يوسف قانصو رأيس جوقة السلام وبحر الزجل

يوسف قانصو
ماأجملك ياشعر ومشبّع ثقة
تاإنحتك جايب زميل ومطرقة
علّقتك بكعبة خيالي معلّقة
جبتك عَ برحليون أجمل منطقة
وشفت السّما بلوزات نور معرّقة
بتلفّ عاعنق الكواكب مشنقة
والشمس مابين النجوم معلّقة
وشفت القمر بالشمس لحظة مَ التقى
قدّملها بالإيد منو زنبقة
وبيقلّها قومي انزلي حاجي بقا
كل مَ بحمى سليمان بدّن يلتقوا
واجب عليكي تحضري بهالملتقى
ألشاعر سليمان طراد
يا جرح نام وي شعر عا الشعر فيق
بو حسين جايي وعم يبقبش ع الطريق
يا الف اهلا فيك يا در وعقيق
بعرف انا الوداك اكتر من صديق
ومنشان ابقا صادق واكتر دقيق
توقى مواج البحر لا توقع غريق
وما زالك مقرر لقائي يا هلا
شمُر عن زنودك وانزل عا الغميق
يوسف قانصو
ياطراد عمري ماعرفت البقبشي
ماشي طريقي ومابحبّ الكنفشي
وعايش حياتي عابساطة ودروشي
وفيّي قوافي الشاعريّي مكمّشي
بيوعى الفجر مني عَ ردّي منعشي
وبالليل عم حاكي الكواكب وشوشي
بعمري مَ سابح بالبحور الطّايشي
بعمق الشعر عاطول روحي عايشي
ولو ماكنت يَ طراد عاقدّ المقام
كان الشعر جمّع كلاكيشوا ومشي
ألشاعر سليمان طراد
بالعمق عايش...!! ها الكلام بنسمعو
مش بس منك من جلابيط ادعو
لما بلجة موجتي عم توقعو
عم تنزلو للقعر مش عم تتطلعو
بحر الزجل حرف القوافي طوعو
ولبسو متل خاتم بكلوة اصبعو
ومنشان تبقى عايش بوهمك ملك
بحر الزجل بالشعر لا تعلق معو
ااشاعر يوسف قانصو
جلابيط كلمي إركع وصلّيلها
خلقت بفنّ الشعر فلتة جيلها
ويابحر شمسك طافيي قناديلها
وبشموع عمري جيت تا ضوّيلها
الردّي البليغة جبينك بيحنيلها
وبتكحّل رموشك بكحلة ميلها
لاالبحر موجو هادر مقابيلها
ولاخاتم سليمان ردّ جْمِيلها
لكن أنا ياما كنت غنّيلها
وتغفى بحضني كتر ماإحديلها
وعا منبري ماسك بشعّار
الزجل
ساعة مَ بدّي بحطّها وبشيلها

ألشاعر سليمان طراد

لما عزمتك يا أبو الوجه البشوش
قلنالك تغمّق.. ما قلنالك تفوش
شو ه الجواب الحط بالرده خدوش
مفشكل حروفو متل زهر المردكوش
شاعر انا وبالموهبه بجنّد جيوش
ت شيل صوره شاعريه مش رموش
ل بيكون متلك لا ظلال ولا تمر
سجرة حطب مفروض شيلو من الشروش

يوسف قانصو

جاوبتني بردّي فقيري بْنَصّها
وضمن الحوار لْ بينّا ماخصّها
ياطراد كلماتك تيحلى حُصّها
بمدقّة الإبداع بدّي رُصّها
جيوشك من جيوش النمل لَ تخصّها
بالموهبي الّلي حضرتك مختصّها
الشجرة لْ نخرهاالسوس واجب قصّها
من كعبها من تحت مش من نصّها
وشجرة عم تفيّي عَ شعّار الزجل
بتنقصّ إيدك من قبل مَ تقصّها

ألشاعر سليمان طراد

بو حسين.. لما هستر قبالي وخطب
الجمهور فكر طلّق مراتو وخطب
يا مدعي إسمك من كتابي انشطب
وشلشك الفايش ما قدر ارضو شطب
يا كعب شجرة تحت منشاري انعطب
لا نفعك علاج ولا فادوك القطب
بتضل شجرة يابسة ومفوخرة
وبدي بغلا المازوت اعملها حطب
يوسف قانصو

