غسان شديد وبحر الزجل 2022

من بعد شرده صار ها الحوار

ما لي خلق عا الناس حاسس بالضجر
قلبي كتر ما حامل هموم انفجر
وكل الما في عندو خطايا بها الدني
ينسا الصداقه. يقوم يرميني بحجر

Ghassan Michel Daoud Chedid
ما زال عن حب البشر خلقك حجم
وفجأة عا قلبك همّ من راسك هجم
حجم الخطايا فيك اكبر من دنيه
يعني اللي متلك رجم لازم ينرجم

ألشاعر سليمان طراد
سليمان سجره المجد زاتو جارها
فتش عا رجمه مرستقين حجارها
ولما تبلش تضرب الشجره حجار
اركع على ركابك ولم تمارها

Ghassan Michel Daoud Chedid
الحكمة بفكري مكحّلين رموشها
والنّاس هدمت بالخطايا عروشها
بعدلي وضميري في ثواب وفي عقاب
انكنت شجرة بشيلها من شلوشها


ألشاعر سليمان طراد
قبلك في ناس تحمسو وتسرعو
جهال ما شافو شلوشي تفرعو
بتشبه الثوره الهاجمي تشيل الفساد
منشان ترجع من جديد تشرعو


Ghassan Michel Daoud Chedid
هانو العلم كل اللي حلفو عالعلم
دشّر الثورة وكل حلم بينحلم
لبيهمّني عن منبري امحي الفساد
وانهي اللي متلك شلّشو بشخطة قلم


ألشاعر سليمان طراد
مين قال انو ع المنابر في فساد؟
مع جيل طالع طلعتو قد البلاد
دشر الغيره وروح غني باجتهاد
ولا تضل تحكي بلا وعي متل الولاد
شربل حبيب ومازن ورامي وميلاد
جابو على الحفلات اجيال الجداد
وفرضو على الشاشات يتغنى الزجل
مينك انت حتى..؟ توجه انتقاد

Ghassan Michel Daoud Chedid

ذكرت الأسامي عن ضغينة وانتقام
هودي احبّة وبيننا صدق ووئام
اهل الكرام بيعرفو الناس الكرام
بالشاعرية والوفا والإحترام
قصدتك وقاصد كل رامي للسّهام
وما في ولا مرة قدر صاب العلام
شفت الوهم عا فرشتك شدّ الحرام
وما قبلت توعا ولا تفيق من المنام
هزّيتك وخضّيت وعيك تا تفيق
انما قدرت تفهم مقصدي سرّب ونام


ألشاعر سليمان طراد
رح جاوبك متل الزغييي واعتني
(فاهم عليك وع كلامك شو عني)
لما عليك تعرفت شفتك دني
كرمال تطلع منبر بتخرب دني
بتحكي بقفا الشعار غيرة وولدني
تا يطلعوك ترد مره بالسنه
من هيك بحر الموهبه اخد قرار
مش بس يقطع روس يقطع السنه ي
هههههه

Ghassan Michel Daoud Chedid
عا لسان ما كذّب خبر يا بو حنين
معروف شعري وين ضوّا وانت وين
ومش محرزة اعقد بوجّي حاببين
واسمي انطبع لمعة على حبيني اللجين
لكن معك تا حط عين قبال عين
كل البشر قالو بتمّك شفرتين
شفرة قديرة بنَص تخرب موقعين
وشفرة تنضّف عا كتافك طبقتين
بتحكي متل موسى بجاوب متل زين
بتعلك اللقمة مرّتين بدون دين
وتا تحسّ طعمة كلمتك وحروفها
مفروض تقلبها بتمّك مرّتين

ألشاعر سليمان طراد
ما فيك تهجي الخابيه و ما دقتها
من حيث عا تيابك الخمره دلقتها
منابر زجل ها الجيل والله عشقتها
وعا كتاف موهبتي بصدق عمشقتها
وحتى المواقع ساعة الما خلقتها
فتشت عا مواهب جديده طلقتها
حملو الرساله وبدعو بشعر الزجل
صارو نجوم.... ووين كنت بوقتها
هههههه
ههههههه


