حرب قراده داحس وغبراء

حرب داعس والغبراء
بالزكزه والهجاء رقم 1
حوار ارتجالي قرّادي و قصيد
بتاريخ 26/05/2023
سليمان طراد وطلال عكو
القرّادي
سليمان طراد 1
يا شادي بدر التعتير ( شادي موسى )
أكبر حاقد بس سكوت
ما بدنا نحكي لا يطير
من الحقد ومعقول يموت
بيغار وما عندو كبير
وما لازم عا الصفحه يفوت
الغيره أكلت قلبو كتير
من عكّو ومن ألطافو..
طلال عكّو 1
يا بو شربل حاج تنوح
وتمثّل جوّا و برّا
الجسم الماتت فيه الروح
مسجونه و منها حُرّه
وانت الجايي عنّي تبوح
وتقامر نقشه و طرّه
شيل عياري وعجل روح
تٌلطّى بظلّ ال بتخافو...
سليمان طراد 2
يا عدنان سماع قشاع
وغيّر عكّو احلالك
وعيّن بدر وبال‘جماع
هوّي تريّس أمتالك
بتتذكر فادي لم ضاع
وحطك حدو وغنّالك
كنت التاني يا طمّاع
ترأف ...لازم انصافو
طلال عكّو 2
شو صايرلك يا سليمان
عكّو شاغلّك بالك
شكّو براسك سهم جنان
وطبّو الغربال قبالك
عكّو احساس و وجدان
و ما رح يعلق ع حبالك
ما دامو سفر الأكوان
تجسّد روح بأوصافو ..
سليمان طراد 3
أوصافي مواج وحلوين
وشط وبيجن جنانك
يا معيّن قلّي من مين
شهاده آخد بلسانك
المرّ . وعارف يا مسكين
كيف مطبّش أوزانك
بتغار من الحجّ سنين
وما بتتطعن غير بكتافو
طلال عكّو 3
يمكن لازملك تذكير
يا سطيلة بحر الأوهام
دلوة شعر بكعب البير
مْعلّق من ماضي الأيّام
عيف الحجّي دفّو يدير
و حاجي يا ضرّيب كمام
تعلّم منّي و صير كبير
المجد بتوقف ع حْفافو
سليمان طراد 4
ما شفت الردّ المسموم
و فرق الوقت الما خلّى
الا غراب النحس وبوم
يهجيني وشاعر إلّا
ع اللبوه والسبع بصوم
وما بفزع غير من الله
وقلبي وقت العندو لزوم
الزنبق بيغار وبيصير
يتوحوح عا نفنافو
طلال عكّو 4
انتو تنين بفرد لباس
رْفيق وقدرك بيعزّو
بتدقّوا للجرصة جراس
وقت العالم بيعزّوا
غراب و بوم بفرد قياس
وخلّك ساقب عا مزّو
و سبلات ال بتشنكح راس
فاضي بحسرة قطّافو
سليمان طراد 5
عاملي حالك مهضوم
مفكر مرقت ها الردّه
بلا ميّ مواجي مهضوم
يمكن ما فيك تهدّي
بدر اللي شبّه بالبوم
بدّو عا راسو مهدّي
وتا تجرحني ما في لزوم
تزعل منّي و وحدي بدر
حاسبتو عا اسفافو
طلال عكّو 5
سْطيله بتقدف موج بحور
بْلا ميّه تا تهضم نون ؟؟
وفكري بيقذف موج النور
تا يرجّح للشعر عيون
لا تتمرجل عا المغدور
بدرك سيدك ع المضمون
وشهاداتك كلها زور
ومش ناقص تحلف وتقول
انك الله بتخافو ..
