتو اندقت النوبه
وانا شاعر خيالي قد غيمه
قريشه بينعمل منو وروبه
انا جبران ومخايل نعيمه
القصايد در مدروزي عا توبي
ما في روس فوقا اليوم خيمه
اذا غلّطت بحق المعنى
ضروري اندم واطلب التوبه
كفر
ما بعرف ليش ما بيجرح لساني
ولا بقدر ادبح بحرفي الهجاني
ولا بقدر سب او احمل مسدس
وما بفزع غير يغدرني زماني
انا يا شعر بالحرف المقدّس
حرقت بخّور عمري بشمعداني
صرخت وقلت يا تقليد اخرس
وجدد يا زمن تا تصير جاني
وعلى التسعين يا تاريخ ادعس
تا تقدر توصل على مهرجاني
لأني تركت ورد الشعر بنعس
غفي عطر القصايد تا استفرد
قفير الشاعر بشهد المعاني
كفرت
انا مش كره..لازم تفهوني
وعلى مبدا العداله تعدلوني
اكيد القبل منا بيت غنى
فضيل ومفضل ولا تواخذوني
بس بقول عا روس الاسنا
متل ما قال حريس وبخشوني
نزعوا روعه الشعر بوطنا
الشعر مش عد عدو ولحقوني
وانا ما بقول موسى وشعر حنا
ذخاير علقوا بالصدر قوني
حضنا كتير متلن وانحضنا
وما كنا نمنن ولا نزل شاعر
لانو الموهبه الأم الحنوني
كفرت
انا شاعر على الزرقا عيوني
ما فيكن من سمايي تنزلوني
حنين الحب فيي ما بيكبر
اذا ما تياب همي لبسّوني
انا مش زير عا المنبر وعنتر
وما بدي بالزعنّي تشبّهوني
بدي تشبّهوني بأرز اخضر
وشاعر دوّب الأم الحنوني
انا لوما عذابي كيف بسهر
على حروف القوافي الدوبوني
وعذابي من خمر جرحي بيسكر
وخوابي المجد ما بيسكروني
انتقدت الل مسحّوا للزين منبر
وانا ملوك المنابر في عيوني
لكن في حقيقه عم بتظهر
مواهب شاعريه قد الله
ويمكن عا كلامي تكفروني
كفرت
***

ها القصيده من ٢٠١٦ اعيد نشرها

أنا البحر للي كنت الكل ساقي

السما غصوني جبل صنين ساقي

فتحت الصبح قنينه زغيري

ودلقت نهار عاصفحة وراقي

حرقت حالي وشرب الله عصيري

ورسم دنيا ع شمعة احتراقي

الزمان انمدّ عاأرضي حصيري

أنا بقيم القيامه عامذاقي

اخلقت حالي وصرت بكل سيري

حقيقه صوتها بالكون باقي

طوشت الريح من عجقة صفيري

قتلت الموت حسره عادواقي

وإنت ياليل ها العلقه الكبيري

كفى تجرّب على راسك طواقي

يابن ادم تمخمخ من هديري

حرق داعش السوري والعراقي

إنت للبحر مابتطلع جزيره

بطمّك رمل لو طلعت خلاقي

أنا الجنه بتشحد من عبيري

جبرت الشعر متلي يكون راقي

الشتي رصاصي البحر كلو ذخيري

وياويلك لو تعكّرلي رواقي

وياويلك عند مايبلش زئيري

وجناسي يدبك ويرقص طباقي

تعا وجبلي القبيله والعشيري

ومش شاعر اذا مليون شاعر

بيجي رح يركع بأول تلاقي

انا البحر.... الدراري من عبابي

وموج الشعر كلو ع حسابي

بعمري ما بدلت فتحه بكسره

رفعت حروف شعري عا السحابي

بعرف بالشعر شعّار أسرى

ل صف القافيه بجملة رتابي

حتى يهربو من أي كسره

على حساب المعاني والكتابي

انا من جهّتي بفضّل بحسره

بحصه تنحشر بين العتابه

حتى نقشع المضمون اسرا

من البيشيّدو فوق الخرابه

تركوني اكتب الكلمه المؤثره

وادفع هم نقدي من جيابي

خلقني ربنا للكون مسرى

نجوم اليل فوقي عقد لولو

ومن لون السما فصل تيابي

كل البقي والراح قد الراح

وعمري بسوق الهم عم بيعو

صارت حياتي للتعاسه مراح

ومش سر بدي فجّرو و زيعو

ما ضل للأحزان والأفراح

مطرح بقلبي ..وخايف يضيعو

بفزع لهيب النار يكوي جراح

وقش الوقت للريح ما يطيعو

وقصري البينيتو عا الأمل ينهار

وتتخرسن الأحلام والأفكار

ويبقا بقلبي الحب متل النار

ويوقف شجرنا ويخلص المشوار

وصوب السما يرفع اصابيعو

» اقوى حوارات بتاريخ الزجل بحر الزجل وحسّان البسطاطي
» بخر الزجل ومخايل لطيف رايس عصبة الزجل بسدني
» الى الشاعر نجيب من اعماق قلبي
» شعر الزجل !!!
» بحر الزجل وحنا ديب