شوباك ياسليمان بَيْك بمعهدي
بتظلّ تلميذي وبنوري مهتدي
يَ طراد إعملني حطب للموقدي
بدفّيك عاناري بِلَيالي باردي
احرقني بنيران القصيدي الجيّدي
كومة حطب تادوّخك بِقْصَايدي
وألله أكبر يابشر عالمعتدي
فعل الرّدي بالمعركي بدّو رَدِي
وألله أكبر كلّ مابعرف حَدِي
مدّ إيدو حاول يخفّق يَدِي
مش بَسْ إيدو بشيلها من محلها
بسلخ جلد راسو متل سلخ الجِدي

ألشاعر سليمان طراد

شفناك بجويا بحفله كنت صوص
كامل نشرها..! مش حديثي بها الخصوص..!
ما زال عا الفايش بتسبح.. لا تغوص
عمق المعاني دشرو لكاتب نصوص
انتي ضريبه عا الزجل حاجي تحوص
ما فيك تسلخ غير بالمطبخ حصوص
ههههههه
وقلعة خلود قصايدي وابراجها
بتتسرق من طواقها متل اللصوص

يوسف قانصو

تروّى عَ حالك ياسليمان الحبيب
ولاتنزل عْلَ معركة نار ولهيب
انخالفت أمري ونزلت أمرك غريب
بيكون بدّك للمنيّي تستجيب
بخلّي صياحك للبعيد وللقريب
مسموع من حومال عا ظهر القضيب
وقلعة صمود قصايدك منظر معيب
للبوم والغربان صارت للنّعيب
صوص كنت وديك صرت ومش عجيب
وبدجاج أعرج عاد يجمعني النصيب
وبتصير يَ سليمان للمنبر أديب
لمّا الحمل بيصير عالنّعجات ذيب
روح جيب قوة رنج روفر ألف جيب
وشو فيك عزم تجيب بعد تجيب جيب
لكن إذا بيناتنا الحرب ابتدى
بخلّي الجماجم متل مشطاح الزّبيب

ألشاعر سليمان طراد

٠يا بو حسين يا روحي وياعيني
يا شتله مْجـَعفِره بقلب الجنينه
لا تتطاول لأني بالصداره
فرق كبير مابينك وبيني
لوما صاحبك يبعت إشاره
تا اتنازل معك يا بو الحْصَيِنِّه
ما كنت بلم ع الموقع بعاره
ولا بعيرك سمع طبلة أُذَينِّه
انا ما اعتدت مره ع الخساره
ولا بنزل على جولات هيينّه
لاني تاجر وبعمل تجاره
ب/guangzhou/ /ونزو) وفبارك تشيني chayni
ما بدِّي … /هص/ ما تنطق عباره
اوعى تفتكر طه حسينِ
يا استاذالجهل جاهل حضاره
وحتَّى بدينك ونهج الحُسيِنّي
يا يوسف قانصو عمللي زياره
بيعرفني انا كمال وينَّي
انا بِغربته عشت بعزاره
اشتغلت سنين. حتَّى. سد ديِنّي
لها الاسباب يا يوسف توارى
قبل ما تلمحك عن قرب عيني
لاني نويت حطّك بالمغاره
وسكر بابها بكومة حجاره
واذا فقدوك شعار المنابر
ولو بفتشو عليك المقابر
ما بيلاقيك كلب ولا (بْـسَيِنَّه)
بحر الزجل