سليمان طراد 6
بخاف الرب والله كتير
وما بخالف امرو مظبوط
وما بخطي خطوه تا تصير
حوريّاتي تغطّي شطوط
لاكن انتي يا تعتير
شيطان وبرّا بتشوط
ساعه بتفلت ع التنظير
ساعه بتعمل مشكل عيب
الموقع عندو إشرافو
طلال عكّو 6
شيطان مْن ذنوب ونار
الله بنفسك عاجنّي
و الحوريّه عقول صغار
بتنطرها يوم الجنّي
تنظيري الشعري منظار
تا اكشف فيك العنّي
و تتعافى بوزنك أشعار
ولا ترجع شي خثرة فكر
بْلونك تكسر اطيافو ..
سليمان طراد 7
يا عكّو مهما تركّو
عا القرّادب تا تهدّي
ولو ريش النسر تشكّو
براسك ما بتطلع قدّي
الحظر العا بدري فكّو
بدر مختير ها المدّه
تعيّنتو وما بتتحكّو
يمكن منّو بتخافو
طلال عكو 7
كافي تْجعدن يا ابن طراد
لا ريشه عندي ولا موس
ولا بكبسولة فرد ولاد
محرز كسّر فيها الروس
جاهل بغرورك منقاد
تعلّم اوعى خود دروس
واصحى تدافع عن أحقاد
القبلك حارق سلافو ..
.........
القصيد
سليمان طراد قصيد 1
ي عكّو حلّ عنّي و حلّ عنّو
اتركوني و لا بقا بإدني تزنّوا
انتو تنين بالموقع ختاير
طبيعي تخرّفوا و أكتر تجنّو
إلك سنتين داير ع السكاير
و على بطحة عرق بعرف لإنّو
بدر خلّاك تنسى الضحك صاير
تمشي متل ما بيمشي شرنّو
على كل حال ودّينا اشاير
فيكن بالخوابي تستكنّوا
خلّو القصف و التدمير داير
وانتي فشّ خلقك هيك منّو
و أنا و عدنان عنّا كلّ زاير
بيدخل ما ضحك للشعر سنّو
ما بنخلّيه ياكل بالفطاير
بيشرب خلّ ولبرّا بوّنو
لها الأسباب و الله ما بساير
ان جرحني بدر بدّي عفّ عنّو
فوتو و لا بقا تكسر دواير
إذا ما اليوم غنيّتو التحدّي
بيمرق عمركن مش رح تغنّوا
طلال عكو 1
يا بحر سطيلة مواجك بعبّك
م في صاحب إلك إلّا ما سبّك
بعركات الشعر طيشك تداعى
زبيبه و عود يابسها يقبّك
بْتجي تفتح بعنجهتك اذاعه
فال مْبيّض و فنجان طبَّك
لا فكره واضحه و لا في قناعه
شرنّو بعلقك المخروق دبّك
هرب ساعه وطرب دقات ساعه
خليط و كيف ربّك هيك صبّك
الفطاير مونتك يوم المجاعه
وإِلك منّي بعد حصّة مشبّك
أنا بالشعر ما عندي مُراعا
يا أعمى الدرب ع الوادي بكبّك
انتبه كافيك تتغنْج دلاعه
كبّ قشورك و حافظ ع لبّك
عندي هون ما فيلك شفاعه
واذا بيشدّ فيك الكون كلّو
قبالي بتنحني و حياة ربّك ..
سليمان طراد 2
احترم سنّك بقا و عراف كلّم
و علينا لا بقا بعمرك تفلّم
المواقع بدّها شعّار فطره
ما بدها لا إذاعي و لا معلّم
يا عكّو صار بدّك ألف قطره
بعينك تا تشوف و ما تظلّم
انشالله بيقطروك اليوم قطره
بتركتور أرضك عم يتلّم
حتى تصير يا مضروب اطرا
من النعنع واذا ما طريت بدّها
الحصيره بجلدك الناعم تعلّم
طلال عكو 2
يا بو شربل بشعري و التزامو
جايه الطيش انسفلك حزامو
كفا تحرتق عليّي بكلُ شارق
القَطر ع المثلك يشجدو لجامو
أنت يا سطيلة ل فايش و غارق
الحصير عليك شدّينا رزامو
كفاك تجيب أسم الفيك حارق
حداحيدك ما بتْعتُق رخامو
ال جَمع علمو المغارب والمشارق
وتحت جنحو فطاحل شعر ناموا
إذا بتكون وهج الشمس سارق
ومعك رعد السما مْحمّل مطارق
ما رح يرضى بعد جوعه طويله
بغشيم يْطارد و يكسر صيامو..