Ghassan Michel Daoud Chedid
شعر الزجل لو فيك شي مرّة احتمى
بيفسّخو شفافو من حروفك ظمى
ولمّا عا ضعفك جفن عاطفتي همى
جرّبت ارفع مستواك بهالحمى
اسمي سما وشعر الزجل فييّ سمى
والشاعر الراقي بإسمي منسما
ومتلك متل غيرك اذا صرتو نجوم
انكترو ، انقلّو ، هالسّما بتبقى سما

ألشاعر سليمان طراد
شو باك كلما بقلك المنبر علي
بتنسم وبتحتد.. وين المشكله
يا ها السما البتغار من نجمه اخجلي
وعن عرش وهمك صار لازم تنزلي
هي زوده
جربت ترفع مستوايي..؟ مش الي
بتنقال....!! عارف مستوايي مخملي
تشتك تشتك طلب الجمهور
خهههههههه
منك سما.. يا بو سمات مبهدلي
انتي سموم مورمي ومدملي
وحبة حسد مليان كلما بتنفقى
بترجع مع الايام غيره بتنتلي

Ghassan Michel Daoud Chedid
لسانك يا ابن طراد يا ربّي المجير
متل اللي حدّو حطّ حيّة بالسّرير
بعشق حبيب وجوقتو لمتل الحرير.
وبحب شربل كاملة وجوقو كتير
والكل شايفني بوفى الخيّ الكبير
الّا اللي متلك ضل مفهومو صغير
غيرتي غيرة الزهرة عالعبير
غيرتي غيرة النحلة عالقفير
غيرتي غيرة الملح لبالخمير
حتى ما يطلع متل كلماتك فطير
غيرتي غيرة عصاية للضرير
غيرة مقاتل عند تقرير المصير
وعا قدّما عم تكبر الغيرة معي
عا قدّما وجدانك مقلل ضمير ...

ألشاعر سليمان طراد
ما زال بتحب المنابر والدفوف
ليش دخلك ما نجحت يا فيلسوف
فرحان.. شربل شايفك خييو العظوف
وجوق المجد بتقول حاملو السيوف
طيّب انا رح صدّقك ..داري الظروف
واعطيك جرعه من الأمل والحظ..شوف
ان ما عملت حفله ها السنه تهز الدني
رح بيع وجداني ...وبلّش بالكفوف
هههههههههههه

Ghassan Michel Daoud Chedid
سليمان عارفني بشعر المرتجل
اسرع من الكرّة بحنجرة الحجل
الجوقات عا حسابي وإلي من دون وجل
وكلما انطلبت بجاوب بسرعة اجل
الحفلات صاير سعرها يجيب الأجل
وبشعر مع مناصر الحفلة بالخجل
يعني انت لو مطرحو بتقبل تروح
ترهن غرض باليت تا تحضر زجل ؟


ألشاعر سليمان طراد
بتشعر مع الجمهور؟ غنيلو ببلاش
وما تضل كرمال القرش تعمل كباش
بتشارط المتعهد وبتقول كاش
لازم يكون الدفع وبتطلب معاش
ومش بس هيك بترجع بتنفش رياش
وبتقول لولا شديد ما في شعر عاش
كرمال تقبض ما بتسال عن حدا
حتى اذا البيناصرك باع الفراش
هههههه

Ghassan Michel Daoud Chedid
سليمان فكر بالنصر قلبو انتشا
ومفروض بمسبَة تقيلة ينحشا
مين لعلى عينيك سمّك هالغشا
الحفلات اكل وشرب مش كاسة نشا
بعزم عا سهرة زينب الحلوة ورشا
وبغمر زجلنا بالحنايا وبالحشا
لكن تا غني وكييف الناس ببلاش
مجبور إعزم خمسميّة عالعشا ؟؟؟
هاهاهاهاهاهاهاها


ألشاعر سليمان طراد
يلي استضافك ت تغني بمطعمو
عم يدعمك تا تعيش لازم تدعمو
بها العصر صرتو بالدعايي تنعمو
لا تسمكو الدمات لازم تنعمو
بتوب التواضع كل مره بتزعمو
حتى على انصاركن تتزعمو
ويمكن اذا شي ضيف مره ما دفع
بتبقطو اللقمه قبل ما تطعمو
هخهههه


