حرتقات شعريه

يا غسّان حاجي تضّل غاشي
وتعرض كل خيباتك عا شاشي
نصيحة خي لا تظهر لأنو
وجّك ناقصو ضحكه وبشاشي
وتا تشبّه ببحري. شيل منو
دراري فكر ما تجمّع دباشي
ولا تتطاول على مجدو وفنو
لأنو بحر ما بياخد اعاشي
بعرف من حوار الأمس جنّو
فطاحل شعر متفلسف وكاشي
وقالو قسيت عا عادل ..كأنو
عادل كان مش لبوه فراشي

لها الأسباب يا غسان شنّو
عليي هجوم نازي هجوم فاشي
حقي ازعل واغضب لأنو
عطيتن حقن واكتر شويي
وما فيهن شاعر بيدفع معاشي

عدنان سعيد جايي وسيط
Adnan R. Saeed
يا عدنان من بعد المهمّه
راجع عا الخوابي المتل إمّي
وتا إشرب كاس شعّار المعنى
وخلّي للمشاكل في تتمّي
انا ويّاك من مده حضنّا
مواهب كانت وصارت مهمّي
بس للي تركنا وفل عنا
ما بيبطّل بحقّك مذمّي
قبل ما ترد وتسبّو تأنى
لأنو مفتري وبايع الذمّي
ولأني مصلح الشعر بوطنّا
جايي اليوم تا اعمل وساطه
وخايف ينهدر يا كبير دمّي
وعلي جعفرali Ali H Jaafar قبل مدي كتبلي
وقلّي يا بحر عدنان جبلي
تا قلّو مين واشي بالخوابي
وغدر مش بس فيي خان قبلي
قلت يا جعفر العا الحق رابي
انتي صادق وعارف بنبلي
ما بدي بالضهر سجّل اصابه
بدّي بالصدر أسهم ونبلي
ولها الأسباب ما بحب التغابي
وتترك بدر حجّاوي بدر حجاوي يسبّ لي
بدي منّك تزيح الضبابي
عن عيونك ..لأنو بحب تعرف
بدّي علّق المفتن بحبله
واذا بتحب قدّملك دلايل
وقلّك مين واشي ومين قايل
الحج محمد محمد علي الحاج مسجّل كلامو
وبقلبو كان مدّه الهم شايل
تركنا وفل ما هنّا مقامو
بعد ما عمل بالموقع عمايل
وحفظنا لكبر عمرو احترامو
وقلبّو ضل صوب الشر مايل
وعلينا بالغدر وجّه سهامو
تطّاول بس حصرمنا ما طايل
واذا عا الموقع بيبعت زلامو
قبل ما يوصلو رح كون والله
راسو بسيف ذو حدين شايل
ههههه