سليمان طراد 3
ي طلّوله التحدّي مش تعدّي
التحدّي تنهجا و تظل حدّي
وإذا بقسا عليكم لا تجنّو
الهدف تعطوا قصايد مستجدّي
و لأنك مبتدئ ..ها الشعر فنّو
أدب رغم القساوي و التحدّي
البحر موجود حدّك خود منّو
الفصاحه و البلاغه بكل ردّه
و إذا بتشوف مرّه بان سنّو
اعتبر بيكون واقع تحت شدّي
لأنو الشاعر البيزيد عنّو
بيصفّي يفقد بشعرو المودّه
لها الأسباب موجي اسآل عنّو
إذا بالمدّ عم يكتب قصيده
بيكون الجزر عم يسكر بردّه
......
وأنا ما كان بدّي ها التباري
لإنّو ما بنزّل من عياري
عطيتك فرصتك تا تكون ماكن
طلعت يا خطيّتك بايع و شاري
قلبك أسود و وجّك الداكن
كأنك ديب عايش بالبراري
برمت عليك ب كل الأماكن
مفلّس لا علوم و لا مصاري
حرف علّه لا مرفوع و لا ساكن
عرفت جنيّت و شربت المخلل
بعد ما عيّنك حجّي إداري
.....
وقبل ما تجن وتبلّش هجايي
عليّي تسمّع و ردّد ورايي
أنا عكّو الشفت اسمي ورنّش
بعد ما عينوني بالولايي
معقرب موقفك معنا ومحنّش
تبخّ السمّ تا تعمل دعايي
انتبه لو شفتني عنّك مطنّش
مش معناتها تكنفش تذكر
بحر الشعر ما كبّ العصايي
.....
انت و الحجّ أخوه بالأذيه
بتغفو ع وعد عقرب و حيّه
الحقد بقلوبكن الله ينجّي
المواقع من حسد للعبقريه
برو إيدين بدر من الترجّي
حتّى يعلمك عا الشاعريه
سألتو البدر قلتلو يا حجّي
ليش تهمت عكّو بها القضيه
قلّي قراص طعميتو و عجي
و كويتلو تيابو في يديّي
و كان يلمّع السمعه بوجّي
ويقلي انت استاذي يا خيّي
غدرني بعد ما تعلّم يهجّي
وحظرني عن خوابيكن وهلق
عرفت عكّو في عندو سوء نيّي
.....
وقبل ما عاتب الحج بغيابو
و أكسر ألف جرّه عا بوابو
و قلّو الدرب يا حجّي المسكر
انشالله يشمّعوه على عتابو
انت يا حجّ حجّاوي تذكّر
مين الشال عكّو من ترابو
صرت تدرّبو تطعميه سكّر
حتّى الناس تستطيب شرابو
أخونا رقم أوّلاني مفكّر
بخوابي العبقريه مع صحابو
تاري ما بيعرفنا معسكر
و حرب شعّار صارت ع بوابو
لكن ليش ل فضلك تنكّر
و عليك كتير تقّل في عتابو
حسابو بعد قولك ما تسكّر
وانت ما خلصت لسا من كتابو
الوزن و القافيه ها الجوّ عكّر
و لمّا بينفضح بيصير يبكي
تا تيسرح دمع عينو عا تيابو
......