يوسف قانصو

حرام لْ عاش عاخبز القرايي
عجيني ينكر وينكر عطايي
بنيتلّو بنايي حجار مرمر
عَ راسي حاول يهدّ البنايي
وبِدي سليمان بالإبداع أزغر
من لْ بِعُّو عَ شجرة مستوايي
افتكرتو من بحر قزوين أكبر
لقيت البحر عاجنبي قنايي
دخيلك ياإمام الحق أظهر
سمعنا أعور الدّجّال جايي
بإسم تاني سُلَيمان وتنكّر
بعنقو جراس وبإيدو عصايي
إجا مغارة علي بابا استذكر
لأنّو في إلو معها حكايي
فتحلي باب المغارة وسكّر
عليّي وماعرفني بالبدايي
أنا طفل المغارة الرّب أخبر
بعتني الرب للرّحمي هدايي
وْإِنِتْ صابك معايي يامعتّر
متل خيّاط زرتو لأجل غايي
الهدف بدّك عبايي وفيك قدّر
قياس الطول عن حكمي ودرايي
وْغُلِط بالقصّ طلع الطول أكتر
من التّفصيل شبر وعالمرايي
لْبِسْها وشوف حالك عالمكبّر
وراك بتشحط ذيال العبايي
وأنا خيّاط للشعّار مُجْبَر
معك بالقصّ أغلط بالنهايي
وقُصْ جريك ساعة مابتحضر
معي تْحَاور تتبقى العمر كلُو
بخوابي الشعر عم تشحط ورايي
الرّدة الأخويّة
سليمان بيك طراد بيظلّو حبيب
وللشعر تاني بحر مافينا نجبب
بشكر كمال بمعرفة شاعر أديب
ياورد بالإبداع عم بيفوح طيب
بنعتزّ وبتعتزّ فينا بلادنا
كل
مالقينا هلال بيعانق صليب

نحنا بنمزح مع بو حسبن
وكبير واشعر منا
ولما نغني تنين تنين
ما بنزعل مين ما غنى


يوسف قانصو

يوسف قانصو
قرادي جوابا على الحبيب سليمان بيك
الشاعر بعيار الميزان
أغلى من عيار الجوهر
صورة حلوي عن لبنان
انشالله من جديد بيعمر
معنّى وقرادي وقصدان
الشاعر بيغزّي المنبر
لكن صاحبنا سليمان
لا قرادي ولا معنّى


ألشاعر سليمان طراد

بمغاره بجبال الالب
ازربتك تا تفهم اكتر
انو مواجي بتجلب جلب
شاعر عمرو ما جوهر
وتا تفنا ما عنا قلب
وحتى نردك للمنبر
بعتنا بسينه بعتنا كلب
مين الجابك طمنا

يوسف قانصو

شمسي ياسليمان طراد
مع شمس المنبر شمسين
لكن مع شعّار جداد
تطليعاتي رفّة عين
بحكي بروكز بالأسياد
ومابحكي بكلب ولابسين
بحكي بمغارة أمجاد
مبنيّي بهمّة بو حسين
وموتي بساحة إستشهاد
أفضل ما غنّي سطرين
مع شاعر ضرّ وما فاد
وهيكي بضاعة مابنّا

ألشاعر سليمان طراد

القفله بها البيت المنزوع
بدها قتله بمسطرتين
وتطلع طلعه وتبرم كوع
وشمتطة ديني يا بو حسين
قبالي عا المنبر ممنوع
بدلت الكلمه كبف لاك عين
بدنا صارت بنا ركوع
قصاصك تا نكفي الموضوع
هتلك ردي من شطرين
بلا كسر... وعم نستنى

يوسف قانصو

ياطراد قريت كتابين
أصل الكلمي وفقه الدّين
لا بالكلمي شفتك زين
ولا بالفقه عرفتك مين
مَ بتعرف بعدك بو حسين
ولا كلماتوا فيك تزين
عنا صار سليمانين
إسمين ملاح وحلوين
لْ حاكى الهدهد ملوة عين
والتاني طراد المسكين
الّلي مش عارف حالو وين
ولا وين صرنا ووين كنّا


ألشاعر سليمان طراد

اصل الكلمه بدنا. وكيف؟
قلبت الكلمه وبتقلي
بنا ومع الف التعريف
خليت الحرف يصلي
طيب رح اسال حريف
رفيقك ابن شعيتلي
ان وافق عا الكلمه رح ضيف
عا قواميس الشعر وهيك
رح بطل غني معنى
يوسف قانصو

أصل الكلمي بنت البكر
لْ مافي مين استعملها
إلّا الّلي بيطلع عالفكر
وحسّن فيها وجمّلها
وِلْ متلك مش حامل ذكر
الكلمي وكيف بيحملها
ومقضّي إيامو سكر
خْوابي الشعر مبهدلها
والرّدي الحلوي مش حكر
بآخرها وبأوّلها
عَ سليمان وكل الشّكر
لَلْ هوّي عرّفني عليك
شعيتلّي لْ فينا ومنّا