Ghassan Michel Daoud Chedid
سليمان عالشعار جايي يفتري
ويبيع عاذوقو وعاذوقو يشتري
بغني على المنبر كلامي الجوهري
وللجوهري شو رح بيدفع سنكري
لازم تا ترضى جرّح الصوت الطري
واسقيك خمرة معتّقة من مخمري
وعشّيك عا حساب الكرم من بيدري
وغنّي بلاش وعملتي ادري دري
يعني اذا الانصار متلك يا طراد
انقبرو ، انشالله بتاكلو سم الهري

ألشاعر سليمان طراد
سم وهري لا تقولها استسمح ابوك
العرش ع منبر كلمتو متل الملوك
يا ريت انصار المعنى بيسمعوك
تا يحرقوك بدفك المن كوتشوك
كيف لاك عين تقولها ما علموك
انو الرصيد المنبري والفيسبوك
جماهير شعلاني ومتل القنبله
ان جربت مره تهينهن بيفجروك

Ghassan Michel Daoud Chedid
وصل شبّيح عا سهرة ملانة
حضور ومستوا شعر ومعاني
بدّو ياكل ويشرب ويسمع
شعر دوّخ الخمرة بالقناني
وما بدو قال حق الكرت يدفع
ويتربّع بصف الأوّلاني
لأنّو مستواه كتير ارفع
من جوقات دابت بالغناني
ترك لبنان راح المال يجمع
تا صارو كوام عندو بالخزانة
ورجع يتمرجل علينا ويرفع
صوتو بوّج شاعر عم يعاني
يا سليمان صمتك كان انفع
بشاعر دمعتو صارت عيانة
لا عندو مال حتّى كتاب يطبع
ولا قادر يسجّل اسطوانة
وبرأيي مش مراهن انت تقنع
كل انسان في عندو مكانة
ولا بدّي ردك مدبّغ ملبّع
ولا كسّر عا جسمك خيزرانة
لا متعهّد ولا مطعم بينفع
اذا الشاعر مافي عندو متانة
انا بغنّي بلاش لكل موقع
لأنّي خلقت للكلمة ضمانة
وعلى المنبر اذا قررت بطلع
ووين ما كنت اكبر من مكاني
وإذا المطلوب منّي اليوم اركع
لآخر صوت من آخر زماني
لا لا يا حبيبي الموت انفع
لا ركعت للدهر ارزة وطنّا
ولا للريح ركعت سنديانة

ألشاعر سليمان طراد
يا غسان بيكفي تمادي
وكفا تقلي الشحاده امر عادي
اذا الشاعر ع نفسو ما تمرد
لا يحلم بالتميز والفراده
الكسر ايدو عليها وصار يشحد
مهما تناولو بدو زياده
بيضل الشعر بالمضمون اجود
من الغايه الخلف منها افاده
انا سليمان اللي رتل وجود
اعتدت بكلمتي اعصر فؤادي
وغيري المال شافو رب يعبد
انا ما اعتدت عا مد الايادي
شفت غسان مره بهون مشهد
عم يبيع كروتي وعم ينادي
وشحاده كانو عم بيشحد
بحجة بس تا طعمي ولادي
القبض ما كان عقده يا معقد
بس الفرق صاير بالمبادي
كانو يقبضو موسى واسعد
وانيس واحمد وزين وبو شادي
وجمهورن بطلتهن بيسعد
وطلتكن تعاسه مش سعادي
منكن كل ما خنفوس جرد
سيفو الحرب ما فيها هوادي
بقرشين بتشوفو تردد
و الاصحاب بيصيرو اعادي
وواحد عم بيغمز ام احمد
وواحد هوبريلي يا هناده
مره بيمدح ومره بيجحد
ومره زقفولي عا الاعاده
وانا من غيرتي الله بيشهد
عليكن كان قاسي انتقادي
لانو جبل بو ضرسين هدد
حضارتنا وتراثك يا بلادي
ولاني طراد اللي طور وجدد
ومتل ما بتعرف الفحل الطرادي
اذا بالمال بتشوفو بيزهد
لانو للقرش ما ذل نفسو
ولانو مش معود عا الشحادي