و إذا عدنان ما بياخد قرارو
يوتّك من الموقع تا جرارو
خلفك تنكسر و نقول ولّى
عهد الأنحطاط و إحتضارو
بدّنا نقوم ثوره و حرب إلا
إذا غير بها الموقع خيارو
و حطّك بيض بالزيت المقلّى
و فرم فوقك سبانغ مع خيارو
بدّي بهدلو و حياة الله
و قلّو الموقع بهدّم حجارو
و برجع اقصفو من فنزولا
يا إمّا بيطردك و يجيب بدري
يا إمّا الموقع بقرّر دمارو
طلال عكو 3
إذا بحرك صفي شَلّه ع شَلّي
بْتبقى رسْم أطفال بْمجلّي
كفا تلبس بهالثوب المرقّع
و كلامك تحسبو للناس غلّه
أنا ما جيت تا البالون افقع
ضروري أتركو فارغ يعلّي
بنهج البهوره واقف مقوقع
نتاج الفكر حجّاوي يا ذلّي
عنّي مستجد الحُكم تشقع
كأنك انت شاعر بالتجلّي
استحي عا شيبتك في هيك موقع
و كفا تزاود علينا بظرف قلّي
انت سقفك زمان كثير نقّع
يا جايه تزقّ ميّاتك بسلّه
افرقني يا أبو الوجه المسقّع
و لحتّى تصير تفهم بالبلاغه
تعا عا هيكلي تناول و صلّي .
.......
و لحتّى فهّمك بو الطّل مينو
علّي راسك بشمخة جببنو
تحت باطي كنت شي الف طالع
عا شكلك جاهل مضيع سنينو
وإذا صفّ القوافي فيك والع
انت محسوب ع الله بيعبنو
لا عندك من رخاماتي مقالع
و لا كنز الفكر قادر تزينو
أنت انجق قشور الشعر بالع
غرورك قاتلك تا العقل صفّى
خميره فاسده بخلطة عجبنو ..
........
و إذا بدرك بعتماتك ومالك
لإنّك عا شكل وجهو خصالك
المعلّم يا صبي كلمه تذكّر
بقدس حروفها وسّع مجالك
المعلّم فرحتو خمره ت تيسكر
إذا جهدو انذكر لمحه بخلالك
و أنا أصلي لبدرك ما تنكّر
قلت عنّو الف مرّه بدالك
إذا ضايف ع شهدك ذَر سكّر
مش معناتها من الجوع شالك
وإذا يا طراد فيك العقل سكّر
بسيطه شيل عن سرجك حمالك
كفاك تصيد بالوحل المعكّر
لا عقلك رح بيصبح يوم جالس
و لا فكري أنا بقروش شالك ...
.......
انت يا طراد من منطق غباوي
بْتجي تتهضمن و تعمل شقاوي
تعا يا مْهرّج المسرح تقلَّك
الفرق بيناتنا و ما في عداوي
أنا ما شلتَك و من مستهلَّك
ما مرّه عنيتني بلسان راوي
انت عا موجة الأوهام ظلَّك
انا ظلّي نحت صخر القساوي
انت مرسال يا ذلّو و ذلَّك
أنا رسالة عهد من سفر لاوي
أنت عا جرصة العالم مطلَّك
أنا مطلّي حلا الشردات حاوي
انت موسم حصادو زوان غلَّك
انا غْلالي وفا و حقّ و تساوي
انت شاعر بزخم الحرف سلَّك
أنا سلوكي ت جرح الشعر داوي
و شو بدّي بعد عدّلك و دلَّك
دليلك بالعقل لو كنت ناوي
وإذا مْفكّر خموري قبال خلَّك
يخزي العين شو عندك ذكاوي
وإذا مْربّح جميله الشعر هلَّك
و مفضل ع الزجل سيّد و هاوي
نصيحة خيّ بالشخصي بِجلَّك
و خايف عا زجلنا من التهاوي
بذات القوقعه كافي تظلّك
و قصايد طالعه طحينه بحلاوي
لا شعْرك بالعمق مرّه تملّك
ولا عْندك جوهره تلمع نقاوي
و تتصبح في مقام الفكر حلَّك
ترفع مستوى الكلمه الوضيعه
و عن العينين تمسح هالغشاوي ....