غزل 2021

كل الحكو بحقنا عزال
لكن انا وانتي ما كنا قلال.
كنا بوج الكل يعني الكل
نقول الحقيقه بدون قيل وقال

معقول اتحاسب عا تغريده..!!
غردتها..! وامسحتها بايدي
شو فيك تعمل..! غير تتركني
وتهجر سمايي عا دني بعيده
او تعتذر وتجيب.. باقة زهر
وتقولها.. لا تزعلي من القهر
مش طالع من القلب تهديدي

المرا قصه
بتعرف شو يعني تحب ما تنحب
وبتضل وحدك تبرم عليها؟
ويمكن اذا بتكون بعدك شب
رح تنتحر برموش عينيها
الحب بدّو ينغفرلو زنوب
وعيون تتحمّل دمع..وقلوب
تعرف تخبّي جروحها فيها
حب المرا..بدو صبر ايوب
بس المرا البتحب ..فيها جبال
وجرود حنيّه ...ووجع ..قتّال
وما في مرا بتحسها مرأه
الا اذا بتموت عا الرجّال
مرتك اذا بتحبك..تركها
وايّاك معها يوم تعركها
بتفكّرك بتخونها واياك
من البيت تتأفف وتفركها
مرتك لغم مزروع ..خوف دموع
نهر عمياني بيشد طلوع
ان مره اجت تسأل شو معنى الحب
مني نصيحه غيّر الموضوع
بيكون بدها تشوف مين شدك
وكيف بتفكّر ...وشو بدك
فكر المرا شيطان نسواني
بالقرب منك بس مش حدك
يا ها المرا لا تعتبي عليي
قلت الحقيقه متل ما هيي
ما في مرا بها الكون ما بتغار
وما في ولا رجّال ما بيخون
بها العمرفي واحد من الميه

عشق وجنون
يعني اذا علقتي على دبوقي
بكون دخلك مجرم وموتور؟
فرق العمر ما بينحسب روقي
في سندياني ..بتعشق المنتور
وفي ديب حتى بيعشق القرقور
حبك ل عقلي سالبو مطيّر
والحب حب وما بيتغيّر
بحس حالي بعدني زغيّر
وطاير بحلمي متل شي فرفور

عوازل
بعرف ما بدّك ..تسمعي بإسمي
ولا بتقدري ..حتى تشوفيني
وبعرف كمان بتفزعي النسمه
تجرح شعوري ..يا تقبريني
قديش كنت مزعلك قديش
ما تسأليني كيف حتى وليش
حقّك عليي ..تزعلي ومعليش
البيحب ما بينسا على الهيني
ما لقيت حتى نفترق اسباب
وما بصدّقك تا شوف بعيني
وين الغلط ضل العمر كذّاب
وعيش الحقيقه البينك وبيني
ما ضل عنا ..شهود غير تياب
ومني نصيحه سكري البواب
حتى على الاحباب والأصحاب
ولاااااااا تعيري إلهن الديني